Jæja !!!!!!!!!!!!!!!!!!!!!!!!!!!!!!!!!!!!!!

Trúverðugleikinn er fokinn til helvítis, þvílíkar hundakúnstir meira hef ég ekki um þetta að segja í bili.

Einar: „Mjög ánægjulegt“

Áskorun...

Framtíð - samtök sjálfstæðra í sjávarútvegi vil koma eftirfarandi á framfæri.

Þessi samtök koma til með að berjast fyrir sjálfsögðum rétti okkar sem er, að nýta auðlindirnar sem eru við bæjardyrnar hjá okkur án þess að þurfa að borga fyrir það gríðarlega fjármuni.

Allar skoðanakannanir benda til þess að um 80% þjóðarinnar er á móti kvótakerfinu, gott fólk nú er tækifærið að láta til sín taka og láta röddina hljóma.

Þeir sem vilja ganga til liðs við okkur og einnig þeir sem vilja gerast stuðningsfélagar geta sent mér upplýsinga um sig, svo sem fullt nafn, heimili, kennitala, póstfang og sími á póstfangið mitt sem er [e-mail] 

Góðar stundir.

Hallgrímur Guðmundsson. Formaður

Er Ísland að stefna í gjaldþrot?

Ekki veit ég nákvæmlega hvert þetta er að leiða okkur, en það er í það minnsta ástæða til að staldra við og hugsa svolítið núna. Yfir hvað er verið að breiða í bankakerfinu? Ég held að það sé full ástæða fyrir fólk að að lesa þetta hér.

Síðan er það svolítið rosalegt að skoða þetta  skjal, ef staðan er orðin svona, hvað er þá í rauninni framundan? 

Hríðskjálfandi Hafrannsóknarstofnun...

betlandi á hnjánum fyrir utan fjármálaráðaneytið í von um meira fjármagn. Hvað hlutverki á þessi stofnun að gegna? Eru það ekki rannsóknir? Hvað á Hafró með það að gera að eyða tíma og fjármagni í útreikninga á eigin aðferðarfræði sem er vægt til orða tekið umdeild. Síðan eins og segir í fréttinni "fer gríðarlegur tími og fjármagn í reglubundna vöktun á hafinu og brýnustu ráðgjöf um nýtingu fiskistofna"

Hafró á einfaldlega að sinna rannsóknum og hina liðina á að bjóða út á frjálsum markaði að mínu mati. Við eigum nóg af vel menntuðu fólki sem getur sinnt því starfi og kostnaðurinn verður án efa minni ef þessi aðferð er notuð. En er þetta ekki það sem er að gerast allstaðar í vísindaheiminum? Það er alið á hræðsluáróðri um að allt sé að fara til helvítis, ýmist erum við það að grillast útaf hlýnun jarðar, eða við frjósum í hel vegna ísaldar sem er á næsta leiti, allir eru við það farast út af náttúruhamförum margskonar vegna hinna fjölbreyttu athafna okkar mannanna, fiskistofnarnir eru ofveiddir og einungis vísindin geta lagað það, það vantar bara smá pening og þá er öllu reddað.

Á ekki máltækið við um þessa stofnun eins og svo margar aðrar ríkisstofnanir, takið til og hagræðið. Lækka laun stjórnar og yfirstjórnar Hafró vegna lélegs árangurs er ágætis byrjun. En þar fyrir utan, er ekki farið að bera á hræðslu hjá Hafró? Það skyldi þó aldrei vera að menn séu að vakna upp og gera sér grein fyrir því að þeir hafa verið á rangri braut?

Brýnt að efla fiskirannsóknir

Trúverðugleiki Hafró fokinn til helv....

Nokkuð athyglivert viðtal var tekið við Gunnþór Ingvason, framkvæmdarstjóra Síldarvinnslunnar í tíu fréttum sjónvarpsins í kvöld. Hvað er þetta að segja okkur? Jú á einföldu mannamáli eru menn búnir að missa alla trú að Hafró og aðferðarfræðinni sem stofnunin notast við ekki satt? Viðtalið er hér.

Það skildi þó aldrei vera að það sem skipstjórar hafa sagt í gegnum tíðina varðandi þorskinn sé rétt? Fálmkenndar aðferðir Hafró við mælingar á þorskstofninum geta varla staðist í sögulegu samhengi við lífríkið. Aldrei hefur Hafró gengið það heillaspor að bregðast við ábendingum frá skipstjórum um gríðarlega þorskgengd og hafið endurmælingar í samráði við hagsmunaaðila og skipstjórnarmenn.

Hver skildi vera ástæða þess að allar ábendingar skipstjóra um miklar göngur af þorski, séu hunsaðar með öllu af hendi Hafró og mönnum líkt við hin mestu viðundur að láta svoleiðis dellu út úr sér? Hver er munurinn á ábendingum um þorsk eða loðnu? Gaman væri að vita hver raunverulega stjórnar þessu öllu.

Vilja auka frjálsræði smábátanna verulega

Viðtal við mig í mogganum í dag.

Hallgrímur Guðmundsson á Akureyri hefur ásamt fleirum stofnað félagið Framtíð, samtök sjálfstæðra í sjávarútvegi

Smábátar Bræðurnir Hallgrímur og Kristján Guðmundssynir um borð í bát Hallgríms. Hann er fjær á myndinni.

Eftir Hjört Gíslason

[e-mail]

„ Við viljum að landinu verði skipt í svæði og aflaheimildir á hverju svæði verði nýttar af bátum á því svæði eingöngu. Við viljum ekki að nýtingarrétturinn verði framseljanlegur. Við viljum ekki að braskað verði með hann,“ segir Hallgrímur Guðmundsson, smábátamaður á Akureyri.

Hann og nokkrir félagar hans hafa stofnað félagið Framtíð, samtök sjálfstæðra í sjávarútvegi. Félagar eru þegar orðnir nokkrir tugir. Við stofnun gengu strax í félagið ríflega 30 manns og síðan hefur fjölgað töluvert.

Ekki lokað fyrir neinum

„Í þessum hópi eru líka svokallaðir stuðningsfélagar. Þetta eru ekki bara smábátamenn, heldur fólk alls staðar úr þjóðfélaginu og eigendur stærri báta líka. Þetta er ekki lokað fyrir neinum.

Kveikjan að stofnun Framtíðar, er yfirlýsing frá formanni Landssambands smábátaeigenda, Arthur Bogasyni, í kjölfar álits Mannréttindanefndar Sameinuðu þjóðanna, þar sem hann sagði að það væri auðveldara að færa fjöll á Íslandi heldur en breyta kvótakerfinu. Það hefur verið mikil ólga innan Landssambandsins og menn ósáttir með ýmislegt. Þessi yfirlýsing Arthurs fékk svo anzi marga til að hugsa sig verulega vel um. Þetta hljómar fyrir mörgum eins og hrein og klár uppgjöf, en það viljum við ekki. Við viljum geta nýtt þessa smábáta í ákveðnu frjálsræði og því getum við ekki sætt okkur við þann hugsunargang forystunnar að kvótakerfinu verði ekki breytt.

Þessi samtök okkar eru þó ekki stofnuð til höfuðs Landssambandi smábátaeigenda, eins og einhverjir hafa haldið. Þau eru stofnuð til að berjast fyrir þessum sjálfsagða rétti okkar. Ekki til að klekkja á Landssambandinu enda hef ég hvergi lýst því yfir,“ segir Hallgrímur.

En hver eru markmiðin með stofnun Framtíðar?

Svæðisbundin nýting

„Við viljum fá að nýta auðlindirnar, sem eru fyrir utan bæjardyrnar hjá okkur. Það, sem við erum að berjast fyrir núna, er það sama og Karl V. Matthíasson alþingismaður hafði að leiðarljósi í kosningabaráttu sinni.

Við viljum að nýting auðlindarinnar innan hvers svæðis sé bundin við báta af viðkomandi svæði. Við getum til dæmis tekið Eyjafjörðinn hér sem dæmi, að bátar af svæðinu fái þá einir að nýta hann og ákveðna fjarlægð út, kannski þrjár til sex mílur. Þannig nýti menn á hverjum stað fyrir sig sín svæði. Vestfirðingarnir nýti Vestfirðina, Austfirðingarnir sína firði og svo framvegis. Þetta viljum við gera án þess að þurfa að borga háar fjárhæðir í leigu eða kaup á kvóta.

Menn eiga að fá að stunda sjóinn á þessum smábátum í meira frjálsræði með króka. Smábátalífið er ekki fyrir alla og því ekki nein hætta á því að inn í svona kerfi myndi hrúgast einhver óhemjufjöldi af bátum. Það verður aldrei þannig, við gerum ekki ráð fyrir því að bátunum fjölgi frá því sem nú er. Við viljum heldur ekki að þessi nýtingarréttur verði framseljanlegur. Við viljum ekkert brask með hann. Það er braskið með kvótann sem hefur eyðilagt hvað mest fyrir okkur.

Ákveðið þak á heildarafla

Við erum einnig með hugmyndir um það að sveitar- eða bæjarstjórnir á viðkomandi svæðum ákveði í samráði við fiskifræðing eða líffræðing, hve mikið megi veiða á hverju ári. Við erum ekki að leggja til að menn geti bara djöflazt á þessu án nokkurra rannsókna eða ábyrgðar. Það verður því alltaf ákveðið þak á heildarafla og síðan veiða menn úr þeim potti.

Menn mega ekki festast í þeim hugsunarhætti að ekkert sé hægt að gera, engu hægt að breyta. Albezta byggðastefnan er að leyfa smábátunum að njóta sín.

Ríkisrekið braskkerfi!

Nýlega kom Ingibjörg Sólrún með þá hugmynd að ríkið myndi leigja út byggðakvótann. Ég verð að segja það alveg eins og er, eftir 32 ár á sjónum er þessi hugmynd eitthvert mesta rugl sem ég hef heyrt

og fer inn á topp 10 listann í þeim

flokki. Þarna á að fara að búa til ríkisrekið braskkerfi. Það er ekki verið að leysa nokkurn vanda og þetta er ekkert svar til Mannréttindanefndarinnar. Af hverju dettur mönnum ekki í hug að afnema heimildir til línuívilnunar og byggðakvóta auk þeirra 5% af þorskkvótanum sem Hafrannsóknastofnunin hefur til umráða og gefa svo smábátunum frelsi með ákveðnum höftum sem við komum til með að leggja fram.

Þegar við erum að tala um smábáta, erum við einnig að meina báta

sem eru í einstaklingsútgerð,“ segir Hallgrímur.

Hann leggur að lokum áherzlu á að öllum er frjálst að ganga í félagið. Þar sé um að ræða góðan vettvang fyrir þá sem vilja aukið frjálsræði í fiskveiðum. Í samtökin getur fólk fengið með því að senda Hallgrími tölvupóst á  [e-mail]

Í hnotskurn

» Við viljum að landinu verði skipt í svæði og aflaheimildir á hverju svæði verði nýttar af bátum á því svæði eingöngu.
» Þessi samtök okkar eru þó ekki stofnuð til höfuðs Landssambandi smábátaeigenda, eins og einhverjir hafa haldið. Þetta er stofnað til að berjast fyrir þessum sjálfsagða rétti okkar.
» Við erum einnig með hugmyndir um það að sveitar- eða bæjarstjórnir á viðkomandi svæðum ákveði í samráði við fiskifræðing eða líffræðing, hve mikið megi veiða á hverju ári.

 

Síðan er hægt að lesa viðtalið í heild í mogganum í dag.

Ps. Að gefnu tilefni vil ég taka það fram að 10 metra markið sem Hjörtur er að tala um í greininni er ekki eftir mér haft, við yfirlestur viðtalsins verða mér á mistök eftir að hafa eitt þessu út klikkaði eitthvað í vistun skjalsins og þetta fór svona til birtingar. Enda erum við að tala um krókabáta í krókakerfinu og það vita það flestir að margir þeirra eru yfir 10 metrum.

Rómantík Rómantík ástir og ævintýr.

Stundum er rómantíkin vandséð í þessu harki.

 

Hver man ekki fleyg orð Villa viðutan? Ég hef þjónað...

borgarbúum vel og af fullum heilindum í þau 25 ár sem ég hef verið borgarfulltrúi. Einnig hef ég kappkostað við það að vinna faglega og heiðarlega í öllum þeim málum sem ég tek mér fyrir hendur á vegum borgarinnar. Þetta er búið að hljóma frá Villa viðutan síðan hann og Bingi Bingó voru teknir í bólinu við einn þann stærst þjófnað sem reyndur hefur verið á almenningseign sem um getur.

En hvað kemur síðan í ljós? Jú bróðir Villa viðutan græðir 50 millur á lóðarbraski með lóð sem er ekki einu sinni til, hvernig svo í helvítinu sem það er nú hægt. Síðan upplýsist það líka í leiðinni að nánir vinir Villa viðurtan gætu grætt milljarða á lóðarbraski. En nema von að Villi viðutan sé ekki tilbúinn að hætta alveg strax? Hann á nefnilega eftir að klára smá hlut, koma nýju deiliskipulagi um íbúabyggð í Örfirisey í gegn og þar með negla síðasta naglann í lóðarbraski fjölskyldu og vina sinna.

Það getur varla talist annað en samgjarnt að það verði farið í gagngera rannsókn á spillingu í Íslenskri pólitík, hvort heldur er í sveitar eða landsmálapólitík. Og það verði framkvæmt erlendum óháðum aðilum, ekki einhverjum útvöldum eins og stjórnvöld létu gera hér fyrir örfáum árum. 

Um þetta má svo lesa nánar hér. 

Borgarbúar heiðra Binga Bingó fyrir vel unnin störf !

Auðvitað er það við hæfi að heiðra Binna Bingó fyrir frábær störf og þá dugar ekkert minna en hauga áttatíu manns í herlegheitin og hafa matseðilinn flottan svo sem, grillaðan humar, hægeldaðan lax, eldgrillaðan nautavöðva og kóngarækjur. Einnig portóbello-sveppi og geitarostur. Þessu gátu gestir skolað niður með rauðvíni, hvítvíni og bjór auk óáfengra drykkja.

Já flott skal það vera, en hvað var það sem Bingóinn gerði svona vel sem réttlætir svona tilstand? Í fljótu bragði er það akkúrat ekki neitt sem ég man eftir, en sjálfsagt muna einhverjir eftir einhverju sem Bingi flóttamaður gerið annað en reyna rán aldarinnar og hagnast sjálfur í leiðinni ásamt nokkrum samflokksmönnum. Það þykir svo við hæfi að láta svo þá sem reynt var að stela frá halda þjófnum veislu. Hvar annar staðar en á Íslandi getur svona gerst?

Einnig kemur fram í fréttinni eftirfarandi og vekur upp spurningu hjá mér, "Þess má geta að fjölmiðlum var neitað um aðgang að kveðjuboðinu fyrir Björn Inga þar sem um einkasamkvæmi væri að ræða"  Ef um einkasamkvæmi er að ræða á þá ekki einhver einkaaðili að borga herlegheitin, ekki borgarbúar? Nema það sé allt í einu hægt að kalla Reykjavíkurborg einkaaðila eða borgarbúa almennt. Vitleysan í borginni virðist ætla að taka á sig hinar fjölbreyttustu myndir.

Meira um þessa athöfn hér. 

Framtíð samtök sjálfstæðra í sjávarútvegi vilja vekja athygli á

nýrri reglugerð sem sett hefur verið um hrognkelsaveiðar. Hvað þýðir þessi reglugerð fyrir þá sem vilja komast á grásleppuveiðar í fyrsta sinn? Er þetta hamlandi á einhvern hátt? Gaman væri að fá álit manna á því.

Reglugerðin er hér.

Góðar stundir.