Felipe Massa verður

heimsmeistari ökuþóra í Formúlu 1 eru menn ekki almennt sammála því?

Góðar stundir.

Alonso fljótastur í Sao Paulo

Það kemur ekki til greina að virða mannréttindi

á Íslandi. Þessi frjálshyggjuhjörð sem situr við óstjórn landsins með dyggri aðstoð samfylkingarinnar er staðráðin í því að viðhalda grófum mannréttindabrotum á samlöndum sínum. Mannréttindanefnd Sameinuðu þjóðanna fær háðúrlega umfjöllum um hverslags ónytjungar og misvandaðir aumingjar þeir eru sem þessa nefnd skipa og eftir þeim skal sko alls ekki farið.

Nei mannréttindanefnd Líú og stjórnvalda er það eina sem nothæft er og guðsorða postulinn Hannes Hólmsteinn er gerður út af örkinni til að boða fagnaðarerindið á erlendri grundu sjá hér. Mikill er máttur hjarðarinnar sem hyglar svívirðilega þrælahöfðingjunum með öllum ráðum og dáðum á kostnað samlanda sinna.

Banka og braskhyskinu skal bjargað á kostnað þrælanna sjá hér, veiklulegt hjal um aðstoð til handa almennu þrælanna eru minna virði er skítahaugurinn sem frá hjörðinni kemur, níðst skal á þrælunum til síðasta blóðdropa sjá hér og svo meira hér. Þetta ásamt því að ríkisbankarnir hunsa skipun eiganda síns (ríkisins) um að hlúa að þrælunum, svo sem frysta lán og sína almennan velvilja í hverskonar greiðsluaðlögun kalla þrælahöfðingjarnir, aðstoð við almennu þrælana.

Er ekki komið að því að við þessir venjulegu almennu þrælar sem ekki á nokkurn hátt berum ábyrgð á þessu rugli stöndum upp og heimtum rétt okkar aftur? Annar kostur er einnig í stöðunni, neita að standa við skuldbindingar sínar og láta allt draslið flakka í gjaldþrot. Það sér það hver heilvita að við, þessir sauðsvörtu almennu þrælar eigum að borga sama hvað það kostar fyrir ímyndað góðæri þrælastefnu íhaldsins og Framsóknar sem í dag er svo stutt duglega af Samfylkingunni.

Ég segi einfaldlega, nú er nóg komið út með þetta þjófahyski við eigum betra skilið.

Góðar stundir.

Útgerðir töpuðu á gengisvörnum

Oft er þörf en nú er nauðsyn

að hugsa um framtíðina og hvað hún gæti haft upp á að bjóða. Eitt af því mikilvægasta sem gott er að hafa í rassvasanum inn í framtíðina er góð menntun. Jói og Siggi eru með það á hreinu, sjáum hvernig þeim tókst til.

Tveir sveitalubbar, Jói og Siggi, sáu að þeir voru komnir á endastöð í
lífinu og ákváðu að fara í skóla til að komast eitthvað áfram.
 
Þeir byrja á því að fara til námsráðgjafa og Jói fer inn fyrstur.
Námsráðgjafinn ráðleggur Jóa að taka stærðfræði, sögu og rökfræði. "Hvað er
rökfræði?" spyr Jói. Námsráðgjafinn svarar: "Leyfðu mér að koma með dæmi.
Áttu sláttuvél?" "Hana á ég," svarar Jói. "Þá geri ég ráð fyrir; og nota
rökfræði, að þú eigir garð," svarar námsráðgjafinn. "Mjög gott," segir Jói
hrifinn. Námsráðgjafinn hélt áfram, "rökfræðin segir mér líka, að fyrst þú
átt garð, þá áttu líka hús." Yfir sig hrifinn hrópar Jói: "FRÁBÆRT!" "Og
fyrst þú átt hús, þá má jafnvel giska á að þú eigir konu." "Hana Mæju!
Þetta er ótrúlegt!" "Og að lokum, fyrst þú átt konu, þá er rökrétt að gera
ráð fyrir að þú sért gagnkynhneigður," segir námsráðgjafinn. "Það er alveg
hárrétt! Þetta er það magnaðasta sem ég hef nokkurn tíma heyrt! Ég get ekki
beðið eftir að byrja í rökfræði."
 
Að því búnu fer Jói fram þar sem Siggi bíður ennþá. "Hvaða fög tekurðu?"
spyr Siggi. "Stærðfræði, sögu og rökfræði," svarar Jói. "Hvað í veröldinni
er rökfræði?" spyr Siggi. "Leyfðu mér að koma með dæmi. Áttu sláttuvél?"
spyr Jói.
 
"Nei."
 
"Þá ertu hommi"

Hafsteinn bloggvinur minn sendi mér þennan. Takk félagi góður húmor er gulls ígildi.

Góðar stundir.

 

Seðlabankinn í mínus

Frjálshyggjan fær það sem hún á skilið.

það er við hæfi að rifja upp skrif hugmyndasmiðs sjálfstæðismanna. Ég er ekki alveg viss um að menn séu sammála þessu núna með allt niður um sig og sjá ekki með nokkru móti yfir skuldahauginn sem fyrir framan þá liggur. Ætli Hannes Hólmsteinn sé til í að staðfesta þessa dýrð í dag?

Hannes Hólmsteinn skrifaði grein í WSJ sem var vægast sagt einkennileg og skorti eitthvað upp á að sannleikurinn væri þar í fyrirrúmi í skrifum hans um kvótakerfið. 24 stundi birtu grein úr þessum skrifum Hannesar undir nafninu "kvótakerfið fjáruppspretta"

Þar segir meðal annars " Fjármagnið sé í fyrsta lagi til komið vegna kvótakerfisins, þar sem eignarréttindi hafa orðið til, fiskistofnarnir séu orðnir skráð, framseljanleg og veðsetjanlegt fjármagn"  Takið eftir þar sem eignarréttindi hafa orðið til.

Svo mörg voru þau orð. Nú vaknar sú spurning hjá mér og sjálfsagt mörgum öðrum, hefur Hannes Hólmsteinn ekki lesið lögin um stjórn fiskveiða. Tilvitnun í lögin "I. kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum"

Þetta er jafn skýrt og að ég heiti Hallgrímur. Hvernig má það vera að prófessor við Háskóla Ísland
kemst upp með það að blaðra svona rakalausan þvætting út yfir heimsbyggðina. Síðan eru að berast upplýsinga héðan og þaðan úr þjóðfélaginu um aðfarir bankanna að fiskvinnslu og útgerðum vegna þessarar frábæru fjáruppsprettu (kvótakerfinu) sem Hannes er að boða um heimsbyggðina. Það er hrár veruleikinn sem ekki verður litið framhjá.

Góðar stundir.

Fylgi VG meira en Sjálfstæðisflokks

Hernaðurinn gegn sjávarútveginum

Einhverjir hefðu haft gott af því að hlusta á og taka mark á Jóni Kristjánssyni áður en allt var komið í kalda kol eins og nú er ástatt fyrir sjávarútvegnum.

Grein úr Brimfaxa í janúar 2008 eftir Jón Kristjánsson fiskifræðing.

Aðförin að sjávarútveginum heldur áfram, því enn berast neikvæðar niðurstöður frá Hafró um þorskstofninn. Niðurstöður haustralls voru kynntar í byrjun desember og reyndist vísitalan hafa minnkað um 20% frá í fyrra." Þetta er svipað og við bjuggumst við" sögðu snillingarnir. Ekki hafa verið veidd nema tæp 200 þús tonn, svo vöxtur í stofninum er enginn. Hann nær ekki að framleiða nóg til að standa undir veiðinni við þessa litlu sókn, hvað þá að vaxa.

Ein skýringin er sú makalausa setning að "nú eru lélegir árgangar að bætast í veiðistofninn"! En hvað með hina árgangana sem voru þar í fyrra? Maður skyldi halda að þó lítið bættist við eitthvað ætti það samt að stækka. Vöxtur þess sem var til áður en lélegu árgangarnir bættust við er því minni en enginn. Svona röksemdir eru endaleysa.

Furðulegast af öllu er að ráðamenn skulu leyfa Hafró að halda þessari niðurrifsstarfssemi áfram endalaust. Nú sitja í ríkisstjórn 2 ráðherrar sem áður hafa lýst mikilli vantrú á ráðgjöf Hafró, en þeir hafa nú snúist um 180 gráður og beygja sig í duftið. Annar er ráðherra sjávarútvegs en hinn ráðherra byggðamála. Þetta vekur upp spurningu um hvað valdi þessari hlýðni við "vísindin" og hver RAUNVERULEGA stjórni þessu. Það er ekki aðeins verið að valda tjóni á Íslandi heldur riðar sjávarútvegur til falls víðast í hinum vestræna heimi. það er verið að búa til hungursneyð með því að banna mönnum að sækja sjó.

Sagan

Það er búið að gera tilraun til að byggja upp eða stækka þorskstofninn með því að draga úr veiðum. Tilraunin hefur staðið í 30 ár. Árangurinn er að afli á næsta fiskveiðiári verður aðeins fjórðungur af því sem hann var þegar tilraunin hófst. Í byrjun var lofað skjótum árangri, 400 - 500 þús tonna jafnstöðuafla úr stofninum. Í stórum dráttum var farið eftir ráðgjöfinni, möskvi var stækkaður og það leiddi til mjög minnkaðs veiðiálags á smáfisk, sem var ætlunin.

Sérstakar aðgerðir til verndar smáfiski, sem unnt var að fara í þegar Bretar yfirgáfu miðin 1976, reyndust mjög vel. Þannig var veiðistofn í byrjun tilraunar miðaður við 3 ára fisk og eldri en þegar frá leið breyttist þetta í að vera 4 ára og eldri. Þarna tókst vel til, afli fór vaxandi. Þrátt fyrir s.k. skrapdagakerfi sem tekið var upp til að hemja af þorskaflann, fór hann í 465 þús. tonn 1981. En galli varð á gjöf Njarðar því fljótlega dró úr vexti og afli féll um tæp 200 þús. tonn milli áranna 1981 og 1983.

Þegar þarna var komið hefðu menn átt að sjá að tilraunin hafði misheppnast og hugsa sinn gang. Mikil gagnrýni á þessum tíma fólst í að í stað þess að skera niður, ætti að auka veiðarnar til að koma á jafnvægi í fæðubúskapnum. En sérfræðingarnir voru staðfastir, niður skyldi skera og ráðherrann stóð með þeim.

Kvótakerfið sett á svo unnt væri að takmara enn betur aflann því menn skýrðu aflabrestinn með ofveiði. Fyrstu árin var farið nokkuð fram úr ráðgjöf og afli fór aftur vaxandi, stofninn hafði minnkað og fæða aukist. Tveir mjög stórir árgangar fæddust upp úr þessu stofnhruni, árgangarnir 1983 og 84, tveir stærstu samliggjandi árgangar sem fram hafa komið í sögunni.

Merkilegt nokk þá fóru tillögur Hafró hækkandi þrátt fyrir að farið væri fram úr ráðgjöf á hverju ári. Árið 1987 var séð hvert stefndi. Flóar og firðir fyrir Norðurlandi fylltust af horuðum svöngum smáþorski sem m.a. hreinsaði rækjuna úr Skagafirði, Öxarfirði og Húnaflóa á einum vetri. Silunganet sem lögð voru í Fljótavík fylltust af þorski en enginn veiddist silungurinn. Horaður smáþorskur sem minnti helst á skiptilykla, var uppistaðan í togaraaflanum við Vestfirði, þrátt fyrir stækkaðan möskva í trolli.

Þessir árgangar, 83- og 84- entust illa í afla, komu ekki fram sem stórfiskur m.v. hve þeir mældust stórir sem ungviði. Skýring Hafró var að þeir hefðu verið veiddir gegndarlaust, stútað með ofveiði.

Miklu sennilegri skýring er að þeir hafi drepist úr hungri. Sem dæmi um magnið má nefna að árgangur 1983 mældist 6 sinnum stærri en meðaltal árganga 1986-2003 sem 2 ára fiskur. Saman mældust 83- og 84- árgangarnir, þegar þeir voru 2 ára svipað stórir og þeir 11 árgangar samanlagðir sem eftir komu! (tafla 3.1.11. í Ástandsskýrslu 2007). Summan af þeim 3 ára var stærri en summa næstu sex árganga þar á eftir. En þeir hurfu út í myrkrið, brunnu upp í hungri sem stafaði af vanveiði.

Kenningarnar

Hafró hefur komið sér upp nokkrum kennisetningum fram og heldur í þær dauðahaldi. Þegar að er gáð standast þær hvorki nánari skoðun né heldur reynslu. Segja má að hugmyndafræði Hafró brjóti í bága við náttúrulögmál, almenna vistfræði og reynslu. Skoðum kennisetningar þeirra nánar:

1. Hrygningarstofninn þarf að vera stór til þess að hann gefi af sér góða nýliðun.

Sé stærð hrygningarstofns og nýliðun þorskstofnsins er sett upp í tímaröð kemur annað í ljós. Þegar hrygningarstofninn vex þá minnkar nýliðun. Þegar hrygningarstofn fer minnkandi þá vex nýliðun. Þetta er í hróplegu ósamræmi við það sem Hafró heldur fram.

Þetta öfuga samband má skýra þannig að þegar hrygningarstofn er stór, er heildarstofn einnig stór og hvorki þörf, pláss né matur fyrir ungviði. Það hefur takmarkaða möguleika til uppvaxtar og er oft étið af stærri fiski. Þetta er hin sjálfvirka stjórnun stofnsins á sjálfum sér.

Stærð hrygningarstofns og nýliðun þorsks 1960-2004, 3 ára keðjumeðaltöl. Sjá má að allt til 1987 sveiflast nýliðun reglulega. Heil sveifla er 10 ár. Á þessu tímabili er ekki að sjá jákvætt samband hrygningarstofns og nýliðunar, fremur hið gagnstæða: Stór stofn gefur litla nýliðun og öfugt. Stigsmunur verður á nýliðun eftir 1984 þegar stjórnun með aflamarki hefst. Meðalnýliðun fellur úr 212 milljónum í 133 milljónir 3 ára fiska. Líklegt er að stjórnun með aflamarki takmarki aflatoppa og feli þar með nýliðun - og vanmeti stofnstærð.

 

2. Mikilvægt er að friða smáfisk svo hann nái að stækka og fleiri verði stórir.

Reynslan hefur leitt í ljós að þetta hefur ekki gengið eftir. Friðun smáfisks veldur auknu beitarálagi á fæðudýr, þau eru étin upp áður en þau ná að gagnast stærri fiski. Stærri fiskur þarf því að velja um að svelta eða éta undan sér. Hvort tveggja virðist gerast. Árið 1998 var ástandið svona, horaður fiskur með lítið annað en eigin ungviði í maga. Enda minnkaði stofninn þá snögglega, þvert á væntingar því á þessum tíma taldi Hafró að uppbyggingin væri að skila sér og bætti í kvótana. Eftir að stofninn minnkaði var þetta skýrt með "ofmati" í fyrri mælingum. Einkennilegt hjá heimsliði í ralli eins og þeir mátu sjálfa sig á þeim tíma.

Mikið var veitt hér af smáþorski allt fram að því að útlendingar fóru af miðunum og unnt var fara að "stjórna" veiðunum. Dæmi um þetta er veiði Breta á sjöunda áratugnum en þá voru rúm 50% afla þeirra að fjölda til við eða undir núverandi viðmiðunarmörkum.

Smáfiskadráp Breta. Hér má sjá samanburð á lengdardreifingu í afla íslenskra og breskra togara árin 1960-64 að báðum árum meðtöldum. Sýndur er fjöldi fiska í 5 cm lengdarflokki, samtals fyrir öll árin. Lengdarflokkar eru skilgreindir þannig að í flokknum 25 t.d. eru fiskar á bilinu 25-29 sm. Helmingur aflans, að fjölda til, er jafn eða undir 55 cm, þeim viðmiðunarmörkum sem notuð eru í dag. Einnig er athyglisvert að bera saman lengdardreifingu hjá Íslendingum og Bretum. Takið eftir muninum í afla, bresku togararnir veiða 7 sinnum fleiri fiska en þeir íslensku. Á þessum árum veiddu útlendingar, aðallega Bretar, um 160 þúsund tonn af þorski við landið á ári. Það er jafn mikið og allur þorskaflinn er í dag. Það hljómar því vægast sagt einkennilega þegar fullyrt er í dag að smáfiskadráp komi í veg fyrir stækkun þorskstofnsins (eftir Jón Jónsson 1965).

 

Þegar býsnast var yfir smáfiskadrápi og meintri ofveiði 1964, sendi þáverandi forstjóri Hafró, Jón Jónsson, þetta frá sér:

..fjöldi einstaklinganna er ekki einráður um útkomuna, heldur er vaxtarhraði hvers einstaklings mjög mikilsverður. Hæfileg grisjun stofnsins er því mikilvæg til þess að viðhalda hámarksvaxtarhraða einstaklinganna, þannig að best nýtist framleiðsla sjávarins hverju sinni."

3. Fiskurinn þarf að fá frið til að hrygna.

Stuðlað er að þessu með s.k. hrygningarstoppi, þ.e að veiða ekki á hrygningarslóð um hrygningartímann og til öryggis kringum allt land í einhverjar vikur.

Til er að svara að fiskur hrygnir hvort sem hann fær "frið" eða ekki. Fiskur í slíkum hugleiðingum er yfirleitt ekki að hugsa um hvað gerist í kring um hann. Þeir sem hafa fengist við lax eða silungsveiðar þekkja slíkt vel. Tíðkast hefur frá alda öðli að herja á hrygnandi fisk, m.a. vegna þess hve auðvelt er að ná honum þegar hann safnast saman til hrygningar og er lítt var um sig. Áður fyrr var djöflast á hrygningarfiski án þess að það hefði nokkur áhrif en nú er floti netabáta sem áður stunduðu þessar veiðar að nær engu orðinn. Áður fyrr var á vertíðinni einni veitt tvöfalt það magn sem nú er leyfilegt að veiða allt árið.

Ekki er að sjá að þessi aðgerð hafi nokkru skilað. Því meiri friðun, þeim mun lélegri árgangar, það er reglan. (þetta má auðveldlega skýra, þegar stofninn er stór er ekki þörf á ungviði.

4. Með því að veiða minna mun stofninn stækka.

Reiknimeistararnir á Hafró trúa því að veiðar séu sá þáttur sem mest áhrif hefur á stofninn, hann stækki og minnki í hlutfalli við það sem úr honum er veitt. Til þess að þjóna þessu hafa þeir búið til "lögmál" sem er að gera alla áhrifaþætti að fasta, setja náttúruleg afföll 20% á ári. Svo er leitast við að mæla afföllin og allt sem er umfram 20% er skrifað á veiðar. Þetta heitir nú á mannamáli að stinga höfðinu í sandinn og þykir ekki gæfulegt.

Sannleikurinn er sá að náttúruleg afföll eru mun meiri en veiðarnar, enda sýna rannsóknir á hrefnu að hún étur tvöfalt meira úr þorskstofninum en Hafró gefur sér sem öll náttúruleg afföll. Þeir sögðu sjálfir frá útreikningum á áti hrefnunnar en settu það ekki í samhengi. Merkilegt.

Þrátt fyrir svona upplýsingar um þversagnir í "vísindum", ásamt þeirri bláköldu staðreynd að þorskafli hafi minnkað um 2/3 á tímabili tilraunarinnar gerist ekkert. Stjórnmálamenn virðast alveg hafa tapað glórunni því þeir mæla með auknum fjárveitingum til Hafró. Þarna liggur e.t.v. hundurinn grafinn: allt í fári, meiri rannsóknir, meiri peninga. Stofnanir þurfa nefnilega að viðhalda sjálfum sér. Fróðlegt verður að fylgjast með framhaldinu, því líklegt er að mikil fiskgegnd verði á vertíð í vetur, - en engir mega veiða.

Greinina er að finna á heimasíðu Jóns Kristjánssonar fiski.com.

Ég sé fyrir mér að Líú liggi á hnjánum einhverja næstu daga fyrir framan útidyrnar hjá Jóni grátbiðjandi um endurmat á gjörningum Hafró, kaldhæðni örlaganna lætur ekki að sér hæða.

Góðar stundir.

LÍÚ óskar eftir meiri kvóta

Er Liverpool í torfærukeppni?

Alveg er það með eindæmum hvað mínir menn geta gert sér þetta erfitt. 1 -  0 á móti Portsmouth sem var arfaslakt í fyrri hálfleik. Í þeim síðari var þeim hleypt fullmikið inn í leikinn og á tíma var ég farinn að halda að orð mín í síðustu færslu þörfnuðust endurskoðunar. Sigur er niðurstaðan og um það snýst málið ekki satt?

Góðar stundir.

Liverpool áfram á toppnum í Englandi

Crouch spenntur að snúa aftur á Anfield og fá

duglega niðurlægingu ofan á kaupið. Líkurnar verða að teljast harla litlar fyrir Portsmouth í þessum leik, Liverpool liðið er ógnarsterkt um þessar mundir og sjálfstraustið í efstu hæðum. Sigur minna manna í kvöld er nánast öruggur, einungis stórslys kemur í veg fyrir það og Crouch fer heim með kengbogið sjálfsálit.

Góðar stundir.

Crouch spenntur að snúa aftur á Anfield

Það er engin undantekning á þessu gjaldþroti

og öllum hinum sem hellst hafa yfir á undanförnum vikum. Það er logið blákalt þangað til allt er komið á rassgatið og sett í lás, sjá hér. Það eru ekki nema tvær vikur síðan að forsvarsmenn Sterling sögðu að allt væri í þessu fína og fjárhagsstaðan mjög góð. Ekki hefur hækkandi verð á bensíni átt þarna hlut að máli, það hefur þvert á móti verið lækkandi þann tíma sem liðinn er frá því að allt var svona líka ljómandi gott og félagið hreinlega velti sér upp úr peningahaugunum.

Þessi atburðarrás hjálpar svo sannarlega ekki til við að bæta Ímynd Íslendinga erlendis. Mín skoðun er sú að það eygi að taka þessa gaura umsvifalaust úr umferð, við erum að tala um almannaheill hér sem þessir fjárglæframenn eru að gambla með.

Góðar stundir.

Starfsmenn Sterling reiðir

Engin ástæða til að óttast

Það eru að gerast undur og stórmerkilegir atburðir. Stofnun sem kennir sig við vísindi á sviði fiskifræði virðast nefnilega vera búnir að finna smáslatta af þeim þorski sem þeir tíndu óvart í bókhaldinu hjá sér. Já mikill er máttur vísindanna og alveg stórkostulegt að stofninn skuli stækka duglega frá því í vor. Erum við að tala um einhverskonar sterastofn hér? Sjá hér.

Í vor vildi Hafró meiri niðurskurð en þann sem ákveðinn hafði verið vegna hættu á hruni stofnsins. Þeir hafa sjálfsagt viðhlítandi skýringar á þessu svo sem vanmat, en alþekkt er ofmat Hafró sem hefur að mínu mati aldrei verið rétt og reyndar höfum við aldrei fengið neina haldbærar skýringar á þeim vinnubrögðum.

Gaman væri að vita hver hafi skipað Hafró að gefa þetta út og í leiðinni að gefa mönnum vonir um 30.000 tonna hungurlús til viðbótar við þá hörmung sem fyrir var.

Góðar stundir.

Bretar óttuðust skort á fiski og frönskum

Var þetta bara heppni?

Lesið þetta, og hvaða álit hafið þið á þessu?

Nú spyr ég, var búið að ákveða hvað mikið Birna átti að fá í arðgreiðslur á hverju ári?

Ef svo var, hver ákvað það?

Af hverju hafði hún forréttindi umfram aðra og átti að fá hlutabréf lánuð upp á væntanlegt fjármagn?

Var þetta bara einskær heppni, fiktaði ekki einhver í einhverju og reddaði hlutunum í skjóli myrkurs?

Ég trúi þessu ekki og get ekki með nokkru móti treyst þessu liði, það virðist hver verja annan í þessu sukki og allir gerðu ekki neitt sem varð þess valdandi að þjóðin er nánast gjaldþrota og enginn ber ábyrgð á neinu.

Góðar stundir.

Húsfyllir í Iðnó - hiti í fundargestum