Hvaða helvítis væl er þetta?

Tala um að ríkisstjórnin sé ekki að gera neitt í efnahagsmálum, ég er stórhneykslaður á forustumönnum Verkalýðsfélags Akranes og mbl.is að birta þessa þvælu. Auðvitað er ríkisstjórnin á fullu að bregðast við og gaf yfirskoffínið í ríkisstjórninni það út um daginn að allir ættu að fara að hjóla.

Það eru efnahagsaðgerðirnar sem boðaðar hafa verið og snýr það að sjálfsögðu bara að almenningi. Ríkisstjórnarhyskið þarf ekkert að gera neitt svoleiðis enda er Jóhanna Sig á rúntinum um landið í sínum ráðherrabíl með einkadræver og tilheyrandi fylgihluti.

Ef Jóhanna Sig hefði byrst hangandi aftan á reiðhjóli með einkadrævernum hefði ég tekið í höndina á henni. En því var ekki fyrir að fara og nýbónuð druslan skrölti eftir Hafnarstrætinu á Akureyri í dag með fylgihlutum, ekki datt Jóhönnu til hugar að þiggja frí reiðhjól sem eru í boði í það minnsta á tveimur stöðum í bænum og sína fyrirmynd í boðskap ríkisstjórnarinnar. Einu kvaðirnar er að þessum kvarthestafla faratækjum sé skilað fyrir lokun.

 

Kaupmenn hvattir til að halda hækkunum í lágmarki

Mikið er rætt og kvartað um stöðu

sjávarútvegsins þessa dagana. Enn og aftur rennur sjávarútvegsráðherra í þann pytt að fylgja nánast í einu og öllu tillögum Hafró um aflaheimildir í þorski. Blindnin er algjör og hugleysið með eindæmum hjá ráðherra, þrátt fyrir áratuga fálmkenndar aðferðir Hafró með vægast sagt hroðalegum árangri skal samt haldið áfram.

Þegar talið berst að þorski þá er eins og um heilagar beljur frá Indlandi sé að ræða, en hvernig sem það má svo vera að þá er ekkert athugavert við það að tillögur í öðrum tegundum séu hunsaðar. Þarna er verulegur brestur á því sem ég vil kalla trúverðugleika á rannsóknum Hafró af hálfu ráðherra.

Hafró kvartar sárum yfir fjárskorti og að vísindagreinin sé ung að árum, Hafró leggur ofuráherslu á að fá aukið fjármagn til rannsókna. Ég legg til að Hafró brjóti odd af oflæti sínu, hlusti og taki mark á þeim raunverulegu sérfræðingum sem eru starfandi þarna úti allt árið (skipstjórunum) Ekki kæmi það að sök að Hafró legði við hlustir þegar menn á borð við Jón Kristjánsson fiskifræðing og Sigurjón Þórðarson tjá sig um hlutina út frá líffræðilegum forsendum.

Það vil nefnilega þannig til að þegar við veiðum fiskinn sjáum við strax nákvæmlega hvað er í gangi þarna niðri. Það þarf ekki sprenglærða fábjána með flottan titil fyrir framan nafnið sitt sem gerir lítið annað en skella hlutunum í formúlu og útkoman eru óskeikul vísindi segja okkur nákvæmlega hvað er að gerast á miðunum.

Stað sjávarútvegsins er ekki svo slæm að mati ráðherra, Einar K. segir meðal annars í þessu viðtali "Í greininni starfa færir stjórnendur sem hafa getað unnið sig út úr þessu,“ segir Einar K. Guðfinnsson, sjávarútvegsráðherra.

Hver skyldi hinn hrái raunveruleiki vera, það skildi þó ekki vera að sjávarútvegurinn sé í rauninni meira og minna ein rjúkandi rúst eftir ævintýri undanfarinna ára í öllu góðærinu margrómaða? Þarna má telja landsbyggðina meira og minna með líka. Og hver ber þar mesta ábyrgð? Það skyldi þó ekki vera að þeir sem tróðu því í gegn á Alþingi að sala og veðsetning á aflaheimildum (sameign Þjóðarinnar) var leyfð, bankarnir og kvótakóngarnir slepptu af sé öllum hömlum í gróðabraskinu? Bankarnir bera þarna stóran hluta af ábyrgðinni á skuldsetningu sjávarútvegsins með kvótavöndlunum sínum.

Mín skoðun á stöðunni er einföld og þarf engum að koma á óvart, Þessi stefna í sjávarútvegsmálum Íslendinga er gjaldþrota. Tökum dæmi, þetta fékk ég lánað á síðunni hans Níels Ársælssonar.

Reiknisdæmi:

Keypt 100 tonn af þorskkvóta 15. febrúar 2007 á 3500 kr. pr, kg.... 100%  lán.

Gengi dags 15.02.2007; EUR, 88,7 = 40 EUR pr. kg. Lán = 4 m, EUR.

Þorskkvóti skorinn niður um 33% 1. sept 2007.

Ný úthlutun 1. sept 2007 (100 tonn) urðu af 77 tonnum.

Lán er þá 4 m, EUR / 770 = 52 EUR, pr. kg.

Staða láns miðað við gengi dags, 01.07.2008, EUR, 125.66 x 52 = 6.534 pr. kg, án vaxta og lántökukostnaðar.

Hækkun láns pr. kg, úr 3500 í 6534.

Hækkun kr, 3034 pr, kg.

Þarf eitthvað að útskýra hlutina betur?

Góðar stundir.

 

Næsta ár verður erfitt fyrir sjávarútveginn

Prófessor Robert Wade hefði

mátt láta fylgja með í þessari grein sinni sannleikann um kvótakerfið og hvernig bankarnir tóku þátt í því að sprengja upp verðið á aflaheimildum.

Annars veltur sú spurning oft um kollinn á mér hvort það sé ekki kominn tími á að draga þá til ábyrgðar sem tóku þá ákvörðun að leyfa frjálst framsal, sölu og veðsetningu á hlutum sem þeir eiga ekkert í. Að vísu má segja að þeir sem stunda sölu á aflaheimildum eiga eitthvað í aflaheimildunum, en sannleikurinn er sá að þeir eiga bara ekkert meira en ég og þú í þessum aflaheimildum.

Fiskurinn í sjónum er jú sameign þjóðarinnar og kemur það skýrt fram í 1. gr. laga um stjórn fiskveiða. Þessu mætti líkja við að þeir sem sitja á og stunda búskap á til dæmis ríkisjörðum og hafa af þeim afnotarétt tækju sig til og veðsettu eða seldu allt heila draslið. Einhversstaðar myndi hvína í trúi ég.

Góðar stundir.

Rót vandans einkavæðing íslensku bankanna

Á Íslenska ríkið að eyða 815 milljónum

í að rannsaka dularfullt hvarf þorskstofnsins? Þrátt fyrir tilraunir í næstum þrjá áratugi við uppbyggingu þorskstofnsins hafa þær mistekist herfilega. Það er öllum ljóst sem hafa fylgst með þessari þrautagöngu Hafró með þorskstofninn að árangurinn er víðsfjarri upphaflegum markmiðum.

En var eitthvað að í upphafi þegar tilraunarstofan Hafró lagði á stað í þessa þrautargöngu? Margir vilja meina að svo var ekki, einungis var um ofureðlilegar náttúrulega sveiflur á stofninum að ræða, ég er í þeim hópi. Hvað var í gangi á Íslandsmiðum þegar Íslensk fiskiskip sóttu í stórum stíl á fiskimiðin við Grænland og Nýfundnaland?

Mér er til efs að halda því fram að mokveiði hafi verið á Íslandsmiðum á þessum tíma. Ekki sóttu menn á þessi mið út af ævintýramennskunni og útrásarþránni einni saman með tilheyrandi mannfórnum. Vorum við ekki einfaldlega að upplifa á þessum tíma þessar ofureinföldu náttúrulegu sveiflur á þorskstofninum (fiskistofnum)?

Munurinn á þessum tíma þegar veiðar á fjarlægum miðum voru stundaðar og þeim tíma þegar Hafró lagið af stað í sína misheppnuðu tilraun með þorskstofninn er einfaldur, þá var einfaldlega ekki til svona mikið af sprenglærðum fábjánum sem datt það í alvörunni í hug að við gætum stjórnað náttúrunni.

Það er ekki nokkur vandi að verða moldríkur í EXEL, það er á sama hátt ekki nokkur vandi að reikna til fiskistofna og pottþéttan árangur ef við gerum hitt og þetta til að auka afraksturinn. Það er flestum ljóst að þeir sem reikna sig fyrirfram moldríka í EXEL brotlenda með látum þegar raunveruleikinn birtist í allri sinni dýrð.

Sama á við um stærðfræðilega fiskifræði sem sett er svo glæsilega upp á glærur hirðfíflunum (stjórnmálamönnum) til kynningar. Brotlendingin er jafnglæsileg nema þarna brotlendir vísindaakademían og allt skal notað til að ljúga sig frá staðreyndunum eins og flestir þekkja sem fylgst hafa með. Fölsun gagna, ofmat, ofveiði, afneitun á áður mældum fiski og lengi mætti telja aðferðirnar sem notaðar eru til að fegra raunveruleikann á vanmætti vísindaakademíunnar til að telja fiskana í sjónum.

Kveikjan að þessu pistli mínum var frétt sem ég las á visir.is og má lesa fréttina hér.

Hvort réttlætanlegt sé að eyða þessu fjármagni í rannsóknir á hvarfi stórum hluta þorskstofnsins vil ég frekar benda á ódýrari leið.

NR. Eitt, tvö og þrjú. Hlusta aðeins á skipstjórnarmenn, þeir eru með sérþekkingu á viðfangsefninu. Staðreyndin er einfaldlega sú að þorskurinn hvarf aldrei, vísindaakademían sveltir stóran hluta hans í hel og finnur ekki restina vegna vanþekkingar og vanhæfni á viðfangsefninu.

4. Eyða má nokkrum millum í rannsóknir á starfsaðferðum Hafró sem nákvæmlega engu skila.

5. Ráða til eins árs heilakrukkara (Sálfræðing) sem metur hæfni og jafnvægi þeirra sem ábyrgð bera á störfum Hafró. Ef árið dugar ekki þá á umsvifalaust að ráða aðra menn til starfa hjá Hafró.

Hér læt ég staðarnumið enda væri hægt að telja möguleikana upp í margar vikur.

Góðar stundir.

Hundeltir glæpamenn

Það skal öllu tjalda til og engu til sparað í eltingarleiknum við hina harðvígustu glæpamenn (Íslenska sjómenn) Þessir andskotans glæpamenn vaða uppi fremjandi hvern stórglæpinn á fætur öðrum algjörlega eftirlitslaust, þvílík hneisa á þessu verður að taka með öllum tiltækum ráðum.

Það er af sem áður var þegar Íslenskir sjómenn voru kallaðar hetjur hafsins sem færðu þessu þjóðfélagi með hetjulegri baráttu sinni og óeigingirni við náttúruöflin björg í bú. Þessir menn komu Íslendingum út úr torfkofunum með fórnfýsi sinni og baráttu fyrir betra lífi.

Í dag eru þessir menn hundeltir glæpamenn (undirmálsmenn) sem öllum þykir sjálfsagt að brotin séu á sjálfsögð mannréttindi þeirra í einfaldri viðleitni sinni fyrir sómasamlegu lífi sér og sínu byggðarlagi til handa.

Hefur engum dottið til hugar og hugleitt það að það gæti verið eitthvað bogið við það sem sumir vilja kalla, besta og frábærasta fiskveiðistjórnunarkerfi í heimi? Eða voru þessir stórglæpamenn (Íslenskir sjómenn) að fremja hvern stórglæpinn á fætur öðrum þegar þeir fiskuðu með eljusemi og dugnaði sínum þjóðina út úr moldarkofunum?

Ég verð að vera hreinskilinn, mér bíður við þessu kerfi sem við búum við.

Frétt á vef Fiskistofu hljóðar nákvæmlega svona sjá hér fyrir neðan.

25. júní 2008 | 03:06

Leiðangur Fiskistofu með Dröfn RE

Dagana 2. – 16. júní tók veiðieftirlit Fiskistofu Dröfn RE 35 á leigu líkt og gert hefur verið nokkur undanfarin ár. Er það gert til að veiðieftirlitsmenn eigi möguleika á því að komast um borð í veiðiskip af sjó, aðallega minni báta, til að sinna eftirliti með þeim. Hafa þessir leiðangrar jafnan verið árangursríkir og var sú raunin nú.

Farið var frá Reykjavík og haldið réttsælis umhverfis landið. Í leiðangrinum var farið um borð í 33 veiðiskip til að kanna veiðileyfi, afla, aflasamsetningu, veiðarfæri, aflameðferð og annað það sem tilheyrir veiðieftirliti. Gerðar voru athugasemdir við afladagbækur og þrjú afladagbókarbrot tilkynnt. Möskvar veiðarfæra voru mældir og reyndust í öllum tilfellum vera í lagi. Eitt brotamál kom upp vegna brottkasts afla. Í leiðangrinum voru 7.749 fiskar lengdarmældir. Mælingar veiðieftirlitsmanna í leiðangrinum leiddu til þriggja skyndilokana" Frétt lýkur.

Góðar stundir.

 

Þvílíkur léttir

að það hafi ekki fundist neinir hneggjandi Ísbirnir.... En eins og sést á þessu myndbandi þá eru Ísbirnir stórhættulegir.

Engir hvítabirnir sjáanlegir

Spurning um ábyrgð

eiganda rollunnar. Lausaganga búfjár er með öllu ólögleg og bönnuð á þjóðvegum landsins og ættu eigendur búfé sem veldur tjóni og slysum að vera ábyrgir fyrir þessum tjónum.

Það er samt mest um vert þarna að allir sluppu með skrekkinn, það er ekki alltaf svo.

Tvær bílveltur fyrir rollu

Samherji státaði af svona

búnaði um borð í einu af sínum skipum fyrir nokkrum árum. Ekkert dugði mynna til en fréttastofa sjónvarpsins til að boða herlegheitin. Eigendur þess fyrirtækis sögðu að með þessum búnaði vildu þeir sanna að ekkert brottkast væri stundað hjá þeim. Ekkert hefur heyrst meira af þessu frumkvæði samherjamanna, hver ástæðan er læt ég aðra um að dæma.

En ef mig minnir rétt þá var eitt af skipum samherja staðið að brottkasti í Barentshafi og fært til hafnar í Noregi eftir þessar fréttir af myndavélabúnaði samherjamanna sem sanna átti svo rækilega að brottkast væri bara hreint ekkert hjá þeim. Myndavélarnar hafa sjálfsagt verið bilaðar í umræddum túr.

Einhverjir hafa skrifað um þessa frétt og aðrir gert athugasemdir. Fannar frá Rifi var ekki lengi að sjá hvar vandinn lægi, hjá leiguliðunum og lausnin að sjálfsögðu að stoppa alla leigu. Þetta hlýtur Fannar að hafa lært í Háskólanum á Bifröst.

Eitthvað vantar svolítið upp á jarðsambandið hjá þessum annars ágæta dreng honum Fannari. Vandamálið er hvort sem Fannari eða einhverjum öðrum líkar betur eða verr kvótakerfið. Verð á kvóta er fyrir löngu síðan komið upp fyrir þolmörk sama hvort talað er um leigu eða varalegan (gervi) kvóta. Þegar verðið á Þorski fór upp fyrir 500 kr per kg. á varanlegum (gervi) kvóta og leigan upp fyrir 50 kr per kg. hættu hlutirnir að ganga eðlilega fyrir sig. Það er staðreynd, ekki ágiskun.

Þeir sem hafa látið blekkja sig og keypt kvóta á þessu fáránlega verði eru í svo vægt sé til orða tekið í hyldjúpum skít. Eilífur niðurskurður á þorski, hrun krónunnar og hækkandi olíuverð segir allt sem segja þarf í þessum efnum. Skuldirnar aukast, aflaheimildirnar minnka, öll innflutt aðföng útgerðarinnar hækka, olíuverðið að sliga útgerðina og hækkanir á heimsmarkaði á fiski er sáralítil á móti ósköpunum. 

Þarf að útskíra þetta eitthvað meira? Jú bætum því við að nú eru togarasjómenn hjá stóru fyrirtækjunum farnir að viðurkenna gríðarlegt brottkast. Vandamálið er kvótakerfið númer eitt, tvö og þrjú.

En hver er tilgangurinn með þessari frétt? Það skildi þó ekki vera að Líú klíkan standi þarna að baki og næsta skref verður, jú moka myndavélum, einni heilli myndavél á skip og fá meiri kvóta fyrir framtakið. Sjáum til hvað verður.

Góðar stundir.

Brottkastsmyndavélar um borð

Var og er Hannes Hólmsteinn

óhæfur. Við lestur á þessari grein koma upp efasemdir hjá síðuritara og sjálfsagt einhverjum fleirum. Fyrir mér virkar þetta eins og alkunn aðferð íhaldsins við heilaþvott á lýðnum eftir eigin höfði.

Ég sleppti þessum

í gær. Hann er forritaður og étur bara sjálfstæðis og samfylkingarmenn.......

En svona án gríns var engin ástæða til að láta vita af þessu fyrr?

Þriðji björninn á Hveravöllum?