Skotatitturinn að rifna úr monti

Að gefnu tilefni þá er hausinn á færslunni vandlega og ofurvarlega valinn... Það leynast ofurviðkvæmar sálir þarna úti sem á einhvern óskiljanlegan hátt hafa skrúfað fyrir þann möguleika að sá sem hér situr og hamrar á lyklaborðið hafi einstaklega gaman að því að hræra í heittrúuðum fótboltabullum sem og öðrum stjörnuljósum...

Ég bregð ekki út af vananum og óska United aðdáendum til hamingju með sigurinn, þrjú stig eru jú þrjú stig hvernig sem þau svo koma, klaufalega eða hálfum öðrum hellingi eftir að venjulegum leiktíma er lokið.

Góðar stundir.

Ferguson: Áhættan borgaði sig

Athugasemdir

[Víðir Benediktsson, 6.4.2009 kl. 00:33]

Þetta er bara dæmigerð skosk hógværð. Það er bara bjart fram undan og það veit sá gamli.

[Erna, 6.4.2009 kl. 00:35]

Urr

[Hallgrímur Guðmundsson, 6.4.2009 kl. 01:08]

Hann er hógværðin uppmáluð Víðir, mér skilst að þessi rómaða hógværð sé kennd í einhverjum afdala hálandaskóla í Skotlandi...

Erna mér dauðbrá, af hverju eru að urra á mig???

[Sigurdur (IP-tala skráð) 6.4.2009 kl. 02:28]

Var nátturlega bara snilld þetta! nokkrir tímar á toppnum , hvernig var tilfinningin ? :)

[Hallgrímur Guðmundsson, 6.4.2009 kl. 06:22]

Sigurður ef síðustu færslur eru skoðaðar þá er ekki hægt að sjá annað en ég haldi þokkalega þvaginu yfir þessu. Dagur á toppnum er ekkert til að æsa sig yfir en alveg er það dásamlegt hvað UTD trúar tröllin eru viðkvæm, mígandi í öll horn af geðshræringu sama hver skrattinn ber upp á...

Ég vissi til dæmis akkúrat ekkert um að það væru heilagar beljur í Skotlandi en annað hefur komið á daginn, það er eitt svoleiðis stykki til sem að vísu var svo kulsækin að hún flutti sig aðeins sunnar, alla leið til Manchester...

[Jón Óskar Þórhallsson (IP-tala skráð) 6.4.2009 kl. 08:22]

Góður húmor Hallgrímur.  Gómaðir mig a.m.k. enda ofurvikvæm fótboltasál

[Hafsteinn Viðar Ásgeirsson, 6.4.2009 kl. 11:19]

Hann endaði skemmtilega þessi leikur. Ég var að horfa á hann á bar á flugvellinum á Gardermoen og þegar Aston Villa aðdáendur sem þar voru, greinilega í meirihluta, voru alveg að sleppa sér þá brá ég mér frá. Endirinn þarf ekki að segja þér. Þetta er bara snilld.

Hlustaði á útvarpsþáttinn með þér í gær og fannst hann mjög fínn, kom svo sem ekkert á óvart....

Þið þekkið nú vel þetta sindrome með heilögu kýrnar á Anfield, það er nú óvíða meira af þeim skepnum og margar ansi lífseigar...