Djöfull var þetta erfið fæðing

en hafðist að lokum 3 - 1 sigur og í rauninni gefa þessar tölur ekki alveg rétta mynd af leiknum. Liverpool liðinu skortir sjálfstraust og leikgleði, hvernig sem þetta tvennt gat fokið út um gluggann er ekki gott að segja, ekki liggur ástæðan í einhverjum hroðalegum töpum það er alveg kristalskýrt...

En hvað um það afmælisgjöfin sem ég bað um fékk ég frá mínu frábæra liði og hvað sem á eftir að gerast í dag eða morgun skiptir ekki nokkru máli helginni er reddað....

Góðar stundir.

Arsenal, Liverpool og Chelsea unnu

Það er sjötti desember og árið er 1962

Hvað klukkan var hef ég ekki hugmynd um enda spurði ég ekkert að því þegar ég datt út úr hlýja hellinum sem ég var í. Já það var skítkalt og einhver bláókunn kona hélt á mér, hvað átti ég að gera annað en mótmæla duglega með háværum öskrum sem fengið hefði sjálfan Tarsan til að athuga hvort hann væri örugglega karlkyns?...

Eina sem ég hafði áhuga á var mjólkurstöðin sem lá marflöt, kófsveitt og úrvinda úr þreytu upp í mjög skrýtnu rúmi eftir að hafa fætt þennan öskurapa sem ljósmóðirin hélt á. Þarna byrjaði það sem ég hef oft sagt að sé konum að kenna, sérstakt dálæti á þessum yndislega líkamsparti kvenna, brjóstunum...

Já gott fólk þennan dag sjötta desember 1962 fæddist ég og svo vægt sé til orða tekið þá hafa þessi 46 ár sem ég hef lifað verið mjög fjölbreytt. Sum mjög góð og sum ekki alveg eins góð en á heildina litið myndi ég ekki vilja breyta miklu ef ég ætti kost á því...

Ég hef átt því láni að fagna að hafa eignast marga mjög góða vini, unnið til margra ára þá vinnu sem mér þótti afar skemmtileg og krefjandi. Hitt marga mjög athygliverðar persónur, einn er sá maður sem ég hitti fyrir mörgum árum og því mun ég sennilega aldrei gleyma...

Kristján Eldjárn hét maðurinn og var hann þriðji forseti Íslenska lýðveldisins. Í apríl 1974 varð ég þess heiðurs aðnjótandi að fá heimsóknarboð til Bessastaða og þar hitti ég að sjálfsögðu þennan merka mann sem ég hef alla tíð borði mikla virðingu fyrir. Það vil svo skemmtilega til að ég og Kristján heitinn Eldjárn eigum (áttum) sama afmælisdag og það eru hreint ekki allir sem upplifa það að flaggað sé á afmælisdegi þeirra, en það var alltaf gert í forsetatíð Kristjáns... Blessuð sé minning hans. Þeir sem áhuga hafa geta lesið sér aðeins til um þennan einstaka mann hér. 

Hvernig það atvikaðist að ég fékk þetta heimsóknarboð til Bessastaða er svo aftur efni í heila ritgerð sem verður ekki skrifuð í þessari færslu og aldeilis óvíst að ég komi nokkurn tímann til með að upplýsa það... Ég ber við persónuvernd, bankaleynd og öllu tiltæku sem í boði er.

Eygið góðan dag vonandi fæ ég afmælisgjöf frá klúbbnum mínum sem gleður en þeir eiga eins og allir vita leik á móti Blackburn í dag.

Góðar stundir.

 

Það á að hætta þessu rugli

og setja á 300 þúsund tonna jafnstöðuafla í Þorskveiðum strax í þrjú ár. Að þremur árum liðnum má svo endurskoða árangurinn. Það hefur sýnt sig allt frá því að kvótakerfið var sett á þá hafa allar tilraunir við að byggja upp þorskstofninn með sífellt meiri friðun brugðist algjörlega.

Norðmenn og Rússar neituð algjörlega að skera niður veiðar í 110 þúsund tonn eins og Alþjóðahafrannsóknarráðið krafðist árið 2000 annars myndi stofninn hrynja. Í dag er veitt yfir 500 þúsund tonn í Barentshafi. Klikkið á myndina til hægri þá stækkar hún.

Hvað gerðu Norðmenn og Rússar til að ná þessum árangri sem gekk þvert á kenningu vísindamanna sem sjá ekkert annað en niðurskurð til að ná árangir? Þótt sumir vilja slá sér til riddara og flokka Rússa sem eintómar fyllibyttur og þriðja flokks fólk sem hefur ekki hugmynd um nokkurn skapaðan hlut nema í hvað átt er best að skrúfa tappann á Vodka flöskunni, þá eiga þeir í það minnsta það fram yfir vitringana á Hafró og steingelda ráðamenn þessa lands að neðansjávarbúskap kunna þeir margfalt betur.

Norðmenn fylgja að sjálfsögðu með því þeir átta sig á því að stofninn þarf að grisja og annað mjög mikilvægt atriði sem þessar tvær þjóðir eiga sameiginlegt, þeir einfaldlega vita að fiskurinn þarf eitthvað að éta og bönnuðu þess vegna allar loðnuveiðar í Barentshafi.

Ég held að menn mættu taka til í eigin hroka og viðurkenna vanmátt sinn og fylgja því eftir sem best hefur verið gert á þessu sviði. Eða eru menn enn á því að það sem fyrrverandi forstjóri Hafró Jakob Jakobsson sagði? "Við Nýfundnaland er stundu ábyrgasta fiskveiðistjórnun í öllu Norður- Atlandshafi og eftir því sem austar dregur versnar hún og verst er hún í Barentshafi sem mun leiða til algjörs hrun á þorskveiðum"

Dásamleg yfirlýsing sem eins og flestir vita hefur farið á allt annan veg, er enginn farinn að efast um hæfni þessara vísinda? Það má vel vera að sumt sé gott sem þetta vitringasamfélag gerir en guð forði okkur frá frekari spámennsku um hvernig best sé að byggja upp og fjölga þorskum við Ísland þegar menn átta sig alls ekki á því að kvikindin þurfa að borða eitthvað. Þegar menn sjá ekki einu sinni þennan mikilvæga þátt hvernig getur þá restin af spekinni gengið upp?

Hvað á lengi að þverskallast við í afneitun? Hvað er svona sárt við að viðurkenna það að kvótakerfið og aðferðarfræði Hafró hefur brotlent ekki ósvipað og hugmyndafræði útrásarvíkinganna brotlenti með hroðalegum afleiðingum? Menn væru meiri fyrir vikið og þá fyrst gæti hafist raunveruleg samvinna á milli sjómanna og vísindasamfélagsins.

Sjómenn eru ekki bara sjómenn eða algjör fífl sem blaðra ábyrgðarlaust um dulheima hafdjúpanna, við höfum yfir að ráða einstakri sérþekkingu á því hvernig þetta stórbrotna samfélag hafdjúpanna virkar. Þrátt fyrir okkar sérþekkingu þá er þetta einstaka samfélag stöðugt að koma á óvart með margbreytileika sínum og mætti segja að menn séu í stöðugu námi allt árið með frábærum árangi sem árangur veiðanna eru besti prófdómarinn um hvernig námið tókst.

Fólkið sem búið er að ræna viðurværi sínu í sjávarþorpum landsins hafa fengið að kenna duglega á þessari brotlendingu kvótakerfisins og aðferðarfræðinni sem galgoparnir á Hafró hafa viðhaft í náttúruverndarstefnu sinni. Landsbyggðin fékk þessa brotlendingu í hausinn löngu áður en einhverju stjörnuljósinu hugkvæmdist orðatiltækið KREPPA.

Góðar stundir.

Aukið verði við þorskkvótann og útsendingar útvarps verði ekki skertar

Ókeypis hjálp íhaldsins í baráttu

við eigin skítverk. Þetta vil ég kalla hina fullkomnu hringavitleysu. Íhaldi stútar öllu sem hægt er að stúta í þjóðfélaginu og sendir síðan kvennasveit sína í hjálpar og björgunaraðgerðir...

Það er magnað þetta íhald, meira að segja Hitler hafði ekki hugmyndaflug í svona dellu. Aldrei hefði honum dottið til hugar að sýna gyðingum þá hræsni að þykjast ætla að hjúkra þeim eftir hroðalegustu meðferð sem um getur í mannkynssögunni á einum kynstofni í fangabúðunum....

Íhaldið bætir um betur og með ótrúlegri hræsni býðst það til að hjúkra helsjúkum eftir eigin útrýmingarstefnu...

Góðar stundir.

Ókeypis ráðgjöf vegna efnahagsástandsins

Ég veit hvað mig langar í jólagjöf

Í dag skrapp ég aðeins í heimsókn í vinnuna hjá minni ekta frú sem er í sjálfum sér ekki frásögu færandi. Nema hvað þessi heimsókn varð aðeins öðruvísi en ég átti von á.

Þegar ég kom skokkandi skælbrosandi inn í Zik Zak horfði mín á mig með undurfurðulegu augnaráði, svona eins og hún væri að reikna út hversu móttækilegur ég væri fyrir óvæntum fréttum, þetta þekkjum við allir.

Ég var að sjálfsögðu dreginn á bak við og boðið heitt kakó og piparkökur og sá orðið fyrir mér flott axlanudd (enda er hún lærður nuddari) þar sem ég sat í mestu makindum sárasaklaus og gæddi mér á kræsingunum.

Þá hvíslar mín ofurnett í eyra mér, ÉG VEIT NÁKVÆMLEGA HVAÐ ÉG VIL Í JÓLAGJÖF. Ég lagði rólega frá mér kakóbollan og horfði beint í augu konunnar og sagði, af hverju líður mér einkennilega núna. Það hafði ekkert með kakóið eða piparkökurnar að gera þessi furðulega líðan mín.

Hvað er þetta með konur þegar maður segir nákvæmlega það sem manni finnst? Það er bara hlegið og haldið áfram eins og enginn sé morgundagurinn að tala um þessa frábæru jólagjöf. Hvað gerir maður ekki fyrir þessa elsku, það var arkað á stað í einhverja tuskubúð og mér sýnd þessi frábæra jólagjöf sem mín var nýbúinn að finna handa sjálfum sér.

Það vita allir hvernig þetta endaði, gjöfin flaug ofan í poka og einhverjum þúsund köllunum fátækar fékk ég náðarsamlega að klára kakóið mitt ónuddaður.

Góðar stundir.

Skipstjórar HB Granda á ofskynjunarlyfjum

Hvað annað getur mann dottið í hug, Hafró er búin að kveða upp sinn dóm um þorskinn og það er hinn eini sanni stórisannleikur, allt annað er ábyrgðarlaust blaður. Hafró fann það út að einungis væri til 650 þúsund tonn af þorski á Íslandsmiðum í hárnákvæmu og viðarmiklu togararalli í vor.

Eru menn virkilega enn í þeirri afneitun að rengja þetta hárnákvæma rall sem nær hreinlega yfir 0,14% af hafsvæðinu frá fjörumarki og niður á 500 metra dýpi. Þetta dýpi sem þessi snardópaði skipstjóri HB Granda er að tala um eru 550 til 640 metrar. Sem sagt langt utan við þessa prósentutölu sem áður er nefnd.

Ef heldur sem horfir þá má ljóst vera að dugleg endurskoðun er bráðnauðsynleg á innihaldi lyfjakista um borð í skipum HB Granda. Það gengur ekki upp að menn sem hafa fjölda mannslífa á sinni ábyrgð hafi óheftan aðgang að allskonar ólyfjan sem hefur þá hrikalegu aukaverkan að þeir sjái þorsk um allan sjó sem er ekki einu sinni til og lesi í ofaná lag snarvitlaust út úr dýptarmælunum.

Já nú er bleik brugðið, óhemju góð línu og netaveiði á þorski undanfarin ár er einnig ofskynjun, þannig má ljóst vera að skipstjórnarmenn á Íslenska flotanum eru dóphausar með alvarleg ofskynjunarvandamál sem ekkert er að marka frekar en hauslausa hænu sem tjáir sig með rassgatinu.

Góðar stundir.

Þorskur í ætisleit úti um allt

Valdasjúkur einræðisherra hótar

því að snúa aftur ef hann verður látinn taka pokann sinn í Seðlabankanum. Trúir Davíð því í alvöru að Íslendingar geti ekki án hans verið? Allar hugsjónir og fyrri störf Davíð hafa hrunið til grunna með hörmungum fyrir þjóðina sem fólk er rétt að byrja að sjá.

Stöðugleika og góðærisstefna Davíð var allan tímann bara blekking sem fengin var að láni hjá sárasaklausum erlendum borgurum og eftirlaunaþegum sem hafa misst allt sitt eins og fólk hefur lesið um í fjölmiðlum undanfarnar vikur.

Að sjálfsögðu vil Davíð snúa aftur, það á nefnilega eftir að ráðstafa bönkunum aftur og auðvitað vil kóngurinn hafa puttana í því dæmi hvað annað? Það gengur ekki upp að láta steingeldan dýralæknir, hugmyndasnauðan nojara og slæðudrottningu sjá um svoleiðis bitlingaúthlutun.

Nei bönkunum skal úthlutað aftur á hárréttan hátt eins og áður var gert og til þess er enginn betur fallinn en einræðisherrann ómissandi. Endurkoma Davíðs í stjórnmál breyta svo sem engu, hann fór aldrei. Eina sem gerðist í raun var að einræðisherrann skipti um skrifstofu með nýju símanúmeri.

Ég tek undir orð sem ágætur pistlahöfundur á dv.is sagði í pistli sínum, Davíð haltu kjafti og vertu úti.

Það er bersýnilega að koma í ljós að það þarf alvöru byltingu til að hreinsa landið við þessa óværu sem íhaldið er og hefur haldið landinu í heljargreypum ótta og þrælkunnar í áratugi.

Góðar stundir.

Davíð: „Þá mun ég snúa aftur"

Umboðsmaður spyrji um mannréttindi á Íslandi

Eða er það eitthvað sem þarf ekkert að skoða? Mannréttindabrotin mega bara halda áfram eins og ekkert hafi í skorist og skuldbinding íslenskra stjórnvalda til að hlíta úrskurðum mannréttindanefnd Sameinuðu Þjóðanna bara djók sem skrifað var undir á blinda fylleríi.

Mannréttindasáttmáli Sameinuðu Þjóðanna á prenti telst tæplega nothæfur sem klósettpappír á gullsleginn afturenda þeirra sem framfylgja eiga því sem kallað er gunnréttindi (mannréttindi) þegnanna svo handónýtt plagg er þetta í augum stjórnvalda.

Margir hafa tjáð sig um þetta mál og undantekningalaust er talað fyrir daufum eyrum og menn almennt sagðir á stjarnfræðilegum villigötum. Við þegnarnir sem brotið er á erum sem sagt á villigötum og mannréttindanefnd Sameinuðu Þjóðanna þar af leiðandi algjörlega óhæf til að sinna sínu hlutverki enda skipuð að mestu einhverjum andskotans halanegrum úr svörtustu Afríku og öðrum óæðri löndum.

Við þegnar Ísland megum þakka fyrir íhaldið, framsókn og nú samfylkinguna. Þeir vita þetta betur en allir aðrir hvernig og um hvað mannréttindi snúast. Svona er Ísland í dag.

Góðar stundir. 

Umboðsmaður spyr um neyðarlög

Auðvitað á að mótmæla hvalveiðum

Það væri hreint með ólíkindum ábyrgðarlaust að hella sér í hamlausar hvalveiðar. Hvalirnir eru okkur Íslendingum bráðnauðsynlegir og þá má alls ekki eins og staðan er í dag veiða.

Miskunnarlaust dráp á sárasaklausum hvölum er óðsmanns æði. það vita það allir að það þarf að grisja fiskistofnana svo náttúruleg uppbygging geti átt sér stað í helstu nytjastofnum Íslendinga. Ekki megum við Íslendingar sjá um þessa bráðnauðsynlegu grisjun, því stjórnar náttúru og dýraverndunarstofnunin Hafró + veruleikaskertur ráðherra, þá kemur að mikilvægu hlutverki hvalanna til verksins.

Já hreykinn geta Íslendingar horft til alþjóðasamfélagsins barið á brjóst sér og montað sig af spikfeitum heilögum og alfriðum hvölum sem sjá um verk okkar mannanna frítt. Þetta telst alvöru hagkvæmni með nákvæmlega engum tilkostnaði...

Góðar stundir.

Ætla að trufla hvalveiðar

Auðvitað var tölvu druslan handónýt

Ekki trúi ég því að mönnum detti eitthvað annað í hug. Það er algjörlega óhugsandi að þessi skipstjóri hafi gerst brotlegur í besta fiskveiðistjórnunarkerfi í heimi, eru menn geggjaðir að halda því fram að það þurfi að brjóta lög í þessu kerfi?

Nei á Íslandi eru bara strangheiðarlegir skipstjórnarmenn sem mega ekkert rangt vita, öllum lögum og reglum er fylgt í hvívetna enda höfum við aflað okkur gríðarlegrar virðingar alþjóðasamfélagsins með okkar fábrotna einfaldleika fiskveiðistjórnunnar í heimsins besta kvótakerfi sem er með því skilvirkasta sem um getur í sólkerfinu.

Já menn eru einfaldlega fífl að halda öðru fram sem gæti borðið skugga á loforðapistla Hannesar Hólmstein sem að sjálfsögðu fjalla allir um skilvirkni kerfisins, svo ekki sé talað um þessa ótrúlegu uppsprettu á steindauðu fjármagni sem vaknað á eftirminnilegan hátt til lífsins og stútaði efnahag þjóðarinnar.

Já svei þeim sem höggi vilja koma á kerfið og boðorðapostulann Hannes sem á vordögum leggur væntanlega á stað um gjörvalla heimsbyggðina með glænýja útfærslu á fagnaðarerindinu.

Góðar stundir.

Henti siglingatölvu í gám