Frábær árangur

það geta allir verið stoltir af strákunum þótt úrslitaleikurinn hafi ekki unnist. Það kemur bara næst.

Góðar stundir.

Íslendingar taka við silfrinu

Var einhver að tala um ljóskur?

Ekki veit hvort goðsögnin um heimsku ljóskunnar eigi við rök að styðjast, en er þetta ekki eitthvað í áttina að svarinu sem margir velta fyrir sér????

Góðar stundir.

Bloggvinur í heimsókn

Í gærkvöldi kom Jói bloggvinur minn í heimsókn. Einhvern veginn þá er maður búinn að mynda sér skoðanir á því hvernig fólk lýtur út sem maður hefur verið að skiptast á skoðunum við á blogginu, nú eða verið í símasambandi við eins og ég og Jói, og reyndar margir fleiri af mínum bloggvinum, og trúið mér, hugmyndaflugið hjá mér er býsna fjölbreytt og frjótt í þeim efnum...

Það verður ekki farið út í þá sálma hvernig og hvaða mynd ég var búinn að teikna upp af Jóa í hausnum á mér, en ég get þó sagt það að hann lýtur eiginlega allt öðruvísi út sem sú mynd sem ég var búinn að framleiða... Ég veit að þú skilur þetta félagi...

Í stuttu máli þá áttum við saman frábæra kvöldstund og ræddum náttúrulega eitthvað aðeins um sjávarútveginn og margt fleira. Að sjálfsögðu var ekki nokkur vandi að leysa þau vandamál sem að sjávarútvegnum snýr, frekar en önnur vandamál í þjóðfélaginu. Ég held svei mér þá að við tveir ættum bara að fara á þing, þessir andsk..... aular sem þar eru hafa hvort sem er ekki hundsvit á því hvernig leysa á svona smámál sem eru að pirra okkur...

Um daginn fórum við hjónakornin örstuttan helgarrúnt. Vestfirðirnir voru tæklaðir á mettíma með litla fellihýsið hennar Huld í eftirdragi... Á þessum örstutta rúnti hittum við nokkra góða bloggvini, Níels vinur minn á Tálknafirði tók á móti okkur með miklum glæsibrag, þar sem mín ektafrú átti afmæli akkúrat þennan dag þá hengdi Níels á sig svuntuna og framreiddi þessa dýrindis veislu sem var að sjálfsögðu gerð góð skil og kunnum við honum bestu þakki fyrir.

Áfram var haldið og á Ísafirði hittum við Ásthildi Cesil sem tók á móti okkur með miklum myndarskap, þar var stoppað í kaffi og spjallað um heima og geyma eins og verða vil í fjörugum hópi. Nóttinni eyddum við svo í litla fellihýsinu hennar Huld í einhverjum dal sem gengur inn úr Bolungarvík...

Daginn eftir hitti ég enn einn bloggvin hann Berta, Berti á bát með enn öðrum bloggvini mínum sem heitir Páll, Það var gaman að hitta Berta og spjalla svona augliti til auglitis enda höfðum við eingöngu talað saman í síma, því miður hitti ég Palla ekki í þetta skiptið en það gerist bara næst. Ég held að Palli hafi verið að leita að veskinu sínu...

Í leiðinni fórum við upp á Bolafjall að dást af útsýninu sem var stórkostulegt enda var veðrið eins og best verður kosið. Þarna uppi sá ég ákveðna persónu og í hreinskilni þá voru ansi fjölbreyttar hugmyndir sem þutu um kollinn á mér hvað mætti helst gera við ónytjunginn. Ég að sjálfsögðu sagði minni ektafrú frá nokkrum af þessum hugmyndum og var eiginlega rétt að komast á skrið í frásagnargleðinni þegar mín harðbannaði mér að fara út úr bílnum meðan ónytjungurinn var á svæðinu. Já útsýnið á Bolafjalli er frábært (út um bílgluggann)...

Góðar stundir.

Rauður dagur í dag.

Hvað er hægt að hafa þetta betra? Liverpool vann, ókey, ókey ég veit það það var heppnisstimpill yfir jöfnunarmarkinu sem jafnast svo út með frábæru sigurmarki Gerrard. En djöfull var þetta erfið fæðing ég var eiginlega búinn að afskrifa þetta en svona er boltinn, fúll of sörpræses.....

Nú svo er Massa á ráspól í formúlunni, (rauður að sjálfsögðu) síðan verður þrennan fullkomnuð í fyrramálið, handboltastrákarnir spila í rauðu, ég tek það fram ég er enginn helvítis kommi, rautt er einfaldlega fallegur litur.

Góðar stundir.

Gerrard tryggði Liverpool sigur

Massa frábær

Keppnin á morgun verður án efa stórskemmtileg, eitthvað segir mér að það verða mikil afföll og allskonar uppákomur í keppninni. Massa stóð sig vel og náði loksins ráspól á meðan Räikkönen er í einhverjum vandræðum með bílinn. En eins og einhver sagði, þetta er alveg að koma...

Þangað til á morgun,

Góðar stundir.

Massa hreppti ráspólinn

Kafari fer niður með trollið !!!

Eitthvað hefur skolast duglega til hér. Hvað er kafarinn að gera við trollið sem duflið kom í? Þeim vantar kannski í soðið gæslumönnum og kafarinn látinn taka eitt hal svona í leiðinni fyrst hann á annað borð er kominn í hafið. Hvernig duflið fer síðan niður kemur sjálfsagt í næstu frétt.

Og vel að merkja þá er myndin með fréttinni af Þorvarði Lárussyni frá Grundafirði. Hér til vinstri er svo mynd af Gullver frá Seyðisfirði.

Góðar stundir.

Fékk tundurdufl í trollið

Skipbrotsmenn með sært stolt, eftir hverju er beðið?

Fréttablaðið, 22. ágú. 2008 04:00

Á þurru landi Það fjaraði undan bátnum og eigendur biðu eftir flóði til að draga hann til hafnar.MYND/HALLDÓR sveinbjörnsson

 

Þrír þýskir ferðamenn komust í hann krappann í gær. Þeir voru að veiðum við Skarfasker, undir Óshlíðinni Ísafjarðar megin, þegar skrúfan rakst í sker með þeim afleiðingum að hún varð óvirk. Vélarvana bátinn rak í land og þaðan fjaraði undan honum.

Ekkert amaði að ferðamönnunum þremur og gátu þeir gengið þurrum fótum í land. Fínasta veður var þegar óhappið varð, nánast blankalogn. Báturinn er í eigu ferðaþjónustunnar Sumarbyggðar á Súðavík.
Vilborg Arnarsdóttir, framkvæmdastjóri Sumarbyggðar, segir atvikið hafa verið minni háttar.

„Þeir voru einhverja 2-300 metra frá landinu og skrúfan fór í sker sem þeir sáu ekki á kortinu. Klettanefið stendur svo langt út hér þar sem þeir voru. Þeir gátu í raun ekkert gert þar sem skrúfan fór og hringdu eftir hjálp," segir Vilborg.

Hún segir ekkert vera að bátnum, en annar var sendur til að draga hann á flot. „Hann stendur hins vegar alveg á þurru núna þannig að við bíðum bara eftir næsta flóði og drögum hann þá í höfn. Það er bara skrúfan sem hefur farið."

Þýsku ferðamennirnir voru heldur niðurlútir þegar þeir komu í land og ekki laust við að stoltið hefði beðið smá hnekki.- kóp Frétt lýkur.

Hvar fengu þessir menn nám í siglingarfræði? Hvernig stóð á því að Landhelgisgæslunni var meinað að reka í land þessa svo nefndu frístundabáta fyrir vestan sem þeir fóru um borð í á dögunum? Í skoðun Gæslunnar gat enginn af þeim sem um borð í þessum bátum voru, framvísað siglingarréttindum, jafnvel ekki einu sinni persónuskilríkjum. Eftir hverju er verið að bíða? Er í alvörunni verið að bíða eftir stórslysi?

Góðar stundir.

Grenjandi hamingja í skuldunum !!!

Hver gleðifréttin á eftir annarri birtast okkur um frábærar veiðiferðir Íslenskra skipa. Gullæðið greip um sig í Makrílveiðum, met verðmæti úr Barentshafi, smábátar fiska sem aldrei fyrr. Er þá ekki bara allt í þessu fína eða hvað?

Heitasta ósk Líú varð að veruleika, gengið er vitlaust skráð, það verður að lækka, svona hljómaði Líú kórisöngurinn og það lækkaði alveg eins og eftir pöntun, en gleymdist eitthvað í söngnum? Skoðum málið.

Skuldir sjávarútvegsins um mitt ár 2007 voru um það bil 307 milljarðar, mér er til efs að halda að allir kvótavöndlarnir séu meðtaldir, en gott og vel nóg er það samt. Söngurinn skilaði árangri og gengið féll, og það heldur hressilega svona ein 40%. Allt veður upp öll aðföng sjávarútvegsins hækka sem þessu nemur, olían veður upp í hæstu hæðir og merkilegt nokk, helvítis skuldirnar líka.

Það mætti kannski segja að Líú kórinn hafi sungið sinn eigin jarðarfarasöng. Eitthvað fer lítið fyrir söngnum um hagkvæmni, arðsemi og sjálfbærni þessa dagana, enda er ekkert slíkt í spilunum. Söngurinn er eitthvað á þessa leið, sjómenn verða að borga brúsann, sjá hér. Nú misminnir mig ekki neitt, í fyrrasumar söng Líú kórinn, sjómenn verða að taka þátt í kvótaleigu. Þarna var verið að tala um kvótaleigu á þorski í Barentshafi og kílóið átti að kosta 60 til 65 krónur. Takið eftir, þetta þótti Líú svívirðilega há kvótaleiga. Á sama tíma var Líú að leigja frá sínum vildarvinum þorsk á Íslandsmiðum upp á 180 til 220 krónur kílóið, í dag er leigan 240 til 250 krónur kílóið. Það er ekki sama hver er, kvótagróðapungur á Íslandi eða Noregi.

Ekki stóð sjómönnum til boða að fá tekjur út úr þessu leigubraski frá vildarvinum Líú, nei þvert á móti var boðið upp á að borga leigu í Barentshafi. Útgerðin er meira og minna í eigu fiskvinnslunnar og ræður vinnslan að stórum hluta því fiskverðinu sem sjómönnum er skammtað. Á einfaldri Íslensku er þetta dulbúin þátttaka sjómanna í kvótaleigu.

Nú skulu sjómenn borga meira og hækka skal kostnaðarhlutdeildina, í dag er hún 30% og hefur verið svo um árabil og Líú grenjar eftir meiri stuðningi sjómanna. Þeir sem ekki skilja hvað kostnaðarhlutdeild er þá er það mér hugljúft að fræða viðkomandi. 30% af aflaverðmæti eru dregin frá strax í olíukostnað og restinni 70% fara síðan til skipta. Af þessum 70% fara síðan á bilinu 26 til 31,5% til launaútreikninga sjómanna.

Dytti einhverjum í hug að opna verslun og láta afgreiðslufólkið borga 30% af rafmagns og hitareikningnum? Já eða bara hvaða rekstri sem er, ekki er ég viss um að flutningabílstjórar yrðu yfir sig ánægðir með svona kjör.

Góðar stundir.

Aflaverðmætið 162 milljónir króna

Brotlending á ofbeldinu

Það vantar ekkert upp á vælið og nú skal spila sig sem píslavott. Hvernig hafa Íslensk stjórnvöld hagað sér? Jú sem sendisveit Líú og græðgivæðingarinnar ekki satt?

Í fréttinni er meðal annars sagt "Viðræður hafa verið milli þjóðanna um karfastofnana án þess að það hafi skilað niðurstöðu en nú verður lögð áhersla á að reyna að semja um grálúðustofninn sem er mikið ofveiddur. Samkomulag er í gildi um aðra íslenska deilistofna, vitaskuld fyrir utan makrílinn sem hefur komið sterkur inn í ár.

Íslendingar hafa ekki fengið aðild að ákvörðunum annarra strandþjóða um heildarkvóta á makríl og skiptingu hans á milli þjóðanna og hafa mótmælt þeim. Fulltrúar strandþjóðanna hittast í október til að ræða stjórnun makrílkvótans á næsta ári. Þótt veiðar Íslendinga skipti augljóslega miklu máli hefur fulltrúum héðan ekki verið boðið að samningaborðinu og engar vísbendingar um að slíkt boð komi.

Stjórnun fleiri íslenskra deilistofna er í uppnámi" Tilvitnun lýkur.

Er Makríllinn sem Líú mafían hefur verið að stunda sjóræningjaveiðar á Íslenskur deilistofn? Hvað getur yfirgangurinn og hræsnin gengið langt? Ef Makríllinn er Íslenskur deilistofn þá hljóta aðrir stofnar sem flakka á milli landa að vera deilistofnar, þær þjóðir sem veiða úr þeim veiða einfaldlega að eigin vild eins og Líú vil hafa hlutina þegar það hentar þeim, hlutirnir geta aldrei verið einhliða, ekki satt?

Ofbeldisaðferðir Líú er að brotlenda.

Góðar stundir.

 

Nágrannar deila um deilistofna

Þegar sjálfstæðismenn sparka í afturendann á

sjálfum sér er fyrst hægt að tala um að ballið sé byrjað fyrir alvöru í Valhöll. Spurning hvað kvikindi telst flottast á ballinu og fær að vera næsta hækja. Stjarna Sjallanna hefur tjáð sig sjá hér og nú verður tekið til. Veiku hlekkjunum verður hent í ruslið og eins og áður segir spurning hvað liðleskju lík verður gróðursett í staðinn.

Góðar stundir.