Þessi aukning á aflaverðmæti gufaði upp

og mikið meira en það í stóraukinni skuldasöfnun sjávarútvegsins. Það væri til eftirbreytni ef fjölmiðlar segðu alla söguna og hver raunveruleg staða er. 10,7 milljarða hækkun er í raun ansi döpur ef horft er til skuldaaukningar á móti.

Hvað er verið að fegra ég bara spyr?

Góðar stundir.

Aflaverðmæti stóreykst

Skítverkin eru víða

Í kastljósinu í kvöld sáum við gott dæmi um hvernig hið opinbera er gjörspillt og í rauninni vanhæft í verkum sínum. Haldi einhver að þetta sé eitthvað einsdæmi þá er sá hinn sami hroðalega illa upplýstur. Hér voru menn teknir í bólinu það verður fróðlegt að sjá hvernig jötunögurunum verður bjargað frá þessu. Það er eitthvað sem segir mér að nú séu menn sveittir í vinnu dag og nótt við að finna lausn á þessu skíta trixi flotaforingjans og náhjarðar hans.

Það er grafalvarlegt hvernig komið er fyrir þessari þjóð þar sem spilling, einkavinavæðing, vinatengsl, fjölskyldutengsl, pólitískir bitlingar og fyrirgreiðslur og allskonar skítverk hafa ráði för. Í rauninni hafa vanhæfir jötujórtrarar komið okkur í þá stöðu að við erum nánast búin að tapa sjálfstæði okkar og allt sem sem hét virðing og velvild í garð Íslendinga er fokin vestur yfir Grænlandsjökul,  það er jafn öruggt og að sólin kemur upp í austri þá kemur virðingin og velvildin ekki til baka með næstu lægð.

Góðar stundir.

Flugmaður í mál við Gæsluna

Þetta er ekki rétt og ég á ekki til orð yfir þessari frétt, sagði Telma í samtali við fréttastofu.

Telma Halldórsdóttir, stjórnarmaður í fjárfestingarfélaginu Q Iceland Finance segist þurfa að ræða málið við umbjóðendur sína þar sem um alvarlegan hlut sé að ræða áður en hún tjái frekar. Hún telur líklegt að send verði út tilkynning vegna málsins morgun.

Það verður væntanlega ekkert mál að sanna þetta, þessi súkkulaðissjeik hlýtur að eiga kvittun fyrir þessu. Þótt gæinn sé ríkur þá trúi ég því tæplega að hann biðji ekki um kvittun fyrir svona lúsarupphæð.

Það verður fróðlegt að sjá hvað á eftir að koma upp á yfirborðið þegar hlutirnir verða skoðaðir betur.

Vegna tímaskort frestast greinin sem ég lofaði í gær, það er allt á fleygiferð í undirbúningi við leyniverkefnið mitt sem ég er að rembast við að gera að veruleika.

Góðar stundir.

25 milljarða króna greiðsla týnd

Bóla sem getur ekkert annað en sprungið

Aldrei og þá meina ég aldrei hefur verið innistæða eða svigrúm fyrir þessari verðlagningu á aflaheimildum. Hvernig mönnum gat dottið það til hugar að verðleggja aflaheimildir upp á 4000 kr. er eitt, en að einhverjum hafi dottið það til hugar að kaupa á þessu verði er óskiljanlegt.

Margt hefur verið skrifað og rætt um þetta og alltaf hefur maður fengið það í hausinn að vera gjörsneyddur öllum hæfileikum til að skilja málið og þessi verðlagning standist alla skoðun og hlíti lögmálum hins frjálsa markaðar.

Verðlagning aflaheimilda hefur aldrei hlotið lögmálum hins frjálsa markaðar, sá sem selt hefur stjórnar þessu með handafli og sama á við um leigumarkaðinn.

Auðvitað getur þessi bóla ekkert annað gert en springa og það með látum. Hér þarf að bregðast við ef ekki á að fara verulega illa.

Góðar stundir.

Verðfall veiðiheimilda fyrirsjáanlegt

Göngum í ESB strax.

Það er ekki eftir neinu að bíða, ég krefst þess að við sækjum um hraðferð inn í ESB áður en við missum af því glæsilega tækifæri að taka niðursveifluna sem er klárlega byrjuð innan ESB ríkjanna. Ég vil kalla það auka rússíbanaferð.

Okkur munar ekki um svoleiðis smotterí í viðbót við algert hrun íslenska efnahagskerfisins. Nýjustu fregnir af þessu frábæra fyrirbyggði sem kallast ESB eru svo aðlaðandi að sæluhrollur hríslast um líkamann af tilhugsunin einni saman.

Lesið þetta, já það er ekki allt sem sýnist og í raun virðist manni sem enginn ráði yfir neinu sem þeir svo sannarlega eiga. Svo dettur einhverjum í hug að við komum til með að ráða yfir auðlindum okkar, auðvitað erum við fýsilegur kostur á bálið sem byrjað er að brenna innan ESB og á eftir að verða að risavöxnum eldsvoða sem endar mjög líklega með efnahagslegu hruni. Eftir lestur á þessari frétt þá hefur hugurinn snúist 180 gráður og áhuginn enginn, í sannleika sagt þá hefur áhuginn aldrei verið til staðar. skoðum okkar kosti og úr hverju við höfum að spila.

Á okkur ef horft með öfund frá Brussel, við eigum fiskimiðin, við eigum frábæran landbúnað, við eigum vatnsaflið, við eigum gríðarlega auðlindir í jarðvarma og væntanlega eigum við óhemju magn af olíu innan landhelginnar. Með öðrum orðum við erum eftirsótt þrátt fyrir allt, okkur mistókst aðeins og klúðruðum BIG TIME efnahagskerfinu, við erum dugleg, við erum vel menntuð, við erum ótrúlega útsjónarsöm ef við viljum það við hafa, það er skratti seigt í okkur, við kunnum ekki að gefast upp, við komum til með standa sterkari en áður, það tekur nokkur ár, við höfum áður séð það svart, þetta er að vísu kolsvart en við getum þetta. Og gerum það á okkar forsendum, ekki forsendum annarra.

Hættum þessu lýðsskrumi og ESB dýrkun, snúum okkur að því sem við sjálf þurfum að gera og getum svo sannarlega ef við stöndum saman.

Á morgun verður skrifað um þær hugmyndir sem ég hef um endurreisn Íslands og með hvaða móti við gætum forðast fólksflótta í stórum stíl frá landinu bláa.

Góðar stundir.

Vel rekinn sjávarútvegur !!!!

Friðrik J. Arngrímsson verður væntanlega ekki í vandræðum með að spinna eitthvað upp í kringum þetta Vel rekinn, hagkvæmur, arðsamur, öflugur, sjálfbær, gengið um auðlindina með virðingu, blekktir af bönkunum.

Kannast ekki einhver við þessa frasa? 

Góðar stundir.

Sjávarútvegsfyrirtæki berjast fyrir lífi sínu

Bæjarstjórn Ísafjarðar krefst þess að stjórnvöld

haldi áfram að brjóta mannréttindi og mismuna þegnunum gróflega. Með áskorun Bæjarstjórnar Ísafjarðar stíga þeir fram og opinbera afstöðu sína svo ekki verður um villst hvað afstöðu þeir hafa til álits mannréttindanefndar Sameinuðu Þjóðanna um kvótakerfið.

Bæjarstjórnin krefst þess að úthlutað verði meiri þorskkvóta í núverandi kerfi, kerfi sem brýtur mannréttindi og mismunar þegnunum. Nú er ég alveg samfærður um að Ísafjörður er ekki svo alvarlega einangraður þótt einangraður sé í vissu samhengi frá þjóðfélaginu að þessi úrskurður mannréttindanefndar Sameinuðu Þjóðanna hafi ekki borist þeim til eyrna. 

28.03.2007. sendi ég frá mér áskorun (sjá hér) á bæjar og sveitastjórnir þessa lands og óskaði eftir því að þær krefðu stjórnvöld um að mannréttindi þegnanna yrðu virt og mannréttindabrotum hætt sem klárlega eru stunduð með kvótakerfinu og útfærslu þess.

Nú réttu ári seinna sprettur bæjarstjórn Ísafjarðar fram á völlinn og krefst þess að stjórnvöld haldi þessu leik áfram. Ekki veit ég alveg hvað ég á að kalla þetta, en mér er farið að detta það eitt til hugar að þeir eiga þetta sennilega bara skilið. Já þeir sem synda steinsofandi að feigðarósi eiga sennilega það skilið sem þeim er skammtað og það sem af þeim er stolið.

Hvernig má það eiga sér stað að kjörnir fulltrúar fólksins í bæjarfélögunum leyfi sér þann munað að allt sé drepið niður og lífsbjörginni rænt skipulega af þeim, án þess að svo sem rétta upp einn putta og mótmæla óréttlætinu sem þeir og þegnarnir eru beittir?

Við hvað eru þessir kjörnu fulltrúar svona uppteknir? Fulltrúar fólksins sem fólkið kaus og treysti til að standa vörð um velferð og trygga atvinnu bæjarfélagsins hafa að mínu mati brugðist fólkinu algerlega. Hvernig þessir fulltrúar geta horft brosandi framan í samborgara sín sem þeir brugðust algerlega er mér hulin ráðgáta?

Ekki nóg með að þeir brugðust þá eru þeir ofan á skömmina á fullum launum hjá þeim sem þeir brugðust. Skömmin er mikil, enn verra og alvarlega er að siðferðisleg og beinlínis skylda þeirra til að stand vörð um lífvænlegt samfélag er eitthvað sem þessir fulltrúar hafa greinilega ekki heyrt af.

Góðar stundir.

Vilja auka þorskveiðar

Þeir sturta niður skuldum sem þeir

skulda öðrum. Þeir taka ekki ábyrgð á vörum sem önnur kennitala seldi, en þeir eru uppfullir af vilja við að taka við útlánum sem gamla kennitalan átti og innheimta þau með tilheyrandi hörku.

Svona vinna ENGLAR Íslands sem meðal annars hafa verið þess heiðurs aðnjótandi að haldin hafa verið risapartí fyrir þá og gestgjafinn var ÞJÓÐIN (ríkisstjórnin) að ógleymdum Bessastaða höfðingjanum.

Góðar stundir.

 

Iceland hefur keypt 51 verslun Woolworths

Hvað var sagt og hverjir sögðu það?

Rifjum upp hluta af boðskapnum.

Finnur Sveinbjörnsson, fyrrverandi bankastjóri Icebank og ráðgjafi stjórnvalda í efnahagsmálum, segir að öfgakennd og móðursýkisleg umfjöllun um íslenskt efnahagslíf í erlendum fjölmiðlum sé á undanhaldi. Þar hafi samstillt átak skipt máli. Ágætlega hafi tekist að fræða og upplýsa áhrifaríka viðskiptafjölmiðla um íslenskan fjármálamarkað og efnahagslíf.

„Bankarnir sjálfir, Samtök fjármálafyrirtækja og Viðskiptaráð hafa lagt mikið á sig,” segir Finnur, „að ógleymdum forsætisráðherra og utanríkisráðherra sem hafa talað á ráðstefnum og við fjöldann allan af viðskiptafjölmiðlum. Þá hefur Richard Portes, prófessor við London Business School reynst betri en enginn. Einnig tel ég að Kaupþing hafi gert rétt þegar bankinn hóf að siga lögfræðingum á fjölmiðla sem fóru með fleipur um bankann.”

Svo spyr maður sig í framhaldinu, er sjávarútvegurinn sárasaklaus píslavottur sem lenti bara óvart í þessu, eða á bólakafi og meðvirkur í öllu saman?

Góðar stundir.

Voru samningarnir partur af „svikamyllu“?

Hvítþvegnir englar á kafi í ruglinu

Auðvitað gerðu þeir ekkert rangt, ekki veit ég hvernig nokkrum getur dottið annað til hugar en að Bakkabræður voru strangheiðarlegir hálfvitar.

Frægast er þegar þeir eyddu ómældum tíma í að bera dagsbirtuna inn í kofaskriflið sem þeir bjuggu í. Ef við skoðum restina af yfirlýsingunni frá Exista þá gæti manni dottið til hugar mikill skyldleiki á milli þessara bræðra sem allir eru kenndir við Bakka. Skoðum málið nánar, hér fyrir neðan er úrdráttur úr yfirlýsingunni.

"Exista hefur átt í viðræðum við íslensku bankana meðal annars vegna uppgjörs varnasamninga og er enginn ágreiningur um réttmæti þessara samninga eða að til þeirra hafi verið stofnað á eðlilegum rekstrarlegum forsendum."

Úpps.......

Góðar stundir.

 

 

„Exista stundaði ekki spákaupmennsku"