Nú vantar bara Stulla og félaga.

Það væri réttast að slá stoffu utan um kofann og kippa honum ofan í tjörnina. Stulli og félagar eiga tækin sem þarf í það.

Það hlaut að koma að þessu.

Góðar stundir.

Eggjum kastað í Alþingishúsið

Hvað keypti Glitnir?

Gamlar hálfónýtar innkaupakerrur í Bónus og gömlu sætin sem skipt var út í flugflota FL. Ekki hafa þessir snillingar farið að láta einhver raunveruleg verðmæti af hendi í þessum viðskiptum, það væri andstætt viðskipta og siðareglum þessara manna.

Góðar stundir.

Glitnir keypti hluti í verslanakeðjum af Baugi

Auðvitað skilur fólk þetta mæta vel Halldór!

Fólk er nefnilega ekkert fífl, það skilur mæta vel þegar það á að borga meira þótt það skilji ekki nokkurn skapaðan djöf...... hlut þegar það stendur í kjörklefunum og skýs ykkur ónytjungana ár eftir ár eftir vel heppnaðan heilaþvott vikurnar á undan kosningum.

Eina spurningin sem þú þarft að fá svar við Dóri minn er hvort fólkið sem þú vilt endilega pína meira með þessu skattabrjálæði þínu vilji búa með þér í sveitarfélaginu. Ríkið er með áform um skattahækkanir, sveitarfélögin fylgja eins og hundur í bandi á eftir og vilja meira, en hvað gerir fólkið?

Ég hef trú á því að fólkið sem þú Dóri minn og Geir vinur þinn vilja með öllum tiltækum ráðum pína meira með skattahækkununum, bregði undir sig betri fætinum og yfirgefi deyjandi partíið enda mun betri þynnkumeðul á betra verði í boði hjá nágrannaþjóðum okkar.

Góðar stundir.

Þyngri álögur á íbúa?

Hvað er Steingrímur J. að rífa kjaft?

Sjá hér. Veit Steingrímur J. ekkert af því að menn mega ekkert vera að því að hugsa um svona smotterí? Það þarf að bjarga nokkrum smáatriðum áður en menn fara að hugsa um þetta skitna smáræði sem Steingrímur J. er að reyna að blása upp sem eitthvað stórmál og nefnist eftirlaunafrumvarp.

Það náttúrulega segir sig sjálft að sjálftökuhjörðin verður að fá eitthvað fyrir sinn snúð þegar að starfslokum kemur eftir mjög svo erfiða og ábyrgðarmikla vinnu fyrir okkur almenning. Ekki getum við verið svo miklir hræsnarar að ætlast til þess að sjálftökuhjörðin verði að sæta sultarkjörum í ellinni eins og hver annar sótsvartur kengboginn gjaldþrota þræll?

Nei þannig þegnar erum við hreint ekki, við hugsum vel um sjálftökuhjörðina sem svo sannarlega á allt gott skilið fyrir frábær störf í þágu þjóðarinnar. Að koma okkur aftur á torfkofatímabilið í hvelli er sko ekkert smá afrek og ber að launa ríkulega með í það minnsta fjórföldum meðallaunum torfkofahyskisins sem kann ekkert gott að meta.

Steingrímur J. ætti að skammast sín, aðför að sjálftökuliðinu sem staðið hefur sig svona einstaklega vel að það jaðrar við heimsmet (klárlega heimsmet miða við sauðhausatölu) er smánarlegt skítatrykk örflokksins í vinsældaraukningu á kostnað sjálftökuflokksins.

En þetta er svo sem alþekkt hjá Langanesundrinu, flauta með afturendanum og hugsa svo mörgum vikum seinna ef það er þá yfir höfuð gert.

Góðar stundir.

Hafa þeir ekki efni á

að láta prenta úr uppgjörið? Kreppan fer sannarlega illa með marga, ímeilið mitt er á síðunni og ég á smá blek og nokkur blöð eftir í prentaranum, koma svo sendu mér bara draslið Gummi og ég prenta þetta út for nothing.

Þetta er aumasta afsökun sem ég hef heyrt lengi, hvað þarf að fela núna?

Góðar stundir.

SPRON frestar birtingu uppgjörs

Nýjan gjaldmiðil STRAX. Mynd af nýja gjaldmiðlinum

Það er ekkert svo fráleitt að notast við þennan gjaldmiðil þar sem búið er að dúndra okkur út af landakortinu. Allar helvítis áhyggjur af krónu, evru og dollar verða einfaldlega fyrir einhvern annan.

Greiningardeildir bankanna verða til dæmis rúningsdeildir. Þar getur til dæmis rophænan Edda Rós verið yfirrúningskjella. Henni líkar í það minnsta vel við ullina.

Góðar stundir.

Ný bankaráð skipuð

Skíturinn heldur áfram að birtast og

það virðist enginn endir vera á þessu. Eru menn svo hissa að Bretar séu brjálaðir SJÁ HÉR?

Mín skoðun er sú að menn séu búnir að drulla djöfull stórt og styggja því miður aðeins fleiri en margan grunar.

Góðar stundir.

Geir staðfestir pólska aðstoð

Klæðnaður stjórnar VR á fundum

er væntanlega svona. Við vitum núna hverjum er fórnað á fundum klansins. Því miður þá hef ég ekki enn fengið mynd af búningi yfir foringjans.

Góðar stundir.

Klanið burt

Þjóðernishreinsanir á Íslandi

Í mannkynssögunni má lesa um stórfelldar þjóðernishreinsanir og nánast undantekningalaust er þetta gert í baráttu sem rekin er áfram af græðgi og valdafíkn. Heilu þjóðarbrotin og ættbálkar eru settir á listann sem ekki þykir þóknanlegur samfélaginu. Lagt er af stað og útrýmingin hefst með smávægilegum og lævísum brögðum sem lítt eru áberandi á alþjóðavísu.

Undantekningarlaust enda svo þessar hreinsanir með ógeðfelldu blóðbaði, heilu samfélögin rekin á vergang reynandi með öllum mætti að flýja, einnig eru margir teknir og hnepptir í þrælkun, konur teknar og notaðar sem útrásartæki fyrir vitfirrta brjálæðinga í formi nauðgana og barneigna svo viðhalda megi viðbjóðnum með nýjum og betri genablönduðum brjálæðingum.

Þetta þekkjum við vel og nánast árlega berast fréttir af svona aðförum og nánast undantekningalaust er það blásaklaust fólk sem lendir í þessu. Á Íslandi er þjóðernishreinsun búin að vera við lýði nánast allan þann tíma sem kvótakerfið hefur verið við lýði. Eins og í öðrum ríkjum sem þessa iðju hafa stundað byrjar þetta með smávægilegu og lævísum brögðum, kvótinn er fluttur í skömmtum frá byggðarlögunum þangað til að ekkert er eftir og fólkið situr eftir skuldum vafið í verðlausum eignum.

Gjaldþrota kengbeygðir þegnarnir steinhalda kjafti í skömm sem þeir áttu engan þátt í vonandi að í næstu viku komi betri tíð eftir loforðaræður þeirra sem hreinsuninni standa fyrir. Nú ber svo við nýjan tón í þessum hreinsunum, við getum notað þetta í fleirtölu og talað um þjóðernishreinsanir. Hér búa fleiri en bara Íslendingar, við höfum hin ýmsu þjóðarbrot sem hafa reynst þessu landi frábærlega vel í flestum tilfellum og unnið fyrir okkur þau störf sem landinn telur fyrir neðan sína virðingu svo sem fiskvinnslu og ræstingar svo eitthvað sé nefnt.

Erlent vinnuafl er lagt á stað í stórflótta frá landinu og fátt virðist geta komið í veg fyrir stórkostulegan landflótta Íslendinga frá landinu. Og ástæðan er í sjálfum sér ekkert svo flókin, vaxtastefna stjórnvalda er af þeim toga að nánast ekkert lifir af sama hvort talað er um einstaklinga eða fyrirtæki, verðbólga og verðtrygging lána sér svo um að fullkomna verkið.

Hvor þessu á svo eftir að fylgja blóðbað er ekki gott að segja, en einlægur vilji stjórnarinnar er fyrir því að stofnaður verði einkaher sem verja á auðvaldsstefnuna og græðgiguttana sem henni stjórna. Það er alþekkt í ríkjum sem þjóðernishreinsanir stunda að halda uppi einkaher sem sér um að verja sig og sína nánustu fyrir æstum almúganum, sem í sakleysi sínu vil fá þann sjálfsagða og stjórnarskrárvarinn rétt sinn sem er að lifa sómasamlegu og friðsælu lífi í landinu sem það var svo stolt af.

Nú mætti spyrja sig hvernig Björn hershöfðingi hefur hugsað sér að beita einkahernum. Sjáum við til dæmis fyrirmynd Austur - Þýskalands sáluga, þar voru þegnarnir skotnir á færi í sakleysislegri viðleitni sinn fyrir betra lífi með því að reyna flótta yfir landamæragirðinga og vegginn fræga. Stórskotalið Björns við Leifsstöð, á öllum bryggjum og flugvöllum landsins er ekki heillandi framtíðarsýn þeirra sem flóttann velja fyrir betra lífi.

Góðar stundir.

VG krefst afnáms eftirlaunalaga

Verkalýðsforustan er ekki fyrir verkafólk

Það undirstrikar Gunnar Páll duglega með gjörðum sínum. Verkalýðsforustan hefur fyrir löngu síðan steingleymt hlutverki sínu og lætur það yfir sig ganga að lámarkslaun á Íslandi séu undir hungurmörkum.

Eina sem gæti komið verkalýðsforustunni aftur inn í raunveruleika almennings er að þeir sæti sömu kjörum og lægstu launataxtar umbjóðendur þeirra segja til um. Hvað réttlætir það að þessi forusta skuli vera stríðalin á velmegunarlaunum þegar þeir standa sig ekki betur og verða síðan uppvísir að svona gjörningum eins og Gunnar Páll.

Ég leyfi mér að efast um heilindi þessara manna/kvenna þegar kemur að kjarasamningum fyrir almúgann sem þeir eiga greinilega ekki í neinum vandræðum með að taka í ósmurðan afturendann í skjóli myrkurs og reykfylltum bakherbergjum í þágu græðgi auðvaldsins.

Árangurstengja launin hjá verkalýðsforustunni og þeir eiga aldrei að hafa meira en þeir lægst launuðu, það er krafa dagsins í dag.

Er hægt að kalla Gunnar Pál þjóf í þágu gráðugra auðmanna? Ef svarið er á einhvern hátt jákvætt þá á að reka hann samstundis úr öllum ábyrgðarstöðum og störfum hjá VR.

Góðar stundir.

Nýtur trausts stjórnar VR