Sægreifinn sem slökkti ljósið og hvarf

Enn og aftur skrifar Dv.is um sægreifana og hvernig farið er með sameign þjóðarinnar, lífæðar byggðarfélaganna á landsbyggðinni. Eitt vantar þó í þessa upprifjun um Hinrik og Flateyri. Kambur fékk úthlutað á sínum tíma byggðarkvóta (sérstaka úthlutun) til þess meðal annars að hjálpa þeim á stað í uppbyggingu Kambs, mig minnir að þetta hafi verið 300 til 350 tonn af þorski.

Á einhvern dularfullan hátt varð þetta steinþegjandi og hljóðalaust að eignarkvóta þeirra Kambsmanna og var þar af leiðandi í pakkanum sem Kambur seldi í fyrra. Hvernig þessa sértæka úthlutun gat orðið að eign þeirra er eitthvað sem mætti skoða betur. Ég hefði haldið að þessi sértæka úthlutun (kvóti) hefði eðli málsins samkvæmt átt að bíða þeirra sem vildu taka við og halda uppi starfsemi á Flateyri.

En að sjálfsögðu var ekki boðið upp á slíkar dýrðir og munað, menn verða að vera í réttum flokki og með réttar upplýsinga til þess að upplifa dýrðina. Um skrif Dv má svo lesa hér og nefnist einfaldlega Sægreifinn sem slökkti ljósið.

Góðar stundir.

Undirbúningur hafinn að lokaskrefunum.

Á vísir.is kom þessi frétt og þarf svo sem ekkert að koma á óvart. Bankarnir eru komnir á bólakaf í drullusvaðið eftir geðsjúka stefnu í veðsetningum á sameign þjóðarinnar (aflaheimildum) Bankarnir bera langmesta ábyrgð á því hvernig verðþróunin á sameign þjóðarinnar (aflaheimildum) er háttað. Að halda því fram að framboð og eftirspurn hafi ráðið för er líklega glæpsamleg lygi.

Sama dag og menn fóru að versla með sameign þjóðarinnar byrjaði ballið, skuldirnar hafa aukist jafnt og þétt og nú síðustu ár hafa skuldirnar rokið upp sem aldrei fyrr. Allt tal um hagkvæmni, sjálfbærni og gríðarlega arðsemi er málflutningur sem stenst engin rök, nær væri að tala um alvarlega afneitun, þróunin á skuldum sjávarútvegsins frá árinu 1991 sanna það svo ekki verður um villst.

En aftur að fréttinni, hver skildi vera raunveruleg ástæða fyrir því að Ásgeir Jónsson, forstöðumaður greiningar Kaupþings sé það svo hugleikið að hækka kvótaþakið á fyrirtæki í sjávarútvegi? Það skildi þó aldrei vera að menn þar á bæ séu að vakna upp eftir partíið með hroðalega timburmenni og átta sig á því að skuldirnar sé aldrei hægt að borga?

Þá er ekki úr vegi að búa til MAX 10 fyrirtæki, á fagmáli kallast það bráð nauðsynleg sameining sem að sjálfsögðu bankarnir ákveða hverjir koma til með að "(eiga)" og stjórna. Því stjórnar enginn annar enda "telja þeir (bankarnir) sig eiga fiskinn skuldlaust í sjónum" Þessir svokölluðu "eigendur" sem fá að stjórna eru í raun þrælar bankanna og eru kúgaðir til hlýðni annars býður ískaldur klakinn sem tekur fagnandi við gróflega misnotuðum afturendanum á óstýrilátum þrælunum.

Að þessu markmiði hefur verið stefnt að leynt og ljóst frá upphafi með auðfenginni aðstoð Sjálfstæðismanna og um tíma Framsóknarmanna sem á einhvern dularfullan hátt komast upp með það að hygla auðvaldinu á kostnað hins venjulega borgar þessa lands. Öllu er flaggað til og engu eirt, heilu byggðarlögin eru lögð í rúst á þessari viðbjóðslegu leið sem er í boði stjórnvalda.

Ásgeir telur einnig að það séu engin rök fyrir því að erlendum fjárfestum sé haldið utan við sjávarútveginn, hagfræðileg rök fyrir þessum þankagangi Ásgeirs eru væntanlega að best sé að útlendingarnir borgi brúsann sem komin er að fótum fram eftir algjörlega misheppnaða tilraun bankanna í stjarnfræðilega biluðu Excel ævintýri sem aldrei, frá fyrsta degi gat gengið upp.

Það verður fróðlegt að sjá viðbrögð Samfylkingarinnar við þessum boðskap. Samfylkingin boðar fyrningarleið á kvótakerfinu. Sem einnig er galin hugmynd útaf fyrir sig, fyrningarleið á mannréttindabrotum er eitthvað sem engum siðmenntuðum þjóðum dettur til hugar að bjóða upp á.

Góðar stundir.

Sorp sægreifanna

Á Dv.is fer Svarthöfði nokkrum vel völdum orðum um sægreifana og hvernig þeir sinna samfélagsskyldu sinni. Greinin heitir Sorp sægreifanna og mæli ég með þeirri lesningu.

Góðar stundir.

Bowling getur valdið misskilningi !!!!!

Hver sagði að bowling væri leiðinleg íþrótt?

 Góðar stundir.

Stofninn hruninn!!!!!

Hver man ekki eftir þessum fréttum? Sandsílisstofninn hruninn og ekkert nema svart framundan, svona ómuðu fréttir og tilkynningar frá Hafró og söngurinn byrjaði fyrir þremur árum síðan. Merkilegt verður að teljast hvernig þetta getur verið að gerast úr stofni sem var hruninn.

Er ekkert til hjá Hafró sem heitir að fiskurinn í sjónum hafi sporð og færi sig til eftir skilyrðum? Breytt skilyrði er ávísun á breytta hegðun íbúa hafsins, þetta er engin stjarneðlisfræði, í raun er þetta sáraeinföld líffræði og á einnig við um þá sem eru á þurru landi.

Góðar stundir. 

Meira finnst af eins árs síli

Glæsilegt eða er einhver reisn yfir þessu???

Frétt á visir.is

Þúsund tonn á þessu kvótaári

 

"Netabáturinn Bárður SH frá Arnarstapa, sem er svonefndur hraðfiskibátur í stærri kantinum, hefur borið rúmlega þúsund tonn að landi á þessu kvótaári, sem er að ljúka. Aðeins þrír menn eru í áhöfn þannig að það lætur nærri að afli á hvern áhafnarmeðlim sé 350 tonn á tímabilinu. Vísi er ekki kunnugt um meiri bolfiskafla á sjómann hingað til og segja kunnugir að þetta kunni að vera heimsmet"

Sannarlega er þetta glæsilegt hjá strákunum á Bárð en ekki er allt gull sem glóir. Bárður SH fékk úthlutað 262 tonn af þorski á þessu kvótaári. Þessi mikli afli sem strákarnir á Bárð hafa landað er að langmestu leiti þorskur sem leiðir hugann að öðru heimsmeti.

Það segir sjálft að leigt hefur verið óhemjumagn af þorski á þessu fiskveiðiári á Bárð SH sem gerir þeim kleyft að veiða þetta magn, þá er það einsýnt að ef um heimsmet er að ræða í aflamagni á sjómann er að ræða, þá hafa þeir einnig sett glæsilegt heimsmet í þrælkun, LEIGUÞRÆLKUN. 

Er það heimsmet sem allir eru stoltir af og ástæða þykir til að birta fréttir af í öllum fjölmiðlum? Er ekki frekar ástæða fyrir fjölmiðla að ræða þrælkunarhald, ofbeldi og mannréttindabrot sem Íslenskir sjómenn er beittir? Það væri meiri sómi af því frekar en svona algjör meðvirkni með hroðalegasta fiskveiðistjórnunarkerfi í heimi.

Góðar stundir.

Snýst þetta eingöngu um

að kaupa bara einhvern gaur af því hann lofaði stuðningsmönnunum það? Annað hvor er Benítez orðinn geggjaður eða fréttaflutningurinn afspyrnu lélegur.

Komandi tímabil fer að verða áhyggjuefni ef áherslurnar eru eitthvað á þennan hátt.

Benítez enn á eftir Barry

Það er sagt að lífið

sé ekkert sjálfsagt og sá einfaldi hlutur að vaka aftur eftir góðan nætur svefn sé í raun kraftaverk út af fyrir sig. Um þessa hluti hugsar maður ekki, í það minnsta ekki dags daglega. Svo koma skellirnir og eins og ævinlega eru þetta eins og þrumur úr heiðskýru lofti, enginn er tilbúinn, fyrirvaralaust fellur nákominn fjölskyldumeðlimur frá, við sitjum og spyrjum okkur, af hverju, hvernig gat þetta gerst?

Það dimmir yfir öllu, sólríkur dagur verður sem dimm nótt, partur af mann hverfur og tómarúmið virðist ægistórt sem aldrei verður fyllt að fullu. Þessi sáraeinfaldi hlutur eins og að vakna aftur að morgni breytist í martröð. Svili minn var bráðkvaddur aðfaranótt föstudags rétt fimmtugur að aldri margar spurningar vakna, svörin vantar við þeim öllum og verður sjálfsagt seint eða aldrei svarað.

Ýmislegt hefur dunið á í fjölskyldunni síðustu daga, bæði tengda Pabbi og tengda Mamma voru nýlega lögð inn á sjúkrahús í mjög erfiðar aðgerðir. Svo virðist sem þær hafi tekið með afbrygðum vel og eru þau bæði komin heim aftur. Eins og gerist og gengur eftir svona aðgerðir þá tekur tíma að jafna sig og ná fullum styrk á ný.

Næstu daga og jafnvel vikur verð ég að sinna gömlu hjónunum, það er mér sérstök ánægja að stjana við þau og reyna eftir bestu getu að gera þeim lífið eins auðvelt og skemmtilegt sem verða má.

Það er einhver ró sem færist yfir mig við þetta lag.         

Einnig hef ég dálæti á þessu lagi.

Á meðan. Góðar stundir.

Er komið að skuldadögunum?

Evrópureisan sem þeir prelátar Einar K og Jóhann Sigurjónsson fóru í fyrrasumar og boðuðu meðal annars algjört hrun þorskstofnsins er heldur betur að skila sér. Ef ég man rétt þá var boðskapnum gerð rækileg skil einmitt í Sviss, og er svo einhver hissa?

Rökin sem Hafró notar fyrir arfabrjálæðri stefnu sinni birtist mönnum á endanum í hinum merkilegust myndum og gjörðum....

Eitthvað fer einkennilega lítið fyrir umræðunni um viðbrögð stórmarkaða og verslunarkeðja í Ameríku sem eru hver á fætur annarri að henda út Þorski og taka inn ódýrari afurðir...

Góðar stundir.

Lokað á villtan þorsk

Ef tæknileg vandamál eru að

hrjá skuldatryggingaálagið á bönkunum, þá er þessi töffari væntanlega nokkuð fróður um hvernig leysa skuli svona smá tæknileg vandamál og mistök!!!!!!.....

Góðar stundir.

Tryggingaálagið tæknilegt vandamál