Amma íhaldsins er fundin

og ver að sjálfsögðu hjörðina sína með kjafti og klóm sjá hér.

Góðar stundir.

Ekki hægt að taka aðra ákvörðun

Fálkaorðuna á snillinginn sem

skipti seðlinum og flengja fábjánann sem tók við seðlinum með hálfvitaorðunni.

Góðar stundir.

Notaði seðil með mynd af Davíð

Það hriktir víða, myndband af heimatilbúnum skjálfta

Er nema von að eitt stykki skjálfti skuli ríða yfir þegar allt leikur á reyðaskjálfi í þjóðfélaginu. Svona gengu menn um og komu að stað risavöxnum skjálfta.

Skoðum seinni hlutann líka.

Góðar stundir.

Snarpur skjálfti við Grindavík

Nú hafa rúmlega 200 þúsund einstaklingar heimsótt

þessa síðu og færslurnar eru rétt tæplega ellefu hundruð. 10 Apríl á síðasta ári byrjaði ég með þessa síðu og það er ekki úr vegi að setja hlekk á fyrstu færsluna, það kemur kannski ekki á óvart um hvað hún fjallaði en hana má lesa hér. Það er ótrúlegt að skoða þetta á þennan hátt. Að ég þessi hlédrægi og feimni strákur hafi náð þeim áfanga í lífinu að henda mér út í djúpu laugina og byrja að tjá mig opinberlega.

Margt áhugavert er að finna á þessari síðu og margt sem er náttúrulega tóm steypa og grín eins og er hjá flestum sem halda úti svona síðum. Það sem hefur gefið mér hvað mesta ánægju við þetta eru þeir vinir sem ég hef eignast á þessum tíma. Eins og gefur að skilja eru þetta mjög mismunandi einstaklingar staddir á ólíkum stöðum í þjóðfélaginu, en eitt eiga þeir allir það sameiginlegt að vera einstaklega skemmtilegir, jákvæðir og opinskáir.

Ég tel það forréttindi að hafa fengið þetta tækifæri að kynnast ykkur kæru vinir, samheldnin er svo ótrúleg sem ég hefði aldrei trúað því að það gæti gerst með þessum hætti án þessa að upplifa það sjálfur. Á þessum tíma hef ég einungis þurft að loka á einn einstakling, sem er ótrúlega lítið miða við þann fjölda sem hér hefur komið við.

Þótt ég sjálfur hafi byrjað með sorakjaft og skítkast í allar áttir þá hafa umræður og skoðanaskipti á síðunni að mestu farið mjög kurteisilega fram og þakka ég fyrir það. Eitthvað hefur síðuritari lagað málfarið og vil ég kalla það ákveðið þroskaferli í tjáningarsamskiptum við annað fólk.

Ég neita því ekki að stundum á ég það til að missa mig og bregða fyrir mig tungumálinu góða sem ég er alinn upp við og kallast á fagmáli, óhefluð Íslenska að hætti sjóara. Það er svo sem á vissan hátt afar eðlilegt þar sem ég hef verið á sjó frá fjórtán ára aldri og eiginlega aldrei komist í takt við það sem ég kalla stundum, kvenlega snyrt tungumál og notast eingöngu á stórhátíðum.

Ég þakka ykkur öllum fyrir innlitin og athugasemdirnar. Hlustum að lokum á tónlist sem fær mig til að setjast auðmjúklega niður og kela krúttlega við mína ekta frú. Henni verður boðið á tónleika Frostrósa þegar þær koma til Akureyrar.

Góðar stundir.

Brot á Íslenska

fiskveiðistjórnunarkerfinu eru framin daglega allt árið og nánast um borð í hverju einasta skipi. Fiskveiðistjórnunarkerfi Færeyinga er sennilega eitt það skilvirkasta kerfi sem fyrir finnst í Norðurhöfum.

Góðar stundir.

Endurskoða þarf fiskveiðistjórnunarkerfi ESB

Prinsessan á bauninni fær sérmeðferð að hætti

íhaldsins. Inga Jóna Þórðardóttir eiginkona Geirs Haarde trónir í hásæti íhaldsins og situr ekki auðum höndum. Íhaldið sér skratti vel um sig og sína, Inga Jóna tók á fimmtudaginn var við stjórnarformennsku Listahátíðar og eitthvað eru menn ekki alveg sáttir við það sjá hér.

Ef ég man rétt þá var Inga Jóna Þórðardóttir, eiginkona Geirs H. Haarde, forsætisráðherra, skipuð formaður bygginganefndar hátæknisjúkrahúss - sem tók við verksviði nefndar sem Alfreð Þorsteinsson, guðfaðir vinstrimeirihlutans í Reykjavík stýrði áður með fyrrnefndu Ingu Jónu sem varaformann sjá hér.

Íhaldið hefur alltaf séð sér og sínum fyrir bestu bitunum á kostnað annarra, í þessu tilfelli þá þurfti að gera upp smávægilegan ágreining á milli íhaldsins og Framsókn sjá hér. Það muna væntanlega einhverjir eftir stríðinu á milli Guðlaugs Þórs og Alfreðs Þorsteins í Hitaveitunni.

Íhaldið klikkar ekki á smáatriðunum.

Góðar stundir.

Bankamenn fá ekki sérmeðferð

Hannes Hólmsteinn klappstýra íhaldsins

sér á einhvern undurfurðulegan hátt fulla ástæðu til að uppnefna forseta Íslands og líkja honum við klappstýru SJÁ HÉR. Hvað Hannesi gengur til er ekki gott að segja en sennilega dettur Hannesi það eitt í hug að þetta mætti nota sem útpælda óróðursherferð til að breiða yfir eigin skítverk.

Einnig gæti hugsanlega verið ótti í huga Hannesar, óttinn við að missa tökin á einsleitum boðskapi frjálshyggjunnar um eigið ágæti og meistaralegar fjáruppsprettur lyginnar. Hannes Hólmsteinn boðaði fagnaðarerindi um gjörvalla heimsbyggðina og lýsti því nákvæmlega hvað kvótakerfið væri ævintýralega góð uppspretta fjármagns.

Fjármagn sem tekið var að láni og var í rauninni aldrei nein innistæða fyrir. Hvernig Hannesi og félögum gat dottið það til hugar að veðsetning stjarnfræðilega hátt upp fyrir öll rök á fiski sem enn syndir í sjónum og á enn eftir að klekjast út næstu áratugi ef ekki árhundruð gæti í alvörunni gengið gengið upp er vonlaust að giska á.

Sennilega reiknuðu snillingarnir ekki með því að þeir yrðu berstrípaðir einn daginn og reiknimeistarar frjálshyggjunnar fengju lygina á ofsahraða þráðbeint í hausinn með tilheyrandi brotlendingu. Klappstýran og boðorðapostulinn Hannes Hólmsteinn ber einhvern handónýtan titil við nafn sitt sem hefur nýst honum til margvíslegra skítverka. Misnotkun á veraldarvef æðstu menntastofnunnar landsins, ritstuld, setu í Seðlabankaráði og misnotkun á því sem kallast á lýðræðislegar hugsanir og vinnubrögð svo fátt eitt sé nefnt.

Það er ekkert slor að vera titlaður prófessor undir verndarvæng íhaldsins og geta gengið nánast sjálfala af eigin geðþótta við heilaþvott almúgans í anda Hitlersisma.

Góðar stundir.

Stjórn og framkvæmdastjórn Alþjóðagjaldeyrissjóðsins

hljóta að vera himinlifandi yfir fréttum á borð við ÞETTA og þessa FRÉTT HÉR og meira HÉR. Þetta eru sjálfsagt bara brot af því sem gert hefur verið. Aðrir hugsanlegir lánveitendur hljóta einnig að hugsa sinn gang í framhaldi af þessum fréttum. Hver býst við að trúverðugleiki íslenskra stjórnvalda aukist þegar svona fréttir æða yfir heimsbyggðina? Það eru jú stjórnvöld sem þagað hafa yfir þessu og halda mætti að þeir beinlínis styðji við þessar aðgerðir.

Hvernig í ósköpunum datt ríkisstjórninni og Seðlabankanum í hug að lána Kaupþingi risaupphæð rétt fyrir gjaldþrot bankans? Þetta þarf að rannsaka ásamt fjölmörgum öðrum hlutum.

Myndin hér til hægri segir eitthvað um það hvar ég vil geyma þetta lið á meðan rannsókn fer fram.

Góðar stundir.

Íslandslán rætt á föstudag

Í sögulegu samhengi þá er þetta lán

rétt nóg til að dekka skuldir Samherja og HB Granda. Nojarinn er og hefur alltaf verið rausnarlegur við vini sína, miða við þetta þá erum við tæplega á þeim lista.

Góðar stundir.

Norðmenn lána Íslendingum

James Murphy sendur til að rukka skuldir

Íslensku bankanna. Það má þó segja eitt um Skotana, þeir eru kurteisir og koma sjálfir til að rukka útistandandi skuldir. Því erum við ekki vön, á almenning eru sendar heilu hersveitirnar af lögfræðingum og innheimtustofnunum svo sem Intrum, Rein og hvað þessi batterí heita öllsömul. Á banka er skellt hryðjuverkalögum og ríkið dæmdi sig sjálft til ábyrgðar á leyfis okkar kjósenda.

Nei Skotarnir kunna að umgangast fólk af virðingu og koma sjálfir til að minna á skuldirnar og benda góðfúslega á það að hyggilegt væri að gera þetta upp í fullri vinsemd sem fyrst.

Illa er fyrir okkur komið, hingað streyma heilu flokkarnir í innheimtuaðgerðum fyrir skuldum sem við almenningur berum ekki nokkra ábyrgð á en megum samt borga. Svínsleg framkoma eigenda bankanna fer að verða okkur frekar dýru verði keypt og spurning um að sturta út úr ríkisstjórninni hjörðinni sem ver glæframennina með öllum ráðum.

Nú getur maður ekki annað en velt fyrir sér Íslandssögunni, megum við búast við því að ríkisstjórnin flýi á fjöll og feli sig í hellum þegar fréttist af þotu á leið til landsins? Í henni gætu leynst hundfúlir  erlendir innheimtumenn. Útsendari ríkisstjórnarinnar Hannes Hólmsteinn væri ágætur í því að kíkja fyrir horn á Leifsstöð, skanna hópinn sem kom með rellunni og meta fyrirliggjandi hættu. 

Þessa aðferð notuðu ræningjar, sauðaþjófar og útilegumenn fyrr á öldum nema þeir höfðu ekki áhyggjur af þotum og flugvélum, segl við sjóndeildarhringinn var nóg til að leysa úr læðingi ofsahræðslu með tilheyrandi niðurgangi og spretthlaupum til fjalla.

Nú eru Skotar að velta fyrir sér sjálfstæði og taka upp nýja sjávarútvegsstefnu. Væri ekki gráupplagt að hefna sín duglega á þeim (þvílík ósvífni að ætlast til að við borgum eitthvað) Seljum þeim hugmyndina af besta fiskveiðistjórnunarkerfi í heimi á uppsprengdu verði. Nóg höfum við af spekingunum sem færu létt með að selja þeim hugmyndina, kaupa hana síðan til baka og endurselja svo aftur á ennþá fáránlegra verði. Þetta mætti leika nokkrum sinnum þangað til að við ættum skyndilega fyrir öllum skuldum og digra sjóði í kaupbætir.

Ráðgjöf Hafró yrði að selja á svipaðan hátt, hún er nefnilega bráðnauðsynleg með svo mótelið gangi fullkomlega upp. Eftir um það bil 15 ár þá skiptir Ísland bara um kennitölu og fríar sig allri ábyrgð á þessu þegar Skotarnir átta sig á því að þeir voru hafðir að algjörum fíflum. Það vafðist í það minnsta ekkert fyrir mönnum að skipta um kennitölu bankanna og sýna umheiminum fingurinn góða.

Ég sé fyrir mér Hannes Hólmstein, Helga Áss Grétarsson og Friðrik J. Arngrímsson sem boðorðapostula við að heilaþvo Skotana um ágæti þessa kerfis.

Góðar stundir.

Vill koma innistæðum Skota til bjargar