Dómsmálaráðherra er ótrúlega hrokafull skrúfa

Það vekur furðu mína að Björn Bjarnason geti gengið um með yfirlýsingar og dóma um þá sem eru honum lítt þóknanlegir án þess að þurfa að taka afleiðingum þess með afsögn á ráðherradómi sínum. Margir hafa hrökklast frá af minna tilefni.

Grein á dv.is

Varla hlakkar í Birni

Föstudagur 12. september 2008 kl 16:42

Fróðlegt verður að sjá hvort Björn Bjarnason dómsmálaráðherra færir inn viðlíka færslu á heimasíðu sína vegna gjaldþrots XL ferðaþjónustufyrirtækisins í Bretlandi og á dögunum þegar hlakkaði í honum vegna gjaldþrots Nyhedsavisen í Danmörku. Dómsmálaráðherra talaði um “Baugsmiðil” og var augljóslega skemmt yfir óförum fyrirtækis tengdu feðgunum í Baugi . Hann efaðist um viðskiptavit þeirra sem komið hefðu að útgáfunni og hneykslaðist á milljörðunum sem töpuðust vegna gjaldþrotsins. Sagist Björn undrast hvaðan peningarnir kæmu. Nú neyðast feðgarnir Björgólfur Guðmundsson og Björgólfur Thor til að hlaupa til og bjarga Landsbankanum frá stórtjóni með því að leysa til sín 25 milljarða lán bankans til hins breska félags. Þar með bjarga þeir hluthöfum Landsbankans frá verulegu áfalli en í þeirra hópi er fyrirferðamikill Kjartan Gunnarsson, fyrrum framkvæmdastjóri Sjálfstæðisflokksins og stórvinur Björns. Sjálfsagt vita kumpánarnir Björn og Kjartan hvaðan peningarnir koma í tilviki Landsbankans og Eimskipa og hljóta að hrósa happi fyrir hönd Kjartans og annarra hluthafa í bankanum. Undir þeim kringumstæðum er ástæðulaust að efast um viðskiptavit bjargvættanna. Hluthafar Eimskipa eru ekki eins heppnir því eigið fé fyrirtækisins hefur skroppið saman eftir gjaldþrot XL og er aðeins 5% samkvæmt nýjustu fréttum því félagið var í bakábyrgð fyrir láni Landsbankans til XL.

Höfundur: [e-mail] Grein lýkur.

Eitthvað er minnið að hrjá Björn Bjarnason eða þá að hann treysti því að enginn muni nokkurn skapaðan hlut lengur. Það vil einfaldlega þannig til að Björn er ekkert öðruvísi en margur annar og telst bara venjulegur Jón að vísu full mikill hrokagikkur en sleppum honum með það. Björn Bjarnason á sér fortíð eins og allir aðrir sjá hér það bara muna það ekki allir.

Góðar stundir.

Var þetta allt saman ýsa?

Eitthvað segir mér það nú að töluvert af þessari svo nefndu ýsu sé í raun allt önnur tegund sem vil þvælast ótrúlega mikið fyrir þegar menn reyna sitt besta að uppfylla þær kröfur sem gerðar eru með þessu arfabrjálaða kvótakerfi. Tegundin er gul og að mati vísindanna er tegundin orðin frekar sjaldgæf á Íslandsmiðum, já við erum að tala um Þorskinn gott fólk.

111 þúsund tonn er aldeilis frábær árangur og ef sagan er skoðuð þá hefur aldrei verið veitt svona mikið af ýsu af Íslendingum sjálfum. Hvernig menn geta fengið þetta út og trúað því líka er mér gjörsamlega ómögulegt að skilja. Við þurftum hjálp frá öðrum þjóðum á árum áður til að ná þessum árangi og þá voru einnig veidd fleiri hundruð þúsund tonn af þorski með allri ýsunni.

Þetta afrek Íslenskra skipstjóra er alveg einstakt og hlýtur að verða skráð í sögubækurnar, að geta í alvörunni gert lang stærsta botnfiskstofninn við Ísland (Þorskinn) að léttvægum meðafla með öðrum veiðum er og hlýtur að teljast algert heimsmet í hárnákvæmum veiðum í heimsins besta kerfi (kvótakerfinu) sem um getur í fiskveiðum á alþjóðavísu.

Það er greinilega ekki að ástæðulausu sem Íslenskir sjómenn séu taldir með þeim allra bestu í heimi og Íslenska kvótakerfið heimsins besta kerfi sem fundið hefur verðið upp. Þegar það í alvörunni gengur upp að vísindaelítan segir að það megi ekki veiða meira af ákveðinni tegund þá bara einfaldlega veiðist ekki meira af henni en sagt er að megi veiða. Já kvótakerfið lætur ekki að sér hæða, það svín virkar sem heimsins flottasta og afkastamesta flokkunarkerfi sem fundið hefur verið upp, með fullri virðingu fyrir Marel og allri þeirri tækni sem þeir búa yfir.

Ég skammast mín hálfpartinn fyrir að hafa tekið þátt í þessu og látið kvelja mig áfram í gengdarlausu brottkasti sem er og verður alltaf mannskemmandi í óbreyttri mynd, að starfa undir þeim ósköpum að misvitri menn hringi daglega um borð og panti hina og þessa tegund af fyrirfram ákveðinni stærð hefur farið ansi illa með margan góðan manninn og ekkert lát er á þvælunni.

Fyrirskipanir um að koma ekki með þorsk undir ákveðinni stærð í land er ekki alveg fyrir alla og þeim fer fjölgandi sem sem ekki geta sætt sig við og unnið undir þessum kvöðum. Ég spyr og í fúlustu alvöru, hvað var miklu hent af þorski aftur í sjóinn á nýliðnu kvótaári, 50 - 70 þús tonnum eða meira? Það er alveg ljóst að minna var það ekki, það þori ég að fullyrða.

Góðar stundir.

 

Mikill ýsuafli á síðasta fiskveiðiári

Hvor ruglar meira

Friðrik J Arngrímsson framkvæmdastjóri Landssambands íslenskra útvegsmanna eða Audun Maråk framkvæmdastjóri samtaka norskra útgerðarmanna? Friðrik segir að við séu í fullum rétti til að veiða í okkar lögsögu.

Gott og vel þá hljóta Norðmenn að vera í fullum rétti til að veiða í sinni lögsögu ekki satt? Þannig að þá geta Norðmenn veitt eins og þeim sýnist af loðnu þegar hún gengur út úr okkar lögsögu og inn í lögsögu Normanna við Jan Mayen ekki satt? Samber Makrílveiðar Íslendinga.

Grænlendingar og geta einnig veitt eins og þeim sýnist af Loðnu þegar hún skreppur yfir til þeirra. Það geta allir veitt eins og þeim sýnist á Reykjaneshrygg þegar úthafskarfinn er ekki inn í okkar lögsögu. Þetta hlýtur að vera gagnkvæmt við eigum ekki það sem kemur og fer í okkar lögsögu frekar en Norðmen, Grænlendingar og aðrar þjóðir eiga ekki það sem kemur og fer úr þeirra lögsögu. Þetta er í hnotskurn það sem Friðrik J er að meina, þvílík röksemdarfærsla. Ég held að menn ættu að stíga varlega til jarðar í þessum efnum.

Svo er talað um frekju og yfirdrottnunarvald Norðmanna í Norður-Atlandshafi...

Góðar stundir.

„Tökum þetta ekki alvarlega“

Ekki spurning, það á að veiða

hvali. Það eru nákvæmlega engin skynsamleg rök fyrir því að veiða þá ekki. Allt hjal um hrun ferðamannaiðnarins hefur svo fjarri lagi gengið eftir. Það aftur á móti væri stórkostulega ábyrgðarlaust að lát hvalinn éta okkur út á gaddinn, þegar því takmarki er náð hrynja hvalastofnarnir sjálfkrafa úr hor.

Viljum við bera ábyrgð á því? Það er kannski í lagi vegna þess að við höfum það ekki fyrir augunum þegar það gerist.

Góðar stundir.

Leggja áherslu á hvalveiðar

Skotar stefna að nýju fiskveiðistjórnunarkerfi

Stefnt að sérstöku fiskveiðistjórnunarkerfi fyrir Skotland

Skoska heimastjórnin stefnir að því að koma á fót sérstöku fiskveiðistjórnunarkerfi fyrir Skotland en hingað til hefur sameiginlegt veiðikerfi gilt fyrir Bretland allt. Nýja kerfinu er ætlað að tryggja að veiðiheimildirnar haldist áfram í minni sjávarplássum og í eigu sjómannanna sem þaðan stunda veiðar. Frá þessu er greint á skip.is sjá meira hér.

 

Það lýtur út fyrir að þeir aðilar sem sitja í heimastjórn Skotlands séu margfalt betur haldin í höfðinu en ráðamenn á Íslandi. Mín ágiskun er sú að þeir hafi skoðað árangur af Íslenska mótelinu og læknast snarlega. Það verður athyglivert að fylgjast með þessu máli. Eins og fram kemur í þessari frétt þá er engu líkara en hagsmunasamtök í Bretlandi séu með Líú sýkinguna, sem eins og allir vita er stórhættuleg sótt og hefur sýkt því miður aðeins of marga. Söngurinn er nákvæmlega sá sami.

 

Góðar stundir.

Til hvers þarf að taka lán?

Hér er orðrétt haft eftir Geir á visir.is "Íslendingar hafa aldrei verið eins vel í stakk búin til að standast ágjöf í efnahagslífinu, að mati Geirs. Uppgangstíminn hafi verið notaður til að greiða niður skuldir ríkissjóðs, safna í digra sjóði og skjóta fleiri stoðum undir atvinnulífið og um leið verðmætasköpun hér á landi.

Hvar eru þessir digru sjóðir sem safnað var í, og hvaða stoðum hefur verið skotið undir atvinnulífið? Í hvaða veröld lifir þessi maður? Hann er í það minnsta ekki í neinu sambandi við raunveruleikann á landinu sem hann gegnir starfi forsætisráðherra. Til hvers þarf að taka lán fyrst það er búið að safna svona myndalega í digra sjóði?

Góðar stundir.

30 milljarða króna lán

Hvað hefur verið gert

fyrir almenning, ég bara spyr?

Greining Glitnis: Aðgerðarleysi orðum aukið

Á vef fiskistofu má sjá

hver aflamarksstaða fiskveiðiársins er sem lýkur á miðnætti í kvöld sjá hér. Ef skoðað er hvað mikið af aflaheimildum er ónotað kemur í ljós að það brennur helvítis hellingur inni í þorskígildum talið. Í aflamarkinu eru ónotuð 22.576 þorskígildi. Höfum það í huga að þetta er nánast jafn mikið og HB Grandi fær í úthlutun en það eru 22.700 þorskígildi.

Í krókakerfinu eru ónotuð 3.050 þorskígildi. Samtals eru þetta 25.626 þorskígildi. Hver skyldi vera ástæðan fyrir því að svona mikið magn brennur inni og verður þjóðfélaginu ekki til neins gagns? Eina sem þetta skilar eru afborganir og vextir sem bankarnir taka til sín, því einsog flestir vita þá eru úthlutaðar aflaheimildir að megninu til yfirveðsettar og þeir einu sem hafa sitt eru lánastofnanir, en það á eftir að breytast til hins verra trúi ég, afskriftir í kvótavöndlunum eru óhjákvæmilegar áður en langt um líður.

Þótt þessar tölur liggi fyrir svona þá á væntanlega eitthvað eftir að koma inn af lönduðum afla og fimleikarnir í tegundatilfærslum eftir að einhverju leiti. Hvað sem það á svo skylt við fiskverndun þessir fimleikar við tegundartilfærslur er svo efni í margar bækur. Hvernig til dæmis Ufsi sem er að brenna inni getur orðið að þorski, ýsu og steinbít er svo galið að mig skortir orð. Ég sem hélt að það væri búið að lita nóg af fiski á fiskveiðiárinu, en nei þá er í boði á lokahnykk fiskveiðiársins að fullkomna verkið með ólögum.

Það virðist vera alveg sama hvað er rætt og um hvað í sjávarútvegi, talið beinist alltaf að bönkunum og hvað þeir eru slæmir að lána ekki eins og mönnum þóknast til að ljúga sig áfram í blekkingarvef eigin heimsku. Menn skæla mismikið einsog gerist og gengur í flestum greinum þjóðfélagsins en þegar Formaður samtaka útgerðarmanna lýsa því yfir hvað allir séu lamaðir yfir trega bankanna, meira að segja hann er jafn undrandi og smábarn sem sleikjóinn var hrifsaður af, þá er fokið í flestar ef ekki allar holurnar og ólyktin ein eftir, sjá hér.

Illa er ég hræddur um að brotlendingin verði hörð, óvægi já ef ekki bara komi algjörlega á óvart þeim sem halda áfram að afneita því að þetta gengur hreint alls ekki upp eins og reynt er í dag. Hvernig sem menn tala og fegra hlutina með hjali um hvað þetta sé allt saman hagkvæmt, arðbært, sjálfbært og Guð má vita hvað frasar eru notaðir, þá eru staðreyndirnar einfaldlega þær að skuldir sjávarútvegsins hafa aukist um 350% á tíu árum þó umsetningin sé nánast sú sama. Þarf að hafa fleiri orð um þetta?

Góðar stundir. 

Enn syrtir í álinn

Þetta blessað kerfi sem er verið að dröslast með er löngu gjaldþrota. Nánast samstundis og frjálsa framsalið og veðsetning aflaheimilda var leyfð lauk þessu. Eins og staðan er í dag þá er algjörlega vonlaust að verðleggja leigukvóta á þorski hærra en 45 krónur kílóið, allt umfram það skilur eftir sig skuldir þegar allur rekstrarkostnaður hefur verið gerður upp.

Eru menn svo hissa að hlutirnir skulu vera komnir að endalokum. Þeir sem halda því fram að leiga upp á 230 til 260 krónur kílóið gangi upp, reka sig alvarlega á skuldarvegginn sem safnast upp að lokum. Ekki veit ég í hvað veröld Reynir Þorsteinsson er en hann segir meðal annars "Aflaheimildir í þorski hafi verið skertar um 33% og verðið hafi lækkað sem því nemur"

Hvernig hann fær þetta út er mér hulin ráðgáta, leiguverðið hefur verið hækkandi jafnt og þétt og um sölur á varanlegum heimildum er ekki hægt að tala um. Bankarnir búa til eitthvað verð þegar þeir hengja einn upp á löppunum og rétta öðrum skuldarpakkann. Svona gengur þetta fyrir sig því miður og á eftir að versna mikið.

Góðar stundir. 

Nýtt fiskveiðiár mörgum erfitt

Stórasta ekki frétt síðasta áratugar

Það einfaldlega tekur því ekki að ræða svona smámuni. Heimsins besta fiskveiðistjórnun með sínu himneska kvótakerfi knýr heiðarlegustu menn í margfalt sverari aðgerðir en þetta smotterí sem Svíarnir eru ákærðir fyrir.

 

 

Með aðstoð opinbers apparats er síðan blessunin lögð yfir ruglið með gæðastimpli merktum FISKISTOFA. Þar á bæ er forstjórinn í alvarlegri afneitun á meðan margir af eftirlitsmönnunum sem undir honum starfa eru komnir með megnasta viðbjóð á því hvernig hlutirnir eru.

Þeir sem eru hvað stórtækastir í fimleikunum við svindlið njóta þess heiðurs að horft er framhjá þeim með blinda auganu, hinir sem eru í því að fixa til örfá kíló eru hengdir upp og Forstjóraræfillinn lemur á brjóst sér hamlaus af gleði yfir árangrinum.

Það er einfaldlega ekki liðið að sannleikurinn komi í ljós, þá yrðu stjórnvöld og varðhundar kvótakerfisins að viðurkenna hverslags glapræði þessi stefna í sjávarútvegsmálum Íslendinga er.

Góðar stundir.

Sænskir sjómenn ákærðir