Yfirgengilegur flottræfilsháttur

umhverfisráðherra. Var kerlan ekki í fríi erlendis og annar maður sem gegndi embættinu á meðan? Hvað réttlætir svona vitleysu og sóun á almannafé? Henni hlýtur að líða kjánalega eftir þetta frumhlaup sitt....

Ráðuneytið greiðir fyrir leiguflug

Allir út að hjóla

spörum olíu og bensín, Það eru efnahagsaðgerðir ríkisstjórnarinnar. Eigum við að klappa fyrir forsætisráðherra eða hringja á læknir fyrir hann? Halda mætti að karlinn hafi verið erlendis undanfarin ár.

Hvernig væri að veiðar á þorski yrðu auknar, mannréttindabrot stjórnvalda á sjómönnum afnumin og smábátunum leyft að veiða frjálst á handfæri? Það myndi blása lífi í hagkerfið strax og ein sú besta aðgerð gagnvart landsbyggðinni sem tekin væri.

Forsætisráðherra bjartsýnn

Þórunn hvað?

Hvað er verið að tala við Þórunni? Hún er í fríi erlendis og annar maður sem situr sem umhverfisráðherra á meðan og þar af leiðandi fráleit þvæla að tala við kerlu um aðgerðir. Fróðlegt verður að fylgjast með þessu ferli.

Hver tók þessa mynd og hvernig, voru menn virkilega að þvælast þarna á þyrlu?

Erfið aðgerð framundan að Hrauni

Það sem visir.is birti ekki

Fer ekki með rangt mál

Við skulum hafa staðreyndirnar á hreinu í þessu máli. Það hefur einungis átt sér stað ein færsla (leiga) á 260 kr. kílóið í krókakerfinu. Það var 04.06.2008. Leigumarkaðurinn er í 240 til 250 kr per kíló og á þá því verði hefur Hvíldarklettur einnig verið að leigja í það minnsta 240 kr. Meðalverð á fiskmörkuðum síðustu fjórar vikur er 247 kr. Per kíló fyrir óslægðan þorsk. Það segir sig þar af leiðandi sjálft að með sölu í ferðirnar hafa þessi tvö fyrirtæki Hvíldarklettur og Sumarbyggð hf. forskot á aðra sem eru á leigumarkaðnum.

Þessu má líkja við þegar útgerðir sem tengdar eru vinnslu leigja frá sér kvóta og síðan kemur viðkomandi vinnsla inn á fiskmarkaðina með forskot í vasanum og keppa við vinnslur án útgerða um fiskinn. 

 

Kvótasetning á þennan ferðamannaiðnað var það heimskulegasta sem hægt var að gera, það var öllum ljóst nema stjórnvöldum að hlutirnir færu á þennan veg. Hvernig sem á því stendur þá þótti stjórnvöldum algjör nauðsyn að kvótasetja það sem kalla á frístundaveiðar og gera það þannig að atvinnuveiðum án þess að hugsa um afleiðingarnar.

 

Ekki þykir ástæða til af stjórnvöldum að fetta fingur út í 5% Hafró aflann sem eru 6.500 tonn af þorski. Þau tonn virðast ekki skipta neinu máli þegar hugsað er um framtíð Þorskstofnsins, en þessi 150 til 200 tonn sem þessar svo kölluðu frístundaveiðar draga úr sjó virðast á einhvern dularfullan hátt vera stórhættulegar þorskstofninum.

 

Þessar veiðar og reyndar handfæraveiðar almennt eiga alls ekki að vera kvótasettar. Handfæraveiðar eru og verða aldrei hættulegar neinum fiskistofnum og eiga að vera frjálsar þeim sem til þess hafa fullnægjandi réttindi á bátana sem veiðarnar stunda.

Góðar stundir.

Vísir, 15. jún. 2008 15:54

Vísar ásökunum um bull á bug

Elías Guðmundsson, framkæmdastjóri Hvíldarkletts.

 

Elías Guðmundsson, framkvæmdastjóri sjóstangveiðifyrirtækisins Hvíldarkletts, segir það víst rétt fyrirtæki hans hafi aðeins keypt 1300 kíló á leigukvótamarkaði eftir að verðið fór í 260 krónur, eins og haft er eftir honum í Fréttablaðinu í dag. Hallgrímur Guðmundsson, formaður Framtíðar, samtaka sjálfstæðra í sjávarútvegi, sagði í samtali við Vísi fyrr í dag að Elías færi með rangt mál.

„Það er Hallgrímur sem ekki er að fara með rétt mál," segir Elías í samtali við Vísi. „Það er vissulega rétt hjá honum að við höfum leigt meiri kvóta en þessi 1300 kíló en það var áður en verðið náði þeim hæðum sem þekkjast í dag," segir hann. Hann segir erfitt að slá á hvað meðalverð á leigðum kvóta hafi verið hjá Hvíldarkletti enda hafi verðið farið stighækkandi síðustu misseri.

Elías bendir einnig á að verð sem fæst fyrir fisk veiddan á sjóstöng er 35 prósent lægra en það verð sem fæst fyrir fisk veiddan á handfæri, samkvæmt reiknistofu fiskmarkaða fyrir árið 2007þ

Rétt skal vera rétt.

Vísir, 15. jún. 2008 15:22

Sjóstangveiðifyrirtækin hafa klárlega skrúfað upp verðið á leigukvóta

Hallgrímur Guðmundsson.

 

Hallgrímur Guðmundsson, formaður í Framtíð, samtökum sjálfstæðra í sjávarútvegi, segir það bull að fyrirtækið Hvíldarklettur hafi aðeins keypt um 1300 kíló á því verði sem nú er í gangi á kvótaleigumarkaði. Í Fréttablaðinu í dag er viðtal við Elías Guðmundsson, sem rekur sjóstangaveiðifyrirtækið Hvíldarklett. Trillusjómenn hafa haldið því fram að sjóstangaveiðifyrirtækin hafi sprengt upp verðið á kvótaleigumarkaðinum en Elías segir það staðlausa stafi enda hafi hafnn aðeins keypt rúmt tonn. „Þetta er bara bull," segir Hallgrímur hins vegar og vísar í upplýsingar á heimasíðu Fiskistofu.

„Þar sést svart á hvítu að Hvíldarklettur hefur keypt 44 tonn af þorski, 1,6 tonn af ýsu, 6 tonn af ufsa og 2,7 tonn af steinbít." Hann segir því alveg klárt að fyrirtækin hafi sprengt upp verðið á markaði. „Þeir rukka 20 þúsund krónur á bát fyrir daginn og síðan mega þeir fénýta aflan. Þannig að í raun eru þeir búnir að ná inn fyrir kostnaði á kvótaleigunni áður en haldið er úr höfn," segir Hallgrímur og bætir við að fyrirtækið hafi einnig fengið úthlutað byggðakvóta. „Það er bara augljóst að þeir skrúfa verðið upp. Þegar framboð er lítið eru þeir í þeirri stöðu að vera búnir að taka við pöntunum og jafnvel greiðslum í ferðir og því verða þeir að ná í leigukvóta, sama hvað það kostar."

Hallgrímur bendir einnig á að annað fyritæki, Sumarbyggð hf. í Súðavík geri einnig út hóp báta sem einnig flokkast undir þessar svo kölluðu frístundaveiðar. „Þetta fyritæki hefur leigt til sín 70 tonn af þorski, 8 tonn af steinbít og slatta af öðrum tegundum," segir hann.

Sjómenn hafa einnig gert athugasemdir við að sjóstangaveiðimennirnir sem hingað koma séu réttindalausir. Elías svarar því til í Fréttablaðinu að allir sjóstangaveiðimenn þurfi að hafa alþjóðlegt siglingaleyfi. Hallgrímur gefur lítið fyrir slíkt leyfi og segir það á engan hátt vera gilt til að taka þátt í atvinnusjómennsku, sem sjóstangaveiðin sé þegar hún er stunduð eins og tíðkast hjá Hvíldarkletti og Sumarbyggð hf.

„Til þess að geta stundað atvinnusjómennsku þarf maður að hafa skipstjórnarréttindi, vélavarðarréttindi auk þess sem maður þarf að hafa lokið námi í Slysavarnaskóla sjómanna," segir Hallgrímur. „Að flagga þessu alþjóðlega siglingaleyfi er álíka gáfulegt og að fara að vinna við köfun með sportkafaraleyfi upp á vasann og taka fullt gjald fyrir," segir hann.

„Nú er það ekki svo að við séum á móti þessum atvinnuvegi, öll atvinna og nýsköpun er eitthvað sem er algjörlega nauðsynleg í okkar þjóðfélagi," segir Hallgrímur. „Við erum á móti því að þessi atvinnuvegur sé kvótasettur og keppi þar af leiðandi beint við atvinnusjómenn um kvótann undir nafninu frístundaveiðar. Á þetta var bent á sínum tíma fyrir vægast sagt daufum eyrum ráðamanna."

Að lokum bendir Hallgrímur á að það hefði mátt standa að þessum málum á allt annan hátt.

Góðar stundir. 

Óvönduð vinnubrögð fjölmiðla

Vísir, 15. júní. 2008 04:00

Yfirvöld standa í vegi fyrir nýsköpun

Ef yfirvöld halda ekki í við þróun mála í frístundaveiði gæti það riðið atvinnugreininni að fullu.

Eftir þriggja ára þróunarstarf virtist sjóstangveiði hafa orðið að blómlegri atvinnugrein á Vestfjörðum en nú er svo komið að seinagangur hins opinbera ætlar að ganga af greininni dauðri. Þetta segir Elías Guðmundsson, sem rekur fyrirtækið Hvíldarklett og er einnig í nefnd sem sjávarútvegsráðherra skipaði til að koma með tillögur um það hvernig starfsumhverfi greinar­innar skyldi háttað.

„Strax í vetur komu fram tillögur um það hvernig ætti að standa að þessu en nefndin er afar seinfær og ég óttast það mest að það verði búið að drepa okkur áður en nefndin kemst að niðurstöðu," segir Elías. Hann segist ekki vilja ræða þær tillögur opinberlega meðan verið sé að fjalla um þær í nefndinni.

Fyrirtækin í þessari grein eru háð kvótaleigumarkaði. „Það er afar lítið framboð á markaði. Það sem hægt er að finna er á uppsprengdu verði og það er hærra verð en við getum borgað," segir hann. „Þeir sem eru núna að veiða borguðu ferðina í september á síðasta ári þegar verðið var um 160 krónur á kílóið en nú er það komið upp í 260 og við störfum þannig að við tökum ekki mismuninn úr vasa ferðamannsins. Það er svo spurning hvort við eigum að vera að standa í þessu ef við þurfum að borga með okkur."

Hann segir að til greina komi að skila inn veiðileyfunum og hátta starfseminni þannig að ferðamennirnir veiði einungis sér til matar. „Það yrði vissulega skref aftur á bak en þá myndum við freista þess að starfa utan kerfisins eins og nokkrir aðrir gera í þessari grein. Það myndi hins vegar þýða gífurlegan samdrátt."

Eins og greint hefur verið frá í Fréttablaðinu hafa trillusjómenn krafist þess að yfirvöld aðhafist vegna frístundaveiða ferðamanna. Segja þeir að sjóstangveiðimenn séu réttindalausir og að þeir hafi sprengt upp verðið á kvótaleigumarkaði. Elías segir þetta staðlausa stafi. „Við höfum keypt 1.300 kíló á þessu uppsprengda verði svo það eru einhverjir aðrir sem eru að kýla verðið upp," svarar hann. „Er þetta ekki bara markaðs­lögmálið, að þegar framboð er lítið og eftirspurn mikil þá hækkar verðið? Reyndar erum við í sömu stöðu og trillusjómenn."

Hann segir enn fremur að sjóstangveiðimenn verði að hafa alþjóðlegt siglingaleyfi til að stunda frístundaveiðar hjá Hvíldar­kletti.

Sannleikurinn kemur í næstu færslu.

Á meðan góðar stundir. 

Og enn syrtir í álinn hjá Hafró

Hver man ekki eftir þessum fréttum? Og fjölmargar aðrar fréttir berast nánast daglega af mokveiði á miðunum, erum við þá svona helvíti klárir að finna síðustu þorskana? 

Bátarnir sem róa frá Arnarstapa hafa verið að mokfiska að undanförnu. Einu sinni sem oftar kom netabáturinn Bárður með fullfermi um helgina, rúmlega tíu tonn, og þurfti að landa tvisvar sama daginn.

Pétur Pétursson skipstjóri á Bárði er því enn í sömu vandræðum og þegar Skessuhorn ræddi við hann fyrir mánuði síðan, að það gengur hratt á kvótann í góðu fiskiríi. Hjá Pétri eins og fleirum er glíman við að veiða ekki allan þorskinn áður en kemur að því að veiða aukategundirnar.

Handfærabátarnir hafa verið að koma með upp í tonn yfir daginn, sem þykir dágott.

Reimar Karlsson hafnarvörður á Arnarstapa miðar fiskiríið nú við það sem gerðist fyrir 6-8 árum þegar 40 tonnum var landað yfir daginn af um 30 bátum.

Síðustu dagana hefur bátum verið að fjölga í höfninni á Arnarstapa, en það er alltaf í kringum sumardaginn fyrsta sem bátarnir koma á sumarvertíðina. Núna eru komnir að sögn Reimars rúmlega 15 bátar, eða svipað því sem verið hefur síðustu sumur.

Reimar segir að vel hafi verið að veiðast bæði í netin og á handfærin. "Ég veit ekki hvað er að gerast, en það virðist vera nóg af þorski. Kannski þetta sé eins og 1967 þegar síldin mokveiddist en svo sást hún ekki aftur fyrr en einum 40 árum síðar að hún fór að veiðast hjá okkur aftur. Allavega held ég að þetta séu ekki síðustu þorskarnir sem þeir eru að veiða núna," segir Reimar.

Fjölmargar aðrar fréttir um mokveiði hafa borist á þessari vertíð og Hafró finnur ekki ugga í sínu heimasmíðaða móteli (togararalli) Máttur vísindanna er að stórskaða þetta þjóðfélag. Helsta verkefni sem framundan er að mínu mati er að rannsaka starfsaðferðir Hafró.

Síðan gerðust hlutir sem komu ekkert á óvart, sandsílisstofninn sem átti að vera hruninn kom úr felum sjá hér. Ef einhverjir muna eitt ár aftur í tímann þá á þetta hreint ekki að geta átt sér stað. Fyrir ári síðan var allt vaðandi vitlaust í fréttaflutningi af algjöru hruni á sandsílisstofninum. Ekki dró vísindaflóran neitt úr og boðaði hörmungarnar sem aldrei fyrr.

Fuglafræðingar gengu af göflunum og boðuðu friðun á öllu sem hefði vængi, fiskifræðingar misstu þvagið og boðuðu friðun á fiski sem aldrei fyrr. Svo bara kom sílið og lét engan vita hvert það fór, þvílík ósvífni og óþægð í þessu helvítis síli að vera ekki þar sem vísindaakademían vil að það sé. Og meira en það, Sandsílisstofninn sem var jú hruninn tók upp á því að hrygna og það svona líka hressilega. Svona er Ísland í dag.

Er enginn farinn að efast um aðferðarfræðina hjá Hafró? Í mínum huga er alveg ljóst að mikið vantar upp á að vísindaakademían sé í einhverjum takti við raunveruleikann.

Hver trúir því að stofn eins og þorskstofninn  sé ekki stærri en svo að hann komist fyrir í einu horni Reykjavíkur hafnar, á sama tíma og mokveiði er nánast hringinn í kringum landið? Ég undirstrika það enn og aftur, það er eitthvað mikið að mótelinu hjá Hafró.

Góðar stundir. 

Hrygningarstofn ætti að vaxa

Til hamingju með kauplækkunina

sjómenn. Það hljóta allir að vera nokkuð sáttir við þetta enda hafa sjómenn fengið ríflega úthlutað í mótvægisaðgerðum ríkisstjórnarinnar, eða er það ekki?

Djöfull á að níðast á okkur, er ekki nóg að við tökum þátt í 30% af olíukaupum útgerðarinnar? Á endalaust að vaða ofan í vasa okkar sjómanna til að hjálpa þessum andskotans kvótakóngum.

Ekki dettur þeim í hug að borga okkur laun út úr kvótanum sem þeir selja eða leigja frá okkur sem ráðnir eru í skipsrúm þessara siðblindu skepna. Ég vil fá upplýsingar um það hvernig atkvæðagreiðslan um þetta mál fór fram.

Góðar stundir. 

Viðmiðunarverð á slægðum fiski lækkar

Kvótakerfi breytt í átt til niðurstöðu mannréttindanefndar SÞ!!!!

Þetta verða að teljast tíðindi. Stjórnvöld eru búin að átta sig á því að þau verða að hlíta úrskurðum frá mannréttindanefnd Sameinuðu Þjóðanna.

Stóru tíðindin eru samt þau að stjórnvöld ætla sér að byrja á því fyrst allra Norðurlandaþjóða, að fá mínus í kladdann hjá nefndinni. Með því að neita að borga bætur ganga stjórnvöld á skjön við úrskurð nefndarinnar, það verður gaman að sjá nefndina byrja lesturinn á þessu kafloðna kjaftæði sem hljóðar  upp á akkúrat ekki neitt.

Síðan á að skipa enn og eina nefndina sem vinna mun að langtímabreytingum á fiskveiðistjórnunarkerfinu. Það verður spennandi að sjá mannréttindanefnd Sameinuðu Þjóðanna samþykkja það að mannréttindi okkar sjómanna á Íslandi sé eitthvað helvítis langtímaverkefni sem háð verður duttlungum einhverra handónýtrar nefndar sem stjórnvöld sjálf velja sitt jáara hyski í.

Mín tilfinning fyrir þessu er einföld, þetta svar sem er í rauninni ekkert svar verður sent til baka og stjórnvöld sitja uppi með skít og skömm fyrir mannréttindaníðingsstefnu og aumingja hátt gagnvart auðvaldinu sem virðist stjórna þessu landi frá A til Ö.

Góðar stundir. 

Ekki forsendur til að greiða skaðabætur