Rammvilltur í svartholi eigin hugarheims

Hvernig í ósköpunum getur þessum vafalaust ágæta manni, Jóhanni Haukssyni heimsspekingi dottið það til hugar að þetta hér sé eitthvað sem virkar og gagnast af einhverju viti á þennan stórmerkilega samansetta hóp sem kallast sjálfstæðismenn.

Ef ég ætti að leggja eitthvað til í þessa umræðu þá væri það ágætis lexía fyrir hópinn að verða settur í útlegð, til dæmis í Surtsey og það mætti hugsa sér eina ferð með þyrlu á tveggja mánaða fresti út í eyna. Þá er ég ekki endilega að hugsa þessa ferð með einhverjar nauðsynjar, nei svo rétt til að kanna hvort einhverju stjörnuljósinu hafi dottið það til hugar að strjúka.

Hannes Hólmsteinn verður ekki í vandræðum með að flytja hverja þrumuræðuna á eftir annarri um hvernig hjörðin kemst af með því að nýta það sem náttúran gefur af sér.

Góðar stundir.

Nöfn fyrirtækja ekki rædd í miðstjórn

Var þetta grís eða heppni?

Spyr sá sem ekki veit neitt um leiki dagsins enda var vaktin staðin í búðinni að venju. Það er eitthvað sem segir mér að það séu einhverjir þarna úti stútfullir af fróðleik um gang mála í leikjunum og fræða mig væntanlega eitthvað um þessi mál af alþekktri hógværð....

Að venju þá óska ég aðdáendum United til hamingju með sína menn, ég hef gerst sekur um að sniðganga aðdáendur annarra liða svo sem Arsenal og Chelsea og er bætt úr því hér, til hamingju með ykkar lið...

Góðar stundir.

Macheda hetja United annan leikinn í röð

Nú erum við að tala saman

Já sæll, það var ekki við öðru að búast frá þessu frábærasta liði allra tíma í sögu enska boltans....

Verið svo góð við hvert annað...

Góðar stundir.

Liverpool burstaði Blackburn og fór á toppinn

Sökudólgurinn fundinn

Þeir voru ekki í vandræðum strákarnir í þessum dýrðarinnar flokki með herra N 1 í broddi fylkingar að finna þann sem ber ábyrgðina á þessum millum sem troðið var upp á þá sjá hér.

Þetta verður að teljast með stærri óþverrabrögðum seinni tíma að læða inn bakdyramegin þessum örfáu millum án þess að nokkur kjaftur í flokknum, hvorki æðstu strumpar flokksins eða lægra settir páfagaukar hefðu nokkra hugmynd það. Enda kom það á daginn eins og þeir segja hver um annan þveran þá höfðu þeir ekki hinn minnsta grun um þessar millur.

Ekki trúi ég því að nokkur einasti hálf eða heilvita einstaklingur láti sér detta það til hugar að þessir englar fari að ljúga að okkur um þessa vanþekkingu sína á eigin flokki....

Á þessi snilldar setning ekki ágætlega við um allt ruglið sem út úr þessi lið hefur hrokkið síðasta sólahring? Þetta kemur á daginn þegar líður á nóttina....

Góðar stundir.

Framhaldið í höndum formannsins

Sumir vilja nefna hlutina öðruvísi en aðrir

Það væri haugalygi ef maður héldi því fram að gamli DV orðhákurinn Jónas Kristjánsson talaði eins og sunnudaga skólastrákur þegar hann sér ástæðu til að tjá sig um menn og málefni. Skoðum smávægilegt sýnishorn frá orðháknum um atburði síðasta sólahrings.

"Jónas Kristjánsson er þekktur fyrir að tala skýrt og afdráttarlaust í hundrað orðum. Í dag sýnist honum siðferðinu vera ábótavant í foringjasveit Sjálfstæðisflokksins.

"Helstu foringja Sjálfstæðisflokksins rekur án stýris um gráu siðferðishöfin. Formaðurinn nýi kemur úr einu af frægum fyrirtækjum samráðs gegn almenningi, bensínbransanum. Varaformaðurinn fékk tugmilljón króna kúlulán út á andlitið á sér. Annar leiðtoginn í Reykjavík fékk milljarða innspýtingu í illa rekinn sjóð, hinn fræga sjóð 9 í Glitni. Hinn leiðtoginn í Reykjavík er margsaga um afskipti sín af tugmilljóna herfangi Flokksins úr FL Group og Landsbankanum. Frægasti frambjóðandi Flokksins á Suðurlandi er gamall tukthúslimur fyrir hirðusemi í opinberum rekstri. Samanlagt er þetta nokkuð sjúskaður flokkur."

Þeir sem áhuga hafa geta svo skroppið á heimasíðu orðháksins skemmtilega hér, ég viðurkenni það án þess að vera beittur þrístingi eða grófu ofbeldi að ég hef mjög gaman að því að lesa það sem Jónas skrifar.

Góðar stundir. 

 

Upplýsir ekki hverjir leituðu styrkja

Kennslustund í fótbolta og lærlingarnir

að þessu sinni voru leikmenn og þjálfari (Benni brosmildi) Liverpool. Það þarf ekkert að kenna mér neitt í þessum efnum enda hundvanur öllum fjandanum frá þessu liði og búinn að vera aðdáandi Liverpool síðan, ok látum það liggja milli hluta...

Nú er ekkert annað í stöðunni en girða sig duglega í brók (helst síða) og svara fyrir sig í seinni leiknum. Það væri á móti öllum reglum ef ég sleppti þessu lagi, njótið og verið góð við hvert annað...

Góðar stundir.

Frækinn sigur Chelsea á Anfield - Barcelona burstaði Bayern

Á hvað vegg hljóp íhaldið?

Ástæðan er einföld þegar málið er skoðað aðeins betur, sjálfstæðismenn reyna með öllum mætti að verja sína menn, (kvótagreifana)

Að setja þvílíkan óskapnað í stjórnarskrá þar sem stendur að bannað sé að veðsetja auðlindir þjóðarinnar er ekkert sérlega upp á pallborðið hjá íhaldinu, nei þeir eru samir við sig og styðja það með öllum ráðum að nokkrir útvaldir geti veðsett sameign þjóðarinnar upp í rjáfur og reyndar langt upp fyrir rjáfur.

Hvernig þetta stjörnuljós, það er þessum lögfræðingi sem fékk það út að kvótinn væri nú þegar í einkaeign sjá hér er ótrúlegra en allt sem ótrúlegt er... Í guðanna bænum þeir sem þekkja eða vita hver þetta fáránlega illa upplýsta stjörnuljós er vinsamlega látið hann lesa þetta sem er hér fyrir neðan þangað til hann skilur um hvað þetta fjallar og hvað þetta i alvörunni þýðir.

Tilvitnun í lögin um stjórn fiskveiða: I. kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum" Tilvitnun lýkur.

Góðar stundir.

Deila um fleira en stjórnarskrá

Jæja þetta lagast bara með degi hverjum, hvað næst?

Það er eftirsjá í Guðrúnu Maríu og vil ég þakka henni fyrir þau störf sem hún hefur unnið fyrir flokkinn af miklum heilindum og ósérhlífni.

Hvernig sem á því stendur þá virtist vera óskiljanleg ákvörðunarfælin í gangi sem varð þess valdandi að sú uppstokkun á fronti flokksins sem hann varð að fara í gegnum varð ekki að veruleika.

Það er ekkert leyndarmál að ég er í Frjálslynda flokknum og er sem stendur formaður Frjálslyndra í Eyjafirði. Það þurftir ekki að nota nein geimvísindi til að sjá þessa hluti fyrir, níunda september 2008 skrifa ég þessa áskorun. Á þessum tíma var ljóst í hvað stefndi sama hvað hver segir þá var það staðreynd sem við erum svo að fá duglega í hausinn núna og ofan í kaupið á versta tíma sem hugsast getur.

Það er ekki nema bara eitt um þetta að segja, það er sorglegt að sjá hvernig menn hafa klúðrað sóknarfærunum sem við fengum upp í hendurnar á ótrúlegan hátt. Það er enginn flokkur sem hefur það á stefnuskrá sinni nema Frjálslyndi flokkurinn að hann er í alvörunni fyrir fólkið í landinu og landsbyggðin er hans hjartans mál.

Ég kalla eftir viðbrögðum forustunnar í flokknum, þið skuldið okkur skýringa á þeim atburðum sem skekið hafa innviði flokksins sem aftur verður þess valdandi að hæfasta fólkið okkar sér sig knúið til að yfirgefa okkur. Ef þetta kallast góð skipstjórn þá hef ég eitthvað misskilið það hlutverk í gegnum árin.

Góðar stundir.   

Segir skilið við Frjálslynda

Skotatitturinn að rifna úr monti

Að gefnu tilefni þá er hausinn á færslunni vandlega og ofurvarlega valinn... Það leynast ofurviðkvæmar sálir þarna úti sem á einhvern óskiljanlegan hátt hafa skrúfað fyrir þann möguleika að sá sem hér situr og hamrar á lyklaborðið hafi einstaklega gaman að því að hræra í heittrúuðum fótboltabullum sem og öðrum stjörnuljósum...

Ég bregð ekki út af vananum og óska United aðdáendum til hamingju með sigurinn, þrjú stig eru jú þrjú stig hvernig sem þau svo koma, klaufalega eða hálfum öðrum hellingi eftir að venjulegum leiktíma er lokið.

Góðar stundir.

Ferguson: Áhættan borgaði sig

Hvað og hver er að hræra í hausnum á Benna brosmilda?

Mér dettur í hug þriggja fasa 380 volta iðnaðarhrærivél á meiri hraðanum.....

Tveggja stiga forskot á toppnum segir frekar lítið ef litið er til þess að Rauðnefur og klaufarnir hans í áhugamanna klúbbnum UTD eiga tvo leiki til góða...

Það er aldrei að vita nema þeir klaufist til að vinna þessa leiki sína og þá líta þessi orð Benna brosmilda frekar klaufalega út, eða eigum við frekar að segja þau koma í besta falli Spánskt fyrir sjónir... 

Góðar stundir.

Benítez: Pressan er á United