Talandi um púðurskot.......

Þá er þetta það geggjast sem ég hef séð ennþá.

Kv. Halli

Lífríkið lætur ekki stærðfræðingana plata sig

 Viðtal úr dagblaðinu DEGI 31. Október 1998:

                                         Spádómurinn sem rættist

Eftirfarandi viðtal birtist í dagblaðinu Degi þann 31. október 1998. Þarna var á ferðinni spá sem átti eftir að rætast. Stuttu seinna var farið að minnka kvótana vegna samdráttar í stofni og þá var sett í gang heljarmikið leikrit. Sagt var að stofnarnir hefðu verið vanmetnir 1997 og 1998, þeir hefðu ekki verið eins stórir eins og haldið var þá - bókhaldinu var breytt eftir á. Var af þessu mikil rekistefna sem endaði með "Fyrirspurnarþingi" að frumkvæði sjávarútvegsráðherra. Það var í reynd einnig leikrit því þar hvítþvoði Hafró sig eina ferðina enn og vísaði á bug allri málefnalegri gagnrýni.

Þorskstofninn fer nú vaxandi en mun fara minnkandi aftur upp úr aldamótunum því við höfum ekki fiskiskipaflota til að veiða úr honum það sem þarf til að koma í veg fyrir hrun, segir Jón Kristjánsson fiskifræðingur.
"Samkvæmt reynslunni mun þorskstofninn á Íslandsmiðum fara að minnka og vera í lægð árið 2000 eða 2004 " sagði Jón Kristjánsson fiskifræðingur í samtali við Dag eftir fund um þetta mál í gær. Og hann hélt áfram:

"Mínar niðurstöður af gögnum frá Færeyjamiðum sýna að þegar þorskstofninn hefur náð ákveðinni stærð dregur bæði úr vexti hans og nýliðun og hann tekur að minnka. Þetta gerist vegna þess að þegar hann er í hámarki er ekki nóg æti fyrir þetta mikla magn í hafinu. Því benda allar líkur til þess að stofninn hér við land taki að minnka upp úr aldamótunum. Og ef við aukum ekki veiðar úr stofninum aukast líkurnar á þessu. Ég tel raunar alveg óvíst að við getum stjórnað þessu með veiðum því ég efast um að við höfum afl, fiskiskipaflota, til að veiða það sem þarf til að koma í veg fyrir að þorskstofninn taki enn eina dýfuna niður á við. Staðreyndir sýna okkur að þeim mun meira sem miðin eru friðuð þeim mun dýpri verða dýfurnar hjá þorskstofninum," sagði Jón Kristjánsson. Jón Kristjánsson og Kristinn H. Pétursson, fiskverkandi og fyrrverandi alþingismaður frá Bakkafirði, voru frummælendur á fundi sem útflutningsráð Samtaka verslunarinnar og Félag íslenskra stórkaupmanna efndu til í gær. Jón Kristjánsson skýrði þá frá niðurstöðum á rannsóknum sínum á gögnum frá Færeyjamiðum sem hann hefur verið að vinna að. Jón sagði að mönnum beri ekki saman um ástæður hinna miklu sveiflna í fiskistofnum. Hann sagðist hafa sett fram nýja kenningu eftir að hafa lesið hina athyglisverðu skýrslu um þorskstofninn við Færeyjar.
Keðjuverkun

Kenning Jóns Kristjánssonar er sú, í fáum orðum, að þegar þorskstofninn er mjög stór og veiðar eru takmarkaðar er ekki nóg æti fyrir fiskinn í sjónum. Þá tekur stofninn að minnka. Sömuleiðis dregur stórlega úr vaxtarhraða fisksins vegna þess að ætið er ekki nóg. Hann segir ástandið í hafinu endurspeglast í vaxtarhraða fisksins. Nýliðun helst í hendur við þetta. Þegar stofninn hefur minnkað og fæðumagnið hjá honum eykst verður nýliðun mun meiri, vaxtarhraðinn eykst uns aftur er toppi náð og stofnminnkun hefst á ný. Niðurstaða hans er sú að þegar stofninn er stór verða skilyrði í hafinu slæm vegna fæðuskorts og það er ekkert pláss fyrir ungviðið. Þegar stofninn er lítill verða skilyrðin góð, nýliðun heppnast vel og vöxturinn eykst. Sömuleiðis hrygnir þorskurinn miklu fyrr og er smár við slæm skilyrði og getur þá drepist. Við góð skilyrði og mikinn vöxt bíður fiskurinn með hrygningu þar til hann er orðinn stærri og lifir þá af.

                       Grisjunarkenningin

Þegar vöxtur þorsks er góður og allt stefnir í stóran stofn eigum við að hjálpa honum við að takmarka stofnstærðina með veiðum þannig að stofninn verði ekki svo stór að um algert hrun verði að ræða. Ef til vill eru sveiflurnar núna (við Færeyjar) svona djúpar vegna veiðitakmarkana. Nú er þorskstofninn á Íslandsmiðum á uppleið eftir mikla lægð. Menn segjast hafa verið að byggja hann upp og ætla að gera það áfram. Samkvæmt fyrri reynslu eru allar líkur á að stofninn fari snöggt niður á við upp úr aldamótunum, þá við höfum ekki afl til að veiða það sem þarf úr honum til að koma í veg fyrir hrun," sagði Jón Kristjánsson.

Heimildir: http://www.fiski.com/

 

Farið í gegnum sögu og árangur kvótakerfisins.

Næstu daga mun ég birta á síðunni minni ýmsar greinar um sögu og árangur besta fiskveiðistjórnunarkerfis í heimi. Einnig kemur þar fram hvernig stjórnvöld og Hafró hafa margsinnis hunsað alla málefnalega gagnrýni og troðið hausnum undir stein og sótt sér huggum til Alþjóðafiskveiðiráðsins og erlenda fræðinga. Einhvern veginn finnst mér nauðsynlegt að þessar greinar séu birtar aftur, þannig að menn geti séð hvað var sagt og hver árangurinn í raun er.

Svona í tilefni helgarinnar.....

væri ekki úr vegi fyrir umferðaráð að sína SVONA myndband í sjónvarpi. Ekki veitir af að skerpa á áróðrinum um hraðakstur. Góða helgi.

kv. Halli.

Helsjúkir vígamenn.

Alveg er þetta dæmigert fyrir kanann. Þeir sjá andskotann í öllum hornum, þeir ættu að líta í spegil. Þar myndi blasa við þeim hinn raunverulegi vandi. Þjóð sem æðir hringferð eftir hringferð um hnöttinn sprengjandi allt og alla, jafnt hryðjuverkamenn sem saklaust fólk, getur ekki annað en haft slæma samvisku. Þeir moka mörgum tugum milljarða dala í stríðsrekstur um allan heim, styrkja hin og þessi lönd til vopnakaupa, sem þeir síðan fara jafnvel í stríð við. Og okkur hinum er síðan ætlað að hafa samúð með kvikindunum, þvílíkur fíflagangur. Svo var og er talað um hvað Hitler var slæmur, djö....... hræsni og yfirgangur.

  kv. Halli

Útflytjendur uggandi vegna hertra reglna

Margfaldur fjármálaráðherra.

Alveg er það merkilegt hvað menn geta verið margfaldir í roðinu svona rétt fyrir kosningar. Þegar þær eru liðnar skal svínað og djöflast á lýðnum sem aldrei fyrr. Hvað réttlæti er það að neita sveitarfélögunum um hluta af fjármagnstekjuskatti. Það er einsog það þyki sjálfsagt mál að sveitafélögin sitji ein uppi með allan þann kostnað af þeirri þjónustu sem þessir einstaklingar eiga rétt á í sínu sveitarfélagi, og klárlega nota sér. Heldur fjármálaráðherra að það sé endalaust hægt að færa hina og þessa þjónustu yfir á sveitafélög landsins án þess að fá með því auknar tekjur. Er ekki orðið tímabært fyrir stjórnvöld að átta sig á því að aukin þjónusta kosta meira fjármagn. Ég væri til í að sjá það á blaði frá fjármálaráðherra, hvernig hann færi að því að auka þjónustu ríkisins, og samhliða lækka gríðarlega fjármagn til verkefnisins.

Gagnrýna fjármálaráðherra

Halda mætti að Steingrímur J.....

væri faðir hins margumtalaða Ragnars Reykás.

  kv. Halli

Steingrímur: Eigum að setja okkur í forgang

Búum við ekki í frjálsu.....

lýðræðisríki, ég bar spyr! Ef við skoðum þetta nánar kemur í ljós að Ísland algjört bananalýðveldi. Þar sem boð og bönn við öllum andskotanum er í hávegi höfð. Hefur enginn orðið rétt til að ákveða sjálfur hvað hann vil og hvað ekki?

Goldfinger missir leyfi til nektarsýninga

Gríðarlega gott eftirlit.....

hjá Fiskistofu. Hér fyrir neðan er úrdráttur úr tölvupósti sem vinur minn sendi mér. Hann er á skipi sem stundar flottrollsveiðar.

Nú er 1/8 og klukkan 15:45 og kominn sólarhringur síðan síðast var híft. Það er ekkert eð sjá nema
einhvern drullumökk sem er ekkert nema þetta sama og hefur verið ánetjað í belgnum þ.e.a.s. smárækja, smáloðna og einhver átudrulla yfir höfuð.Það er stundum þorskur með þessu ég goggaði td. 100 kíló af þorski úr skiljaranum í síðasta hali og
svo er alltaf slatti af karfa og ufsa en þeir félagar fá nú bara pláss í lestinni og fara í bræðslu.

Við skulum átta okkur á einu, þessi svokallaður drullumökkur er smárækja, smáloðna og áta.
Ég skoðaði allar landanirnar hjá þessu skipi á þessu fiskveiðiári. Ekki get ég sagt að það hafi komið mér á óvart það sem ég sá. Akkúrat enginn meðafli er skráður á þetta skip, sem að langmestum hluta ársins veiðir með flottrolli. Á sama tíma talar Fiskistofustjóri um gríðarlegt eftirlit, meðal annars um borð í 
flottrollsskipunum. Þetta sannar það að Gullkálfar Líú sæta ekki sömu lögum og eftirliti sem svona smáfuglar eins og ég og fleiri þurfum að hlíta. Hvenær skildi koma að þeirri stundu að menn átta sig á því að flotið drepur óhemju af ungviði sem stoppar ekki í pokanum og banni þessa vitleysu? Það liggur alveg ljóst fyrir að ef ég veiði þó ekki nema einn 
Karfa,einn þorsk og einn Ufsa verð ég leggja til kvóta fyrir því. En þessi útgerð, nei hún er 
greinilega undanþegin öllum lögum og reglum sem ég og fleiri þurfum að vinna eftir. Og á þetta 
ekki við bara þetta eina skip. 

Hva þetta var.....

bara nett smáæfing fyrir Þjóðhátíðina

Fellihýsi fuku í Vestmannaeyjum