Já auðvitað var það svona

Þvílík djöfulsins fífl erum við að hafa ekki séð þetta sjálf. Nú geta allir dregið andann léttar og hætt að hugsa um þetta mál. Þetta var þá sem sagt ekki almenningi að kenna og alls ekki þeim sem skópu Íslenska efnahagsundrið.

Ég er Sigurði Einarssyni ævinlega þakklátur fyrir að segja okkur þetta enda er Sigurður einstakt prúðmenni og hreinskilinn með afbrygðum. Tindátinn sem er með honum á myndinni er ekkert síðri og þekktur fyrir heiðarleika og vönduð vinnubrögð.

Í hnotskurn mætti segja sem svo að Íslenskt samfélag er endalaust heppið að þessir tveir snillingar skyldu hafa gubbast í heiminn á landinu bláa. Hvar værum við stödd ef þeirra hefði ekki notið við og þeir skapað fyrir okkur góðæri og velsemd sem er svo öfundsverð af alþjóðasamfélaginu?

Eitthvað smotteríi hafa þessir gaura samt alveg þurrkað út úr minnisbanka sínum og svo virðist sem þeir hafi gert árás úr launsátri á sjálfan sig og komið sjálfum sér algjörlega á óvart og skít tapað fyrir sjálfum sér, hvernig sem það var svo hægt,,, sjá hér.

Nei nú er ég er hættur áður en ég æli yfir tölvuna.....

Góðar stundir.

Atlaga felldi íslenska kerfið

Einkafyrirtæki Ingibjargar Sólrúnar og Össurar Skarphéðinssona

er byrjað að molna innanfrá. Ágúst Ólafur hefur mátt sæta því af hálfu eigenda Síhaldfylkingarflokksins þeirra Ingibjargar og Össurar að vera hunsaður hvað eftir annað og í raun hefur verið pínlegt að sjá hvert hlutverk hans átti að vera.

Hlutverkið hljóðaði upp á nákvæmlega ekki neitt og hefur Össur troðið sér fram við öll tækifæri sem hugsast getur enda með afbrigðum athyglissjúkur og hrokagikkur hinn mesti. Ekki veit ég hvernig þetta fer en illa líst mér á hlutina með Síhaldsfylkingarflokkinn í tætlum sem hjörðin er að yfirgefa hver á fætur öðrum og Langanessteingervinginn sem er á móti öllu sem hugsanlega er hægt að vera á móti jafnvel sjálfum sér.

Slæmt var það og ekki get ég séð að þetta lagist mikið því miður en gefum þeim smá séns. Það verður fróðlegt að sjá hvernig sköllótta steingervingnum gengur að láta slæðudrottninguna kokgleypa gasprið sem einkennt hefur hann í gegnum tíðina.

Góðar stundir.

Ágúst Ólafur hættir

Af hverju gengur þessi maður laus? (Myndband)

Ég fæ kjánahroll þegar þetta er rifjað upp. Það er akkúrat þetta sem varað var við í mörg ár en því miður fyrir harðlokuðum eyrum frjálshyggjunnar. Horfið og njótið kjánahrollsins með mér.

Góðar stundir.

	Minnihlutastjórn besti kosturinn
Ábyrgðarmaður færslu Tenging við þessa frétt hefur verið rofin vegna kvartana.

Fimleikafræði viðskiptanna eru fá

takmörk sett. Það er hreint með ólíkindum hvernig menn geta framkvæmt nánast hvað sem er með nákvæmlega ekkert annað en kafloðin loforð upp á vasann, bara ef þeir eru í réttum flokki og eiga rétta vini.

Gísli Freyr getur væntanlega útskýrt þetta fyrir okkur, ég veit að hann eða í það minnsta nokkrir af félögum hans hanga eins og varðhunda um bloggið og kommenta á allt sem þeim er ekki að skapi eða fellur inn í hugarheim frjálshyggjunnar.

En auðvitað leyfir Gísli Freyr ekki athugasemdir hjá sér sjálfum, það er ekki í anda frjálshyggjunnar að taka við skoðunum annarra hvað þá heldur gagnrýni.

Þar sem Gísli hefur lokað fyrir athugasemdir hjá sér sjálfum er heppilegast fyrir hann að skrifa um þetta mál á sinni eigin síðu, maður sem ekki hefur opið fyrir umæðu hjá sér hefur ekkert að gera inn á þessa síðu.

Ég býð spenntur.

Góðar stundir.

Útgefandi Viðskiptablaðsins gjaldþrota

Og hvað nú?

Tekur eitthvað skárra við, það er ekki að heyra því miður?

Góðar stundir.

Stjórnarsamstarfi lokið

Alltaf hækkar reikningurinn

sem við megum borga fyrir sofandahátt margra sem áttu að standa vaktina og sinna vinnunni sinni. Þessi hér fær þokkalega borgað fyrir að hafa verið með buxurnar stútfullar af meðvitundarleysi og steinsofið í vinnunni. Þvílík silkimeðferð sem þessir gaura fá, manninn á að reka fyrir afglöp af sverustu sort í starfi og endurgreiða í það minnsta eitt ár af launagreiðslum sínum, það hefði verið skítsæmileg refsing og öðrum sem á eftir koma þokkaleg áminning.

Að sjálfsögðu pössuð sumir upp á að gera helst engar breytinga á eftirlaunaólaga ósómanum. Eftir áratuga setu á fáránlega háum launum fyrir ekki neitt eins og komið hefur í ljós, er svo sest í helgan stein á enn fáránlegri launum bara fyrir það að sofa á verðinum og rústa samfélaginu með sofandahætti.

Auðvitað vona ég að maðurinn nái fullri heilsu aftur ég er ekki algjör óþveri að hugsa eða vona eitthvað annað, höfum það samt í huga að nánast allan hans tíma í stjórnmálum var hann við hesta heilsu. Þetta verður ekki afsakað á neinn hátt því miður þó heppilegt hefði verið að geta borðið einhverju öðru við en sofandahætti og meðvirkni með vitleysunni.

Góðar stundir.

Útilokum ekki breytingar

Ragnheiður Ríkharðsdóttir segir af sér þingmennsku?

Ragnheiður hlýtur að teljast til hryðjuverkamanna/kvenna sjálfstæðismann með þessu endalausa gaspri um að Davíð eigi að víkja sjá hér. Það er búið að hundskamma Röggu fyrir ábyrgðalaust blaður í fjölmiðla um þetta mál áður og næsta sem gerist verður væntanlega úrsögn úr flokknum. Á ómenguðu máli REKIN úr flokknum.

Ragga er eitthvað að misskilja hlutverk sitt, hún hefur ekki málflutningsleyfi forustunnar og Davíðs við fjölmiðla um málefni íhaldsins, pakk sem ekki virðir kúgun íhaldsins er sett á hóld og síðan látið víkja.

Ástæðan verður hefðbundin, af fjölskylduástæðum sé ég mér ekki fært að sinna starfi mínu af fullum krafti og hef því ákveðið að stíga til hliðar og segja af mér. Svona sé ég tilkynninguna fyrir mér.

Já maður ræðst ekki á foringja sinn án afleiðinga.

Góðar stundir.

Vill nýja bankastjórn í Seðlabankann

Pólitískar rottur vaða nú fram eins og

                                            hroðalegasta plága og allir virðast vera tilbúnir til að stinga alla í bakið.

                                                                         Þær eru djöfull slægar þessar rottur.

Á mannamáli heitir þetta að löðrunga samstarfsaðila sinn. Það fer ekkert á milli mála að Solla slóg Geir algjörlega út af laginu.

Góðar stundir.

Samfylkingin hefur náð frumkvæði

Oddný Sturludóttir, borgarfulltrúi síhaldsfylkingarflokksins

er pólitísk reykbomba og reykskýið virðist byrgja alla sýn og blokka allt sem heitir heilbrigð skynsemi. Oddný er með síðu á Eyjan.is og þar tjáir hún sig um að varaformaður Síhaldsfylkingarflokksins verði væntanlega og vonandi næsti viðskiptaráðherra.

Þetta gengur alls ekki upp hjá þessari pólitísku reykbombu enda er Össur Skarphéðinsson nú þegar ráðherra, bara svona ef það hefði farið framhjá henni....

Í síðustu færslu minni segir að Ingibjörg Sólrún og Össur Skarphéðinsson reki saman fyrirtæki sem nefnist Síhaldsfylkingarflokkurinn. Ég hvika hvergi frá þessari skoðun enda fara þau ekki að vilja meirihluta samfylkingarinnar sem er að slíta stjórninni strax og boða til kosninga...

Góðar stundir.

 

Geir: Má ekki missa dampinn

Er Össur Skarphéðinsson varaformaður

Síhaldsfylkingarflokksins eða er Síhaldsfylkingarflokkurinn fjölskyldu fyrirtæki Ingibjargar Sólrúnar og Össurar Skarphéðinssonar?

Athygli vekur að varaformaðurinn Ágúst Ólafur Ágústsson kemur hvergi nærri svona stóru máli sem stjórnarsamstarfið er og ræða á í dag. Er Ágúst Ólafur kannski að vinna í lokuðu bakherbergi ekki ólíkt því sem sagt var þegar stjórnin var mynduð?

Í hnotskurn virðist svo vera að Síhaldsfylkingarflokkurinn sé ekki fyrir Samfylkingarfólk hann er fyrir Ingibjörgu Sólrúnu og Össur Skarphéðinsson og spurning hvort þau tvö séu hreinlega að einangrast frá Samfylkingarflokknum.

Góðar stundir. 

Ingibjörg og Geir hittast í dag