Ábyrg stefna?

Enn og aftur kemur í ljós og er undirstrikað hvað við stundum ábyrga fiskveiðistjórnun. Það er allt framkvæmt eftir nákvæmum útreikningum Hafrannsóknarstofnunnar. Árangurinn lætur ekki að sér hæða, niðurskurður nánast frá upphafi í þorskveiðum og er nú svo komið að þær veiðar sem leyfðar eru á þorski eru ekki framkvæmilegar ef veiða á útgefið aflamark á öðrum tegundum sem leyft er að veiða.

Halda menn virkilega að þorskurinn hætti að bíta á króka, eða steinhætti að koma í troll og net bara af því að Hafró segi að það megi ekki veiða hann. Einfeldnin er að manni virðist algjör, Fiskistofa og Hafró keppast um að segja frá því hvað þetta gengur vel fyrir sig. Ýsu aflinn er skyndilega orðinn í meirihluta, meiri heldur en þegar veiðar á þorski voru rýmri heldur en er á þessu fiskveiðiári. Hvað breyttist í tækninni? Að mínu mati og reynslu breyttist ekki neitt, brottkast á þorski hefur einfaldlega aldrei verið meira það er það sem skýrir þetta, svo einfalt er það.

Nú horfum við upp á að búið er að banna loðnuveiðar. Hefur ekki verið farið eftir ráðleggingum Hafró í hvívetna við loðnuveiðar? Er ekki kominn tími til að aðferðarfræðin verði tekin til gagngerra endurskoðunar? Það skyldi þó ekki vera að það sé rétt sem við skipstjórarnir höfum haldið fram að stærð þorskstofnsins sé mikið stærri en Hafró reiknar út? Þorskurinn át upp rækjuna, nú fá menn það í andlitið eftir margra ára ábyrga stjórnun að þorskurinn með dyggri aðstoð Hvalanna hafa étið svo hressilega mikið af loðnunni sem meðal annars átti að skila sér í miklu magni til veiða á þessari vertíð að lokað er fyrir veiðar.

Það þíðir ekkert að berja hausunum lengur við stein, ef menn í alvöru telja sig vera að stunda hlutina af ábyrgð þá þarf að taka allt saman og stokka það upp. Það er löngu ljóst að aðferðarfræðin eins og hún er í dag er að ganga að þessu öllu dauðu.

Góðar stundir. 

 

Veiðum hætt á hádegi

Athugasemdir

[thinker, 21.2.2008 kl. 11:39]

sjálfur skil ég ekki út í hvaða mál þú ert að fara en ég er sjómaður og búnað stunda það í nokkur ár og eins og staðan er í dag hef ég aldrei séð þorskinn jafn horaðan og sem var núna í vetur og ekki trúi ég því að þorskurinn verði horaður á því að klára  næstum alla loðnuna í sjónum með hvölunum. en eins og þú orðar það.

"þorskurinn með dyggri aðstoð Hvalanna hafa étið svo hressilega mikið af loðnunni sem átti að skila sér í miklu magni til veiða á þessari vertíð að lokað er fyrir veiðar." (sem er rugl og flestir sem hafa verið á sjó og pælt eitthvað í þessu með heilum en ekki hálfum hug ættu að vita)

 Vandamálið liggur í of litlu framboði af mat fyrir fiskana, það var t.d. tekið vitlaust á þessu með því að minnka bara þorsk kvótan þar sem þorskurinn þarf eitthvað að borða líka, ekki er ég að trúa því að höfinn séu full og þorski eins og þú segir hérna fyrir ofan heldur er það að hann fer mjög minnkandi með hverju ári.

 Segum sem svo að 5 manns í fjölskyldu séu læst inni á heimili sínu og ísskápurinn líka og þau komast hvorki út né í mat og svo ættla þau að reyna að fjölga sér, þau hljóta að gera það sama og þorskurinn er að gera, að borða sjálfan sig.

svo er loðnan og síldin aldrei látinn vera þegar þau eru út á djúpinu þá eru þau veiddir í flottroll og á grunninu í nót þannig að þetta fær aldrei að fjölga sér né vera í friði, sjálfum finnst mér að  flottroll eigi að vera bönnuð svo þessir fiskar fá eitthverntíman hvíld frá ofveiðum mannsins.

[Hafsteinn Viðar Ásgeirsson, 21.2.2008 kl. 11:52]

Mér finnst þú nú svara þér að nokkru leiti sjálfur "thinker" í fyrstu málsgrein hérna, " hef aldrei séð þorskinn jafn horaðan og sem var núna í vetur"? Það er nákvæmlega það sem Halli er að segja, það var ekki verið að klára frá honum ætið núna á síðustu vikum heldur á síðustu árum, sérstaklega tveimur, þá tók nú steininn úr.

Hvalirnir klára svo það sem ekki er skafið upp í flot og nót og þorskurinn horast og étur undan sér....

[Hallgrímur Guðmundsson, 21.2.2008 kl. 12:31]

Málið sem ég er að tala um er einfalt, aðferðarfræðin í heild sinni er röng. Það sem þú "thinker"  nærð að miskilja hvað ég er að fara er einfalt að útskýra það fyrir þér.

Þorskurinn og Hvalurinn hafa með dyggri aðstoð okkar mannanna étið þessar tegundir upp sem ég talaði um, Það hefur verið að gerast á nokkrum árum, ekki bara í ár. Um flottrollsveiðar erum við sammála.

Of lítið fæðuframboð þíðir á einföldu tungumáli, það er brjálæði að minnka veiðar á þorski. Hafið er ofsetið miða við fæðuframboð. Ef þú hefur eitthvað fylgst með því sem ég hef skrifað um þessi mál liggur það ljóst fyrir hvað ég er að fara með þessum skrifum.

Síðan að lokum vil ég benda þeim sem skrifa inn á þessa síðu að gera grein fyrir sér með kynningu, eða vera með upplýsingar um sig á eigin síðu, það er lágmarks kurteisi í mannlegum samskiptum. Að öðrum kosti verð ég að gera eins og margir gera, samþykkja athugasemdir áður en þær eru birtar.

Takk fyrir  Halli

[thinker, 21.2.2008 kl. 15:30]

það sem mér finnst samt, er að það ætti að fara að láta aðal fæðitegundina hjá þorsknum í friði á djúpunum og það ætti að vera löngu búið að banna flottrolls veiðar.

En að minnka þorskkvótan er náttúrulega rugl eins og þú segir og er ekki rétta aðferðin, rétta aðferðin yrði það að draga úr síldar og loðnuveiðum um hríð og hækka þorskkvótan aftur eins og hann var. 

[Hallgrímur Guðmundsson, 21.2.2008 kl. 17:38]

Ég hef áður tjáð mig um flottrollið, og þar sagði ég einfaldlega "veiðar með flottroll eru glæpur gegn náttúrunni" og ætti aldrei að leyfa þær svo einfalt er það að mínu mati. En það er mitt mat en svo hafa aðrir einhverjar aðrar skoðanir á því sem betur fer.

Um þorskinn hef ég mjög ákveðna skoðun og hefur það margoft komið fram í mínum skrifum. Fiskur sem er að horast er ekki að gefa okkur neina arðsemi, þá segir sig sjálft hvað þarf að gera ekki satt? Veiða meira af honum.

Ef fræðingarnir geta ekki sett það í samhengi eru þeir að mínu mati óhæfir í sinni vinnu. Einfalt punktur. 

[Karl Jóhann Guðmundsson (IP-tala skráð) 21.2.2008 kl. 23:03]

Sæll Halli.

Nú eru hlutirnir að gerast, bara búið að leggja grunnin að fjöldagjaldþrotum víða um land og undir það kvittar samflokksmaður minn, Einar K Guðfinnsson.

Maður getur ekki annað en vonað að menn finni "nýja" loðnugöngu þarna einhversstaðar eða var kannski líka bannað elita að loðnunni?

Mig langar að benda á fallegar myndir sem voru sýndar í lok tíu fréttatímans nú í kvöld þar sem höfrungavaða lá í æti og kepptist við súluna í hafnarmynninu við Keflavíkurhöfn að metta sig á góðgætinu. Ætli blessuð dýrin hafi kannski fundið loðnuna sem Hafró fann ekki?

[Hallgrímur Guðmundsson, 21.2.2008 kl. 23:29]

Því miður Kalli minn þá er eitt og annað að koma í ljós sem margir hafa verið að vara við, og sumir hverjir í rúma tvo áratugi. En eins og ég hef áður sagt, þessar hörmungar eru bara rétt á byrjunarstigi gleymum því ekki. Það á margt mjög alvarlegt eftir að koma í ljós á vormánuðum því miður.