Var þetta einhver spurning?

Ekki að mínu mati en ég bjóst við því að leikurinn færi 2 - 1 fyrir Liverpool. En svona er þetta margt af því sem maður vonar verður ekki alltaf að veruleika en sigur er það sem málið snýst um.

Eitthvað talaði ég um þetta í gær sjá hér, aldrei efaðist ég eitt augnablik um þennan leik og svona til að róa ykkur sem þetta lesa þá verður Liverpool meistari í vor. Kristalkúlan mín er það ábyggileg þessa dagana og samkvæm sjálfum sér að ég slæ þessu föstu hér með.

Góðar stundir.

Liverpool lagði Chelsea - Fyrsta tap Chelsea á Brúnni í 4 ár og 8 mánuði

Athugasemdir

[Víðir Benediktsson, 26.10.2008 kl. 17:45]

Til hamingju með þína menn. Ég er alltaf ánægður með þá sem tína stigin af Chelsky. Gerir okkur auðveldar fyrir í vor. Mun hugsa hlýlega til þín og þinna manna þegar við lyftum bikarnum í vor þremur stigum á undan Chelsky.

[Hallgrímur Guðmundsson, 26.10.2008 kl. 18:47]

Takk fyrir Víðir, en er veittur bikar fyrir annað sætið sem þið verðið klárlega að sætta ykkur við... Sennilega er þetta rétt hjá þér með að þið verðið þremur stigum á eftir Chelsea en hvað mörgum stigum þið verðið á eftir Liverpool er ekki hægt að segja fyrir á þessari stundu en ljóst má þó vera að þau verða þó nokkur...

En ég myndi hlægja mig yfir í annað líf ef Chelsea, UTD og Liverpool verða niðurlægð hroðalega og Hull hirðir titilinn....

[Víðir Benediktsson, 26.10.2008 kl. 18:56]

Hullarar eru mínir menn. Á fáum stöðum í veröldinni átt betri daga. Fólk í bresku sjávarplássunum er snilldarfólk.

[Högni Jóhann Sigurjónsson, 26.10.2008 kl. 19:13]

Til hamingju með þína menn Halli, ég er mjög sáttur við þessi úrslit því að ég treysti Liverpool fyllilega betur en Chelsea til að klúðra sínum málum í jólatörninni og mun eins og Víðir hugsa hlýlega til þessa sigurs og þín í vor.

Ég er sammála Víði með Húll eins og ég var ánæggður með Wigan þegar þeir komu upp.

[Hafsteinn Viðar Ásgeirsson, 27.10.2008 kl. 09:03]

Þetta var vel gert hjá þínum mönnum Halli, til hamingju með það.