Líú hundarnir ( Hafró )

Fyrst kemur þetta.

 Svo kemur þetta.

Líú samsteypan öskrar.

Og þá verður Hafró að segja þetta.

Hver stjórnar þessu? 

Bankarnir gjaldþrota!!!

Frétt á visir.is

Jón Ásgeir Jóhannesson vill að skoðað verði alvarlega að ganga í Evrópusambandið.

"Jón Ásgeir Jóhannesson, stjórnarformaður Baugs Group, FL Group og 365, sagði í viðtali við Markaðinn í kvöld að það væri langtímasjónarmið fyrir ríkisstjórnina að skoða alvarlega aðild að Evrópusambandinu.

"Það er ekki hægt að stinga höfðinu í sandinn. Það er langtímasjónarmið fyrir ríkið að skoða alvarlega aðild að Evrópusambandinu. Ef það gerist eiga bankarnir framtíð á Íslandi," sagði Jón Ásgeir.

Aðspurður um stöðu bankanna sagði Jón Ásgeir að hann teldi uppsangir liggja í loftinu. "Ég tel að fjármálageirinn muni fækka verulega starfsfólki á næstu tólf mánuðum. Staðan er verri en menn tala um. Skuldaálagið á bönkunum erlendis tekur mið af því að þeir séu gjaldþrota," segir Jón Ásgeir en FL Group, þar sem Jón Ásgeir gegnir stjórnarformennsku, er stærsti hluthafi Glitnis.

Nánar verður rætt við Jón Ásgeir í hádegisviðtali Markaðarins á Stöð 2 á mánudag en hægt er að horfa á það í beinni útsendingu á Vísi" Tilvitnun lýkur.

Svo einfalt er það gott fólk. 

Fleiri uppsagnir væntanlega í fiskvinnslu???

Hér eru upplýsingar um útflutning á óunnum og óvigtuðum fiski sem er að fara á Englandsmarkað.       

Vikan 11. febrúar - 17. febrúar
Fisktegund    Magn (kg)
Þorskur     39.510
Ýsa     275.746
Ufsi     1.254
Lýsa     930
Karfi / Gullkarfi     49.217
Langa     1.205
Blálanga     325
Steinbítur     24.234
Tindaskata     280
Hlýri     1.828
Skötuselur     1.535
Ósundurliðað'     1.330
Skarkoli     6.470
Þykkvalúra / Sólkoli     1.612
Langlúra     50
Annar flatfiskur'     2.090

Samtals: 407.616 kg.  Hefur einhver skoðun á þessu? 

Þvílík andsk..... þvæla...

Það skildi þó ekki vera að stór partur af þessu fylgishruni eigi rætur sínar að rekja til vinnubragða þingflokks sjálfstæðismanna. Arnbjörg hefur sjálf lýst því yfir að sjálfstæðismenn styðji mannréttindabrot. Arnbjörg segir meðal annars "Arnbjörg segist ekki vera í nokkrum vafa um að fylgið muni aukast þegar nær dregur kosningum. „Menn hafa treyst Sjálfstæðisflokknum vel og við höfum staðið undir því trausti" Þvílík helv.... þvæla, Þarna á greinilega að treysta á minnisleysi landans, og talandi um að flokkurinn hafi staðið undir trausti, sverasta togaratungumál nær ekki fyrir lýsinguna á því hvernig sjallarnir hafa brugðist því trausti sem þeim var sýnd.

Formaðurinn Geir Haarde flýtur áfram með sólheimaglott frosið á andlitinu og lýgur því eins og sönnum foringja sæmir að allt sé í þessu fína og stöðugleikinn góður sem aldrei fyrr. Um vonbrigði og hverjum sé um að kenna má lesa hér.

 

Bjarni Harðar safnar í kosningasjóð.

 Frétt á DV.is

50 þúsund fyrir að koma fram á sundskýlu

„Ég fékk 50 þúsund krónur greitt fyrir þetta viðvik og finnst það nokkuð vel í lagt fyrir þá vinnu sem ég þurfti að inna að hendi,“ segir Bjarni Harðarson þingmaður Framsóknarflokksins en Bjarni lék nýverið í sjónvarpsauglýsingu Sláturfélags Suðurlands.

Bjarni segir að sér hafi fundist sjálfsagt að koma fram í auglýsingu SS þar sem fyrirtækið sé í hans héraði og hann beri tilfinningar til þess og eigi góðar minningar tengdar Sláturfélagi Suðurlands.

Þingmaðurinn kom fram á sundskýlu einni fata í þessari frumraun sinni í leiklistinni.

Það verður seint sagt um framsóknarmenn að þeim skorti hugmyndarflug til að styrkja flokkinn.

Viðmiðunarverð á leigukvóta lækki...

og verður í einhverju samhengi rekstrarlega séð við viðmiðunarverð Verðlagsstofu skiptaverðs. Ef við skoðum viðmiðunarverð á þorski og ýsu og berum það svo saman við leiguverð kemur upp vægast sagt einkennileg útkoma. Leiguverð á þorski er 240 til 250 kr í aflamarkskerfinu og 200 til 220 kr í krókakerfinu, á ýsu er það 40 til 45 kr í báðum kerfum. Viðmiðunar verð á þorsk og ýsu er svo í þessum   skjölum. Ef við göngum síðan út frá því að arðsemi veiða sé eitthvað í líkingu við það sem sýnt er í þessu  skjali kemur í ljós að ósamræmið er þvílíkt, að hvort sem menn eiga kvóta og leigja sér síðan viðbót eða þeir sem eiga engan kvóta geta ekki með nokkru móti fengið dæmið til að ganga upp. Ef dæmin ganga upp þá er einfaldlega verið að fara leiðir sem brjóta lög. Svo einfalt er það. Ég hvet lesendur þessarar síðu að lesa þetta

Viðmiðunarverð á þorski og ýsu hækkað

Kirkjan hafnar kvótakerfinu.

"Þjóðkirkjan mætti vel hafa til þess forystu að þetta kerfi yrði endurskoðað út frá öllum sjónarhornum og þá sérstaklega með hag hinna dreifðu byggða í huga, þeirra byggða sem Þjóðkirkjan vill þjóna." Þetta segir séra Þórhallur Heimisson, prestur í Hafnarfjarðarkirkju, um kirkjuna og kvótakerfið.

Í Fréttablaðinu á fimmtudag lýsti Grétar Mar Jónsson, þingmaður Frjálslynda flokksins, furðu sinni á þögn kirkjunnar um óréttlæti kvótakerfisins og þau brot á mannréttindum sem í því felast og fengist hafi staðfesting á í Mannréttindanefnd Sameinuðu þjóðanna.

Þórhallur er ekki viss um að rétt sé hjá Grétari að prestar hafi alls ekkert fjallað um kvótakerfið en segir á hinn bóginn að Þjóðkirkjan eigi að vera vakandi fyrir mannréttindabrotum, hvar sem þau birtast. "Prestar hafa verið duglegir að gagnrýna slík brot í fjarlægum löndum og margt það sem miður fer í okkar samfélagi. En ekki allt. Það eru ýmis viðkvæm mál sem kirkjan hefur ekki tekið formlega afstöðu til eins og til dæmis fiskveiðistjórnunarkerfið," segir Þórhallur og bætir við að Þjóðkirkjan vilji vera kirkja þjóðarinnar.

"Við höfum séð hvernig þetta kerfi hefur komið illa niður á ýmsum byggðum landsins á meðan fáeinir menn kvótakóngarnir hafa auðgast óheyrilega segir Þórhallur"

Heimildir: Fréttablaðið

Er kirkjan að líkja kvótakerfinu við Guðlast?

Álit mannréttindanefndarinnar og er sala aflaheimilda ólögleg?

Dagbjört Hákonardóttir fer mikinn í pistli sínum um álit mannréttindanefndarinnar og er um margt nokkuð áhugaverð lesning. Hvort ég er henni sammála eða ekki skulum við láta liggja milli hluta í bili. En hér er grein hennar.

"Hvað svo sem menn segja um kvótann, þá er einkar athyglivert að að lesa um hvernig menn véluðu hann undir sig á vægast sagt mjög hæpnum forsendum. Því gerir Guðbjörn Jónsson nokkuð góð skil í pistli sínum. Um það má svo lesa hér.

Um færslu aflaheimilda á milli skipa, er ævinlega í fyrstu talað um FLUTNING á úthlutuðum aflakvóta. Síðar breytist þetta orðaval yfir í orðið FRAMSAL aflakvóta, og hefur það orðalag verið viðhaft síðan. Í skjóli þessa orðavals var farið að SELJA aflakvóta milli skipa. SALA hefur hins vegar ALDREI verið heimiluð.

Orðið FRAMSAL byggir á hugtakinu að afhenda, t. d. að afhenda einhverjum öðrum ákveðin réttindi eða hlunnindi sem þú hefur til umráða. Þessi réttindi eða hlunnindi mátt þú ekki selja, nema því aðeins að skýr heimild sé til slíks frá hendi lögformlegum eiganda þess sem á það sem framselja skal. Tökum dæmi:  Þú tekur íbúð á leigu í heilt ár. þegar árið er hálfnað, þarft þú að flytja og þarft því að losna undan leigusamningnum. Þú mátt ekki sjálfur leigja öðrum íbúðina, til tekjuauka fyrir sjálfan þig, en þú getur fengið heimild eigandans til að FRAMSELJA öðrum aðila það sem eftir er af samningnum. Góð hliðstæða því aflaheimildum er ævinlega úthlutað til eins árs í senn" Þessu gerir Guðbjörn Jónsson einnig mjög góð skil í öðrum pistli á síðunni sinni og má lesa hann í heild sinni hér.

Það verður mjög athyglivert þegar látið verðu reyna á hvort þetta standist lög, og hvernig dómsvaldi tekur á þessum málum.

Góðar stundir. 

 

 

Togararallið er löngu úrelt fyrirbrigði.

Prófa mætti rússnesku leiðina til að mæla þorskinn

- segir skipstjórinn á Hrafni Sveinbjarnarsyni GK

,,Hegðun þorskins hefur gjörbreyst á tiltölulega skömmum tíma og mælingar fiskifræðinga, eins og togararallið, ná ekki yfir þessar breytingar. Það fæst aldrei heildarmynd af ástandinu nema með því að fara til dæmis rússnesku leiðina, virkja ákveðinn fjölda skipa til óheftra veiða í ákveðinn tíma og sjá hvað út úr því kemur. Þetta gerðu Rússar í Barentshafi og reiknuðu svo út fiskmagnið í sjónum. Togararallið eins og það er útfært er tómur leikaraskapur.”

Þetta segir Hilmar Helgason skipstjóri á frystitogaranum Hrafni Sveinbjarnarsyni GK í viðtali í nýjustu Fiskifréttum. Og hann heldur áfram:

,,Ég tel að niðurskurður þorskkvótans sé alltof mikill og beinlínis til skaða fyrir þorskstofninn því hann leiðir til aukinnar sóknar í smáþorsk nær landi t.d. á ýsuveiðum á línu eins og fram hefur komið. Ég er búinn að vera skipstjóri allan þann tíma sem kvótakerfið hefur verið í gildi. Þorskkvótinn byrjaði í 350.000 tonnum, en síðan var tekið til við að skerða kvótann sem alltaf átti að koma okkur til góða. Ég held að þeir reikni sig á endanum niður í núll. Það vill enginn horfast í augu við hinn raunverulega vanda sem er gengdarlausar veiðar á loðnu og kolmunna. Ég spurði fiskifræðinga að því hvaða áhrif það hefði á grunnkeðjuna í lífríkinu þegar ekki væri lengur til staðar ein milljón tonna af hráefni sem rotnaði á botninum og átti þar við dauða loðnu eftir hrygningu. Þeir gátu ekki svarað því,” segir Hilmar. Heimildir skip.is

Um aðferðarfræði hafró skrifaði ég í Desember og gerði útreikninga á stærð svæðisins sem rannsakað er. Niðurstöðurnar voru svo vægt sé til orða tekið sláandi, um þetta má lesa í hlekkjunum hér fyrir neðan. 

Byrjum hér. 

Um stofnstærðarútreikninga skrifaði ég einnig og setti það út á einfalt mannamál.  

Meira hér. 

Síðan skrifaði ég um aðferðina sem Rússar notuðu og mælti með henni, er gott að vita til þess að menn séu að vakna til lífsins og átta sig á því að Hafró er á algjörum villigötum. Um þetta má svo lesa hér

Góðar stundir. 

 

121 dagur til stefnu.

Grein á DV.is 

Í dag eru 59 dagar síðan stjórnvöld fengu í hendur úrskurð mannréttindanefndar Sameinuðu þjóðanna um að brotin hefðu verið mannréttindi á tveimur íslenskum sjómönnum. Kvótakerfið væri ósanngjarnt og Íslendingar stæðu ekki jafnir frammi fyrir lögum; lögin vernduðu ekki alla jafnt eins og kveðið er á um í 26. grein mannréttindasáttmálans um borgaraleg og pólitísk réttindi. Í dag eru þar af leiðandi 121 dagur eftir af þeim fresti sem mannréttindanefndin gaf brotlegum íslenskum stjórnvöldum til að greiða sjómönnunum bætur og gera breytingar á kvótakerfinu. (Sjá meira neðar)

Auðunn Arnórsson, blaðamaður, tók ágætt viðtal í Fréttablaðinu 12. janúar sl. við Guðmund Alfreðsson prófessor í alþjóðalögum og fyrrverandi framkvæmdastjóra Raoul Wallenberg stofnunarinnar í Lundi. Fyrirsögnin var “Mannréttindi til útflutnings”. Guðmundur hafði verið meðal frummælenda á málþingi um mannréttindi í utanríkisstefnu Íslands á vegum Háskólans á Akureyri. Þar lýsti Ingibjörg Sólrún Gísladóttir því yfir að mannréttindi væru “forgangsmál utanríkisstefnu Íslands”.

Þetta merkir að Íslensk stjórnvöld gætu látið til sín taka í samfélagi þjóðanna á sviði mannréttindamála; stuðlað að því að sem flestir virði mannréttindi í veröldinni. Þannig gætu Íslendingar hæglega haft einhvers konar afskipti af mannréttindabrotum í Súdan eða Gvatemala svo dæmi sé tekið.

En hugsum okkur að aðrar þjóðir setji sér sömu markmið og Ingibjörg Sólrún og Geir Haarde; að láta gott af sér leiða í mannréttindamálum í veröldinni. Er ekki vísast að þessi ríki banki upp á hjá okkur og bendi á að hér séu brotin mannréttindi samkvæmt úrskurði mannréttindanefndar SÞ? Verða Geir og Ingibjörg Sólrún þá kindarleg á svipinn?

Athyglisvert er í áðurgreindu viðtali í Fréttablaðinu að Guðmundur Alfreðsson bendir á að í æ ríkari mæli séu mannréttindi nefnd í ályktunum öryggisráðs Sameinuðu þjóðanna. Getur Ingibjörg Sólrún með nokkurri sannfæringu sóst eftir sæti í öryggisráðinu meðan hún og Geir hafa ekki tekið til heima hjá sér? 

Og hvernig stendur á því að Einar K. Guðfinnsson er svona beyglaður vegna málsins? Veit hann ekki að það var ósanngirni kvótakerfisins sem knésetti endanlega fjölskylduveldi hans í Bolungarvík (EG hf) snemma á síðasta áratug? Meira að segja tvíhöfðanefndin, sem þá vann að endurskoðun kvótakerfisins, lagði til að hluti kvóta yrði bundinn byggðalögum. Öllu stungið ofan í skúffu af flokksbræðrum hans. Á þeim tíma sá Einar K. Guðfinnsson hlutina skýrt og gagnrýndi óspart ágalla kerfisins. Nú er hann þagnaður. Eins og lamb.

Einar K.: Klukkan tifar. 121 dagur er til stefnu.