Bílasalar með lausnina á handónýtri krónu !!!

Hvernig má það vera að þetta fyrirkomulag tryggi viðskiptavini? Sjá nánar um þetta hér. Hvað er það sem ég er ekki að skilja í þessu? Í fréttinni segir meðal annars  "„Krónan er handónýtur gjaldmiðill eins og staðan er í dag," segir Leifur Örn. Mikið sé um sérpantanir á Benz bílum þar sem viðskiptavinir fái útbúna bíla eins og þeim hentar. Þá sé afgreiðslufrestur oft langur og með þessu vilji fyrirtækið tryggja sig og viðskiptavini fyrir gengissveiflum frá því bíll er pantaður, þar til hann er afhentur"

Nú er ég algjörlega úti á túni og sem betur fer þá er ég ekkert á leiðinni að kaupa mér bíl enda er minn bíll þokkalega tryggður með erlendu láni og allri þeirri hamingju sem því fylgir. Ef hægt er að tryggja viðskiptavinina fyrir einhverju af hverju hefur það ekki alltaf verið í boði? Eða eru menn farnir að kaupa sér bíla og borga með Evru. Þið verðið að fyrirgefa en þetta skil ég ekki, kannski er ég ekki búinn að jafna mig eftir leikinn í gær. Ef það er skýringin þá kviknar væntanlega ljós eftir hádegi í þessu furðuverki sem hangir ofan við axlirnar á mér...

Verið góð við hvert annað.

Góðar stundir.

 

 

Athugasemdir

[Jakob Falur Kristinsson, 21.9.2008 kl. 09:20]

Þú hlýtur að skilja þetta þegar líður á daginn

[Hafsteinn Viðar Ásgeirsson, 21.9.2008 kl. 10:34]

Það er nú alveg splunkunýtt ef þessi stétt er farin að hugsa hlutina út frá hagsmunum viðskiptavinanna? Trúi því nú að þar á bæ sé og verði EINGÖNGU hugsað um eigin vasa eins og ávallt. Alltaf verða þeir jafn ergilegir þegar maður segir, að það geti enginn þrifist í þessu starfi nema vera pínu krimmi í sér. Það eru svona álíka viðbrögð og þegar maður líkir fasteignasala, réttilega oftast, við bílasala. Verri móðgun heyra þeir varla??

Hann á eftir að sitja í þér þessi leikur Halli, kemur sér vel að pumpan er sterk. En heldurðu að dómarinn sé búinn að jafna sig?

[Hallgrímur Guðmundsson, 21.9.2008 kl. 16:38]

Ég skil ennþá ekkert í því hvernig þetta verndar viðskiptavininn.... Einfaldasta lausnin sem heilabúið á mér fann út úr þessu er sú að þessir letihaugar nenna ekki að gera það sem þeir eiga að gera, það er að VERÐMERKJA hlutina...

Já Hafsteinn þessi leikur situr svolítið í mér og ekki að ástæðulausu... Það fréttist að dómaradruslan hafi sótt um hæli sem almennur flóttamaður í Bagdad....