Ríkisstjórnin virði úrskurð mannréttindanefndar Sameinuðu Þjóðanna

sem eins og allir vita felldi áfellisdóm yfir kvótakerfinu og úrskurðaði það brot á mannréttindum. Það væri gæfuspor ríkisstjórnarinnar að virða úrskurð um eigin mannréttindabrot áður en stjórnin hleypur á stað og sakar aðra um mannréttindabrot.

Það er oft sagt að gott sé að lýta í eigin barm áður en aðrir eru ásakaðir um eitthvað, í þessu tilfelli ásaka tjallann um það sem þeir sjálfir gera, það er að fremja mannréttindabrot á þegnum sínum. Hversu blint getur þetta lið orðið, ég bara spyr?

Að leita á þennan hátt til Mannréttindadómstólsins í Strassburg vil ég meina að sé þvoglukennd della til að kaupa sér frið frá almannarómi um algjöra vanhæfni til að takast á við afhroðið sem þeir sjálfir sköpuðu.

Góðar stundir.

Vonlaust dómsmál gegn Bretum

Svo erum við hengd

fyrir að fara þúsund kall fram yfir á reikningnum. Það er ekki sama hvort maður heitir Jón eða Pálmi það er nokkuð ljóst á þessu dæmi.

Hugsum aðeins betur um þetta, auðvitað er sama hvort þeir heita Jón eða Pálmi hvernig læt ég, sami grauturinn í svipaðri skál...

Góðar stundir.

Háar kröfur í bú Sterling

Að hugsa sér, maðurinn er enn frjáls og í sömu störfum en ætti í raun

að vera á bak við lás og slá ásamt þeim sem hann er að mæra í þessu viðtali. Það fer einkennilegur hrollur um líkamann þegar maður horfir á þennan sjálfsumglaða prófessor tjá sig um Íslenska efnahagsundrið og hvað þetta væri nú allt saman djöfull flott.

Lykillinn að sér Íslenska efnahagsundrinu lýsir prófessorinn eins og enginn sé morgundagurinn. Já sjálfsánægjan er bókstaflega að gera útaf við prófessorinn og þarna sat hann og lýsti frábærum árangri eigin hugmyndasmíða, enda hefur gaurinn gengt því starfi fyrir íhaldi lengur en góðu hófi gegnir.

Fyrst var óveiddur fiskur gerður að verslunarvöru, að „eign" sem hægt var að veðsetja og braska með, síðan voru bankarnir teknir úr höndum almennings og fengnir í hendur ævintýramönnum og síðan var farið að setja lífeyrissparnað landsmanna inn í þessa hít. Það er laukrétt hjá sjálfsumglaða prófessornum og víti til varnaðar eins og á reyndar við um dæmalaust blaður hans að öðru leyti.
Þetta viðtal ætti að verða skyldu námsefni  í hagfræðideildum skólanna næstu árin sem og skylduáhorf allra Íslendinga. Viðtalið er hér fyrir neðan.

Það ætti að vera skylduáhorf allra Íslendinga á þetta viðtal.

Auðvitað batnar skuldastaðan

annar boðskapur er ekki mönnum bjóðandi. Þetta minnir óneitanlega á blekkingar og auglýsingadeildir bankanna þegar þeir spáðu 30% hækkun á hlutabréfum í byrjun síðasta árs, það vita allir hvernig það gekk eftir. Þessi spá raunveruleikafirrta vestfirðingsins er byggð upp á svipaðri speki.

Með öðrum orðum, huglegum gagnagrunni og sá gagnagrunnur er höfuðið á veruleikafirrtum vestfirðingnum og ég verð að vera hreinskilinn, ég hef afskaplega takmarkaða trú á þessari framtíðarsýn snillingsins að vestan.

Góðar stundir.

Skuldastaðan mun batna

Það verður að afskrifa skuldir sjávarútvegsins

að stórum hluta. Það er ætti öllum þokkalega vel hugsandi mönnum og konum að vera það löngu ljóst að skuldir sjávarútvegsins eru komnar langt út fyrir alla þjófabálka og ekkert nema afskriftir skulda í stórum stíl kemur til greina.

Hvernig bankarnir gengu fram og blekktu stálheiðarlega og blásaklausa útvegsmenn er fyrir neðan allar hellur, þeir beinlínis tróðu upp á þá lánum til hlutabréfa og kvótakaupa í stað þess að leyfa þeim þegar þeir komu á vordögum ár hvert til að borga af lánunum sínum að borga af þeim.

Já blásaklausir, grunlausir og hálfheiladofnir útvegsmenn létu sem sagt bankana þvinga sig út í braskið sem var þeim algjörlega framandi heimur og þekkingarleysið algert á töframætti steindauðs fjármagns sem lá í dvala engum til gagns.

Töframátturinn gekk svo langt að mönnum hreinlega datt það til hugar að verðleggja mætti eitt tonn af óveiddum þorski á sama prís og heilt einbýlishús í mörgum sjávarþorpum landsins. Blásaklausir létu útvegsmenn bankana veðsetja allt heila klabbið og höfðu ekki hugmynd um hvað var að gerast og hverjar afleiðingarnar gætu orðið.

Það kom að því að sökudólgarnir væru dregnir fram í dagsljósið og auðvitað kom þá á daginn að útvegsmennirnir eru blásaklausir og bera ekki nokkra ábyrgð á eigin skítverkum.

Það þurfti svo sem ekki að koma á óvart hver og í hvað flokki hann er, sá sem vann þessa að þessari rannsókn og fékk þessa dásamlegu niðurstöðu út úr öllu saman. Þú lesandi góður getur fræðst um það hér og mæli ég sérstaklega með þessari lesningu.

Góðar stundir.

 

Auðvitað á að rífa kofann

Yfirgangur borgarstjórnar og skipulagsyfirvalda verður að linna og nú er bara að standa í lappirnar og fara að lögum.

Það á að krefjast þess að kofinn verði rifinn niður og stjórn borgarinnar gerð grein fyrir því að þau fari að lögum eins og hver annar.

Ég velti því í leiðinn fyrir mér hvað voru menn að hugsa allan þann tíma sem tekið hefur að koma þessu kofa upp? Ekki spratt hann upp í gær og fyrradag, eða var Róm í alvörunni byggð á einni nóttu?

Um þetta mál má lesa hér.

Góðar stundir.

Vil einhver útskýra þetta

fyrir mér á Íslensku. Hvað þýðir að afeitra reksturinn, og hvernig er þetta nákvæmlega útfært?

Ekki það að ég hafi ekki einhverja hugmynd um hvað sé að fara í gang, mig langar bara að heyra ykkar álit á þessari tilhögun lesendur góðir.

Góðar stundir.

Reksturinn afeitraður

Alveg er þetta makalaus vitleysa

Hver um annan þveran grenja þeir verkalýðsforkólfarnir einnig bæjar og sveitastjórar landsins um hvað stjórnvöld séu gjörsneydd öllum skilningi um að byggja upp atvinnu á landsbyggðinni.

Það væri of langt mál að telja það upp hvað þessum mönnum hefur dottið til hugar að grenja út af, til dæmis dettur Aðalsteini Baldurssyni fátt annað í hug þessa dagana en Álver á Bakka svo eitthvað sé tiltekið.

Ekki minnist ég þess að neinum af þessum snillingum hafi hugkvæmst það að krefja stjórnvöld um að þau virði úrskurð mannréttindanefndar Sameinuðu Þjóðanna um kvótakerfið og byggðunum verði skilað aftur því sem þær byggðust upp á.

Ef einhver er ekki alveg með á nótunum um hvað ég er að tala þá er ég að tala um það að byggðunum verði skilað þeim sjálfsagða rétti sínum til þess að nýta auðlindina sem er við bæjardyrnar hjá þeim. Þannig urðu sjávarþorpin til og ekki á neinn annan hátt en að sækja sjóinn. 

Með áræðni manna við að sækja sjóinn urðu svo til sprotafyrirtæki í landi sem byggðust upp á þjónustu við sjávarútveginn og íbúa sjávarbyggðanna. Hafi einhver haldið í alvörunni að þetta hafi gerst á einhvern annan hátt er sá hinn sami á hroðalegum villigötum.

28. mars á síðasta ári skrifaði ég um þetta sjá hér, jafnframt sendi ég þetta á alla héraðsfréttamiðla landsins sem og stóru fréttamiðlana, flestir birtu þetta en að sjálfsögðu henti mogginn þessu í ruslið sem og fréttablaðið, á einhvern áskiljanlegan hátt þá tóku fyrrnefndir aðilar (bæjar og sveitastjórnir ásamt verkalýðsforkólfum) þátt í því með stjórnvöldum að gera sitt besta til að kæfa umræðuna niður. Ég kalla það meðvirkni og beina þátttöku í mannréttindabrotum.

Aðalsteinn Baldursson hlýtur að horfa með hryllingi yfir Húsavíkurhöfn og hafnarsvæði Húsavíkur, þar nemur augað lítt annað en eymd og auð miða við það sem áður var. Já ég segi og kalla það fullum fetum meðvirkni að berjast ekki af meiri hörku fyrir þessu réttlætismáli. Ekki hefur verkalýðsforustunni að ég viti dottið til hugar að krefjast þess að mannréttindi séu fyrir alla en ekki bara þröngan forréttindahóp útvaldra gæðinga. Þá er ég að tala um þetta mál sérstaklega.

Þetta land byggðist ekki upp með hlutabréfum og álverum það er alveg á hreinu.

Svo kaldhæðnislegt sem það má nú vera að þá er nákvæmlega það sem ég skrifaði um fyrir næstum ári síðan að rætast og það svakalegasta í þessu öllu er að menn eru steinsofandi enn þann dag í dag um þessi mál.

Þetta heitir á mínu tungumáli að fljóta steinsofandi að feigðarósi með hroðalegum afleiðingum.

Ég skal alveg viðurkenna það að það var harður dómur og svolítið klaufalegt í þessa færslu að skrifa þannig að Aðalsteinn einn bæri ábyrgð á ástandinu og hef ég lagfært það, ég hefði mátt orða þetta meira almennt og beina þessu jafnframt meira á alla kollega hans sem og bæjar og sveitastjórnir landsins eins og upphaflegu skrif mín um þetta mál er.

Auðvita hringdi Aðalsteinn í mig og var svolítið ósáttur við þessi skrif mín, það er gott mál og áttum við fínt spjall saman, hann kom sínum sjónarmiðum að og ég útskýrði fyrir honum hvað ég ætti raunverulega við. Með þessum orðum var ég meira að vekja athygli á því hvað lítið hefur farið fyrir því að framvarðarsveitir fólksins á landsbyggðinni hafa haldið þessu á lofti frekar en rakka niður ákveðna persónu.

Auðvitað er það vonlaust fyrir mig að vita nákvæmlega hvað Aðalsteinn hefur sagt og gert í gegnum árin frekar en hann viti hvað ég hef sagt og gert í gegnum tíðina. Ég vil nota þetta tækifæri til að biðja Aðalstein afsökunar á því að hafa í upphafi beint þessu að honum einum.

Við skulum vona að raddir þessara manna sem ég er að tala um fari að hljóma hærra um þetta mál sem er lykilinn að lífvænlegum byggðum á landsbyggðinni.

Góðar stundir.

Ósáttur við forgangsröðina

Rekstrarfé deCode uppurið?

Á textavarpinu er þessi frétt og það er eins og þetta sé smáfrétt sem skiptir 

ekki nokkru máli. Hver skyldi ástæðan vera fyrir því? Er það ekki í tísku að 

tala um fyrirtæki þar sem eigendurnir eru stórvinir höfðingjans í Svörtuloftum

og fleiri stórlaxa í pólitíkinni. Svo virðist sem enn eitt gæluverkefni 

íhaldsins sé að líða undir lok og ef einhver man svo langt aftur þá hefur stór

hópur fólks tapað aleigunni á drulluplottinu sem var í kringum markaðssetningu

á þessu gæluverkefni. Það meira að segja stóð til að gefa deCode 20 milljarða

ríkisábyrgð sem að sjálfsögðu hefði lent á okkur að borga, hvað annað?

Hér fyrir neðan er svo fréttin eins og hún var birt á textavarpinu. 

 Rekstrarfé deCode var uppurið nú um    
 áramótin samkvæmt því sem Kári         
 Stefánsson, forstjóri, fyrirtækisins   
 sagði á hluthafafundi 7. nóvember. Kári
 sagðist þá vera að vinna að lausn og   
 ætlaði að kynna um hana tveimur vikum  
 síðar.                                 
                                        
 Gísli Árnason, upplýsingafulltrúi      
 fyrirtækisins, sagði að                
 samningaviðræður stæðu enn yfir og ekki
 stæði til að loka fyrirtækinu. Þá þætti
 honum ólíklegt að fyrirtækið flytti úr 
 landi. Kári Stefánsson gaf ekki kost á 
 viðtali. Frétt lýkur.

Góðar stundir. 

Dow Jones yfir 9 þúsund stig á ný

Hrokagikkirnir klikka ekki á smáatriðunum

frekar en fyrri daginn. Eftir lestur á þessari frétt hér undirstikast það endanlega að sumir telja sig hafna yfir öll lög og reglur, þau gildi bara fyrir einhvern allt annan en akkúrat þá.

Gaman verður að sjá hvernig fiskistofa bregst við þessum ótíndu glæpamönnum. Það stendur ekki á viðbrögðum frá þeirri stofnun þegar sjómönnum verður það á að veiða eitt kíló fram yfir það aflamark sem þeir hafa, svo ekki sé nú minnst á það ef þeir hafa ekki leyfi til að stunda veiðarnar.

Góðar stundir.

Mótmælaróður hertur