Lélegur leikur og halda mætti að....

liðið sé í jólafríi, eða besta falli með magakveisu eftir ofát á handónýtum mat. Ef þetta er uppskriftin af því hvernig leggja skuli áherslu á deildina hjá Benítez er ekki við góðu að búast. Ég vil nota tækifærið og óska stuðningsmönnum Man.Utd til hamingju með sína menn í dag.

Man.Utd efst eftir stórsigur

Hvað er að gerast með þessa síðustu leiki?

Ég missti af þessum leik líka, þetta fer að flokkast undir algjört kæruleysi að minni hálfu.. Annars ver ég þetta í dag með glæsilegum hætti. Sko ég var búinn að koma mér hagaleg til með allar fjarstýringarnar í sófanum, poppið klárt og kaffikannan innan seilingar. Dýrin á heimilinu voru róuð með hæfilegri matargjöf, sem sagt allt klárt og nú skyldi maður sko njóta dýrðarinnar. Leikurinn flautaður á og ég aleinn í mínum draumaheimi og hlutirnir litu vel út. ( HALLI, HALLI, þetta hlýtur að vera vitleysa hugsa ég, HALLGRÍMUR, HALLGRÍMUR GUÐMUNDSSON. Ég leit upp og við mér blasir mín ekta frú í ham. ) Hvað nú hugsa ég, HVAÐ NÚ bergmálar í stofunni, hva hvernig getur hún séð hvað ég hugsa. Já hvað nú segi ég er ekki allt í fína í Kína, þessu hefði ég betur sleppt svona aulahúmor virkar ekki á mína þegar hún er kominn á ham.

Ég leit vandræðalega undan og á hetjurnar mínar í imbanum sem voru bara nokkuð sprækir að sjá, já hvað segirðu get ég eitthvað gert fyrir þig elska með hugann við leikinn og þoldi enga truflun. VIÐ ERUM AÐ FARA AÐ KLÁRA JÓLAINNKAUPIN NÚNA. Núna!! má það ekki bíða aðeins, tvisvar sinnum þrjú korter með pissuhléi það hlýtur að sleppa og nú var ég sko öruggur með mig þetta hljómað hreint ekki illa fannst mér. VIÐ KLÁRUM ÞETTA NÚNA ÉG ÆTLA EKKI AÐ LENDA Í ALLRI TRAFFÍKINNI TAKK. Fyrir mér er tíminn frekar afstæður þannig að ég legg til að við drífum okkur bara í fyrramálið.

Hefur maður ekkert lært, núna þíðir sko núna hjá minni? Eftir að ég var afvopnaðu, það er fjarstýringarnar teknar og birtan sem lýsti svo skært frá 40 tommu imbanum mínum slokknaði og mín ekta frú gerði sig líklega sem aldrei fyrr að lýsa því hvað það væri mikilvægt að klára málin akkúrat núna, stóð ég upp og hundarnir mínir fengu frábæra sýnikennslu í því hvernig hlíða skuli þegar yfirvaldið tjáir sig. Ég er enn að hugsa þetta, af hverju ekki á morgun það var nóg til og litlar líkur á því að það yrði uppselt í búðunum sem við fórum í. Er ekki örugglega allar sjoppur lokaðar þegar næsti leikur verður?

Liverpool sigraði Portsmouth, 4:1 - Ívar skoraði fyrir Reading

Karlinn bara bjartsýnn og allt í góðum gír.

Benítez er bara bjartsýnn og er það svo sem ágætt. En hvað meinar maðurinn þegar hann segir "að enska úrvalsdeildin verði í forgangi hjá liðinu á tímabilinu"? Hvað hefur verið í gangi hingað til ef deildin hefur ekki verið í forgangi? Var svona mikið að gera við heimilisstörfin eða eitthvað annað að hann mátti ekki vera að því að hugsa um deildina ég bara spyr? Er nóg að fara að hugsa þegar deildin er löngu byrjuð? Hvað át Benítez sem fór svona með hann?

Benítez: Bjartsýnn á að Gerrard og Torres verði með

Það er hægt að líkja því við æðislegustu rússíbanaferð....

að vera aðdáandi Liverpool. Suma leiki leikur liðið eins og þeir sem valdið hafa, og aðra er liðið eins og litlir óþægir skólastrákar sem aldrei hafa séð fótbolta. Hvað er hægt að hafa þetta betra, spennan í hámarki og ekki nokkur leið að sjá út fyrirfram hverju strákarnir taka upp á.

Avram Grant: Verðskuldaður sigur

Ég óska stuðningsmönnum Manchester United til.....

hamingju með sigurinn....                                                                  

Man.Utd á toppnum eftir sigur á Anfield

Hvað kemur þetta boxi við? Ég hélt að pjakkurinn væri að fara að spila fótbolta!!

Rooney er klár í slaginn - bókstaflega. Frétt af vísir.is

Wayne Rooney telur að sú þjálfun sem hann hlaut í hnefaleikum sem drengur muni koma sér að góðum notum í leik Manchester United og Liverpool á morgun.

Rooney segir að sá styrkur og sú ákveðni sem hann hafi hlotið í gegnum þjálfun sína í hnefaleikaíþróttinni hafi komið sér til góða á knattspyrnuvellinum.

„Ég held að þjálfunin í hnefaleikunum hafi komið mér til góða sem knattspyrnumaður, sérstaklega þar sem ég byrjaði svo ungur að spila í úrvalsdeildinni," sagði hann í samtali við The Sun í dag.

„Það hefur auðveldað knattspyrnuna fyrir mig og átt sinn hluta í að móta minn stíl í knattspyrnunni."

Hann hlakkar vitanlega mikið til leiksins á morgun en hann hefur áður sagt að honum finnist fátt skemmtilegra en að mæta með liði sínu á Anfield Road.

„Þegar leikjalistinn er birtur fyrir tímabilið leita ég fyrst af leikjunum við Liverpool og svo Manchester City næst. En þetta verður svakaleg helgi. Sú staðreynd að Arsenal og Liverpool töpuðu bæði sínum leikjum um helgina kemur sér frábærlega fyrir okkur. Ef við vinnum á morgun eigum við góðan möguleika á að koma okkur á toppinn."

Er strákpjakkurinn sem sagt að segja það að hann æði um völlinn eins og arfavitlaus atvinnuboxari leitandi að næsta fórnarlambi?

Menn að meiri....

Svona eiga menn að vinna. Viðurkenna hlutina eins og þeir eru og biðjast afsökunar. Það verður ekki annað sagt úr mínum munni en McLaren liðið hækkar töluvert í áliti hjá mér við þessi viðbrögð.

McLarenliðið biður FIA fortakslausrar afsökunar

Ég var einn af þeim sem efuðust.......

En sem betur fer varð sá ótti minn ekki að veruleika. Hvað annað getur maður gert en hafa áhyggjur þegar Benítez verður svona kokhraustur eins og hann var fyrir leikinn? Ég sá ekki leikinn því miður en trúi að að hann hafi verið góður.

Liverpool lék Marseille grátt

Benítez hættulega öruggur með sig !!!

Er það ekki staðreynd að þegar menn eru öruggir með eitthvað fara hlutirnir oft á allt annan veg en lagt var upp með? Hvað er Benítez að rugla staðreyndin er sú að það á eftir að spila þennan leik og meðan svo er eiga bæði liðin jafna möguleika. Ef viðhorfið er svona er ég hræddur um að illa fari. Reyndar kæmi mér það ekkert á óvart ef mínir menn töpuðu þessum leik PUNKTUR

Benítez: Orðnir vanir að spila úrslitaleiki

Þetta sannar bara eitt!!!!!

Það getur allt gerst undir sólinni. Þessi leikur minnti mig óhugnanlega á leik minna manna í gær, leikmenn Arsenal voru einfaldlega að hugsa um eitthvað annað en þennan leik. Sennilega vanmat og sigurinn í höfn áður en leikurinn byrjaði. Það hefur margoft gerst og heldur áfram að gerast. Ég verð að viðurkenna það að mér létti nokkuð mikið við þessi úrslit, annað væri haugalygi....

Middlesbrough lagði Arsenal, 2:1