Þvílík snilld, svona kappa á að steypa í mót

Það tók þessa gaura ekki langan tíma að hreinsa til og skilja eftir sig sviðna jörð. Hvernig skildi þetta svo enda, með veðköllum hjá þeim sem áttu að fá greiðslur út úr félaginu þegar því verður slitið? Réttast væri að þeir sem fóru þarna um og rændu fólkið eigum sínum yrðu skikkaðir til að borga til baka það sem til var í upphafi. Það bað að ég held enginn um þetta gambl.

Góðar stundir.

Gift að gefast upp?

Ég hengi helvítis kvikindið upp á eystunum

ef hann borgar ekki, svona gætu innheimtuaðgerðir Rússa komið til með að hljóma í framtíðinni. Rússar eru frægir fyrir það að skafa ekkert utan af hlutunum, það er ekkert langt síðan eitt villidýrið í Rússneska þinginu vildi gera Ísland að þrælanýlendu. Bara svo það sé á hreinu þá þarf ekki aðstoð Rússa við það, Líú og ríkisstjórnin sáu um það í sameiningu án aðstoðar úr austri...

En aftur að fyrirsögninni, það er hreint ekki ólíklegt að svona gætu tölvupóstar og innheimtubréf frá Rússum hljómað til Árna Matt fjármálaráðherra ef væntanlegt lán Rússa til Íslendinga fer yfir á gjalddaga. Kveikja að þessum hugleiðingum er frétt á visir.is...

Góður punktur úr þessari frétt. 

"-Ég hengi Saakashvili upp á eistunum.

-Hengir hann ?

-Hví ekki? Ameríkanar hengdu Saddam Hussein.

-Já, en vilt þú vera eins og Bush forset?

Hér þagði Putin nokkra stund áður en hann svaraði;

-Já, það er góður punktur hjá þér.

Svona eru semsagt heimsmálin afgreidd þegar leiðtogarnir talast við"...

Nú er bara spurningin, á Árni Matt sér einhvern velvilja velgjörðarmann sem tekur hans málstað og reddar þar með sláturpokum Árna frá alþjóðlegri niðurlægingu?

Góðar stundir.

 

Ný greiðslujöfnunarvísitala tekin upp

Erlendir lánadrottnar eiga Íslenskan sjávarútveg

eins og hann leggur sig. Skuldir sjávarútvegsins eru risavaxnar og hef ég margoft bent á þessa staðreynd. Skuldirnar eru í raun svo miklar að það er vandséð hvernig hægt að borga þær, ef það er þá hægt. Í þættinum Reykjavík síðdegis á Bylgjunni í gær var talað við Friðrik J. Líú forkólf og Grétar Mar þingmann Frjálslynda flokksins um stöðuna.

Skemmst er frá því að segja að Friðrik J. datt í sama gamla gírinn og blaðraði um hagræðingu, vel rekinn sjávarútveg og arðsemi. Ekki svaraði Friðrik J. efnislega þeirri spurningu um hver skuldastaðan væri og hreinlega þóttist ekkert vita um það. Það verður að teljast í hæsta máta óeðlilegt að Friðrik J. segi það blákalt við þjóðina að hann viti ekkert um málið réttum sólahring eftir að Líú sat á neyðarfundi með ríkisstjórninni um stöðu sjávarútvegsins. Á viðtalið má hlusta hér ,það byrjar þegar nákvæmlega einn og hálfur tími er liðinn af þættinum. Auðvitað svarað Friðrik J. bara því sem sem honum þótt hljóma best samber fyrstu spurninguna sem hann fékk fá hlustendum. Ekki þótti Friðrik J. nein ástæða til að upplýsa fólk um að skuldirnar hafa ekki gert neitt annað en aukast frá árinu 1992.

Það vil svo merkilega til að frjálsa framsalið og veðsetning aflaheimilda var leyfð á þessum tíma.

Reyndar hélt Grétar Mar því fram að fundurinn hefði verið með Samfylkingunni sem er enn pínlegra fyrir Friðrik J. Umræddur Friðrik J. situr í sjávarútvegsnefnd sjálfstæðisflokksins á landsþingum flokksins og nýtur þar stuðnings Arnars Sigmundssonar. Er flokkur Friðriks J. og Arnars Sigmundssonar búinn að snúa við þeim bakinu og sýna þeim fingurinn góða?

Í dag mætir svo Friðrik J. í viðtal við síðdegisútvarp rásar 2 og lýsir því yfir að staðan sé þannig að erlendir lánadrottnar geti eignast íslenskan sjávarútveg hlusta má á það hér, þetta þýðir á einföldu mannamáli sjávarútvegurinn er gjaldþrota. Spurningar dagsins eru, hvað ætla menn að ganga langt áður en þessi hrikalega staðreynd verður viðurkennd? Er í alvörunni verið að bíða eftir endanlegu hruni og við missum forræðið yfir sjávarauðlindinni til erlendra aðila? Og að lokum, er þetta ekki það sem kallað er á fagmáli að hagræða sér á hausinn?

Ríkið á að innkalla allar aflaheimildir strax og setja skuldirnar í sérstakan sjóð sem borgaðar verða með auðlindagjaldi á X mörgum árum. Hluti auðlindagjaldsins á skilyrðislaust að ganga til sveitarfélaganna þar sem aflanum er landað.

Góðar stundir.

Viðræður á viðkvæmu stigi

Fólk byrjað að ryðjast inn í bankana og

taka innanstokksmuni upp í tapaðar innistæður. Er þetta það sem koma skal sjá hér?

Góðar stundir.

Staðan er grafalvarleg

Jæja, vitleysunni verður flest að vopni

Hver var upphaflegi tilgangurinn með kvótakerfinu? Vað tilgangurinn í alvöru sá þjappa aflaheimildunum saman á svo fáa að nauðsynlegt sé að rýmka heimildir til geymslu á milli ára? Var tilgangurinn sá að ræna sjávarbyggðirnar viðurværi sínu? Var tilgangurinn sá að hneppa menn í ævarandi þrældóm kengbeygða í leiguþrælkun græðginnar?

Er ekki einmitt á tímum sem þessum full ástæða til að setja geymsluréttinn á 0 frekar en hækka hann? Það í það minnsta hvetur menn frekar til veiða en sitja heima.

Eitthvað eru menn komnir óravegu frá upphaflega tilganginum, nema það hafi hreinlega alltaf verið tilgangurinn að ganga svona um sameign þjóðarinnar. Það er að segja hneppa íbúana í þrælkun og ræna það lögvarði eign sinni með hjálp mis vandaðra stjórnmálamanna. Bara svo það sé á hreinu þá kemur hér fyrsta grein laga um stjórn fiskveiða, fólk getur svo borið þetta saman við árangurinn af þessu kerfi sem við höfum.

I. kafli. Almenn ákvæði.
1. gr. Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum.

Góðar stundir.

Mega geyma þriðjung kvótans milli ára

Hafnaði brottkasti og varði málstað

sinn með hnífi. Eins og kemur fram í fréttinni þá var maðurinn ölvaður, það er ekkert skrítið það er varla komandi nálægt þessu lengur bláedrú.

Þetta finnst mér mun líklegra en það að karlræfillinn hafi verðið eitthvað ósáttur við brottfaratímann. Brottkast fer illa með alla nema þá sem fyrirskipa það.

Góðar stundir.

Ógnaði skipverjum með hnífi

Það er fásinna að halda því fram

að stunda sé brottkast hjá útgerðum sem skráðar eru í samtök Líú. Það sér það hvert mannsbarn að þetta getur ekki staðist. Friðrik J. Arngrímsson talsmaður Líú og flokksfélagi hans, æi þið vitið alveg hvern ég er að tala um, þennan sem setti Bolungarvík nánast á hausinn á sínum tíma halda því fram að það séu bara kvótalausir trillukarlar sem stunda brottkast.

Brottkast í besta og fullkomnasta fiskveiðistjórnunarkerfi í heimi, er fólk ekki með öllu mjalla það getur bara alls ekki staðist. Spyrjið bara Friðrik J, gjaldþrota bolvíkinginn og Gestapó foringjann á Fiskistofu. Vitið til svörin verða eitthvað á þá leið að trillukarlarnir séu stórhættulegir og einu ábyrgu aðilarnir í sjávarútvegi eru félagsmenn LÍÚ, ef þeir þá á annað borð svara þessir andsk..... hrokagikkir.

Góðar stundir.

Nýta mætti verðmætin mun betur

Pjúff þá geta allir andað léttar, Hannes

Smárason gerði akkúrat ekkert af sér. Hann sagði það og mbl.is birti það, þá getur það ekki annað en verið satt...

En hvað er annars að frétta, eru ekki allir glaðir? Chelsea vann í dag eitthvað áhugamannalið sem ég man ekkert hvað heitir enda vil enginn vita hvað sá heitir sem tapar... Til lukku Chelsea aðdáendur.

Ég var eitthvað að dunda á efri hæðinni í dag, sumir höfðu enga trú á því að þetta kláraðist en ég vissi betur og frúin getur vökvað sundfitin í fyrramálið...

Góðar stundir.

Hannes vísar ásökunum á bug

Það er kominn Sunnudagur með nýjar væntingar

og góða skapið á skilyrðislaust að taka völdin. Lesið þetta og gleðjist með mér.

Íslensk hjón röltu inn á á  málverkasýningu í Nútímalistasafninu í
Glasgow. Þau staðnæmdust við eitt  málverkanna sem þau botnuðu ekkert í.
Verkið sýndi 3 kolsvarta og kviknakta  karlmenn sitjandi á bekk í
almenningsgarði. Það sem vakti mesta undrun þeirra  var að svarti
maðurinn í miðið var með skærbleikt tippi en hin tvö voru  svört.

Safnvörður veitti hjónunum athygli og gerði sér grein fyrir því að  þau
voru að velta fyrir sér merkingu verksins. Hann hélt  nærri
korters fyrirlestur um hvernig verkið endurspeglaði ofuráherslu á  hinn
kynferðislega þátt í lífi og umhverfi svarta kynstofnsins í  hvítu
samfélagi. Og bætti því við að ,,sá bleiki” væri jafnframt vísbending um
sérstöðu hommans á meðal karlmanna.

Þegar safnvörðurinn hafði lokið  tölunni og snúið sér að  öðrum
sýningargestum gaf sig skoskur  maður á tal við hjónin og spurði hvort
þau vildu vita hvað þetta verk  táknaði? Þau spurðu hvers vegna hann ætti
að geta skýrt það betur en safnvörðurinn?

Vegna þess að ég er höfundur verksins, sagði hann. Í raun og veru eru þetta ekki svertingjar, þetta eru einfaldlega 3 skoskir  kolanámumenn.
Eini munurinn á þeim er sá að þessi í miðjunni skrapp heim
matartímanum!

Hafsteinn bloggvinur minn sendi mér þennan, takk félagi og góða helgi.

Góðar stundir.

Segja að eignir hafi verið umfram skuldir

Nú verða stjórnvöld að gjöra svo vel

og kippa hausnum út úr rassgatinu og fara að vinna hraðar. Hárnákvæmar upplýsingar til almennings á mannamáli og virkja þingið. Það getur ekki gengið áfram þetta pukur og leynd sem yfir öllu hvílir. Pólitískar hugsanir á að leggja til hliðar, þessi 63 steinhjörtu sem á alþingi eru á skilyrðislaust að virkja til vinnu.

Við búum ekki á einangraðri eyðieyju sambandslaus við umheiminn. Allt sem ráðamenn segja og gera er samstundis komið í fjölmiðla erlendis og þá segir sig sjálft að gáleysislegt gaspur ráðamanna eins og enginn sé morgundagurinn gengur ekki upp sem því miður hefur verði of mikið af. Þessir stressboltar verða að gjöra svo vel að ráða sér fjölmiðlafulltrúa sem talar af yfirvegun og nákvæmni, eitthvað sem ráðamenn því miður ekki kunna.

Landið er á barmi gjaldþrots og borgarastyrjaldar, sorglegt en því miður ekki fjarri lagi. Til að bjarga því sem bjargað verður hér eftir þá verða stjórnvöld að tala af hreinskilni við þegna sína. Það má til dæmis gera eins og áður var sagt. Það spara talsverðan tíma sem nýta má til góðra verka.

Góðar stundir.

Greint frá mótmælunum erlendis