Hér sjáum við raunverulega

hver hagkvæmnin, arðsemin, sjálfbærnin, stöðugleikinn og ávinningurinn er af besta fiskveiðistjórnunarkerfi í heimi. Þótt það sé einungis 779 milljóna minni munur á rekstrartekjum er afkomumunurinn á sama tíma 6.131 milljón minni, 6.1 milljarði hjá HB Granda. Þetta eru ekki nema rétt um það bil 33,7 milljónir á dag. Þeir verða ekki í vandræðum með að finna fínt orð og góða ástæðu fyrir þessu kallarnir.

Ég hef talað um það áður að þessi stefna sem við erum að fylgja í sjávarútvegi sé gjaldþrota og því lengur sem menn þráskellast við að viðurkenna það, því stærra verður gjaldþrotið. Eitthvað eru menn myrkfælnir við að birta skuldastöðu sjávarútvegsins eins og hún er í dag, en eins og margir muna þá var skuldastaðan um mitt ár í fyrra um það bil 307 milljarðar.

Það er algjört ábyrgðarleysi að mínu mati að halda áfram með kvótastýrðar veiðar. Langflestir af þeim sem um kvótann halda hafa sýnt það svo rækilega í verki að þeim er ekki treystandi fyrir þessu. Gróðavon og græðgi verður þessu öllu að falli með hörmungum sem við þessir venjulegu Jónar báðum ekki um. Það verður að teljast í alvarlegustu merkingu orðsins brjálæði, hvernig mönnum datt það í fúlustu alvöru til hugar að ljúga upp verðmæti aflaheimilda í tæpar 4000 krónur kílóið og kvelja leiguna upp í 250 til 260 krónur kílóið og trúa því síðan að það gengi upp.

Það er alveg ljóst að EXCELINN sem notaður var við útreikninginn hefur verið stórgallaður, eða þá hitt að maðurinn sem pikkaði forsendurnar inn í forritið sé alvarlega gallaður milli eyrna. Hvernig svo sem menn sprikla og ljúga að sjálfum sér þá er partíið í alvörunni búið, framundan eru hroðalegir timburmenn. Það sem er svo einna verst í þessu er að það hafa enginn lyf eða aðferðir verið fundinn upp sem lina þjáninguna án stóráfalla.

Góðar stundir.   

Mikið tap á rekstri HB Granda

Allt á réttri leið

eða er það ekki? Skoðum aðeins tilgang og markmið með setningu laga um stjórn fiskveiða.                 I. kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu.

Hver er svo árangurinn? Það þarf ekki að tíunda hann hér, árangurinn er öllum ljós með tilheyrandi hörmungum sem yfir landsbyggðina hefur gengið og á eftir að versna mikið. Þær aðferðir sem notaðar hafa verið hafa mistekist með öllu og það er ábyrgðarhluti að halda áfram á sömu braut.

Stjórnvöldum ber skylda til að endurskoða frá grunni fiskveiðistjórnunarkerfið, starfsaðferðir Hafró og afnema kvótakerfið. Kvótakerfið hefur fengið rauða spjaldið ekki bara með árangursleysi sínu heldur einnig frá mannréttinda nefnd Sameinuðu Þjóðanna. Það er hægt að stunda fiskveiðar án þess að það sé fyrirfram ákveðið eitt ár jafnvel 5 til 10 ár fram í tímann hvað sé best að veiða mikið í kílóum og tonnum, á það hefur oft verið bent.

Fiskveiðistjórnun með kvótakerfi hefur nánast slegið Íslendinga út sem fiskveiðiþjóð með árangursleysi sínu og gerir það endanlega ef haldið verður áfram á þessari braut. Stjórnun fiskveiða með kvótakerfi hefur hvergi í veröldinni gengið upp, ef menn ætla að vitna í frábæran árangur Norðmanna og Rússa í Barentshafi þá skulum við hafa það í huga að þeir hafa hunsað ráðgjöf Alþjóða hafrannsóknarráðsins með öllu.

Þrátt fyrir hörmulegu reynslu af þessu Öskubuskuævintýri, en það vil ég kalla kvótakerfið þá eru menn enn að þráskallast við og nú skal bætt í ruglið. Færaívilnun sjá hér, og ég sem hélt að menn væru komnir á lokapunkt í ruglinu en þá bætist bara við vitleysuna. Ekki vil ég endilega meina að þeir Eldingarmenn séu endalega búnir að missa vitið, segjum frekar að þeir hafi á erfiðan dag þegar þeim datt þetta í hug. (Ég er kurteisin uppmáluð í dag)

Er virkilega svo illa fyrir okkur komið að það leggjast allir hver um annan þveran biðjandi um hinar og þessa bætur, ívilnanir,ölmusur og styrki í hin og þessi gæluverkefni? Sem síðan eru oft eyrnamerktar hliðhollum gæðingum sem elta með lokað fyrir skilningarvitin og stjörnur í augunum, köllum þá jáarahópinn.

Góðar stundir.

Aflaheimildir dragast saman um 17%

Er STÓRASTA land í heimi

þjakað af minnimáttarkennd, eða öllu heldur ábúendurnir? Hefði hitt og þetta gerst, hausatala miða við hina og þessa. Bankaforstjórar á ofurlaunum vegna þess að þeir eru þeir bestu í heimi, besta fiskveiðistjórnunarkerfi í heimi, óskeikulir stjórnmálamenn, vísindaelítan á Hafró sú besta í sólkerfinu, mannréttindanefnd Líú stendur öllum öðrum mannréttindanefndum og samtökum framar, svona væri hægt að telja upp endalaust.

Þvílík afneitun, fögnum því sem vel er gert, hitt ber að lasta og endurskoða með opið fyrir skilningarvitin.

Góðar stundir.

Ísland framar en Jamaíka

Skipbrotsmenn með sært stolt, eftir hverju er beðið?

Fréttablaðið, 22. ágú. 2008 04:00

Á þurru landi Það fjaraði undan bátnum og eigendur biðu eftir flóði til að draga hann til hafnar.MYND/HALLDÓR sveinbjörnsson

 

Þrír þýskir ferðamenn komust í hann krappann í gær. Þeir voru að veiðum við Skarfasker, undir Óshlíðinni Ísafjarðar megin, þegar skrúfan rakst í sker með þeim afleiðingum að hún varð óvirk. Vélarvana bátinn rak í land og þaðan fjaraði undan honum.

Ekkert amaði að ferðamönnunum þremur og gátu þeir gengið þurrum fótum í land. Fínasta veður var þegar óhappið varð, nánast blankalogn. Báturinn er í eigu ferðaþjónustunnar Sumarbyggðar á Súðavík.
Vilborg Arnarsdóttir, framkvæmdastjóri Sumarbyggðar, segir atvikið hafa verið minni háttar.

„Þeir voru einhverja 2-300 metra frá landinu og skrúfan fór í sker sem þeir sáu ekki á kortinu. Klettanefið stendur svo langt út hér þar sem þeir voru. Þeir gátu í raun ekkert gert þar sem skrúfan fór og hringdu eftir hjálp," segir Vilborg.

Hún segir ekkert vera að bátnum, en annar var sendur til að draga hann á flot. „Hann stendur hins vegar alveg á þurru núna þannig að við bíðum bara eftir næsta flóði og drögum hann þá í höfn. Það er bara skrúfan sem hefur farið."

Þýsku ferðamennirnir voru heldur niðurlútir þegar þeir komu í land og ekki laust við að stoltið hefði beðið smá hnekki.- kóp Frétt lýkur.

Hvar fengu þessir menn nám í siglingarfræði? Hvernig stóð á því að Landhelgisgæslunni var meinað að reka í land þessa svo nefndu frístundabáta fyrir vestan sem þeir fóru um borð í á dögunum? Í skoðun Gæslunnar gat enginn af þeim sem um borð í þessum bátum voru, framvísað siglingarréttindum, jafnvel ekki einu sinni persónuskilríkjum. Eftir hverju er verið að bíða? Er í alvörunni verið að bíða eftir stórslysi?

Góðar stundir.

Grenjandi hamingja í skuldunum !!!

Hver gleðifréttin á eftir annarri birtast okkur um frábærar veiðiferðir Íslenskra skipa. Gullæðið greip um sig í Makrílveiðum, met verðmæti úr Barentshafi, smábátar fiska sem aldrei fyrr. Er þá ekki bara allt í þessu fína eða hvað?

Heitasta ósk Líú varð að veruleika, gengið er vitlaust skráð, það verður að lækka, svona hljómaði Líú kórisöngurinn og það lækkaði alveg eins og eftir pöntun, en gleymdist eitthvað í söngnum? Skoðum málið.

Skuldir sjávarútvegsins um mitt ár 2007 voru um það bil 307 milljarðar, mér er til efs að halda að allir kvótavöndlarnir séu meðtaldir, en gott og vel nóg er það samt. Söngurinn skilaði árangri og gengið féll, og það heldur hressilega svona ein 40%. Allt veður upp öll aðföng sjávarútvegsins hækka sem þessu nemur, olían veður upp í hæstu hæðir og merkilegt nokk, helvítis skuldirnar líka.

Það mætti kannski segja að Líú kórinn hafi sungið sinn eigin jarðarfarasöng. Eitthvað fer lítið fyrir söngnum um hagkvæmni, arðsemi og sjálfbærni þessa dagana, enda er ekkert slíkt í spilunum. Söngurinn er eitthvað á þessa leið, sjómenn verða að borga brúsann, sjá hér. Nú misminnir mig ekki neitt, í fyrrasumar söng Líú kórinn, sjómenn verða að taka þátt í kvótaleigu. Þarna var verið að tala um kvótaleigu á þorski í Barentshafi og kílóið átti að kosta 60 til 65 krónur. Takið eftir, þetta þótti Líú svívirðilega há kvótaleiga. Á sama tíma var Líú að leigja frá sínum vildarvinum þorsk á Íslandsmiðum upp á 180 til 220 krónur kílóið, í dag er leigan 240 til 250 krónur kílóið. Það er ekki sama hver er, kvótagróðapungur á Íslandi eða Noregi.

Ekki stóð sjómönnum til boða að fá tekjur út úr þessu leigubraski frá vildarvinum Líú, nei þvert á móti var boðið upp á að borga leigu í Barentshafi. Útgerðin er meira og minna í eigu fiskvinnslunnar og ræður vinnslan að stórum hluta því fiskverðinu sem sjómönnum er skammtað. Á einfaldri Íslensku er þetta dulbúin þátttaka sjómanna í kvótaleigu.

Nú skulu sjómenn borga meira og hækka skal kostnaðarhlutdeildina, í dag er hún 30% og hefur verið svo um árabil og Líú grenjar eftir meiri stuðningi sjómanna. Þeir sem ekki skilja hvað kostnaðarhlutdeild er þá er það mér hugljúft að fræða viðkomandi. 30% af aflaverðmæti eru dregin frá strax í olíukostnað og restinni 70% fara síðan til skipta. Af þessum 70% fara síðan á bilinu 26 til 31,5% til launaútreikninga sjómanna.

Dytti einhverjum í hug að opna verslun og láta afgreiðslufólkið borga 30% af rafmagns og hitareikningnum? Já eða bara hvaða rekstri sem er, ekki er ég viss um að flutningabílstjórar yrðu yfir sig ánægðir með svona kjör.

Góðar stundir.

Aflaverðmætið 162 milljónir króna

Afneitun í algleymi, lífi eytt með menntahroka.

Friðuð tófa eyðir fuglalífi.

Friðun tófunnar á friðlandinu á Hornströndum hefur gert það að verkum að stærstur hluti lunda- og æðarvarps við Hornbjarg er horfinn. Reglur friðlandsins koma í veg fyrir að menn geti skotið tófuna eins og áður var gert. Reimar Vilmundarson segir hana því hafa fjölgað sér gríðarlega og segist hann aldrei hafa séð jafn mikið af tófu á þessu svæði. Bjarni Pálsson hjá náttúruauðlindarsviði Umhverfisstofnunnar segir engar breytingar í bígerð.

„Jafnvægið sem var hérna var eyðilagt með því að kippa manninum út, nú er svo komið að þarna hefur nær allt lunda- og æðavarp verið eyðilagt,“ segir Reimar Vilmundarson skipstjóri og ábúandi í Bolungarvík á Ströndum. Reimar hefur frá unga aldri sótt egg í Hornbjarg, en nú segir hann erfiðara að ná í egg sökum tófunnar sem sé búin að koma sér fyrir undir bjarginu og hún éti allt sem fyrir er. Hann segir nánast ekkert æðarvarp eftir í Hornbjargi.

„Þetta er allt horfið út af ágangi tófunnar og flestallir ferðamenn og þeir sem koma hingað eru sammála um það, allir nema líffræðingarnir.“

Skýtur tófuna

„Þarna var 600 fugla æðarvarp en nú eru bara nokkrar kollur eftir,“ segir Reimar og bætir því við að í Reykjarfirði sé refurinn skotinn vegna þess að friðlandið nái ekki þangað, en þar segir hann að sé mikið fuglalíf. Reimar segir að þar sem tófan er friðuð þar sé fátt annað að sjá nema tófuna og allt mófuglalíf sé horfið.

Reimar segist sjálfur skjóta alla tófu sem komi á land hans í Bolungarvík, enda sé hann með æðarvarp. Hann segir rétt landeigenda ennþá vera nógu sterkan til þess að menn geti varið auðlindir sínar en Hornbjarg sé ríkiseign og þess vegna megi ekkert gera þar.

Sunnanmenn vita betur

„Það er til spakmæli eftir fróðan mann að vestan sem sagði að lífríkið hér á Ströndum ætti sér þrjá óvini. Númer eitt væru líffræðingarnir, númer tvö væri refurinn og númer þrjú væri minkurinn,“ segir Reimar. Hann segir fólk koma að sunnan í þrjá, fjóra daga til þess að vinna rannsóknarstörf en svo komi heilu doðrantarnir af skýrslum sem enginn fótur sé fyrir. Þegar Reimar er spurður um það hvort hann muni beita sér fyrir breytingum á lögum segir hann:

„Það þýðir ekkert fyrir okkur ómenntaða að leggja orð í belg. Þeirra skoðunum verður ekkert breytt, þeir sitja á sínum skólabekkjum í Reykjavík og vita betur en þeir sem eru hérna allt árið.“

Verður ekki breytt

„Við erum ekkert á leiðinni að breyta þessu neitt á næstunni,“ segir Bjarni Pálsson hjá náttúruauðlindarsviði Umhverfisstofnunnar varðandi málið. Hann segir tófu- og refaveiðar fyrst og fremst vera stundaðar til þess að koma í veg fyrir tjón sem bændur verða fyrir, en það sé ekki tilfellið í þessu máli.

Þegar hann er spurður hvort litið sé á eyðingu æðarvarpsins sem tjón segist hann ekki vera nógu klár á því hversu stórt æðarvarpið á svæðinu sé. Bjarni segir refinn hafa numið land á undan mönnunum og því sé ekki um að ræða ójafnvægi. Engin rannsókn var gerð á fuglalífinu á svæðinu áður en það var gert að friðlandi og þess vegna eiga líffræðingar erfitt með að bera ástandið nú saman við hvernig það var. Frétt á dv.is lýkur.

Þetta hljómar kunnuglega, svona eiginlega alveg eins og Hafró veður um í sínum villum með menntahrokann í algleymi.

Góðar stundir.

Sjálfstæðismenn slefa sig áfram

Hvað er þetta með sjálfstæðismenn, þurfa þeir að slefa framan í liðið til að fá þá til samstarfs við sig? Fyrst slefaði Geir Harði (lini) eða what ever, Ingibjörgu ótæpilega þannig að hún er sögð enn þann dag í dag rennandi blaut í framan...

 

Síðan ræðst Hanna Birna á varnarlausan einmanna framsóknarmann og slefar framan í hann og bingó, eins og fyrir óskiljanlega töfra svífur dáleiddur frammarinn lóðbeint í samstarf við slefarann. Nú er bara spurningin, hvað verður einmanna frammarinn lengi rennandi blautur í framan eftir þessa launsátursárás Hönnu Birnu???

Ég tek það sérstaklega fram að þótt kl. sé rétt rúmlega 0400 þá er ég bláedrú, enda eftir því sem ég best veit er ég ekkert skyldur Össuri...

Góðar stundir.

Hanna Birna borgarstjóri

Er brottkast Breta

eitthvað meira en brottkastið sem er í gangi á Íslandsmiðum? Hvernig sem menn reyna að þráskallst við að verja kvótakerfið þá getur það aldrei leitt til neins annars en brottkasts, reyndar er það í svo miklu magni að enginn þorir að úttala sig um það.

Þeir sem bent hafa á þetta og sannað hvað er í gangi hafa verið hengdir upp og í raun meðhöndlaðir þannig að þeir eiga sér enga viðreisnarvon á eftir. Það virðist vera heppilegri leið frekar en viðurkenna það að vandamálið verður ekki leyst með því einu að hengja boðberann. Dagakerfi er í raun það eina sem kemur í veg fyrir brottkast. Eða er einhver á annarri skoðun?

Góðar stundir.

Brottkast Breta vekur mikla reiði í Noregi

Ég sel það ekki dýrara

en ég keypti það. Ónefndur borgarfulltrúi brást við á svipaðan hátt er hann leit í spegil. Þessu var hvíslað fyrir horn í dag...

Ég er ekkert hissa....

Góðar stundir.

Fundur í Ráðhúsi sagður búinn

Þegar talað er um borgarstjórn

dettur mér ekkert annað í hug en hóp af dansandi öpum...

Þvílík þvæla sem er í gangi og ættu allir borgarfulltrúar að sjá sóma sinn í því að segja af sér og koma aldrei nálægt pólitík framar...

Góðar stundir.

Frumkvæði frá Framsókn?