Kvóti á þessu, kvóti á hinu, hvenær verður settur kvóti kvótann?

Þvílík ólíkindatól sem við Íslendingar erum. Eða ættum við kannski að segja stjórnmálamennirnir okkar eru hrein ólíkindatól? Þjóð sem þrifist hefur á því frá upphafi að lifa á því sem náttúran gefur af sér, auðlind sjávar hefur fært okkur til framdráttar og komið okkur út úr moldarkofunum, skulu ekki vera með skýrari hugsun en þeir eru með og það er árið 2008.

Hvernig dettur einhverjum það í hug að hægt sé að telja nákvæmlega fiskana sem eru á sundi í Íslenskri landhelgi? Þeim sem dettur það í hug er þvílík ólíkindatól að þeir hinir sömu ætti aldrei að gegna neinum ábyrgðarstöðum í þessu landi. Þegar ólíkindatólunum hefur tekist að samfæra sjálfan sig með þvílíkum ólíkindum, að talningin á fiskunum sé hreint með ólíkindum nákvæm og skekkjan engin, þannig að það væri hreint með ólíkindum ef nokkrum dytti það ólíkinda verki í hug að draga niðurstöðuna í efa.

Þá fyrst eftir þessa ótrúlegu og ólíkindalegu niðurstöðu byrjar vitleysan fyrir alvöru. Það er hreint með ólíkindum hvað ólíkindamönnunum dettur til hugar. Fyrst ber að nefna, vernda og byggja skal upp þorskstofninn. Kvóti settur á og ákveðið er með hreinum ólíkindum hvað mörg kg skulu veidd. Nú þegar menn eru búnir að ákveða þetta ólíkindaverk er haldið áfram. Þar sem ólíkindatólin fundu það út að vernda bæri þorskinn, er það hreint ekki svo ólíklegt að setja ýsuna í kvóta líka þar sem þorskurinn hafi svo gott af því og væri það hreint með ólíkindum ef einhver hafi eitthvað við það að athuga.

Nú fyrst eru ólíkindatólin komin á skrið, þar sem fundið var út með hreinum ólíkindum hvað best væri fyrir þorskinn, skal nánast allt sem syndir við ísland sett í kvóta og væri það hreinasta ólíkinda og óhæfuverk hjá einhverjum að vefengja þetta, vegna þess að vernda þarf þorskinn og byggja þann stofn upp. Hvaða samhengi sem er svo í þessu er með hreinum ólíkindum hvað ólíkindatólunum dettur í huga að segja þessu til rökstuðnings?

Nú er það einu sinni svo að það er búið að setja kvóta á nánast allt í þessu landi, sama hvort það er jarmandi,baulandi eða hneggjandi til sveita eða allan fisk sem syndir í landhelgi Íslendinga vaknar upp spurning hjá mér. Hvenær verður settur kvóti á kvótann og hvað koma ólíkindatólin til með að verðmerkja hann á?

Trúa ólíkindatólin því virkilega að framþróun og velsæld geti ekki átt sér stað nema með kvótasetningu á hinum ólíklegust hlutum, bara vegna þess að byggja þarf upp þorskstofninn?  Sem notaben ólíkindatólin eru nánast ein um að halda að sé nauðsynlegt að gera á þennan hátt.

Óskiljanlegur og óútreiknanlegur sjávarútvegsráðherra, lausn á vandamálinu !!!

Úr fréttinni " Fram kemur á fréttavef breska ríkisútvarpsins að Ungverjinn Ludwig von Wohl hafi sannfært yfirmenn í bresku leyniþjónustunni að hann gæti endurskapað stjörnuspár Karl Ernst Krafts, sem var einkastjörnuspekingur Hitlers. Wohl hélt því fram að ef bresk stjórnvöld vissu hvaða ráðleggingar Hitler, sem var naut, væri að fá frá stjörnuspekingnum, þá gætu Bretar áttað sig á næsta leik nasistaleiðtogans"

Ráða Gunnlaug Guðmundsson stjörnuspeking í málið, þannig gætu menn vitað hvaða vitleysur verða framkvæmdar næst. Með þessari aðferð væri hægt að bregðast við fyrirfram hverri þeirri þvælu sem lögð er fram af hálfu ráðherra og vera búinn að aðlaga sig breytingum. Hér dugir ekkert minna en stjörnufræðingur, enda vitleysan stjarnfræðileg. 

  

Bretar rýndu í stjörnuspá Hitlers

Aukning í þorskveiðum og jafnræðisreglan þverbrotin.

Hvernig svo sem á því stendur þá er aukið við veiðar á þorski ef um gildruveiðar til áframeldis er að ræða, meðan niðurskurður er á þorski við hefðbundnar veiðar. Hvernig getur þetta gerst ef við ætlum okkur að fara eftir jafnræðisreglu stjórnarskrár Íslands? Gengur jafnræðisreglan ekki út á það að jafnræðis sé gætt?

Tilfellið sem ég er að tala um eru gildruveiðar á þorski sem stundaðar eru í Stöðvarfirði og Fáskrúðsfirði. Árið 2004 var úthlutað til þessa veiða 30 tonnum af þorski, í dag er úthlutað 60 til 70 tonnum til þessa veiða. Er þetta ekki eitthvað skrítið, á tímum niðurskurðar í þorski þá er aukið við þessar veiðar?

 Skoðum svo framkvæmd þessara veiða, gildrurnar voru setta út fyrir nokkrum dögum og sjálfsagt á eftir að setja fleiri gildrur út og gerist það væntanlega á næstu dögum. Hvað er svo athugavert við þetta? Jú það er að koma að fæðingarorlofi þorsksins ( hrygningarstoppi ). Meðan aðrir eru reknir til hafs með sínar veiðar þá er þetta leyft innan fjarðar og í þágu hvers?

Hvernig má það vera að leyfðar eru veiðar í hrygningarstoppi innanfjarðar og þorskurinn sem gengur inn í firðina til hrygningar er strádrepinn? Hverjum er verið að þóknast? Geta þá allir sem vilja hent út gildrum og veitt? Það hlýtur að vera svo, ef þessar veiðar eru ekki taldar með þegar verndun á sér stað og menn þykjast vera að byggja upp þorskstofninn. Aukning í þessum veiðum meðan skorið er almennt niður í hefðbundnum veiðum á þorski styður þessa kenningu.

Það er deginum ljósara að verndunarstefnan á ekki við þarna og þá er öllum frjálst að stunda gildruveiðar sækja þeir um það. Neitun á því er mismunun, brot á jafnræðisreglunni. Það sem öðrum er leyft og greinilegt er að þjóðarheill er ekki að veði þegar kemur að fiskvernd stenst neitun ekki nein rök og leyfið ætti að vera auðsótt öllum sem vilja. Einnig ættu þeir sem sæta skerðingum við hefðbundnar veiðar á þorski ekki að sætta sig við niðurskurð og krefjast aukningar á þorskveiðum strax. Gaman væri að sjá hvernig stjórnvöld rökstyddu neitun.

Þar fyrir utan er það brjálæði að leyfa þessar veiðar á hrygningartímanum, þessar veiðar á einungis að stunda á haustin og snemma árs, aldrei lengur en fram í miðjan Febrúar.

Lesa má um þetta hér.

Aðferðarfræði Hafró er á þvílíkum villigötum að lýsingarorð duga ekki lengur.

Við þetta tækifæri er ágætt að rifja upp það sem áður hefur verið skrifað. Ég hvet fólk til að lesa það sem vísað er í, í hlekkjum hér neðar í þessum pistli.

Prófa mætti rússnesku leiðina til að mæla þorskinn

- segir skipstjórinn á Hrafni Sveinbjarnarsyni GK

,,Hegðun þorskins hefur gjörbreyst á tiltölulega skömmum tíma og mælingar fiskifræðinga, eins og togararallið, ná ekki yfir þessar breytingar. Það fæst aldrei heildarmynd af ástandinu nema með því að fara til dæmis rússnesku leiðina, virkja ákveðinn fjölda skipa til óheftra veiða í ákveðinn tíma og sjá hvað út úr því kemur. Þetta gerðu Rússar í Barentshafi og reiknuðu svo út fiskmagnið í sjónum. Togararallið eins og það er útfært er tómur leikaraskapur.”

Þetta segir Hilmar Helgason skipstjóri á frystitogaranum Hrafni Sveinbjarnarsyni GK í viðtali í nýjustu Fiskifréttum. Og hann heldur áfram:

 ,,Ég tel að niðurskurður þorskkvótans sé alltof mikill og beinlínis til skaða fyrir þorskstofninn því hann leiðir til aukinnar sóknar í smáþorsk nær landi t.d. á ýsuveiðum á línu eins og fram hefur komið. Ég er búinn að vera skipstjóri allan þann tíma sem kvótakerfið hefur verið í gildi. Þorskkvótinn byrjaði í 350.000 tonnum, en síðan var tekið til við að skerða kvótann sem alltaf átti að koma okkur til góða. Ég held að þeir reikni sig á endanum niður í núll. Það vill enginn horfast í augu við hinn raunverulega vanda sem er gengdarlausar veiðar á loðnu og kolmunna. Ég spurði fiskifræðinga að því hvaða áhrif það hefði á grunnkeðjuna í lífríkinu þegar ekki væri lengur til staðar ein milljón tonna af hráefni sem rotnaði á botninum og átti þar við dauða loðnu eftir hrygningu. Þeir gátu ekki svarað því,” segir Hilmar. Heimildir skip.is

Um aðferðarfræði hafró skrifaði ég í Desember og gerði útreikninga á stærð svæðisins sem rannsakað er. Niðurstöðurnar voru svo vægt sé til orða tekið sláandi, um þetta má lesa í hlekkjunum hér fyrir neðan. 

Byrjum hér. 

Um stofnstærðarútreikninga skrifaði ég einnig og setti það út á einfalt mannamál.  

Meira hér. 

Síðan skrifaði ég um aðferðina sem Rússar notuðu og mælti með henni, er gott að vita til þess að menn séu að vakna til lífsins og átta sig á því að Hafró er á algjörum villigötum. Um þetta má svo lesa hér

Góðar stundir.

Ákveðið að auka loðnukvótann

Hvað er að fólki?

Þegar búið er að loka einhverju þá hlýtur að vera rík ástæða fyrir lokuninni ekki satt? Erum við Íslendingar snarvitlaus hjörð sem tekur engum rökum? Lokaður vegur er lokaður punktur. Það er ekkert svo erfitt að skilja það, eða hvað?

Suðurlandsvegur ófær

Einlægur brotavilji stjórnvalda á mannréttindum sjómanna.

Frétt á ruv.is

Brotið á sjómönnum

"Íslensk stjórnvöld hafa ekki upplýst 53 sjómenn um að mannréttindi hafi verið brotin á þeim við skerðingu örorkubóta árið 1992. Ráðherranefnd Evrópuráðsins gagnrýnir þetta, tilkynna beri mönnunum að þeir eigi rétt á bótum.

Árið 1978 slasaðist Kjartan Ásmundsson við sjómennsku og var í framhaldi metinn til 100% örorku. Hann fékk lífeyrisgreiðslur til ársins 1992. Þá var lögum breytt og hætt að miða örorku við hæfi til fyrri starfa en þess í stað miðað við hæfni til almennra starfa. Í framhaldi var Kjartan sviptum örorkugreiðslum. Hann höfðaði mál gegn ríkinu vegna þessa, sem endaði fyrir mannréttindadómstól Evrópu.

 Árið 2003 var ríkið dæmt til að greiða honum skaðabætur.
En það var ekki bara Kjartan sem varð fyrir skerðingu á örorkubótum - það átti við 53 sjómenn í viðbót. Ráðherranefnd Evrópusambandsins fylgist með fullnustu dóma Mannréttindadómstólsins. Í nýlegri umfjöllun sinni um málið fer hún fram á að mennirnir verði upplýstir um að íslensk stjórnvöld hafi brotið á þeim mannréttindi. Það var ekki gert. Einu vísbendinguna um að tilraun hafi verið gerð til þess er að finna á heimasíðu dómsmálaráðuneytisins. Þar er dómurinn birtur í íslenskri þýðingu"

Er það orðið regla frekan en undantekning hjá stjórnvöldum að brjóta mannréttindi á sjómönnum? 

Hvað geta Íslendingar kennt öðrum í sjávarútvegsmálum?

Hér kemur ýmislegt til greina.

Kennt öðrum að framleiða þræla.

Kennt öðrum að framleiða glæpamenn.

Kennt öðrum að ganga illa um fiskimiðin.

Kennt öðrum að hunsa viðtekna vistfræði.

Kennt öðrum að stunda gríðarlegt brottkast.

Kennt öðrum að stunda handónýtar hafrannsóknir. 

Kennt öðrum að svelta fisk til hlýðni.

Kennt öðrum að hunsa eigin ákvarðanir.

Kennt öðrum að stunda mannréttindabrot.

Kennt öðrum að hunsa jafnræði. 

Sjálfsagt er hægt að telja upp í marga daga í viðbót en látum þetta duga í bili. 

Góðar stundir. 

Vill heyra hugmyndir um endurskoðun sjávarútvegsstefnunnar

Dregur úr fylgi við ríkisstjórnina, er einhver hissa?

Þarf einhver að vera hissa á því. Hvað er þessi stjórn að gera annað en draga lappirnar í nánast öllum hlutum? Stjórn sem meðal annars styður mannréttindabrot, hunsar jafnræði og lítur á stjórnarskránna eins og brandarabók á sér hvergi heimili.

Dregur úr fylgi við ríkisstjórnina

Snorri Sturluson til sölu?

Árangur fiskveiðistjórnunarkerfisins lætur ekki að sér hæða. Nú hefur áhöfn Snorra Sturlusonar verið tilkynnt um hugsanlega sölu. Að sjálfsögðu fylgir fréttinni loforð um kaup á nýju skipi, hvað annað? Er Ísfélagið ekki að láta smíða glæsileg uppsjávarskip fyrir sig erlendis? Segir sig ekki sjálft að þá hafa þeir ekkert að gera við bolfiskveiðiskip. Í fréttinni segir meðal annars " Ekki hafa verið teknar endanlegar ákvarðanir hvorki varðandi sölu eða breytingar á Snorra en ákvörðun mun verða á næstu vikum en komi til þess að við seljum Snorra munum við stefna að því að kaupa annað skip, segir Ægir Páll í samtali við eyjar.net"

Þetta hafa allir heyrt áður og er skemmst að minnast sölunnar á Hólmatind frá Eskifirð sem Eskja gerði út. Þar var lofað kaupum á öðru og hentugra skipi, eitthvað vantar upp á þær efndir og braskar Eskja með kvótann sem þeir áður veiddu á Hólmatind og ætluðu samkvæmt loforðunum að veiða á hið hentuga skip. Eru ekki smíðuð hentug skip lengur? Miðað við tímann sem liðinn er síðan Hólmatindur var seldur getur manni ekki dottið neitt annað í hug.

Er ekki staðreyndin einfaldlega sú að veiðarnar eru ekki að bera sig lengur? Olíuverðið komið gjörsamlega út fyrir allt velsæmi, allur kostnaður hækkað, bankarnir hafa ekki lengur fjármagn til að taka þátt í veðsetningar brjálæðinu og þar með er allt stopp. Er Það ekki einfaldlega staðreynd að arðsemin sem mönnum hefur verið svo hugleikið að jarma á var bara blekking. Bankarnir geta ekki lengur tekið þátt í lyginni og þar með verður þessi stefna fyrir brotsjó að stærstu gerð.

Arðsemin sem talað var og er um, er einfaldlega upplogin veðsetning og leiga á aflaheimildum punktur. Eftir því sem menn þráast lengur við að viðurkenna þetta, verður gjaldþrotið stærra, ekki satt? Raunveruleikinn er um það bil svona    . Meðan búið er að ljúga aflaheimildirnar í sem næst 4000 kr kg í þorski og leiguna í 240 - 250 kr per kg. Því miður er þetta raunveruleikinn sem við blasir, og hörmungarnar eru bara á byrjunarstigi.

Góðar stundir.

Ég er hneykslaður, má ekkert lengur.

Mynd af borgarstjóra á nærbuxum kostaði hana starfið

Carmen Kontor fyrsti konan sem nær því að verða kjörin borgarstjóri í bænum Arlington í Oregon í Bandaríkjunum hefur verið rekin úr starfinu.
Glæpur hennar var að fyrir þremur árum birtist mynd af henni við hlið slökkvibíls klædd aðeins nærbuxum og brjóstahaldara. Myndin var síðan lögð á netið.
Þetta reyndist of stór biti að kyngja fyrir hina guðshræddu íbúa Arlington sem steyptu Carmen af stóli. Frétt á visir.is

Hvernig er þetta, það sem gleður augað á sakleysislegan hátt er skyndilega orðinn glæpur?