Þrýst á verðlækkanir

Lesið þessa frétt hér vel.  Tilv. í frétt "Þetta þýðir lægra verð, lengri greiðslufresti, minnkandi greiðslutryggingar, aukið birgðahald, aukinn geymslukostnað og aukinn fjármagnskostnað" Tilv. lýkur. Hvernig er hægt að finna það út að lægra verð þíði aukið birgðahald og aukinn geymslukostnað? Það er nú bara einfaldlega þannig að lægra verð þýðir aukin sala, minna birgðahald og styttri geymslutími.

Á það kannski ekki við þessi einfaldi og almenni gangur lífsins í viðskiptum hjá þessum græðgihönum í sjávarútvegi að lægra verð þýðir aukin sala og þar af leiðandi lítil sem engin birgðasöfnun? Ekki kemur það mér spánskt fyrir sjónir að staða sjávarútvegsins skuli vera í þeirri stöðu sem hann er í. Græðgin í eignarsöfnun á gervieign (kvótanum) hefur verið með þvílíkum eindæmum að það gat ekki komið að neinu öðru en endapunkti í vitleysunni. Víð skulum sleppa því að fara út í ruglið sem átt hefur sér stað í fiskvinnsluhúsunum, Það er efni í margar færslur. 

Hvernig ætla menn að útskýra það á heilbrigðan hátt að staðan skuli vera svona eftir allan þann uppgang sem átt hefur sér stað í veiðum og vinnslu. Eða er það staðreynd að sjálfbærnin, hagkvæmnin og arðsemin var bara falsað orðarugl á meðan aðgengi að lánsfé var nánast ótakmarkað? Í það minnsta styður skuldastaða sjávarútvegsins þá skýringu.

Stórtíðindi í vændum, Sjávarútvegsráðherra nær sér vart fyrir gleði og samstundis byrjaður að túlka hlutina sér og flokksbróður sínum hjá Líú í hag. Ég fer ekki ofan af því að sjávarútvegsstefna ESB er jafn handónýt og stefna Íslendinga. Eini munurinn er sá að í lögum er brottkast fyrirskipað innan ESB en á Íslandi er það lögbrot þótt nánast allir stundi það. Síðan er eftirlitið framkvæmt með bundið fyrir annað augað og hitt leitandi að næsta kaffibolla.

Ef brottkastið á Íslandsmiðum væri einungis upp á um það bil 7 milljarða værum við bara í þokkalegum málum miða við það sem er í gangi.

Verið góð hvert við annað nema Einar, hann á það ekki skilið.

Góðar stundir.

Sjö milljarðar króna í sjóinn

Eigið þið annan betri?

Halda mætti að Geir Haarde sé haldinn margfalt verri mein í kollinum en Ingibjörg Sólrún. (Ekki misskilja mig, ég vona svo sannarlega að hún nái fullum bata) Tilv. í fréttina "Við sækjumst eftir þessu sæti sem lýðræðisríki sem á ekki í deilum við önnur ríki: ríki sem hefur í gegnum tíðina leyst deilur sínar með friðsömum hætti; ríki sem virðir mannréttindi; ríki sem hefur enga verulega geópólitíska hagsmuni og getur því nálgast málefni með ákveðinni hlutlægni" Tilv. lýkur.

Ég spyr, hvað er geópólitískur hagur? Ég vil halda því fram að hér sé prentvilla og það eigi að standa geðþótta hagsmunir.

Staðreynd málsins er einföld, af öllum Norðurlöndunum þá er Ísland eina landið sem hunsað hefur álit mannréttindanefndar Sameinuðu Þjóðanna þar sem eins og allir vita var úrskurðað um að mannréttindabrot væru framin á Íslendingum með kvótakerfinu. Hvað höfum við að gera við sæti í einhverju öryggisráði SÞ ef álit frá SÞ er svo hunsað þegar það kemur?

Vilji almennings í þessu landi er ekki virtur og yfir alla sem ekki eru þóknanlegir valdníðslunni skal valtað og þeirra mannréttindi fótumtroðin allt í þágu einvalds sem hefur bar eitt markmið, úthluta útvöldum gæði og auðlindir landsins jafnt til sjávar sem sveita.

Verið góð hvert við annað nema Geir, hann á það ekki skilið.

Góðar stundir.

Verði öld SÞ

Þjóðfélag í ánauð hægrisinnaðra öfgamanna

Þeir spretta fram hver af öðrum og lýsa því yfir að hægrisinnuð öfgaöfl eigi að setja þráðbeint í skammakrókinn. Ekki ætla ég að mótmæla þessum mönnum enda hefur það verið mín skoðun lengi að Seðlabankinn eigi ekki að vera elliheimili eða hæli fyrir aflóga pólitíkusa. Þar eiga að vera skilyrðislaust menn sem vita hvað þeir eru að gera.

Einnig á skilyrðislaust að hafa mann í stöðu fjármálaráðherra sem hefur einhvern smá grun um hvernig þar og þeim málaflokki skuli stjórnað, en því miður er því ekki fyrir að fara í núverandi ríkisstjórn.

Góð grein Guðmundar Ólafssonar hagfræðings á visir.is er um sama mál og einnig er það athygliverður punktur sem hann bendir á og er í sambandi við Tryggvi Þór ráðgjafa ríkisstjórnarinnar í efnahagsmálum. Tilv. í fréttina "Guðmundur Ólafsson segir að orð Tryggva Þórs séu mjög undarleg og honum komi á óvart að Tryggvi Þór sé orðinn einhverskonar blaðafulltrúi eða talsmaður ríkisstjórnarinnar. „Ég hélt að hann ætti að vera ráðgjafi stjórnarinnar og leiðbeina henni um efnahagsmál," segir Guðmundur. „Og ef þetta er ráðgjöfin þá er illt í efni fyrir þjóðina svo vægt sé til orða tekið." Tilv. lýkur. Þarna er á ferðinni alkunn leið íhaldsins við að fría sjálft sig við óþægilegum spurningum.

Einnig er sandkorn á dv.is með ágætan pistil um þetta sama mál sem ber þá skemmtilegu fyrirsögn Hitnar undir Davíð, nema eins og þeirra er von og vísa þá er ekkert verið að skafa utan af hlutunum sem er að mínu mati algjör óþarfi, um hlutina á einfaldlega að ræða á tungumáli sem allir skilja.

Nú er ekkert annað að gera fyrir ríkisstjórn þessa lands en að afnema eftirlauna ólögin í hvelli og senda þá í skammakrókinn sem þar eiga heima, þeir eru búnir að kosta okkur skattborgarana nóg. Þessir prelátar eiga ekki undir neinum kringumstæðum að komast upp með það að halda áfram að blóðmjólka samfélagið eftir hroðvirknisleg vinnubrögð framkvæmd með hroka og ofbeldi í ellinni.

Jafnt skal yfir alla ganga, gaman væri að sjá þessa gaura lifa af á þeim ellilífeyri sem þeir hafa skammtað hinum almenna borgara.

Verið góð hvert við annað.

Góðar stundir.

Ólafur Ísleifsson: Setja á stjórn Seðlabankans af

Lengi getur vont versnað

Maðurinn sem stóð á bak við (allt í plati) góðærið og gríðarlegan stöðugleika sem allir litu til og öfunduðu Íslendinga af er enginn annar en sá sem nú nú situr í Seðlabankanum og kastar grjóti og fúkyrðum hægri vinstri. Þessi maður er greinilega búinn að steingleyma því að hann er að niðurlægja eigin verk sem þrælar hans og sendisveinar hafa svo reynt með öllum mætti að fylgja eftir með hroðalegum afleiðingum fyrir almenning þessa lands.

Lengi getur vont versnað svo vægt sé til orða tekið því ef hugmyndsmiðurinn á hroðanum sem gengur yfir okkur snýr aftur í pólitík, þá er svo sannarlega hægt að loka sjoppunni og flytja til Kanarí eins og hann sagði sjálfur um árið.

Í sandkorni sjá hér koma fram hugleiðingar um það að þessi fúskari sé jafnvel á leiðinni aftur og ég segi nú bara, Guð hjálpi okkur ef það gerist. Dóri Blöndal verður þá væntanlega hans helsti ráðgjafi og hugmyndasmiður íhaldsins hinumegin enda er hann þekktur fyrir að vera með hinsegin skoðanir á öllu, Þá meina ég öllu. Ég fæ gæsahúð og einkennilegur hrollur æðir tryllingslega um líkamann við tilhugsunina.

Verið góð hvert við annað.

Góðar stundir. 

 

Nægir peningar til í gæluverkefni

Björns Bjarnasonar. Ekki veit ég í hvað fílabeinsturni Björn hefur komið sér fyrir í og hvað ævintýrabókmenntir gaurinn er að lesa. Auraleysið er í það minnsta ekki að hrjá Björn og hans ráðaneyti þegar gæluverkefnunum skal hrundið í framkvæmd.

Lögreglan er fjársvelt og helst eiga allar löggur landsins að sinna löggæslu labbandi eða sníkjandi sér far með næsta bíl. Landhelgisgæslan er svo illa fjársvelt að skipin geta ekki verið á sjó nema annaslagið og þá bara eitt í einu. Þeir væntanlega leysa málið með því að fá að hanga aftan í einhverjum togaranum í eftirlitsferðunum. Flug og þyrlusveitin er í klessu vegna fjárskorts og æfingar af skornum skammti.

Ekki vantar fjármagnið hjá Birni Bjarnarsyni þegar þyrlusveitin er höfð í umferðareftirliti, það er reyndar ekki sjens að finna upp á dýrari aðferð við að góma brjálæðinga götunnar. Að mínu mati er í raun bara eitt vandamál sem hrjáir landhelgi og löggæsluna á Íslandi og það er Björn Bjarnason sem er að verða risavaxið vandamál sem þarf að losa þjóðina við.

Er það næsta sem við heyrum að einkavæða skuli landhelgi og löggæsluna í sparnaðarskini, það er í anda íhaldsins?

Verið góð hvert við annað.

Góðar stundir.

Öryggisþjónusta á næsta leiti

Mér líður eins og fífli

Hér er allt í brunandi báli og eignir fólks brenndar upp með gerræðislegri stefnu stjórnvalda og yfirbjálfans í Seðlabankanum. Hvar er hjörðin sem á að stjórna, en ekki hvar á Wall Street? Við erum höfð að fiflum, mér líður eins og bjána við að sjá þetta rugl.

Geir að loka á Wall Street, eru þá einhverjar líkur á því að Wall Steet opni nokkurn tímann aftur? Margar eru þær eitraðar framkvæmdirnar sem íhaldið hefur afgreitt frá sér, ekki brygði mér þótt tilkynnt yrði fljótlega að Wall Street væri ónýtt fyrirbrigði eftir heimsókn Geirs og fylgihjarðarinnar.

Hvað er til dæmis langt síðan Geir kyssti Ingibjörgu slæðudrottningu? Síðan þá hefur kerlan ruglað út úr sér hverri dellunni á fætur annarri, já bara hreint eins og óstöðvandi færibandaþvæla sé í spilunum. Ég talaði einhvern tímann um eitraðan koss eða koss dauðans þegar Geir slummaði Slæðudrottninguna á bak við handónýtt kofaskrifli út í sveit. 

Ekki datt mér þá í hug að ég væri svona sannspár, sjáið til hvernig komið er fyrir kerlunni nú. Ég skil núna að sumu leiti þó ekki öllu ruglið sem hefur hrjáð Slæðudrottninguna, svo sem ríkisrekið kvótabraskkerfi svo eitthvað sé nefnt. Geir er eitraðri en ég hélt og hann ber að varast, látið ekki þetta saklausa nojara baby feis blekkja ykkur.

Hver man ekki eftir saklausa baby feisinu frá Norge sem spilaði með United lengi vel, hann var á endanum kallað SLÁTRARINN með baby feisið? Eru virkilega allir sem ættaðir eru frá Norge svona?

Verið góð hvert við annað og Ingibjörgu.

Góðar stundir.

Forsætisráðherra á Nasdaq

Bílasalar með lausnina á handónýtri krónu !!!

Hvernig má það vera að þetta fyrirkomulag tryggi viðskiptavini? Sjá nánar um þetta hér. Hvað er það sem ég er ekki að skilja í þessu? Í fréttinni segir meðal annars  "„Krónan er handónýtur gjaldmiðill eins og staðan er í dag," segir Leifur Örn. Mikið sé um sérpantanir á Benz bílum þar sem viðskiptavinir fái útbúna bíla eins og þeim hentar. Þá sé afgreiðslufrestur oft langur og með þessu vilji fyrirtækið tryggja sig og viðskiptavini fyrir gengissveiflum frá því bíll er pantaður, þar til hann er afhentur"

Nú er ég algjörlega úti á túni og sem betur fer þá er ég ekkert á leiðinni að kaupa mér bíl enda er minn bíll þokkalega tryggður með erlendu láni og allri þeirri hamingju sem því fylgir. Ef hægt er að tryggja viðskiptavinina fyrir einhverju af hverju hefur það ekki alltaf verið í boði? Eða eru menn farnir að kaupa sér bíla og borga með Evru. Þið verðið að fyrirgefa en þetta skil ég ekki, kannski er ég ekki búinn að jafna mig eftir leikinn í gær. Ef það er skýringin þá kviknar væntanlega ljós eftir hádegi í þessu furðuverki sem hangir ofan við axlirnar á mér...

Verið góð við hvert annað.

Góðar stundir.

 

 

Illa líst mér á hvernig að málum er staðið

Landhelgisgæslan lömuð og skipin bundin við bryggju. Nú er það einu sinni svo að Gæslan sér ekki eingöngu um eftirlit á hafinu, hlutverk hennar er einnig gríðarlega mikilvægur í björgun hverskonar. Sjómenn hafa alltaf búið við ágætt öryggi og vitað að í flestum tilfellum er ekki langt í næsta skip Gæslunnar þegar vá ber að höndum.

Bilað skip að reka til lands með mörg mannslíf um borð og skip Gæslunnar bundin við bryggju í Reykjavík. Það sjá allir hvernig það fer, það endar líklega á hörmulegan hátt með hrikalegum afleiðingum. Eru sjómenn ekki meira virði en svo að þeir geta bara gengið á vit feðra sinna ef svo ber undir? Við búum á einu erfiðasta hafssvæði í veröldinni og eigum að halda úti skipum Gæslunnar þetta eru björgunar og öryggistæki sem Íslenskir sjómenn stóla á að séu til staðar.

Einnig er gríðarleg umferð erlendra skipa við landið sem gætu þurft á aðstoð að halda. Það er ekki að sjá í ferðagleði ríkisstjórnarinnar að fjármagn vanti í kassann, er þetta er frekar spurning um forgangsröðun?

Góðar stundir.

Skipum Landhelgisgæslu lagt til að spara

Þetta er gott dæmi um mann sem vinnur

með rassgatinu, sjá hér. Það er ekki nóg með að hann vinni með afturendanum, hann er opinn ofan í rassgat flesta daga ársins.

Hvað kallar þessi maður það sem hans félagsmenn undir hans formensku beita íslenska sjómenn og þá sem leigja sér kvóta, eða hafa hug á því að öðlast sjálfsagðan aðgang að sameiginlegri auðlind allra landsmanna? Við skulum ekki gleyma því að mannréttindanefnd Sameinuðu Þjóðanna úrskurðaði að framin eru mannréttindabrot á þeim sem vilja fá þennan sjálfsagða aðgang að auðlindinni þegar til hennar var leitað. 

Ég vil kalla þessi verk undir stjórn Líú fjárkúgun og eitt það svakalegasta þrælahald sem um getur í mannkynssögunni.

Góðar stundir.

Fullkominn úrgangur

Þetta er táknrænt fyrir það hvernig sjávarútvegurinn er að verða. Fiskverkunarhús sem áður skapaði fjölda manns vinnu og lagði sitt af mörku til þjóðarbúsins með gjaldeyrisskapandi framleiðslu er orðin fullkomin móttökustöð fyrir úrgang.

Reyndar kemur ekkert annað orð en risastór úrgangur upp í mínum huga þegar ég hugsa um þetta blessaða kvótakerfi og hvernig það hefur farið með fjölda staða á landsbyggðinni og skilið eftir sig slóð eyðileggingar og fjöldauppsagnir fólks. Það kemur sá dagur að það verður ekkert fólk til sem kann til verka jafnt í landvinnslu sem á sjó. Það getur (vil) enginn hanga í lausu lofti með það hvað verður kannski á morgun ef einhver önnur vinna býðst.

Það sem átti að byggja svo glæsilega upp atvinnuöryggi á landsbyggðinni og margfalda stofnstærð þorsks (kvótakerfið) hefur snúist svo herfilega upp í andstæðu sína að leitun er að viðlíka viðsnúningi. Á sama tíma og við höfum gjaldeyrinn (fiskinn) syndandi hringinn í kringum landið er ríkisstjórnin og Seðlabankinn að rembast eins og hálfdauð hæna við ennþá meiri skuldasöfnun í formi lántöku svo gjaldeyrisstaða Seðlabankans teljist viðunnandi.

Ekki vænkast fjárhagur minn með meiri yfirdrætti það er ljóst, það gerist heldur ekki hjá Seðlabankanum með aukinni lántöku, þetta eru ekkert flókin fræði við verðum að framleiða meira og það getum við gert strax á morgun. Við eigum ennþá eitthvað eftir að bátum og skipum, eina sem vantar er að leyfa okkur að veiða meira, það er minni áhætta tekin með því að veiða meira frekar en skuldsetja þjóðfélagið enn frekar og finnst mörgum nóg komið í þeim efnum.

Góðar stundir.

Fiskverkun verður gámastöðin Enni