Dabbi kominn í stuð og nú mega stuttbuxnadeildirnar vara sig.

Dabbi stígur fram með nýja hárgreiðslu og skellir hurðinni beint í andlitið á bönkunum. Þið getið rétt bjargað ykkur sjálfir, svo mörg voru þau orð. Annað merkilegt kom fram í fréttinni "Framboð á lánsfé hjá bönkunum hefur verið af skornum skammti að undanförnu. Það hefur meðal annars haft í för með sér að viðskipti hafa nánast stöðvast með fiskveiðiheimildir og því hefur verð á þorskkvóta rýrnað um þriðjung"  Fréttin í heild er svo hér

Rýrnað um þriðjung, það er töluvert og segir það okkur ekki einn einfaldan hlut. Veðin eru ekki lengur til og þá er staðan einföld. Það þar engan hagfræðing til að ljúka þessum pistli, þið sem lesið þetta eruð alveg jafn fær um það.

Góðar stundir 

Auðvitað á að halda áfram.

Viðbrögð ráðamanna eru lýsandi fyrir það ofríki sem er við lýði á Íslandi. Að láta það út úr sér að það verði ekki hlustað á mótmæli segi allt sem segja þarf. Hvernig dettur forsætisráðherra það í hug að hunsa eigi stóran hóp mótmælenda vegna þess að það bara hentar honum núna? Hann er í vinnu hjá þessu fólki og eru það ekki frekar léleg vinnubrögð að hunsa eigi vinnuveitendur sína? Svari hver fyrir sig.

Þegar því er slegið upp að álögur á olíu og bensín á Íslandi séu með því lægsta sem þekkist gleymist margt að mínu mati. Til dæmis rekum við ekki her, vegakerfið á Íslandi er langt frá því að vera eins stórt í sniðum og viðmiðunarlöndin eru með og margir aðrir hlutir sem eru engan veginn sambærilegir. Hvað er það til dæmis sem hamlar því að stjórnvöld lækki virðisaukann á olíu og bensín? Er nokkuð ólíklegt að fleiri hópar í þjóðfélaginu rísi upp og hefji mótmæli gagnvar því misrétti sem þeir eru beittir og nægir að nefna sjómenn.

Bílstjórar: „Við höldum áfram"

Tímamótabreyting!

Ég hélt í alvöru að ég væri að fara að lesa frétt þess efnis að kvótakerfið yrði lagt niður og þar með áliti mannréttindanefndar Sameinuðu þjóðanna svarað. Nei ekki var það nú svo gott að satt reyndist, heldur er ráðherra lagstur í helför gegn bændum. Mikill er máttur íhaldsins sem ekki aðeins viðheldur mannréttindabrotum og þrælahaldi á sjómönnum, nú skulu bændur teknir í afturendann og það duglega. 

Í fréttinni segir meðal annars "Einar sagði að samkvæmt væntanlegri matvælalöggjöf, sem væri „stærsta málið“ sem koma myndi frá sínu ráðuneyti á þessu þingi"

Þá vitum við það, álit mannréttindanefndar Sameinuðu Þjóðanna er að mati ráðherra ekkert stórmál. Það er ágætt að fá hreint út hvernig ráðherra lítur á ákúrur um mannréttindabrot, þá sjaldan hann svari hreinskilningslega, að mínu mati gerði hann það þarna.   

Landbúnaðarráðherra boðar tímamótabreytingu

Íslensk stjórnvöld hafa beðið álitshnekki á erlendri grund.

Álit manréttindanefndar Sameinuðu Þjóðanna um íslenska kvótakerfið er álitshnekki fyrir íslensk stjórnvöld. Meðan Ingibjörg Sólrún rembist eins og illa reyttur kjúklingur tjóðraður við staurinn að fá blessun erlendis og inngöngu í öryggisráð Sameinuðu þjóðanna með tilheyrandi kostnaði, tekur hún beinan þátt í mannréttindabrotum á Íslandi. Lausnin sem Ingibjörg Sólrún sá á þeim mannréttindabrotum sem hún styður voru vægast sagt einkennileg. Byggðarkvóti skyldi á uppboð, með öðrum orðum ríkisrekið braskkerfi. Dæmi nú hver fyrir sig.

Í fréttinni segir meðal annars " Ef við kæmumst ekki í ráðið væri framboðið engu að síður búið að skila þeim árangri að málstaður Íslands hefði verið styrktur erlendis"

Nú vakna hjá mér ýmsar spurningar. Hvaða málstað er Ingibjörg að tala um? Er hún að tala um undirlægjuhátt gagnvart Kananum og stuðningi við drottnunaráráttu þeirra viða um heim ef einhverjar auðlindir eru með í spilunum? Yfirlýsingu og stuðning  forsætisráðherra við fjölgun hermanna í Afganistan, hvað er hún að meina ég bara spyr?

Hún er kannski að tala um algjörlega skoðunarlausa stefnu stjórnvalda á málefnum fyrir botni Miðjarðarhafs og því ofríki og ofbeldi sem Ísrael beitir nágranna sína.

Mín skoðun er sú að Ingibjörg Sólrún hafi ekki bara niðurlægt sjálfan sig heldur konur almennt á vesturlöndum á ferð sinni um Afganistan hneigjandi sig í allar áttir með slæðu á hausnum, þið bara fyrirgefið en það er ekki siður í okkar landi. Ekki nema þá siðarpostular íhaldsins séu nýbúnir að illeiða það í Íslenskt samfélag án ritstuldar, hver veit? Ég bara spyr hverjum var hún að þóknast?

Nei væri ekki nær fyrir slæðudrottninguna Ingibjörgu að hægja aðeins á sér og líta í þau verkefni sem eru hvað mest aðkallandi hér heima á landinu bláa? Og dettur mér þá fyrst í hug að afnema þau mannréttindabrot og mismunun sem framin eru á okkur sjómönnum.

Góðar stundir.

Ræddi framboð Íslands í öryggisráðið

Er óvandvirkni Hannesar Hólmsteins ekki skýr á sumum sviðum?

Hannes Hólmsteinn skrifaði grein í WSJ sem var vægast sagt einkennileg og skorti mikið upp á að sannleikurinn væri þar í fyrirrúmi í skrifum hans um kvótakerfið. 24 stundi birtu í gær grein úr þessum skrifum Hannesar undir nafninu "kvótakerfið fjáruppspretta"

Þar segir meðal annars " Fjármagnið sé í fyrsta lagi til komið vegna kvótakerfisins, þar sem eignarréttindi hafa orðið til, fiskistofnarnir séu orðnir skráð, framseljanleg og veðsetjanlegt fjármagn"  Takið eftir þar sem eignarréttindi hafa orðið til.

Svo mörg voru þau orð. Nú vaknar sú spurning hjá mér og sjálfsagt mörgum öðrum, hefur Hannes Hólmsteinn ekki lesið lögin um stjórn fiskveiða. Tilvitnun í lögin "I. kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum"

Þetta er jafn skýrt og að ég heiti Hallgrímur. Hvernig má það vera að prófessor við Háskóla Ísland
kemst upp með það að blaðra svona rakalausan þvætting út yfir heimsbyggðina. Síðan eru að berast upplýsinga héðan og þaðan úr þjóðfélaginu um aðfarir bankanna að fiskvinnslu og útgerðum vegna þessarar frábæru fjáruppsprettu (kvótakerfinu) sem Hannes er að boða um heimsbyggðina. Það er hrár veruleikinn sem ekki verður litið framhjá. Síðan eru einhverjir með upplýsingar um hugsanlegt gjaldþrot sem reynt er með öllum mætti að fela. Sjá hér

Æ Æ aumingja Hannes.

Hann á alla mína samúð. En eitthvað segir mér það nú samt að postulinn haldi áfram á sama hraða og verið hefur sem einn af hugmyndasmiðum íhaldsins. Er hann ekki einn af boðberum íhaldsins um hvað við höfum frábæra, arðbæra og hagkvæma fiskveiðistjórnun? Ein af hans síðustu ræðum um kvótakerfið var að mig minnir hvað það var frábær uppfinning að veðsetja fiskinn sem enn er á sundi í hafdjúpunum. Hann mætti að skaðlausu einnig vanda sig betur þar. Hvar í veröldinni eru hlutir veðsettir sem enginn hefur séð og hættan á því að aldrei sjáist mjög miklir nema þá helst á Íslandi?

„Ég hefði átt að vanda mig betur"

Flottræfilshátturinn á sér engin takmörk.

Þarna sýnist mér viljinn í verki koma berlega í ljós. Á tímum aðhalds og sparnaðarboðorða stjórnvalda sína sömu aðilar viljann í verki svo um munar. Eru engin takmörk fyrir hræsninni og óráðsíunni sem stjórnvöld sína þegnum sínum? Ef landsmenn eiga að herða sultarólina er það þá ekki sjálfsögð krafa okkar þegna þessa lands að stjórnvöld sýni gott fordæmi í verki og geri hið sama? Við lestur þessara fréttar á visir.is getur maður varla orða bundist, þurfa ráðamenn þessara þjóðar ekki að fara líta aðeins í eigin barm?

Á Bakkafjöruhöfn rétt á sér?

Ég talaði um það á sínum tíma að sjólagið við suðurströndina sé víðsjárvert og menn ættu að vanda til verka áðu en lengra yrði haldið, ég stend við hvert orð sem ég sagði og bið fólk að skoða þetta myndband til enda áður en tjáningarfjörið byrjar. Hafið hljóðið á. Er mönnum full alvara með áframhaldandi framkvæmdir þarna?

Hvað er rétt og hver lýgur?

Það er krafa almennings í landinu að við fáum sannleikann upp á borðið í þessu. Rennum í gegnum nokkur atriði.

 Þetta sagði Davíð.

Davíð Oddsson segir að Seðlabankinn sjái ekki að gengislækkun krónunnar undanfarið hafi verið fyrir atbeina erlendra aðila. Viðskiptabankarnir hafi sankað að sér erlendum gjaldeyri til að verja eiginfjárstoð sína. „Við vorum hlynntir því, því við vildum ekki að eiginfjárstoðin veiktist," segir seðlabankastjóri.

Síðan kemur þetta. 

 Kaupþing vísar á bug þeim orðrómi að bankinn hafi vísvitandi reynt að stuðla að veikingu íslensku krónunnar í viðskiptum sínum á gjaldeyrismarkaði. Bankinn sendi frá sér yfirlýsingu þessu efnis undir kvöld.

Þessi skrif hafa sést. 

Síðan er þetta hér.

Og svona í lokin þá hefur verið bent á þessa hluti sjá hér.
 
 
Er nema von að fólk sé orðið svolítið ruglað og hrætt við ástandið. Það verður einhver á stjórnarheimilinu að stíga fram og segja sannleikann. Eða erum við að fara sömu leið og Færeyingar fóru hér um árið? Það má lesa um undanfara þess í þessu  skjali. 

Kaupþing vísar orðrómi á bug

Jón Baldvin vill nýja áhöfn í Seðlabankann.

Frétt á visir.is 

Horfa á myndskeið með frétt

Jón Baldvin Hannibalsson segir að tími sé kominn til að setja nýja áhöfn við stjórn Seðlabankans. Þar eigi fagmenn að stjórna í brúnni en ekki fyrrum pólitíkusar.

Þetta kom meðal annars fram í spjalli sem Sigmundur Ernir Rúnarsson átti við Jón Baldvin í þætti sínum Mannamál á Stöð 2 í kvöld.

Jón Baldvin segir að núverandi forysta Seðlabankans hafi fengið sitt tækifæri og klúðrað því. Allt frá því að bankinn fékk það verkefni að stjórn sjálfstæðri peningamálastefnu árið 2001 hafi honum gersamlega mistekist það ætlunarverk sitt. Jón Baldvin telur það hafa verið mistök að skipa Davíð Oddsson í embætti seðlabankastjóra á sínum tíma.

Jón Baldvin segir að staðan sem komin sé upp núna sé grafalvarleg og hún bitni á allri þjóðinni. Aldrei hafi jafnmargir fengið jafn þungt högg á jafnskömmum tíma og Seðlabankinn ráði ekkert við þetta ástand.

Því vill Jón Baldvin að fagmenn verði settir til að stjórna Seðlabankanum. "Pólitíkusar eiga ekki að vera bankastjórar," segir hann. Frétt líkur.

Jón Baldvin sagði einnig í viðtalinu við Sigmund Ernir það vanti algjörlega menn með dug og þor í Íslenska pólitík í dag. Ég er síðan algjörlega sammála Jóni í því að Seðlabankinn er ekki elliheimili fyrir pólitíkusa. Einnig sagði hann að menn verði að koma sér undan stjórnarstefnu og ofríki Líú klíkunnar og ráðanautum bænda, þeir væru ekki kosnir af almenningi til þess að stjórna þjóðfélaginu.

Undir þessi orð Jóns Baldvins  tek ég að hluta, um stjórn og ofríkisstefnu Líú klíkunnar þekki ég til og tek undir þau orð, en með bændur þekki ég ekkert til enda eru mín störf og umheimur og störf þeirra og umheimur svo gjörólík að ég sit hjá og tek ekki afstöðu til þeirra. Það er einfaldlega þannig með mig að um hluti sem ég þekki ekki tek ég hvorki afstöðu með eða á móti. Ef einhverjir vilja fræða mig um heim bænda er ég ein eyru og er meira en tilbúinn að fræðast um þau mál.

 

Seðlabankinn leggi gildru fyrir spákaupmennina?