Guðni Ágústsson lýsir yfir vantrausti á

Hafró og vil láta veiða 250 til 300 þúsund tonn að þorski strax. Einnig vil Guðni að aðrir áháðir aðilar verði kvaddir til og látnir yfirfara vinnubrögð og forsendur sem Hafró hefur stuðst við. Á þetta má hlusta hér í lok viðtalsins   undir orð Guðna get ég svo sannarlega tekið. Við þurfum að framleiða meira, það vantar gjaldeyri ekki satt? Einn góður vinur minn spurði starfsmann greiningadeildar Landsbankans árið 2002 að því í hvoru hann teldi meira veðhæfni, höfðinu á sér eða kvótanum. Svo þetta sé aðeins útskýrt betur þá er höfuðið á þessum vini mínu mjög vel á sig komið og býr yfir gríðarlegri þekkingu í sjávarútvegi, við vitum vel hvernig komið er fyrir veðinu sem í kvótanum á að liggja, það er farið á vit feðra sinna og með eilífum niðurskurð hverfur það enn hraðar.

Það hefur enginn niðurskurður átt sér stað í höfði vinar mín og eðlileg endurnýjun heilasella átt sér stað þannig að veðið í honum stendur fullkomlega fyrir sínu, ólíkt því sem gerist með blessaðan kvótann. Svo ekki sé nú talað um geðveikina sem á sér stað með blessaðan Þorskinn sem endalaust er verið að reyna að safna svo hægt sé að veiða meira seinna. Ég spyr, hvenær er þetta seinna? Strögglað hefur verið við þetta með aðferðarfræði Hafró í aldarfjórðung og árangurinn er vægt til orða tekið hroðalegur, svona líkt og fjármálastefna stuttbuxnagæjanna sem beðið hefur algjört afhroð.

Gjaldþrot Glitnir banka undirstrikar það nokkuð vel að kvótavöndlarnir eru ekki til að bæta ástandið frekar en húsnæðisvöndlarnir í U.S.A. Ekki er nema vika síðan að Lárus Welding laug því blákalt í þjóðina að Glitnir stæði traustum fótum og staðreyndin væri reyndar sú að staða bankanna væri nánast skotheld, hrokanum brá meira að segja fyrir svo fráleit þótti honum spurning Egils Helgasonar.

Skoðum kvótavöndlana sem ég er að tala um, þetta Excel skjal  sýnir raunvirði aflaheimilda reiknað út frá arðsemi um síðustu áramót. Eins og mörgum er kunnugt þá er búið að ljúga verði á þorski upp undir 4000 kr kílóið og allar aðrar tegundir eru margfalt yfir raunvirði. Einn af hugmyndasmiðum kvótavöndlanna er stjórnarformaður Glitnir og er hundfúll yfir ástandinu sjá hér. Og hvers vegna, jú dótakassinn var tekinn af honum. Margt hefur breyst síðan þá, gengið hrunið sem aftur þýðir margfalda hækkun á öllum aðföngum og afborgunum sjávarútvegsins. Fiskverð í heiminum er fallandi og fréttir berast af því að krafan um lækkun á verði sjávarafurða verði sífellt meiri. Einnig er farið að bera á því að sjávarafurðir eins og til dæmis þorskur sé á undanhaldi og jafnvel verið hent út úr mörgum verslunarkeðjum bæði austan og vestan hafs. 

Ég vil vekja athygli á þessari frétt. Gefum okkur að þær tölur sem Arnar Sigmundsson er að tala um séu réttar þá kemur hræðilegur sannleikur í ljós. Áætlað er, takið eftir áætlað að útflutningur sjávarafurða aukist um 17 milljarða á meðan skuldir sjávarútvegsins hlaðast upp um 76 milljarða. Reyndar eru skuldir sjávarútvegsins áætlaðar 385 í júnílok og gera má að því skóna að þær hafi aukist tröllslega því eins og allir vita þá hefur gengið verið í frjálsu falli alveg fram á þennan dag.

Spurningin er núna hvaða banki fer næst? Eðlilega spyr fólk sig því ekki er orð að marka þessa blessuð bankastjóra sem svo sannarlega staðfestist í Silfur Egils fyrir réttri viku. Gleymum heldur ekki orðum Geirs Haarde, þetta var enginn krísufundur bara svona eðlilegt spjall um daginn og veginn og vandamálin erlendis. Ef þetta er ekki krísa hvað er þá krísa? Eða er staðan orðin þannig að svona fundir eru bara orðið ákveðið norm og allir samdauna ástandinu.

Ein áleitin spurning sækir stöðugt að mér og lætur mig ekki í friði, hvað varð um stöðuga, stönduga og gríðarlega öfluga fjármálamarkaðinn sem átti að redda þjóðinni í niðurskurðarhamförum Hafró á þorskinum? Nú væri gott að fá svör.

Verum góð hvert við annað, við þörfnumst þess.

Góðar stundir.

Ríkið eignast 75% í Glitni

Viðtekin venja og gerist

mikið oftar en fjölmiðlar og almenningur veit um. Auðvitað var þetta bara hefðbundinn vinafundur um gæsaskytterí, laxveiðar og komandi rjúpnaveiði tímabil.

Enda eins og svo oft hefur komið fram hjá leiðtogum ríkisstjórnarinnar þá er ekkert að, atvinnuleysi mælist svo gott sem núll og engin kreppa á Íslandi. Um hvað annað gætu þessir fýrar hafa verið að tala um?

Hvaða banka var komið til hjálpar í seinustu viku sjá hér?

Verið góð hvert við annað.

Góðar stundir.

Ráðamenn funduðu fram á nótt

Skaufinn skorinn af og kellan brosandi.

Mín skýring á þessu hér er sú að kerlan sem sá skaufalausi býr með sé með afbrygðum kynköld öfga femínistabelja og hafi verið með í ráðum eftir að karluglan var svæfður...

Auðvita setur þetta karlræfilinn í svakalegan bobba, núna flokkast hann væntanlega undir hvorugkyns fyrirbrygði...

Verið góð hvert við annað.

Góðar stundir.

Ekki alveg minn dagur í Formúlunni

Þvílíkt klúður sem Massa lenti í og það verður að segjast alveg eins og er, svona á ekki að geta komið fyrir lið í þessum gæðaflokki. En hvað um það þá er þetta að ég held þriðja skiptið sem svona uppákoma verður hjá Ferrari. Að ekki hafi orðið stórslys þarna er ekki einhverju fagvinnubrögðum að þakka, æðri máttarvöl héldu verndarhendi yfir þessari atburðarrás.

Kimi Räikkönen hélt uppteknum hætti og fátt sem kom þar á óvart, enn einn veggurinn kysstur og árangurinn einungis fjáraustur í að mér finnst ofmetnasta ökumann formúlunnar frá upphafi staðreynd.

Ég náði ekki að horfa á keppnina til enda, ég þurfti frá að hverfa vegna fundar sem var töluvert mikilvægari en sjónvarpsgláp (segi frá því fljótlega) þannig að ég missti af síðustu 13 hringjunum. Ég held mig enn við það að Massa verði heimsmeistari.

Ég óska þeim til hamingju með sína menn sem komust á verðlaunapallinn. Það verður ekki annað sagt en þetta hafi verið ansi skrautlegt í það minnsta það sem ég sá.

Þetta gerist ekki oft, mynd af spanjólanum er á síðunni minni, ég er að mýkjast með árunum...

Verið góð hvert við annað, og mig líka ég þarf á því að halda...

Góðar stundir.

Räikkönen segir titilinn runninn sér úr greipum

Sumar konur velja kaðal sér til yndisauka

Sumar konur velja kaðal sér til yndisauka... 

 

 

 

 

 

 

 

 

 

 

Á meðan aðrar riðlast á súlum...

 

 

 

 

 

 

 

 

Verið góð hvert við annað.

Góðar stundir. 

Harðfiskur og kynlíf

Ljóskur eru óborganlega fyndin fyrirbrygði

Ljósku eina langaði mikið til þess að veiða í gegn um vök.
Dag nokkurn fór hún og keypti það dót sem hún þurfti til
veiðanna. Hún fann sér góðan stað og byrjaði. Allt í einu
heyrði hún rödd segja: "Það er enginn fiskur í vatninu."
Ljóskan leit í kringum sig en sá engan og hélt áfram að
veiða. Aftur heyrðist kallað: "Það er enginn fiskur í vatninu."
Í þetta sinn spurði ljóskan: "Hver talar?"  Þá var svarað:
"Þetta er forstöðumaður skautahallarinnar!!! "

Verið góð hvert við annað og ljóskurnar líka, þær geta ekkert að þessu gert.

Góðar stundir.

Massa verður heimsmeistari

Það er ekki spurning að drengurinn klárar þetta með stæl og landar titlinum. Árangurinn í tímatökunni er að ég held forsmekkurinn að því sem koma skal.

Verið góð hvert við annað.

Góðar stundir.

Massa vann ráspól eftir spennandi keppni

Eitt rautt og 3 gul spjöld

Ég vil minna á spá mína frá því í gær en þar segir meðal annars nákvæmlega til um spjöldin sjá hér. Markatalan er hinsvegar alveg í ruglinu, ég satt best að segja bjóst við Everton miklu grimmari og reiknaði markatöluna út frá þeirri pælingu. Auðvitað bregst það þegar mótherjinn nennir ekki að gera það sem af þeim er ætlast og þá segir það sig sjálft að 2 mörk er eitthvað sem menn sætta sig við og enginn sérstakur akkur í því að niðurlægja mótherjann meira.

Mig langar síðan að hafa örfá orð um það sem strákfíflið í UTD hafði að segja um möguleika Liverpool á meistaratitlinum. Hugsaðu um drulluna sem þú og þitt lið eru í sjálfir, að koma sér úr neðstu sætunum ætti að nægja í bili, aðrar pælingar geta komið seinna. Svei mér þá ef drengstaulinn er ekki farinn að smitast af hrokanum frá Skoska hróinu...

Verið góð hvert við annað, og Hafstein líka hann á það skilið.

Góðar stundir.

Torres skaut Liverpool á toppinn

Þrýst á verðlækkanir

Lesið þessa frétt hér vel.  Tilv. í frétt "Þetta þýðir lægra verð, lengri greiðslufresti, minnkandi greiðslutryggingar, aukið birgðahald, aukinn geymslukostnað og aukinn fjármagnskostnað" Tilv. lýkur. Hvernig er hægt að finna það út að lægra verð þíði aukið birgðahald og aukinn geymslukostnað? Það er nú bara einfaldlega þannig að lægra verð þýðir aukin sala, minna birgðahald og styttri geymslutími.

Á það kannski ekki við þessi einfaldi og almenni gangur lífsins í viðskiptum hjá þessum græðgihönum í sjávarútvegi að lægra verð þýðir aukin sala og þar af leiðandi lítil sem engin birgðasöfnun? Ekki kemur það mér spánskt fyrir sjónir að staða sjávarútvegsins skuli vera í þeirri stöðu sem hann er í. Græðgin í eignarsöfnun á gervieign (kvótanum) hefur verið með þvílíkum eindæmum að það gat ekki komið að neinu öðru en endapunkti í vitleysunni. Víð skulum sleppa því að fara út í ruglið sem átt hefur sér stað í fiskvinnsluhúsunum, Það er efni í margar færslur. 

Hvernig ætla menn að útskýra það á heilbrigðan hátt að staðan skuli vera svona eftir allan þann uppgang sem átt hefur sér stað í veiðum og vinnslu. Eða er það staðreynd að sjálfbærnin, hagkvæmnin og arðsemin var bara falsað orðarugl á meðan aðgengi að lánsfé var nánast ótakmarkað? Í það minnsta styður skuldastaða sjávarútvegsins þá skýringu.

Stórtíðindi í vændum, Sjávarútvegsráðherra nær sér vart fyrir gleði og samstundis byrjaður að túlka hlutina sér og flokksbróður sínum hjá Líú í hag. Ég fer ekki ofan af því að sjávarútvegsstefna ESB er jafn handónýt og stefna Íslendinga. Eini munurinn er sá að í lögum er brottkast fyrirskipað innan ESB en á Íslandi er það lögbrot þótt nánast allir stundi það. Síðan er eftirlitið framkvæmt með bundið fyrir annað augað og hitt leitandi að næsta kaffibolla.

Ef brottkastið á Íslandsmiðum væri einungis upp á um það bil 7 milljarða værum við bara í þokkalegum málum miða við það sem er í gangi.

Verið góð hvert við annað nema Einar, hann á það ekki skilið.

Góðar stundir.

Sjö milljarðar króna í sjóinn

Hvernig stelpar maður kynlífshjálpartæki?

Nákvæmlega svona lítur fréttin út á dv.is

Ætlaði að stelpa kynlífshjálpartæki

Laugardagur 27. september 2008 kl 09:08

Höfundur: Ritstjórn DV ([e-mail])

Tvær konur voru staðnar að hnupli í matvöruverslunum á höfuðborgarsvæðinu í fyrradag. Sú eldri, sem er á sextugsaldri, var tekin á Seltjarnarnesi og hin í vesturbæ Reykjavíkur en sú er á þrítugsaldri.

Tvítug stúlka var gripin í Kringlunni þegar hún hugðist yfirgefa verslun þar án þess að greiða fyrir fatnað sem hún hafði tekið og loks var karl á sextugsaldri staðinn að verki í ónefndri verslun á höfuðborgarsvæðinu en maðurinn ætlaði að stela kynlífshjálpartæki. Frétt lýkur.

Flott fyrirsögn.

Verið góð hvert við annað.

Góðar stundir.