Og það er búið að mata almenning

á því að heimsmarkaðsverð á fiski hafi í raun hækkað. Allt var það haugalygi í skjóli hruns á krónunni, alkunnar blekkinga Líú um allt góðærið, hagkvæmnina, arðsemina og vel rekinn sjávarútveg fljóta upp á yfirborðið að lokum. Eðli alls sem er orðið nógu rotið flýtur upp að lokum sama hversu vel menn múla hræðið niður.

Eitthvað eru menn feimnir við að tala um þá markaði sem hafa lokast og dýrari fiskinum hreinlega hent út samber þorskinn. Það er einnig farið með það eins og skotheldustu bankaleynd byrðarnar sem hlaðast upp og menn ná ekki að selja, hvað veldur?

Ég get reynt að varpa ljósi á einn part af vandamálinu. Hugarfarlega helsjúk verðlagning á aflaheimildum og leigu kvóta á stóran þátt í þessu, vegna gríðarlegra skuldsetningar verður krafa sjálfvirk um verðmyndun á markaði sem á sér í raun fáar eða jafnvel enga hliðstæðu sem aftur leiðir af sér sjálfvirka eyðingu á markaði.

Fólk hættir aldrei að borða en það leitar í ódýrari vöru um leið og þrengir að, það segir sig sjálft hvað verður á matardiskum almennings á krepputímum. Þar verður ekki að finna rándýran þorsk og fáránlega dýra ýsu það ættu flestir að skilja.

Góðar stundir.

Fréttaskýring: Hamfarir á hrávörumörkuðum hafa áhrif hér

Feluleikurinn heldur áfram

og nú í boði stjórnvalda. Það verður að teljast í hæstalagi óeðlilegt að ríkisbankarnir skuli standa í vegi fyrir rannsókn á því sem búið er að gera og koma landinu nánast á hausinn.

Björgvin bankamálaráðherra getur ekki smurt þessu upp á samskiptaleysi við Seðlabankann. Er nema von að almenningur telji hvítþvott og gagnaeyðingar stundaðar myrkranna á milli í bönkunum?

Eru menn í alvörunni að bíða eftir allsherjar uppreisn með afleiðingum sem einungis þekkjast í fornum Íslendingasögum?

Góðar stundir.

Fær ekki gögn um dótturfélög bankanna í Lúxemborg

Þurfum við að hafa áhyggjur af þessu?

Spyr sá sem ekki veit. Mitt hlutverk hefur snúist um að finna þessi kvikindi og drepa með nokkuð góðum árangri. Nú mega menntaspenarnir greina þetta með allri sinni visku og ef niðurstaðan reynist vera yfirvofandi hætta þá kemur til kasta þekking og viska sjómannsins við veiðar áður en allt hrynur engum til gagns.

Góðar stundir.

Ýsa greindist með sömu sýki og síld

Mikið óskaplega geturðu talað mikið !!!

Er nema vona að Sigmundur Ernir hafi misst þetta út úr sér í þættinum Mannamál í gærkvöldi sjá hér. Á móti honum sat einn almesti blaðrari sem um getur í Íslandssögunni og hann fipaðist nákvæmlega ekkert við þessa baneitruðu athugasemd þáttastjórnanda.

Össur Skarphéðinsson heitir maðurinn, ekki hefði mér brugðið þótt Össur hefði kafna í miðju viðtali. Ákafinn var svo mikill við það eitt að blaðra og blaðra um ekki neitt að hann nánast gleymdi því mikilvæga atriði að súrefni væri eitthvað sem er okkur bráðnauðsynlegt til að lifa.

Hvernig það er hægt að blaðra stanslaust um lítið sem ekki neitt án þess að draga andann í hálftíma er mér hulin ráðgáta. Össur hefur eitthvað misskilið slæðudrottninguna og samræðupólitíkina sem hún boðaði, mér vitanlega þá átti sú hugmyndafræði ekki að ganga út á eintal eins manns blaðrandi á við heila herdeild.

Össur er einstakur hann blaðraði á við heila herdeild á mettíma, geri aðrir betur. Spurning hvort samfylkingin hafi eitthvað að gera við hin dauðyflin í flokknum Össur fer létt með að blaðra fyrir þau öll á met tíma um ekki neitt. En það er nákvæmlega það sem samfylkingin stendur fyrir, akkúrat ekki neitt.

Góðar stundir.

 

Önnur hringekja ekki ósvipuð FL ævintýrinu

Þeir slá ekkert af þessir gaurar, mikið eru Íslendinga lánsamir að eiga svona duglega stráka. Skyldu þessir bræður vinna til kl 10 á kvöldin eins og allir hinir útrásagaurarnir? Það var jú sögð á sínum tíma megin ástæðan fyrir frábærum árangri.

Já útlendingar er hauglatt drullupakk sem nennir ekki að mæta í vinnu fyrr en eftir hádegi og lufsast þar svo til hálf fimm. Íslensku útrásarvíkingarnir eru ekkert fyrir svoleiðis drulludútl, unnið skal frá 5 að morgni til 10 á kvöldin og heimurinn tekinn steinsofandi í bólinu.

Dugnaðurinn hefur gengið svo langt að vandséð er hvernig við komum til með að höndla árangurinn næstu áratugina.

Ég veit ekki af hverju en mér verður óneitanlega hugsað til FL ævintýrisins.

Eru ekki til lyf við þessu rugli?

Góðar stundir.

Bakkabræður taka yfir Exista

Þökkum fyrir að eiga Samherja

Já Akureyringar geta svo sannarlega þakkað fyrir að Samherjafrændurnir séu svona mikil gæða blóð að þeir hreinlega geta ekki á sér heilum tekið nema fá að borga fyrir íþróttaæfingar og ferðalög barna og unglinga á svæðinu.

Já eitthvað hefur breyst töluvert í öllu fasi og aðgerðum Þorsteins, það er ekki langt síðan að sami maður sat sem einn af toppunum í Glitnir og rændi almenning sparifé sínu og í nokkrum tilfellum strípuðu almenna hluthafa í hinum ýmsu félögum.

Eigum við von á 50 millum mánaðarlega frá Þorsteini Má til samfélagsins, það mætti lýta á það sem endurgreiðslu að hluta til á því sem rænt var. En ef við ættum að tala um sameign þjóðarinnar sem þeir frændur hafa vélað undir sig á kostnað litlu sjávarþorpanna þá mættu þeir borga 50 millur mánaðarlega í helvíti mörg ár.

Það er sagt að kúkur og skítur séu nátengdir og helvíti líkir, já eiginlega eins og eineggja tvíburar. Samherji gefur fé í íþróttastarf barna og unglinga, Líú mokar styrkjum í háskólasamfélögin. Þið verðið að fyrirgefa mér en ég get ekki orða bundist og nefnt þetta hámark hræsninnar. 

Góðar stundir.

50 milljónir til samfélagsmála

Það er sjötti desember og árið er 1962

Hvað klukkan var hef ég ekki hugmynd um enda spurði ég ekkert að því þegar ég datt út úr hlýja hellinum sem ég var í. Já það var skítkalt og einhver bláókunn kona hélt á mér, hvað átti ég að gera annað en mótmæla duglega með háværum öskrum sem fengið hefði sjálfan Tarsan til að athuga hvort hann væri örugglega karlkyns?...

Eina sem ég hafði áhuga á var mjólkurstöðin sem lá marflöt, kófsveitt og úrvinda úr þreytu upp í mjög skrýtnu rúmi eftir að hafa fætt þennan öskurapa sem ljósmóðirin hélt á. Þarna byrjaði það sem ég hef oft sagt að sé konum að kenna, sérstakt dálæti á þessum yndislega líkamsparti kvenna, brjóstunum...

Já gott fólk þennan dag sjötta desember 1962 fæddist ég og svo vægt sé til orða tekið þá hafa þessi 46 ár sem ég hef lifað verið mjög fjölbreytt. Sum mjög góð og sum ekki alveg eins góð en á heildina litið myndi ég ekki vilja breyta miklu ef ég ætti kost á því...

Ég hef átt því láni að fagna að hafa eignast marga mjög góða vini, unnið til margra ára þá vinnu sem mér þótti afar skemmtileg og krefjandi. Hitt marga mjög athygliverðar persónur, einn er sá maður sem ég hitti fyrir mörgum árum og því mun ég sennilega aldrei gleyma...

Kristján Eldjárn hét maðurinn og var hann þriðji forseti Íslenska lýðveldisins. Í apríl 1974 varð ég þess heiðurs aðnjótandi að fá heimsóknarboð til Bessastaða og þar hitti ég að sjálfsögðu þennan merka mann sem ég hef alla tíð borði mikla virðingu fyrir. Það vil svo skemmtilega til að ég og Kristján heitinn Eldjárn eigum (áttum) sama afmælisdag og það eru hreint ekki allir sem upplifa það að flaggað sé á afmælisdegi þeirra, en það var alltaf gert í forsetatíð Kristjáns... Blessuð sé minning hans. Þeir sem áhuga hafa geta lesið sér aðeins til um þennan einstaka mann hér. 

Hvernig það atvikaðist að ég fékk þetta heimsóknarboð til Bessastaða er svo aftur efni í heila ritgerð sem verður ekki skrifuð í þessari færslu og aldeilis óvíst að ég komi nokkurn tímann til með að upplýsa það... Ég ber við persónuvernd, bankaleynd og öllu tiltæku sem í boði er.

Eygið góðan dag vonandi fæ ég afmælisgjöf frá klúbbnum mínum sem gleður en þeir eiga eins og allir vita leik á móti Blackburn í dag.

Góðar stundir.

 

Það á að hætta þessu rugli

og setja á 300 þúsund tonna jafnstöðuafla í Þorskveiðum strax í þrjú ár. Að þremur árum liðnum má svo endurskoða árangurinn. Það hefur sýnt sig allt frá því að kvótakerfið var sett á þá hafa allar tilraunir við að byggja upp þorskstofninn með sífellt meiri friðun brugðist algjörlega.

Norðmenn og Rússar neituð algjörlega að skera niður veiðar í 110 þúsund tonn eins og Alþjóðahafrannsóknarráðið krafðist árið 2000 annars myndi stofninn hrynja. Í dag er veitt yfir 500 þúsund tonn í Barentshafi. Klikkið á myndina til hægri þá stækkar hún.

Hvað gerðu Norðmenn og Rússar til að ná þessum árangri sem gekk þvert á kenningu vísindamanna sem sjá ekkert annað en niðurskurð til að ná árangir? Þótt sumir vilja slá sér til riddara og flokka Rússa sem eintómar fyllibyttur og þriðja flokks fólk sem hefur ekki hugmynd um nokkurn skapaðan hlut nema í hvað átt er best að skrúfa tappann á Vodka flöskunni, þá eiga þeir í það minnsta það fram yfir vitringana á Hafró og steingelda ráðamenn þessa lands að neðansjávarbúskap kunna þeir margfalt betur.

Norðmenn fylgja að sjálfsögðu með því þeir átta sig á því að stofninn þarf að grisja og annað mjög mikilvægt atriði sem þessar tvær þjóðir eiga sameiginlegt, þeir einfaldlega vita að fiskurinn þarf eitthvað að éta og bönnuðu þess vegna allar loðnuveiðar í Barentshafi.

Ég held að menn mættu taka til í eigin hroka og viðurkenna vanmátt sinn og fylgja því eftir sem best hefur verið gert á þessu sviði. Eða eru menn enn á því að það sem fyrrverandi forstjóri Hafró Jakob Jakobsson sagði? "Við Nýfundnaland er stundu ábyrgasta fiskveiðistjórnun í öllu Norður- Atlandshafi og eftir því sem austar dregur versnar hún og verst er hún í Barentshafi sem mun leiða til algjörs hrun á þorskveiðum"

Dásamleg yfirlýsing sem eins og flestir vita hefur farið á allt annan veg, er enginn farinn að efast um hæfni þessara vísinda? Það má vel vera að sumt sé gott sem þetta vitringasamfélag gerir en guð forði okkur frá frekari spámennsku um hvernig best sé að byggja upp og fjölga þorskum við Ísland þegar menn átta sig alls ekki á því að kvikindin þurfa að borða eitthvað. Þegar menn sjá ekki einu sinni þennan mikilvæga þátt hvernig getur þá restin af spekinni gengið upp?

Hvað á lengi að þverskallast við í afneitun? Hvað er svona sárt við að viðurkenna það að kvótakerfið og aðferðarfræði Hafró hefur brotlent ekki ósvipað og hugmyndafræði útrásarvíkinganna brotlenti með hroðalegum afleiðingum? Menn væru meiri fyrir vikið og þá fyrst gæti hafist raunveruleg samvinna á milli sjómanna og vísindasamfélagsins.

Sjómenn eru ekki bara sjómenn eða algjör fífl sem blaðra ábyrgðarlaust um dulheima hafdjúpanna, við höfum yfir að ráða einstakri sérþekkingu á því hvernig þetta stórbrotna samfélag hafdjúpanna virkar. Þrátt fyrir okkar sérþekkingu þá er þetta einstaka samfélag stöðugt að koma á óvart með margbreytileika sínum og mætti segja að menn séu í stöðugu námi allt árið með frábærum árangi sem árangur veiðanna eru besti prófdómarinn um hvernig námið tókst.

Fólkið sem búið er að ræna viðurværi sínu í sjávarþorpum landsins hafa fengið að kenna duglega á þessari brotlendingu kvótakerfisins og aðferðarfræðinni sem galgoparnir á Hafró hafa viðhaft í náttúruverndarstefnu sinni. Landsbyggðin fékk þessa brotlendingu í hausinn löngu áður en einhverju stjörnuljósinu hugkvæmdist orðatiltækið KREPPA.

Góðar stundir.

Aukið verði við þorskkvótann og útsendingar útvarps verði ekki skertar

Ókeypis hjálp íhaldsins í baráttu

við eigin skítverk. Þetta vil ég kalla hina fullkomnu hringavitleysu. Íhaldi stútar öllu sem hægt er að stúta í þjóðfélaginu og sendir síðan kvennasveit sína í hjálpar og björgunaraðgerðir...

Það er magnað þetta íhald, meira að segja Hitler hafði ekki hugmyndaflug í svona dellu. Aldrei hefði honum dottið til hugar að sýna gyðingum þá hræsni að þykjast ætla að hjúkra þeim eftir hroðalegustu meðferð sem um getur í mannkynssögunni á einum kynstofni í fangabúðunum....

Íhaldið bætir um betur og með ótrúlegri hræsni býðst það til að hjúkra helsjúkum eftir eigin útrýmingarstefnu...

Góðar stundir.

Ókeypis ráðgjöf vegna efnahagsástandsins

Skipstjórar HB Granda á ofskynjunarlyfjum

Hvað annað getur mann dottið í hug, Hafró er búin að kveða upp sinn dóm um þorskinn og það er hinn eini sanni stórisannleikur, allt annað er ábyrgðarlaust blaður. Hafró fann það út að einungis væri til 650 þúsund tonn af þorski á Íslandsmiðum í hárnákvæmu og viðarmiklu togararalli í vor.

Eru menn virkilega enn í þeirri afneitun að rengja þetta hárnákvæma rall sem nær hreinlega yfir 0,14% af hafsvæðinu frá fjörumarki og niður á 500 metra dýpi. Þetta dýpi sem þessi snardópaði skipstjóri HB Granda er að tala um eru 550 til 640 metrar. Sem sagt langt utan við þessa prósentutölu sem áður er nefnd.

Ef heldur sem horfir þá má ljóst vera að dugleg endurskoðun er bráðnauðsynleg á innihaldi lyfjakista um borð í skipum HB Granda. Það gengur ekki upp að menn sem hafa fjölda mannslífa á sinni ábyrgð hafi óheftan aðgang að allskonar ólyfjan sem hefur þá hrikalegu aukaverkan að þeir sjái þorsk um allan sjó sem er ekki einu sinni til og lesi í ofaná lag snarvitlaust út úr dýptarmælunum.

Já nú er bleik brugðið, óhemju góð línu og netaveiði á þorski undanfarin ár er einnig ofskynjun, þannig má ljóst vera að skipstjórnarmenn á Íslenska flotanum eru dóphausar með alvarleg ofskynjunarvandamál sem ekkert er að marka frekar en hauslausa hænu sem tjáir sig með rassgatinu.

Góðar stundir.

Þorskur í ætisleit úti um allt