Hvenær hefur Hafró tekið mark á öðrum en sjálfum sér?

Telur að loðnutorfan hafi verið 240 þúsund tonn

22.2.2008 Skip.is

Jón Eyfjörð, skipstjóri á Sighvati Bjarnasyni segir m.a. í blaðinu Vaktinni í Vestmannaeyjum, að hann sé ekki sammála útreikningum Hafrannsóknastofnunar um magn loðnunnar við Íslandsstrendur. „Við fengum þetta í torfu sem ég mældi 1,8 mílu að lengd og tækin sýndu þúsund metra beggja vegna við bátinn,“ segir Jón en Sighvatur fékk 450 tonna kast á miðunum á miðvikudagsmorgun.

Jón, sem hefur meira en 30 ára reynslu af loðnuveiðum, hefur reiknað magn loðnunnar í torfunni en hann áætlar að í þessari einu torfu hafi verið tæplega 240 þúsund tonn. Útreikningana má sjá HÉR

Tilvitnun í fréttina líkur: 

Ekki ætla ég að rengja þessa útreikninga hjá Jóni Eyfjörð, hann kemst væntanlega að því eins og margir aðrir að Hafró tekur ekkert mark á þessu frekar en öðru sem lagt er fyrir þessa stofnun. Svo merkilegt sem það má vera er Hafró föst í eigin dellu og hugmyndafræði, allt sem aðrir segja, reikna út eða mæla með er stórhættulegt og nánast árás á lífríkið og fiskistofnana að mati stofnunninnar og á bara hreint ekki að framkvæma svona. Heldur á að nota þeirra aðferð.

Hafró slær því stöðugt fyrir sig að fara verði varlega, sýna ábyrgð og vinna faglega, og það hafi þeir gert í gegnum tíðina. Ég kalla eftir því sem stofnunin nefnir ábyrgð og fagleg vinnubrögð. Þegar skipstjórar koma með ábendinga til Hafró, sama hvort talað er um botnfisk eða uppsjávarfisk þá vita þeir þetta allt saman, við erum búnir að mæla þetta, við vitum þetta, þetta er í dagbókinni okkar. Hver kannast ekki við þessi orð frá Hafró?

Mikill er máttur menntunarinnar og afkastageta drullupunga ( skipa ) Hafró. Það liggur ljóst fyrir að aðferðarfræði Hafró er á villigötum og ber að taka á því með ábyrgð, sem sagt stjórn og yfirstjórn Hafró segi af sér.

 

Hafró í hefðbundnum mælingum.

Þessa frétt las ég á Sudurlandid.is/Eyjafrettir 

"Meðan loðnuveiðibæjum blæðir:

Hafrannsóknarskipin bundin við bryggju í Reykjavík

- þremur tímum eftir loðnuveiðibann

Þau liggja bundin við bryggju í Reykjavík, hafrannsóknarskipin, - ótrúlegt er að loðna við austur- og suðurströndina finnist þar?

Loðnuveiðibann tók gildi á hádegi í dag. Loðnustofninn mældist ekki nægilega stór til  að hægt væri að mæla með veiði, segir Hafrannsóknarstofnun. Það er mikið  í húfi, bæði fyrir landið allt, en ekki hvað síst fyrir þau byggðarlög sem mikið eiga undir loðnuveiði - og það fólk, sem við  veiði og vinnslu loðnunnar starfa. Maður skyldi því ætla að hafrannsóknarskipin Bjarni  Sæmundsson og Árni Friðriksson væru á miðunum - við leit og mælingar.

 

Það er nú öðru nær. Í dag kl. 15.30 var þessi mynd tekin af báðum hafrannsóknarskipunum bundnum við bryggju í Reykjavík. Ótrúlegt er að þau mæli mikla loðnu í höfninni þar???

Athugið, dagsetningin á myndinni er röng, myndin var sannarlega tekin 21. febrúar, en ekki 20. eins og dagsetning myndavélarinnar var stillt á"

Djöfullinn hafi það þeir hjá Hafró hljóta að vera búnir að mæla þessar andsk..... bryggjur nægilega vel, hvernig væri að fara að drullast á sjó og mæla eitthvað þar svona til tilbreytingar? 

Hver treystir sér til að spá um hvað...

stjórnvöld koma til með að gera? Gaman væri að fá álit fólks um það. Bæjarstjóri Vestmannaeyja hefur ekki sýnt öðrum byggðarlögum mikla samúð sem misst hafa allt sitt, en um leið og á hans byggðarlag hallar þá fyrst er allt að fara til fjandans. Eru við ekki að nálgast þann tímapunkt að menn verða að gjöra svo vel og ræða málin heildstætt, eiginhagsmunapotið er komið á endapunkt ekki satt?

Það er nefnilega það!!!

Vísindaheimurinn er samur við sig.

Allir fiskistofnar í hættu

Er Össur Skarphéðinsson að sprengja stjórnina?

Úr frétt á visir.is

"Sigurður Kári Kristjánsson, alþingismaður Sjálfstæðisflokksins, krefst þess að Össur Skarphéðinsson, iðnaðarráðherra biðjist afsökunar á skrifum sínum um Gísla Martein Baldursson, borgarfulltrúa.

Á heimasíðu sinni skrifaði Össur harðorða grein um Gísla undir fyrirsögninni „Sjálfseyðing ungstirnis". Í þættinum Ísland í dag krafðist Sigurður Kári þess að Össur bæðist afsökunar"

Það virðist vera eitthvað grunnt á því góða milli stjórnarflokkanna.

 

Bæjarstjóra Vestmannaeyja ætti

að vera það í lófa lagið að nota eitthvað af því fjármagni sem fékkst við sölu Hitaveitu Suðurnesja til að styðja við fólkið í sinni heimabyggð og fyrirtækin. Ef mig misminnir ekki þá hefur Elliði bæjarstjóri trúað blint á vísinda og aðferðarfræði Hafró, skyldi hann ekki vera farinn að efast um þessa aðferðarfræði og hvernig gengið er um auðlindir okkar? Nú liggur fyrir bann við loðnuveiðum, haustrall Hafró gaf mönnum ekki tilefni til bjartsýn. Ég bara spyr, hvað á að ganga langt áður en starfsaðferðir Hafró verða teknar til rækilegra endurskoðunar? Einhver hlítur að vera farinn að efast?

Stjórnvöld grípi til aðgerða tafarlaust

Ábyrg stefna?

Enn og aftur kemur í ljós og er undirstrikað hvað við stundum ábyrga fiskveiðistjórnun. Það er allt framkvæmt eftir nákvæmum útreikningum Hafrannsóknarstofnunnar. Árangurinn lætur ekki að sér hæða, niðurskurður nánast frá upphafi í þorskveiðum og er nú svo komið að þær veiðar sem leyfðar eru á þorski eru ekki framkvæmilegar ef veiða á útgefið aflamark á öðrum tegundum sem leyft er að veiða.

Halda menn virkilega að þorskurinn hætti að bíta á króka, eða steinhætti að koma í troll og net bara af því að Hafró segi að það megi ekki veiða hann. Einfeldnin er að manni virðist algjör, Fiskistofa og Hafró keppast um að segja frá því hvað þetta gengur vel fyrir sig. Ýsu aflinn er skyndilega orðinn í meirihluta, meiri heldur en þegar veiðar á þorski voru rýmri heldur en er á þessu fiskveiðiári. Hvað breyttist í tækninni? Að mínu mati og reynslu breyttist ekki neitt, brottkast á þorski hefur einfaldlega aldrei verið meira það er það sem skýrir þetta, svo einfalt er það.

Nú horfum við upp á að búið er að banna loðnuveiðar. Hefur ekki verið farið eftir ráðleggingum Hafró í hvívetna við loðnuveiðar? Er ekki kominn tími til að aðferðarfræðin verði tekin til gagngerra endurskoðunar? Það skyldi þó ekki vera að það sé rétt sem við skipstjórarnir höfum haldið fram að stærð þorskstofnsins sé mikið stærri en Hafró reiknar út? Þorskurinn át upp rækjuna, nú fá menn það í andlitið eftir margra ára ábyrga stjórnun að þorskurinn með dyggri aðstoð Hvalanna hafa étið svo hressilega mikið af loðnunni sem meðal annars átti að skila sér í miklu magni til veiða á þessari vertíð að lokað er fyrir veiðar.

Það þíðir ekkert að berja hausunum lengur við stein, ef menn í alvöru telja sig vera að stunda hlutina af ábyrgð þá þarf að taka allt saman og stokka það upp. Það er löngu ljóst að aðferðarfræðin eins og hún er í dag er að ganga að þessu öllu dauðu.

Góðar stundir. 

 

Veiðum hætt á hádegi

Yfirlýsing!!!

Framtíð - samtök sjálfstæðra í sjávarútvegi vil koma eftirfarandi á framfæri.

Þessi samtök koma til með að berjast fyrir sjálfsögðum rétti okkar sem er, að nýta auðlindirnar sem eru við bæjardyrnar hjá okkur án þess að þurfa að borga fyrir það gríðarlega fjármuni.

Allar skoðanakannanir benda til þess að um 80% þjóðarinnar er á móti kvótakerfinu, gott fólk nú er tækifærið að láta til sín taka. Ég skora á almenning í landinu að ganga til liðs við okkur sem stuðningsfélagar, þannig náum við árangri látum raddirnar heyrast við látum ekki bjóða okkur þetta óréttlæti lengur.

Þeir sem vilja ganga til liðs við okkur og einnig þeir sem vilja gerast stuðningsfélagar geta sent mér upplýsinga um sig, svo sem fullt nafn, heimili, kennitala, póstfang og sími á póstfangið mitt sem er [e-mail] 

Góðar stundir.

Hallgrímur Guðmundsson. Formaður

Þá hefst slagurinn gott fólk.

 

Framtíð - samtök sjálfstæðra í sjávarútvegi (FSSS) var stofnað sunnudaginn 17. febrúar á Hótel Kea Akureyri.

 

Stjórn samtakanna skipa.

Hallgrímur Guðmundsson Formaður. Akureyri

        Gísli Guðjón Ólafsson Varaformaður. Reykjanesbær

Huld S. Ringsted Gjaldkeri Akureyri

Emil Thorarensen. Eskifirði

Jóhann Kristjánsson. Bolungarvík

 

Varamenn í stjórn.

Sigurjón Herbertsson. Dalvík

Páll Guðmundur Ásgeirsson. Bolungarvík

 

Tilgangur félagsins er

a)     að vinna að sameiginlegum hagsmuna málum félagsmanna á öllum sviðum.

b)    að tryggja að að eðlilegar samkeppni- og jafnræðisreglur séu virtar í sjósókn á Íslandi.

c)     að mannréttindi  skv. stjórnarskrá  Íslands og rétturinn til að veiða séu virt í hvívetna.

d)    að vinna ötullega að víðsýnni og opinni umræðu um breytta og árangursríka fiskveiðistjórn.

e)     að vera málsvari félagsmanna gagnvart stjórnvöldum og stjórnvaldsaðgerðum er lúta að sjósókn og fiskveiðum, m.a. semja umsagnir um lagafrumvörp og skipa fulltrúa í nefndir og ráð sem fjalla um hagsmuni félagsmanna.

 

Það er mikil þörf á að stofna félagið þar sem starfandi hagsmunasamtök þjóna einungis afar þröngum hópi.Almenningi er gjörsamlega misboðið braskið og hvernig kvótakerfið hefur leikið byggðir landsins og sært réttlætiskennd þjóðarinnar. Það er ljóst að framundan þarf að fara í umfangsmiklar breytingar á kvótakerfinu eftir að álit mannréttindanefndar Sameinuðu þjóðanna kom fram og félagið mun beita sér fyrir að réttlátar og sanngjarnar breytingar nái fram að ganga.

Góðar stundir.

Framtíð í sjávarútvegi.

 

Framtíð, félagi í sjávarútvegi sem mun beita sér af alefli fyrir því að mannréttindi séu virt og jafnræðis sé gætt í sjósókn, verður hleypt af stokkunum þann 17. febrúar í höfuðstað Norðurlands á Hótel Kea kl. 14.

 

Allir áhugasamir um framtíð sjávarútvegs á Íslandi eru hvattir til að mæta. Þetta snertir okkur öll sem í þessu landi búa.

 

Góðar stundir.