Tókst þeim að seilast í Lífeyrissjóðina?

Í frétt á dv.is í morgun var sagt frá því að Lífeyrissjóðirnir væru ábyrgir fyrir inneign í Icesave en fréttinni var síðan breytt og lýtur svona út núna. Ef rétt er að Lífeyrissjóðirnir séu ábyrgir þá má ljóst vera að sparnaður almenning hefur verið notaður í svikamillu græðginnar. Það er ekki nóg með að stjórnendur Landsbankans hafi logið að almenning um góða stöðu sína og ekkert væri að alveg fram að lokun í gær, heldur var leitt að því líkum að þeir hafi tælt til sín Lífeyri landsmanna sem tryggingu fyrir ævintýrinu erlendis. Það er sorglegt að hlusta á viðtöl við viðskiptavini Landsbankans þar sem þeir fá engin svör og allt lokað.

Verið góð hvert við annað.

Góðar stundir.

Hundruð milljarða vegna Icesave

Er ekki ástæða til að rannsaka þetta? Glitnir Vidió II

Ef satt er þá eiga sumir heima í fangelsi og það á ekki að borga krónu fyrir Glitnir. Bankann á að taka yfir á pari.

Verið góð hvert við annað.

Góðar stundir.

Bankar verða opnaðir

Geir á klósettinu með magaverki og einkavinavæðingin

hefur beðið algjört afhroð. Það var þó ein manneskja sem mátti vera að því að viðurkenna að þetta væri áfall fyrir stefnuna sem átti að vera svo góð.  Það sem svíður hvað mest í þessu er að þetta bitnar hroðalega á blásaklausu fólki sem bað ekki um þessa brjálæðislegu tilraun íhaldsins og framsóknarflokksins.

Guðni Ágústsson talar digurbarkalega og segist hafa varað við þessu, maðurinn er geggjaður og hefur lélegra minni en gullfiskur, fingraför framsóknar eru á þessu frá upphafi einkavinavæðingarinnar og þeir framsóknarmenn slógu ekki slöku við í digurbarkalegu grobbi yfir frábærum árangri og eignuðu sér stöðugleikann og velmegunina nánast skuldlaust.

Þessi stund hefði komið upp hvernig svo sem alþjóðamarkaðir hefðu þróast, atburðarrásin erlendis flýtti bara fyrir og brotlendingin staðreynd. Skuldsetning sem komin er á þetta level langt umfram allt velsæmi eins og raun ber vitni hefði fyrr eða síðar brotlent óháð utanað komandi aðstæðum.

Einn pakki í þessu er svo óuppgerður og það eru kvótavöndlarnir, hvernig ætla menn að meðhöndla þá? Það er löngu ljóst að þessar skuldir verða ekki borgaða á þessari öld og sennilega ekki þeirri næstu heldur.

Er ekki bara tvennt í stöðunni?

Í fyrsta lagi, láta erlendan banka yfirtaka skuldirnar og kvótann með, sem dugar að vísu alls ekki fyrir veðsetningunni sjá í þessu  skjali. Gera má ráð fyrir því að skuldsetning sjávarútvegsins sé um það bil 650 milljarðar í dag. Það er um það bil sex sinnum meira en veðið stendur fyrir. Það vita það allir að skip án kvóta er verðlaust drasl í núverandi fyrirkomulagi og fiskvinnsluhúsin eru handónýtar eignir á tímum kreppu og takmarkaðra veiðiheimilda.

Í öðru lagi, ríkið innkallar allar aflaheimildir og þeir sem áhættuna tóku með gengdarlausum lánveitingum út á hlut sem er, jú sameign þjóðarinnar taki skellinn.

Síðan er gefið upp á nýtt, jafnræðis gætt í hvívetna og borgað er hæfilegt auðlindagjald af þeim fiski sem hver og einn veiðir. Því má skipta í tvenn, ríkið fær sinn hluta og sveitarfélögin sem aflanum er landað í fá sinn skerf af gjaldinu. Með þessu móti færist líf í landsbyggðina á methraða og hjól atvinnulífsins hrökkva í gang með öllu sínu margfeldi sem þessari þjóð er bráðnauðsynleg strax. Tvær flugur slegnar í einu höggi, þjóðin fær aftur notið sjávarauðlinda sinna, áliti mannréttindanefndar Sameinuðu Þjóðanna svarað og virt eins og siðmenntuðu þjóðfélagi sæmir.

Verið góð hvert við annað, það er bráðnauðsynlegt.

Góðar stundir.

Neyðarlög sett í dag

Gengið út yfir alla þjófabálka og menn sýna sitt rétta andlit

Landsbankamenn eru farnir að sýna sitt rétta andlit og okra nú á gjaldeyri sjá hér. Þessir prelátar eru farnir að ganga langt út fyrir alla þjófabálka og ef eitthvað vit væri í stjórnvöldum og fjármálaeftirlitinu þá ætti skilyrðislaus að stöðva þessi viðskipti strax og láta þá leiðrétta það sem búið er að versla með.

Að bera við kerfisvillu er svo aumt að smábarni í sandkassa dytti ekki til hugar að bera svona þvælu á borð, ef kerfisvilla er raunin þá ættu þeir að sjálfsögðu að hætta viðskiptum þangað til villan hefur verið lagfærð.

Verið góð hvert við annað.

Góðar stundir.

Skýrist á næstu klukkustundum

Æskilegt að afnema verð og vísitölutryggingu lána

strax á morgun. Æskilegt að sjálftökuliðið gefi eftir af sínum ofurlaunum. Æskilegt að nýleg launahækkun sem kjaradómur kvað upp fyrir þingmenn, ráðherra og aðra ríkisuppa gangi til baka snarlega. Æskilegt að eftirlaunalögin umdeildu verði afnumin ekki seinna en á morgun. Æskilegt að algjör endurskoðun á vaxtaokrinu sem þessi þjóð er beitt fari fram og vextir lækkaðir. Að lokum þá er æskilegt að almenningur verði upplýstur um raunverulega stöðu sem búið er að koma þessari þjóð í án allra fagurgala.

Þegar þetta liggur fyrir skjalfest þá mætti skoða framlengingu kjarasamninga, það væri aðför að almannaheill ef þessum atriðum verður sleppt. Það eiga allir, þá meina ég allir að koma að þessu enginn er undanskilinn punktur.

Verið góð hvert við annað.

Góðar stundir.

Æskilegt að framlengja kjarasamninga

Ekki er það gæfulegt

700 milljarðarnir sem Bandarísk stjórnvöld ætla að moka inn í hagkerfið og á að redda öllu er ekki nema 25% af því sem þarf til. Ef Ken Rogoff hefur rétt fyrir sér þá er ég farinn á sela og Andanefjuskytterí.Selurinn er hið mesta góðmeti og hægt að nýta á ýmsa vegu, um hvalaafurðir þar ekki að fræða neinn um, þær eru lostæti, síðan hendi ég mér af fullum þunga í sláturgerð.

 

Verið góð hvert við annað.

Góðar stundir.

Segir 700 milljarða dala hvergi nærri duga

Látum Davíð klára málið

Það er ekki úr vegi að láta Davíð klára það sem hann byrjaði á. Nú ef það tekst ekki þá fer Guð faðirinn bara sömu leið og hinir sem ábyrgðina bera, bak við lás og slá og lyklarnir mega mín vegna hvíla á hafsbotni.

 

 

 

 

 

 

 

 

Verið góð hvert við annað.

Góðar stundir.

Rætt við norræna seðlabanka

Rætt hefur verið um að auka þorskkvótann

Ég er með tillögur í þeim efnum.

1. Úthluta skuli jafnt á alla sem hafa veiðileyfi þeirri aukningu sem til kemur.

2. Veiðar á ýsu, ufsa og steinbít verði gefnar frjálsar.

3. Ekki verði heimilt að framselja eða leigja þessa úthlutun.

Nú er lag að fara eftir, virða og taka tillit til álits manréttindanefndar Sameinuðu Þjóðanna.

Á dv.is var fjallað um þetta mál.

Verið góð hvert við annað.

Góðar stundir.

Fundað um lífeyrissjóði

Það vantar einn í hópinn

Hvar er Guðfaðirinn, er hann ekki ómissandi í þessari þjóðstjórn?

 

 

 

 

 

 

 

 

Verið góð hvert við annað.

Góðar stundir.

Ráðherrar mæta til fundar

Ný atvinnugrein í Eyjum sem á sér enga hliðstæðu í veröldinni

Það verður ekki logið upp á þá eyjamenn að nýjungagjarnir eru þeir með afbrygðum. Ef marka má fréttina þá eru þeir byrjaðir að gera að skipunum hjá sér, þetta er síðuritara mjög svo forvitnileg atvinnugrein enda um algjöra nýjung að ræða... Það er náttúrulega í takt við annað, ef ekki má veiða meira sem skapar náttúrulega fulla vinnu við aðgerð á fiski, þá er fyllt upp í dauða tímann með aðgerð á aðgerðarlausum skipum.

Ég bara spyr, er ekki allt í lagi með þá sem skrifa fréttirnar inn á mbl.is.

Verið góð hvert við annað.

Góðar stundir.

Eldur kviknaði í Álsey