Aldurinn er ekki einu sinni heilagur !!!!!

Það er bráðnauðsynlegt að lesa þetta til enda.

> Á þessu herrans ári 2009 eru löglega taldir sem fullorðnir einstaklingar á

> Íslandi allir þeir sem fæddust árið 1991.

 

> Þau vita að Liverpool hefur oftast orðið Englandsmeistari....  

> Þau halda að Ryan Giggs sé búinn að vera í United frá stofnun félagsins... 

 

> Þegar þau fæddust kunnir þú að skrifa, lesa, leggja saman, draga frá og

> hluta af margföldunartöflunni.

 

> Þau muna sama og ekkert eftir Reagan-tímabilinu og fréttu aldrei af því

> þegar reynt var að drepa hann.

 

> Þau muna heldur ekki eftir leiðtogafundinum sem haldinn var í Höfða og vita fátt um Gorbatsjoff.

 

> Þau voru ekki kynþroska þegar Persaflóastríðið hófst.

 

> Fyrir þeim hefur sami páfinn verið í Vatikaninu síðan þau fæddust.

 

> Þau sungu aldrei "We are the world, we are the children".

 

> Þau voru 5 ára þegar Sovétríkin féllu. Þau muna fátt eftir kalda stríðinu og síður eftir Austur- og Vestur-Þýskalandi, þó svo að þau hafi heyrt

   af þeim í sögutímum.

 

> Þau eru of ung til þess að muna eftir því þegar Challenger-geimflaugin sprakk og munu sennilega aldrei vita hvað Pepsi-áskorunin var.

 

> Fyrir þeim hefur AIDS verið til alla ævi.

 

> Þau léku sér aldrei með ATARI-tölvuleiki, geisladiskurinn kom á markaðinn 4 árum áður en þau fæddust, þau hafa aldrei átt plötuspilara og hafa

> sennilega aldrei leikið sér með Pac-man.

 

> Þegar talað er um BETA-vídeóspólur hafa þau ekki hugmynd.

 

> Star Wars og Súperman finnast þeim frekar slappar myndir og tæknibrellurnar ömurlegar.

 

> Mörg þeirra hafa ekki hugmynd um að einu sinni var ekkert til nema Ríkissjónvarpið sem fór í frí á fimmtudögum og í júlí.

 

> Þau muna heldur ekki eftir því þegar Rás 2 var eina rásin í útvarpinu fyrir utan Rás 1, og sú eina sem spilaði annað en klassíska tónlist.

 

> Þau hafa áreiðanlega aldrei hlustað á útvarpssögur eða Lög unga fólksins eða Óskalög sjúklinga og sjómanna og Bessi Bjarnason hefur aldrei verið

    ungur.

 

> Fá hafa séð svart-hvítt sjónvarp og þeim finnst fáránlegt að þurfa að hækka og lækka og skipta um stöð án þess að hafa fjarstýringu.

 

> Þau fæddust ári eftir að Sony hóf sölu á vasadiskóum og fyrir þeim hafa hjólaskautar alltaf verið línuskautar.

 

> Þeim hefur alltaf þótt farsímar og PC tölvur vera óskaplega eðlilegir hlutir, ekkert nýtt.

 

> Þau hafa ólíklega séð Húsið á sléttunni, Þórð húsvörð í Stundinni  okkar og Einu sinni var.

 

> Þau hugsa aldrei um "Jaws" þegar þau fara í sjóinn, Michael Jackson hefur alltaf verið hvítur...og hvernig er mögulegt að John Travolta hafi

   einhvern tímann dansað, svona feitur maður! Olivia Newton-John? HVER??!!

 

> Þeim finnst lítið fyndið að vitna í Með allt á hreinu, Nýtt líf og Stellu í orlofi.

 

> Þau muna ekki hverjir Þorgeir Ástvaldsson, Geiri Sæm og Herbert Guðmundsson eru.

 

> Nafnið Hemmi Gunn segir heldur ekki margt.

 

> Madonna hefur alltaf verið fræg og nöfn eins og Duran Duran, Wham, Culture Club, Thompson Twins, Tears for Fears, Rickshaw, Limahl,

   Terence Trent D´Arby, Talking heads og Modern Talking hljóma ekki kunnuglega.

 

> Þau muna ekki eftir BMX-hjóla tímabilinu og break-dance tímabilinu.

 

> Þau hafa ekki hugmynd um hvað Millet-úlpur og Don Cano voru merkileg fyrirbæri.

 

> Þau vita sennilega ekki að strætó var einu sinni grænn og að tíkallar og fimmtíukallar voru seðlar. Þau hafa aldrei keypt fimmaurakúlur og muna

   ekkert eftir því að hafa notað aura.

 

> Þau vita ekki hvað Karnabær var og hafa aldrei séð Tommaborgara sem merkilegt fyrirbæri. Þau hafa alltaf getað pantað mat heim og alltaf

   verið vön tilveru kreditkorta.

 

> Munið kæru vinir að þetta fólk er unga fólkið í dag.

>

> Merki þess að þú ert farin/n að eldast:

>

> 1. Þegar þú lest þennan texta og brosir.; )

> 2. Þegar þú stundar íþróttir og  lætur alla vita með miklu stolti.

> 3. Þegar þú geymir bækur, vatnsglas og vaselín á náttborðinu.

> 4. Þegar fyllerí og kelerí eru ekki lengur umræðuefni.

> 5. Þegar börn tala við þig eins og þú talaðir við "fullorðna fólkið" fyrir stuttu.

> 6. Þegar "fullorðna fólkið" talar við þig eins og jafnaldra.

> 7. Þegar þú þarft meira hálfan dag til þess að jafna þig eftir vökunótt.

> 8. Þegar vinir þínir eru allir giftir.

> 9. Þegar litla frændfólkið þitt er farið að sníkja sígarettur eða áfengi.

> 10.Þegar litla frændfólkið þitt veit meira um tölvur en þú.

> 11.Þegar þú getur farið á ströndina og eytt heilum degi án þess að fara í sjóinn.

> 12.Þegar þú stundar líkamsrækt í fötum sem fela líkamann í stað þess að sýna hann.

> 13.Þegar þú vilt frekar hitta vini þína í stað þess að kjafta klukkutímum saman í símann.

> 14.Þegar þú veist hvað þú vilt.

> 15.Þegar þér líst betur á afslöppunarkvöld en partýkvöld.

> 16.Þegar þú horfir á fréttir og Kastljós og hefur virkilega áhuga.

> 17.Þegar þú lest Moggann í heilu lagi og hefur skoðun á næstum öllu.

> 18.Þegar þú ert aldrei spurð/ur um skilríki.

> 19.Þegar þú og vinir þínir eruð farin að finna grá hár.

> 20.Þegar þú ákveður að senda þetta bréf til vina sem hafa áreiðanlega gaman að því.

 

Góðar stundir.

„Það er ekkert heilagt“

Af hverju nafnleynd?

Ég er svo sem ekkert hissa að menn vilji ekki tjá sig undir nafni þegar um þennan preláta er talað. Menn hafa verið teknir og grillaðir fyrir smærri verknað en að úttala sig um einhverja af þessum gaurum sem gengið hafa um með fyrirlitningu, yfirgangi og rænandi því sem hægt er að ræna.

Fréttin af Tryggva þarf ekkert að koma á óvart, svona hefur þetta alltaf verið síðan bankarnir voru gefnir þessum gaurum og náhjörðinni.

Góðar stundir. 

Tryggvi hafði bein afskipti

Ef kröfurnar teljast of hátt metnar

af þessum kröfukaupahópi segir það sig þá ekki sjálft að eigendurnir hafa með glæfralegum jafnvel glæpsamlegum hætti logið upp verðmæti eignanna á þess að nokkur skynsamleg rök eða innistæður lægju þar að baki?

Er þá einhver fótur fyrir þeim sögusögnum sem ganga manna á milli að Þorsteinn Már og Lárus Welding hafi selt veðkröfur upp á hundrað milljarða í sjávarútvegsfyrirtækjum sem voru í fréttum nýlega á 58% af raunvirði?

Með þeirri framkvæmd hafi verið búin til væntingarvísitala á kröfurnar, svo skal reynt með öllum tiltækum ráðum að halda dauðahaldi í þessa vísitölu.

Góðar stundir.

Kröfurnar of hátt metnar

Hverjir standa á bakvið þennan

hóp? Það væri fróðlegt ef einhver getur upplýst það hverjir það eru sem mynda þennan hóp. Það sem margir óttuðust er orðið að veruleika, sem sagt það á að fá allt á brunaútsölu og byrja ballið upp á nýtt.

Góðar stundir.

Straumur lækkar um rúm 30%

Það er hárrétt hjá ráðherra að þjappa þessu saman

sérstaklega á Vestfjörðum. Það er alveg deginum ljósara að ráðherra vil útrýma vestfirðingum hið snarasta. Að færa allt heila draslið til Ísafjarðar staðfestir útrýmingarstefnu ráðherra þar sem ríkið hefur ekki efni á því að halda samgöngum opnum með snjómokstri milli stað.

Eina leið Vestfirðinga til að lifa af útrýmingarstefnu ráðherra er að veikjast bara á ruðningsdögum ef þeir eru eru þá á annað borð einhverjir. Eitthvað hafa harðjaxlarnir þarna fyrir vestan kvartað yfir því að ekkert sé rutt á ákveðnum leiðum og þá er náttúrulega snilldar mótleikur ráðherra að drepa niður þetta helvítis væl með lymskulegri útrýmingarstefnu í skjóli sparnaðar.

Góðar stundir.

Ráðherra segi af sér

Vanhæfni stjórnvalda er best lýst

í þessari frétt . Hér fáum við gott dæmi um vanhæfni og spillingu. Af hverju átti að leggja Kaupþingi til fjármagn í drullumallið sem þar hafði verið í gangi? Hafði það eitthvað að gera með skuldbindingar varaformanns íhaldsins og eiginmanns hennar í gróðabraskinu? Voru kannski fleiri á stjórnarheimilinu sem höfðu svipaðra hagsmuna að gæta?

Auðvitað bera þau skötuhjúin það af sér eins og gefur að skilja og allir eiga að kokgleypa það eins og um hinn eina sanna stórasannleik sé að ræða, hvað annað...

Hver skildi bera ábyrgð á þessari sóun, við erum að tala um helvíti duglega upphæð hér?

Góðar stundir.

90 manns fyrir utan Sólvang

Sparnaðarráðstafanir heilbrigðisráðherra

hefur komið öllu á annan endann og sitt sýnist hverjum eins og alltaf þegar skorið er niður. En hvernig er forgangsröðin ákveðin og hvaða speki liggur að baki ákvarðanatöku um þessi mál?

Það er margt sem flýgur um kollinn þegar maður hugsar um þessi mál og sumt er óskiljanlegt eins og gengur og sumt liggur einfaldlega ljóst fyrir og ekkert um það að segja.

Spurningar vakna og nauðsynlegt er að þeim sé svarað. Er búið að leggja niður bygginganefnd og alla náhjörðina sem hangir á spenanum í kringum það sem ég vil kalla gæluverkefni stjórnvalda, HÁTÆKNISJÚKRAHÚSIÐ?

Ef svo er ekki þá krefst ég skýringa á því, það ætti öllum að vera ljóst að það verður ekki byggt á næstu árum ef ekki áratugum.

Er verið að færa alla starfsemi St. Jósefsspítala til Suðurnesja svo færa megi  Róbert Wessman (sjá hér) og náhjörð hans stærri og veglegri pakka þegar heilbrigðisgeirinn verður einkavæddur?

Hafi einhver efast um það að skrefið verði stigið til fulls og einkavæðing heilbrigðisþjónustunnar verði að veruleika er ég ansi hræddur um að sá efir sé byggður á kviksyndi, ég nánast handviss um að það verður gert hvað sem það kostar og við borgum meira, hvað annað?

Góðar stundir.

Skora á ráðherra að endurskoða afstöðu sína

Ég skora á íslensk stjórnvöld

að bregðast hið fyrsta við áliti Mannréttindanefndar Sameinuðu þjóðanna og geri íslensku þjóðinni ekki þá skömm að vera vísvitandi i andstöðu við alþjóðalög. Til að fullnægja megi þeim kröfum sem Mannréttindanefndin hefur sett, þarf að breyta fiskveiðistjórnunarkerfinu á þann hátt að mannréttinda og jafnræðis sé gætt í hvívetna.

Ég skora einnig á bæjarstjórnir, sveitarstjórnir sem og alla verkalýðsforkólfa þessa lands að rísa upp og krefjast þess að stjórnvöld virði úrskurð mannréttindanefndar Sameinuðu þjóðanna um kvótakerfið. Hafi einhvern tímann verið nauðsyn þá er hún núna, virkjum landsbyggðina til gjaldeyrisöflunar fyrir samfélagið í heild sinni.

Á árum áður var landsbyggðin virkur aðili í þessu lykilhlutverki samfélagsins en með tilkomu kvótakerfisins var þessum þætti skipulega útrýmt í stórum stíl og uppi sitjum við í dag með samfélag í molum og vandséð hvernig við komumst á rétta braut með áframhaldandi stjórnunarhættir óbreytta.

Góðar stundir.

Skora á stjórnvöld að ljúka við Dettifossveg

Lofað að standa við bakið á þeim.

Ég bara spyr, þarf að standa við bakið á þeim hvernig má það vera að þess þurfi? Minnumst orða og lofssöngva Friðriks J. Líú forkólfs. það er hefur ekki verið á honum að heyra annað en að sjávarútvegurinn sé vel rekinn, sjálfbær, hagkvæmur og arðsemin einstök. Nú nýlega bættist svo við en einn lofssöngurinn um dýrðina sjá hér það dugar ekkert minna enda dýrðin einstök.

Ég bara spyr aftur, er eitthvað sem Friðrik J. vissi ekki um og vissi Hannes Hólmsteinn ekki betur. Eitthvað eru hlutirnir að þróast öðruvísi en boðskapurinn hefur hljóðað uppá á undanförnum árum. Hvað veldur, hafa menn ekki lengur óheftan aðgang að bönkunum til að ljúga þetta áfram með áframhaldandi skuldasöfnun?

Friðrik J. kennir fallandi gengi um stöðuna, bara svo það sé á hreinu að þá var staðan orðin svona slæm löngu áður en gengið fór að falla. Að kenna því um er aumt yfirklór á margra ára vandræðagangi sem hefur verið bent á en enginn vilja hlusta á. Það er vonandi að fólk opni fyrir skilningarvitin og fari að sjá hvernig í pottinn er búið.

Góðar stundir.

Erlendir bankar með veð í kvóta

Það er líf í Framsóknarflokknum

það er ekki endilega það sem við óskum eftir en er þó talsvert mikið meira en hægt er að segja um suma aðra flokka?????....

Góðar stundir.

Hiti á fundi framsóknarmanna