Í sögulegu samhengi þá er þetta lán

rétt nóg til að dekka skuldir Samherja og HB Granda. Nojarinn er og hefur alltaf verið rausnarlegur við vini sína, miða við þetta þá erum við tæplega á þeim lista.

Góðar stundir.

Norðmenn lána Íslendingum

James Murphy sendur til að rukka skuldir

Íslensku bankanna. Það má þó segja eitt um Skotana, þeir eru kurteisir og koma sjálfir til að rukka útistandandi skuldir. Því erum við ekki vön, á almenning eru sendar heilu hersveitirnar af lögfræðingum og innheimtustofnunum svo sem Intrum, Rein og hvað þessi batterí heita öllsömul. Á banka er skellt hryðjuverkalögum og ríkið dæmdi sig sjálft til ábyrgðar á leyfis okkar kjósenda.

Nei Skotarnir kunna að umgangast fólk af virðingu og koma sjálfir til að minna á skuldirnar og benda góðfúslega á það að hyggilegt væri að gera þetta upp í fullri vinsemd sem fyrst.

Illa er fyrir okkur komið, hingað streyma heilu flokkarnir í innheimtuaðgerðum fyrir skuldum sem við almenningur berum ekki nokkra ábyrgð á en megum samt borga. Svínsleg framkoma eigenda bankanna fer að verða okkur frekar dýru verði keypt og spurning um að sturta út úr ríkisstjórninni hjörðinni sem ver glæframennina með öllum ráðum.

Nú getur maður ekki annað en velt fyrir sér Íslandssögunni, megum við búast við því að ríkisstjórnin flýi á fjöll og feli sig í hellum þegar fréttist af þotu á leið til landsins? Í henni gætu leynst hundfúlir  erlendir innheimtumenn. Útsendari ríkisstjórnarinnar Hannes Hólmsteinn væri ágætur í því að kíkja fyrir horn á Leifsstöð, skanna hópinn sem kom með rellunni og meta fyrirliggjandi hættu. 

Þessa aðferð notuðu ræningjar, sauðaþjófar og útilegumenn fyrr á öldum nema þeir höfðu ekki áhyggjur af þotum og flugvélum, segl við sjóndeildarhringinn var nóg til að leysa úr læðingi ofsahræðslu með tilheyrandi niðurgangi og spretthlaupum til fjalla.

Nú eru Skotar að velta fyrir sér sjálfstæði og taka upp nýja sjávarútvegsstefnu. Væri ekki gráupplagt að hefna sín duglega á þeim (þvílík ósvífni að ætlast til að við borgum eitthvað) Seljum þeim hugmyndina af besta fiskveiðistjórnunarkerfi í heimi á uppsprengdu verði. Nóg höfum við af spekingunum sem færu létt með að selja þeim hugmyndina, kaupa hana síðan til baka og endurselja svo aftur á ennþá fáránlegra verði. Þetta mætti leika nokkrum sinnum þangað til að við ættum skyndilega fyrir öllum skuldum og digra sjóði í kaupbætir.

Ráðgjöf Hafró yrði að selja á svipaðan hátt, hún er nefnilega bráðnauðsynleg með svo mótelið gangi fullkomlega upp. Eftir um það bil 15 ár þá skiptir Ísland bara um kennitölu og fríar sig allri ábyrgð á þessu þegar Skotarnir átta sig á því að þeir voru hafðir að algjörum fíflum. Það vafðist í það minnsta ekkert fyrir mönnum að skipta um kennitölu bankanna og sýna umheiminum fingurinn góða.

Ég sé fyrir mér Hannes Hólmstein, Helga Áss Grétarsson og Friðrik J. Arngrímsson sem boðorðapostula við að heilaþvo Skotana um ágæti þessa kerfis.

Góðar stundir.

Vill koma innistæðum Skota til bjargar

Flakkað um heiminn

ég rakst á þetta á einhverri síðu og forvitnin rak mig að sjálfsögðu áfram. Ég pikkaði inn þau lönd sem ég hef komið til og þetta er útkoman.
visited 18 states (8%)
Create your own visited map of The World or determine the next president

Góðar stundir.

Forsetakosningar og femínismi

Síðasta beygjan

Síðasta fokking helvítis beygja, hvernig var þetta hægt? Jæja þá er þetta tímabil á enda, ég og Massa verða að bíða eitt ár í viðbót...

Mig hefur lengi langað til að breyta um útlit á þessari síðu og læt það eftir mér núna. Þetta útlit verður prufað í óákveðinn tíma og sjálfsagt prufa ég eitthvað annað líka, það kemur í ljós.

Þar sem ég er ritstjóri og ábyrgðarmaður þessara síðu þá tók ég mér þann rétt að ritskoða og breyta þessari færslu frá upprunalegu útfærslu og henda henni í ruslið.

Þeir sem halda með Hamilton, til hamingju með titilinn þetta var spennandi allan tímann og ég er aumur í hausnum eftir að hafa hoppa aðeins og hátt miða við lofthæðina hjá mér í algleymi fagnaðar í örfáar sekúndur eftir að Massa kom í mark.

Núna sit ég með heilahristing og blaðra tóma dellu hér og liturinn í andlitinu á mér er svipaður og útlit síðunnar.

Góðar stundir.

Hamilton heimsmeistari

Að fá 635 kílóa skítahaug í hausinn

er hreint ekki svo slæmt að mati NASA, þeir halda því fram að það sé aldeilis ólíklegt að drullutankurinn valdi nokkru tjóni.

Þá er bara spurning hvar lendir drulluhrúgan? Vita þeir það kannski fyrir víst að hann hann dúndrist niður í Seðlabankann, það til dæmis veldur nákvæmlega engu tjóni, þar er flest handónýtt og ekkert hægt að eyðileggja betur en orðið er.

Góðar stundir.

Rusl frá geimstöðinni stefnir til jarðar

Menn hafa sjálfsagt tekið eftir því

að ég hef ekkert tjáð mig fyrirfram um þennan leik. Ástæðan er einföld, kristalkúlan góða spáði tapi að vísu spáði kúla 3 - 2 fyrir Tottenham. Ég véfengi aldrei spár kúlunnar, halda mætti að ég sé innmúraður íhaldsmaður sem steinheldur kjafti yfir válegum tíðindum og spám.

Þeir sem mig þekkja vita að íhaldsmaður er ég ekki og tjái mig yfirleitt um allan andskotann en þetta lét ég alveg eiga sig. Í fullri hreinskilni þá vonaði ég að helvítis kúlan væri handónýt og ekkert að marka hana, nú þakka ég fyrir kúluna góðu og að ég skyldi aulast til að halda kjafti aldrei þessu vant um úrslit minna manna fyrirfram.

Ég óska félögum mínum til lukku með sína menn, til dæmis UTD peyjunum og Chelsea aðdáendum, ég og Arsenal aðdáendur segjum einfaldlega þetta gengur bara betur næst. Til að forðast allan misskilning þá er kúlan góða og ég handviss um að Liverpool hampar titlinum í vor. Bara svona að minna ykkur á það kæru vinir.

Góðar stundir.

Tottenham fyrst til að sigra Liverpool

Við þurfum fljótlega tvær plánetur

Aðra notum við sem þræla og fanganýlendu, ef fylgi íhaldsins er til dæmis 22% þá segir sig sjálft að 22% íbúa landsins verða sendir strax til nýju plánetunnar í þrælavinnu fyrir okkur hin sem höfum hagað okkur sómasamlega á þessari plánetu.

 

Hugsa mætti sér ferðir vikulega til að hirða upp það sem þrælarnir hafa skapað fyrir okkur, síðan verða sérferðir óháðar þessari vikuáætlun með nýja þræla og fanga eftir þörfum. Við færum ekki að spilla dýrmætu plássi á plánetunni okkar undir þetta þjófahyski sem drottnað hefur yfir okkur fáránlega lengi.

Góðar stundir.

Baugur getur staðið veðrið af sér

Þetta er ekki spurning um hvort, það er

nánast öruggt að Massa landar titlinum á morgun.

Góðar stundir.

Massa á ráspól í Sao Paulo og Hamilton fjórði

Í Apríl sagði Geir Haarde okkur

að allt væri í þessu fína lagi. Það var gengið svo langt að halda því fram að hvergi á byggðu bóli væri betra að vera en á Íslandi. Ísland er eftirsótt og í rauninni öfundsvert að vera ábúandi í allri dýrðinni. Við höfum verið höfð gróflega að fíflum, þessi skælbrosandi ónytjungur (forsætisráðherra okkar) er staðinn að því að segja þjóð sinni ósatt nánast daglega. Er það boðlegt, erum við í alvörunni slík úrhrök að við eigum ekki betra skilið?

Ég persónulega vil halda því fram að við eigum betra skilið og séum alveg ágætis fólk svona upp til hópa, langlundargeði landans hlýtur að fara að ljúka og krafan um nýja stjórnendur hellist yfir með góðu eða illu. Að lokum þá vil ég koma því á framfæri að ég er enn með ógeð eftir að hafa horft á Kastljós í gærkvöldi, hvað er verið að dúkka upp á Hannes Hólmstein? Þessi sjálfsumglaði frjálshyggju postuli er hreint með ólíkindum, veður úr einu í annað og svarar ekki því sem hann er spurður um án þess að hafa vit á því að skammast sín. 

Ef þetta kvikindi væri barnið mitt myndi ég afneita honum snarlega með skömm og skipta síðan um ríkisfang. Mín skömm myndi vara ævilangt vitandi það að ég bæri ábyrgð á svona meinsemd.

Góðar stundir.

Geir aðvaraði Brown í apríl

Álver á Bakka slegið útaf borðinu

Þórunn Sveinbjarnardóttir, umhverfisráðherra sá svo eftirminnilega um það að af framkvæmdum við álver á Bakka yrði ekki á næstu árum með kröfu um heildstætt umhverfismat... Bergur Elías Ágústsson sveitarstjóri Norðurþings tekur þessu sem hverju öðru hundsbiti sjá hér.

Ég legg til að Þórunn Sveinbjarnardóttir umhverfisráðherra fari sjálf í heildstætt umhverfismat, við erum að tala um slatta af fermetrum hér....

Góðar stundir.

Hrina hópuppsagna hafin