Skítt með kerfið

þá er að sjálfsögðu verið að tala um kvótakerfið. Það segir þessi snillingur einnig, skítt með kerfið sjá hér, það er um það bil 80% þjóðarinnar sammála þessum manni og þarf einhver að vera hissa á því?

Kvótakerfið brýtur mannréttindi.

Kvótakerfið mismunar gróflega.

Kvótakerfið eyðir byggðum.

Kvótakerfið kallar á brottkast.

Kvótakerfið gengur þvert á viðtekna líf og vistfræði.

Kvótakerfið framleiðir öryrkja.

Kvótakerfið er eitt umdeildasta mál síðari tíma.

Kvótakerfið er og verður meðan það er við lýði eitt það stærsta krabbamein sem eitt samfélag getur burðast með og örfáir gróðapungar verja með kjafti og klóm.

Kvótakerfið er á góðri leið með að framkalla eitt það stærsta gjaldþrot sem um getur í Íslandssögunni.

Kvótakerfið er gjaldþrota, markmiðin löngu sokkin í hyldýpið og flestir búnir að gleyma upphaflegu markmiðunum. Eitt er þó alveg ljóst, skuldirnar gleymast ekki það kemur að því að gróðapungarnir vera að viðurkenna vitleysuna. Hún (vitleysan) er byrjuð að djöflast í afturendanum á þeim.

Skuggalegast af öllu er þó það hvernig vinnumenn almennings (alþingismenn) hafa leift sér að láta þetta fara.

Héldu menn og halda þeir hinir sömu virkilega að þetta gangi í alvörunni upp svona?

Góðar stundir.

Auglýsingar rifnar niður

Róið án kvóta

Þessi frétt er í fréttablaðinu og á visir.is í dag.

Fréttablaðið, 07. júl. 2008 04:00

Fékk Gæsluþyrluna í heimsókn á sjóinn

Ásmundur Jóhannesson.

 

Ásmundur Jóhannsson sjómaður fékk þyrlu Landhelgisgæslunnar í heimsókn á miðin í gær. Ásmundur stendur í deilu við yfirvöld vegna nýlegrar ályktunar mannréttindanefndar Sameinuðu þjóðanna þar sem kvótakerfið var fordæmt. Í mótmælaskyni við núgildandi kvótakerfi hefur hann verið að veiða án veiðiheimilda.

„Ég var um tuttugu sjómílur norðvestur af Sandgerði þegar þeir komu þarna á þyrlunni," sagði Ásmundur í samtali við Fréttablaðið í gær. „Þeir sveimuðu þarna í kringum mig og sjórinn úðaðist yfir mig. Ég var að hugsa um að setjast bara inn í stýrishús og loka að mér."

Hann segir leikinn til þess gerðan að hræða hann. „Ég held þeir hafi verið að reyna að ógna mér," sagði Ásmundur, hvergi banginn. Hann bætir því við hann hann hafi ekki ætlað sér í land í gær því ekki sé hægt að landa í Sandgerði um helgar. „Svo fann ég að ég var ekki vel frískur og þá á maður að vera heima hjá sér."

Hjá Landhelgisgæslunni var fátt um svör, þar sagði starfsmaður stjórnstöðvar að þeim væri óheimilt að ræða þau mál sem lægju inni á borði hjá þeim. Frétt lýkur.

Það verður fróðlegt að fylgjast með þessu!

Góðar stundir.

 

Ísland best í heimi

Góðærið, stöðugleikinn og almenn bjartsýni fokin út í veður og vind. Nú blæs duglega á móti myndi einhver segja, er ekki hægt að kalla þetta ástand helvítis brælu skít svo notað sé tungumálið sem mér er frekar tamt.

Byggingariðnaðurinn er ein stór brunarúst, sjávarútvegurinn er sem rjúkandi rústir og fjármálamarkaðurinn er svo vægt sé til orða tekið risastórar brunarústir.

Fyrir réttu ári síðan var Ísland best í heimi, hér var akkúrat ekkert að og almenn bjartsýni ríkti hjá landanum undir hverri þrumuræðunni á fætur annarri frá stjórnvöldum um það hvað við hefðum það nú gott og mættum í rauninni þakka almættinu fyrir að hafa fæðst á landinu bláa. (Ég vil kalla þetta Hitlers aðferðina og hún var einföld, HEILAÞVOTTUR)

Í dag fjölgar þeim hratt, bæði einstaklingum og fyrirtækjum sem horfa með galtómum augum og hugann fullann hrylling á allt sitt renna í þrot og ekkert hægt að gera í stöðunni. Þrumandi ræður stjórnvald um góðærið og stöðugleikann heyrast ekki lengur, í rauninni steinþögnuðu stjórnvöld og ákváðu að gera ekki neitt, (sér Íslenska aðferðin) Í besta falli eru þeir dónalegir sem vilja einhver svör.

Það var þá kannski engin afprýðisemi sem hrjáði Dani og voru hvað duglegastir við að benda á brjálæðið sem var í gangi á landinu bláa. Kannski var það eina innistæðan sem var til, varúðarorð Dana því ljóst má vera að lítil sem engin innistæða var til fyrir sér Íslensku aðferðinni og mörgum útrásarvíkingunum sem ætluðu að taka heiminn að láni.

Góðar stundir.

Eiga erfitt með að borga

Nær væri að leggja þetta helvítis apparat niður

Íslandsdeild Amnesty International er handónýtt skítaapparat sem í besta falli ætti að hafa aðsetur á handónýtum útikamar. Íslandsdeild Amnesty International sér fulla ástæðu til að röfla yfir einhverjum einum andskotans manngarmi sem hent var úr landi af einhverri ástæðu sem ég hef ekki hugmynd um hver er, en á sama tíma sér Íslandsdeild Amnesty International akkúrat enga ástæðu til að tala um og gagnrýna þau mannréttindabrot sem framin eru á Íslenskum sjómönnum af stjórnvöldum.

Íslandsdeild Amnesty International sér heldur enga ástæðu til að tala um þau mannréttindabrot sem framin eru á fólkinu sem býr í sjávarþorpum landsins, fólki sem svipt er atvinnu, viðurværi, og búsetu sinni á augabragði, allt í þágu græðgivæðingar dauðans. Íslandsdeild Amnesty International sér enga ástæðu til að bregðast við neyðarhrópum almennings á landsbyggðinni sem má sætta sig við niðurlægingu og eignarupptöku bankanna eftir mannréttindabrota og þrælastefnu stjórnvalda í bráðum þrjá áratugi.

Fyrir hver og fyrir hvað stendur þetta apparat sem kallar sig, Íslandsdeild Amnesty International?

Mér er nóg boðið, og þeir sem ekki þola lesturinn er einfaldlega bent á að senda kvartanir til Íslandsdeildar Amnesty International þeir ku vera ágætir í svoleiðis smá skíta djobbum sem skipta mörg okkar minna máli en afturenda eiturúrgangurinn sem sturtað er niður á salernum alþingis.

Góðar stundir.

Amnesty fer fram á að stjórnvöld endurskoði ákvörðun sínap

Hvaða helvítis væl er þetta?

Tala um að ríkisstjórnin sé ekki að gera neitt í efnahagsmálum, ég er stórhneykslaður á forustumönnum Verkalýðsfélags Akranes og mbl.is að birta þessa þvælu. Auðvitað er ríkisstjórnin á fullu að bregðast við og gaf yfirskoffínið í ríkisstjórninni það út um daginn að allir ættu að fara að hjóla.

Það eru efnahagsaðgerðirnar sem boðaðar hafa verið og snýr það að sjálfsögðu bara að almenningi. Ríkisstjórnarhyskið þarf ekkert að gera neitt svoleiðis enda er Jóhanna Sig á rúntinum um landið í sínum ráðherrabíl með einkadræver og tilheyrandi fylgihluti.

Ef Jóhanna Sig hefði byrst hangandi aftan á reiðhjóli með einkadrævernum hefði ég tekið í höndina á henni. En því var ekki fyrir að fara og nýbónuð druslan skrölti eftir Hafnarstrætinu á Akureyri í dag með fylgihlutum, ekki datt Jóhönnu til hugar að þiggja frí reiðhjól sem eru í boði í það minnsta á tveimur stöðum í bænum og sína fyrirmynd í boðskap ríkisstjórnarinnar. Einu kvaðirnar er að þessum kvarthestafla faratækjum sé skilað fyrir lokun.

 

Kaupmenn hvattir til að halda hækkunum í lágmarki

Rafael Benítez knattspyrnustjóri Liverpool

á fullu við að styrkja hópinn fyrir komandi tímabil. Ekki veitir af ef Liverpool ætlar að blanda sér í baráttuna um titla á komandi leiktíð. Illa þykir mér komið fyrir unglinga og uppbyggingarstarfi Liverpool ef það er ekki hægt að fá nothæfa einstaklinga úr eigin safni. Því miður þá virðist þetta vera orðið landlægt hjá ansi mörgum enskum liðu.

Degen samdi við Liverpool til fjögurra ára

Mikið er rætt og kvartað um stöðu

sjávarútvegsins þessa dagana. Enn og aftur rennur sjávarútvegsráðherra í þann pytt að fylgja nánast í einu og öllu tillögum Hafró um aflaheimildir í þorski. Blindnin er algjör og hugleysið með eindæmum hjá ráðherra, þrátt fyrir áratuga fálmkenndar aðferðir Hafró með vægast sagt hroðalegum árangri skal samt haldið áfram.

Þegar talið berst að þorski þá er eins og um heilagar beljur frá Indlandi sé að ræða, en hvernig sem það má svo vera að þá er ekkert athugavert við það að tillögur í öðrum tegundum séu hunsaðar. Þarna er verulegur brestur á því sem ég vil kalla trúverðugleika á rannsóknum Hafró af hálfu ráðherra.

Hafró kvartar sárum yfir fjárskorti og að vísindagreinin sé ung að árum, Hafró leggur ofuráherslu á að fá aukið fjármagn til rannsókna. Ég legg til að Hafró brjóti odd af oflæti sínu, hlusti og taki mark á þeim raunverulegu sérfræðingum sem eru starfandi þarna úti allt árið (skipstjórunum) Ekki kæmi það að sök að Hafró legði við hlustir þegar menn á borð við Jón Kristjánsson fiskifræðing og Sigurjón Þórðarson tjá sig um hlutina út frá líffræðilegum forsendum.

Það vil nefnilega þannig til að þegar við veiðum fiskinn sjáum við strax nákvæmlega hvað er í gangi þarna niðri. Það þarf ekki sprenglærða fábjána með flottan titil fyrir framan nafnið sitt sem gerir lítið annað en skella hlutunum í formúlu og útkoman eru óskeikul vísindi segja okkur nákvæmlega hvað er að gerast á miðunum.

Stað sjávarútvegsins er ekki svo slæm að mati ráðherra, Einar K. segir meðal annars í þessu viðtali "Í greininni starfa færir stjórnendur sem hafa getað unnið sig út úr þessu,“ segir Einar K. Guðfinnsson, sjávarútvegsráðherra.

Hver skyldi hinn hrái raunveruleiki vera, það skildi þó ekki vera að sjávarútvegurinn sé í rauninni meira og minna ein rjúkandi rúst eftir ævintýri undanfarinna ára í öllu góðærinu margrómaða? Þarna má telja landsbyggðina meira og minna með líka. Og hver ber þar mesta ábyrgð? Það skyldi þó ekki vera að þeir sem tróðu því í gegn á Alþingi að sala og veðsetning á aflaheimildum (sameign Þjóðarinnar) var leyfð, bankarnir og kvótakóngarnir slepptu af sé öllum hömlum í gróðabraskinu? Bankarnir bera þarna stóran hluta af ábyrgðinni á skuldsetningu sjávarútvegsins með kvótavöndlunum sínum.

Mín skoðun á stöðunni er einföld og þarf engum að koma á óvart, Þessi stefna í sjávarútvegsmálum Íslendinga er gjaldþrota. Tökum dæmi, þetta fékk ég lánað á síðunni hans Níels Ársælssonar.

Reiknisdæmi:

Keypt 100 tonn af þorskkvóta 15. febrúar 2007 á 3500 kr. pr, kg.... 100%  lán.

Gengi dags 15.02.2007; EUR, 88,7 = 40 EUR pr. kg. Lán = 4 m, EUR.

Þorskkvóti skorinn niður um 33% 1. sept 2007.

Ný úthlutun 1. sept 2007 (100 tonn) urðu af 77 tonnum.

Lán er þá 4 m, EUR / 770 = 52 EUR, pr. kg.

Staða láns miðað við gengi dags, 01.07.2008, EUR, 125.66 x 52 = 6.534 pr. kg, án vaxta og lántökukostnaðar.

Hækkun láns pr. kg, úr 3500 í 6534.

Hækkun kr, 3034 pr, kg.

Þarf eitthvað að útskýra hlutina betur?

Góðar stundir.

 

Næsta ár verður erfitt fyrir sjávarútveginn

Prófessor Robert Wade hefði

mátt láta fylgja með í þessari grein sinni sannleikann um kvótakerfið og hvernig bankarnir tóku þátt í því að sprengja upp verðið á aflaheimildum.

Annars veltur sú spurning oft um kollinn á mér hvort það sé ekki kominn tími á að draga þá til ábyrgðar sem tóku þá ákvörðun að leyfa frjálst framsal, sölu og veðsetningu á hlutum sem þeir eiga ekkert í. Að vísu má segja að þeir sem stunda sölu á aflaheimildum eiga eitthvað í aflaheimildunum, en sannleikurinn er sá að þeir eiga bara ekkert meira en ég og þú í þessum aflaheimildum.

Fiskurinn í sjónum er jú sameign þjóðarinnar og kemur það skýrt fram í 1. gr. laga um stjórn fiskveiða. Þessu mætti líkja við að þeir sem sitja á og stunda búskap á til dæmis ríkisjörðum og hafa af þeim afnotarétt tækju sig til og veðsettu eða seldu allt heila draslið. Einhversstaðar myndi hvína í trúi ég.

Góðar stundir.

Rót vandans einkavæðing íslensku bankanna

Ég sagði það í dag

að spanjólarnir myndu vinna og Torres skoraði sjá hér. Hér er mynd af stráknum eftir að hann skoraði.

Bara svona fyrir þá sem ekki vita það þá er þessi sami strákur leikmaður LIVERPOOL. Einhverjar myndir á síðuritari af stráknum í þeim búning.

Eins og ég sagði þá er þetta fyrir þá sem ekki voru alveg vissir um hvar gaurinn spilar....

Spánn Evrópumeistari

Á Íslenska ríkið að eyða 815 milljónum

í að rannsaka dularfullt hvarf þorskstofnsins? Þrátt fyrir tilraunir í næstum þrjá áratugi við uppbyggingu þorskstofnsins hafa þær mistekist herfilega. Það er öllum ljóst sem hafa fylgst með þessari þrautagöngu Hafró með þorskstofninn að árangurinn er víðsfjarri upphaflegum markmiðum.

En var eitthvað að í upphafi þegar tilraunarstofan Hafró lagði á stað í þessa þrautargöngu? Margir vilja meina að svo var ekki, einungis var um ofureðlilegar náttúrulega sveiflur á stofninum að ræða, ég er í þeim hópi. Hvað var í gangi á Íslandsmiðum þegar Íslensk fiskiskip sóttu í stórum stíl á fiskimiðin við Grænland og Nýfundnaland?

Mér er til efs að halda því fram að mokveiði hafi verið á Íslandsmiðum á þessum tíma. Ekki sóttu menn á þessi mið út af ævintýramennskunni og útrásarþránni einni saman með tilheyrandi mannfórnum. Vorum við ekki einfaldlega að upplifa á þessum tíma þessar ofureinföldu náttúrulegu sveiflur á þorskstofninum (fiskistofnum)?

Munurinn á þessum tíma þegar veiðar á fjarlægum miðum voru stundaðar og þeim tíma þegar Hafró lagið af stað í sína misheppnuðu tilraun með þorskstofninn er einfaldur, þá var einfaldlega ekki til svona mikið af sprenglærðum fábjánum sem datt það í alvörunni í hug að við gætum stjórnað náttúrunni.

Það er ekki nokkur vandi að verða moldríkur í EXEL, það er á sama hátt ekki nokkur vandi að reikna til fiskistofna og pottþéttan árangur ef við gerum hitt og þetta til að auka afraksturinn. Það er flestum ljóst að þeir sem reikna sig fyrirfram moldríka í EXEL brotlenda með látum þegar raunveruleikinn birtist í allri sinni dýrð.

Sama á við um stærðfræðilega fiskifræði sem sett er svo glæsilega upp á glærur hirðfíflunum (stjórnmálamönnum) til kynningar. Brotlendingin er jafnglæsileg nema þarna brotlendir vísindaakademían og allt skal notað til að ljúga sig frá staðreyndunum eins og flestir þekkja sem fylgst hafa með. Fölsun gagna, ofmat, ofveiði, afneitun á áður mældum fiski og lengi mætti telja aðferðirnar sem notaðar eru til að fegra raunveruleikann á vanmætti vísindaakademíunnar til að telja fiskana í sjónum.

Kveikjan að þessu pistli mínum var frétt sem ég las á visir.is og má lesa fréttina hér.

Hvort réttlætanlegt sé að eyða þessu fjármagni í rannsóknir á hvarfi stórum hluta þorskstofnsins vil ég frekar benda á ódýrari leið.

NR. Eitt, tvö og þrjú. Hlusta aðeins á skipstjórnarmenn, þeir eru með sérþekkingu á viðfangsefninu. Staðreyndin er einfaldlega sú að þorskurinn hvarf aldrei, vísindaakademían sveltir stóran hluta hans í hel og finnur ekki restina vegna vanþekkingar og vanhæfni á viðfangsefninu.

4. Eyða má nokkrum millum í rannsóknir á starfsaðferðum Hafró sem nákvæmlega engu skila.

5. Ráða til eins árs heilakrukkara (Sálfræðing) sem metur hæfni og jafnvægi þeirra sem ábyrgð bera á störfum Hafró. Ef árið dugar ekki þá á umsvifalaust að ráða aðra menn til starfa hjá Hafró.

Hér læt ég staðarnumið enda væri hægt að telja möguleikana upp í margar vikur.

Góðar stundir.