Aðferðarfræði Hafró er á þvílíkum villigötum að lýsingarorð duga ekki lengur.

Við þetta tækifæri er ágætt að rifja upp það sem áður hefur verið skrifað. Ég hvet fólk til að lesa það sem vísað er í, í hlekkjum hér neðar í þessum pistli.

Prófa mætti rússnesku leiðina til að mæla þorskinn

- segir skipstjórinn á Hrafni Sveinbjarnarsyni GK

,,Hegðun þorskins hefur gjörbreyst á tiltölulega skömmum tíma og mælingar fiskifræðinga, eins og togararallið, ná ekki yfir þessar breytingar. Það fæst aldrei heildarmynd af ástandinu nema með því að fara til dæmis rússnesku leiðina, virkja ákveðinn fjölda skipa til óheftra veiða í ákveðinn tíma og sjá hvað út úr því kemur. Þetta gerðu Rússar í Barentshafi og reiknuðu svo út fiskmagnið í sjónum. Togararallið eins og það er útfært er tómur leikaraskapur.”

Þetta segir Hilmar Helgason skipstjóri á frystitogaranum Hrafni Sveinbjarnarsyni GK í viðtali í nýjustu Fiskifréttum. Og hann heldur áfram:

 ,,Ég tel að niðurskurður þorskkvótans sé alltof mikill og beinlínis til skaða fyrir þorskstofninn því hann leiðir til aukinnar sóknar í smáþorsk nær landi t.d. á ýsuveiðum á línu eins og fram hefur komið. Ég er búinn að vera skipstjóri allan þann tíma sem kvótakerfið hefur verið í gildi. Þorskkvótinn byrjaði í 350.000 tonnum, en síðan var tekið til við að skerða kvótann sem alltaf átti að koma okkur til góða. Ég held að þeir reikni sig á endanum niður í núll. Það vill enginn horfast í augu við hinn raunverulega vanda sem er gengdarlausar veiðar á loðnu og kolmunna. Ég spurði fiskifræðinga að því hvaða áhrif það hefði á grunnkeðjuna í lífríkinu þegar ekki væri lengur til staðar ein milljón tonna af hráefni sem rotnaði á botninum og átti þar við dauða loðnu eftir hrygningu. Þeir gátu ekki svarað því,” segir Hilmar. Heimildir skip.is

Um aðferðarfræði hafró skrifaði ég í Desember og gerði útreikninga á stærð svæðisins sem rannsakað er. Niðurstöðurnar voru svo vægt sé til orða tekið sláandi, um þetta má lesa í hlekkjunum hér fyrir neðan. 

Byrjum hér. 

Um stofnstærðarútreikninga skrifaði ég einnig og setti það út á einfalt mannamál.  

Meira hér. 

Síðan skrifaði ég um aðferðina sem Rússar notuðu og mælti með henni, er gott að vita til þess að menn séu að vakna til lífsins og átta sig á því að Hafró er á algjörum villigötum. Um þetta má svo lesa hér

Góðar stundir.

Ákveðið að auka loðnukvótann

Athugasemdir

[Fannar frá Rifi, 4.3.2008 kl. 00:36]

Hafró hefur enga hugmynd um það hvað sé að gerast í hafinu í kringum okkur. þeir skoða ekki greinilega ekki aflatölur eða taka bara ekki mark á þeim.

Afhverju staðhæfi ég það? sumarið 2001 var ég í róðri þar sem fékkst hálft kar af Síld í eina trossu af Þorskanetum sem legið höfðu yfir eina nótt.

Síðan þegar síldinn gekk inn í Grundarfjörð 2006 þá sögðu þeir að það væri enginn síld að ráði þarna.

ég held að hjá hafró þá sé 1+1 ekki endilega 2.  

[Hallgrímur Guðmundsson, 4.3.2008 kl. 00:55]

Ég er alveg sammála þér Fannar, Hafró er ekki í neinum takti við það sem er að gerast á miðunum því miður. Enda eins og ég sýndi í útreikningum hvað þeir raunverulega rannsaka lítið svæði er ekki nema von að þeir viti minna en lítið.

Mér er farið að detta í hug náttúruverndunarstofnun fremur en hafrannsóknir byggðar á raunhæfum vísindum þegar ég hugsa um Hafró.