Fyrsti fundur nýja meirihlutans í Reykjavík.

 Málin rædd að mikilli alvöru Borgarstjórinn er fyrir miðju. Hafið hljóðið á.

Auðvitað fékk hann bara pínulítið...........

sjálfur. Yfirverktakinn Lög og Réttur fékk þetta allt saman sem hefur merkilegt nokk sama lögheimili og Sigurður Gizurarson. Það er væntanlega sjálfstætt starfandi fyrirtæki sem leigir herbergi í kjallaranum hjá honum. Náttúrulega algjörlega óðviðkomandi Sigurði.

Úthlutaði sjálfum sér 106 milljónum

Er þetta satt? Það verður að rannsaka málið frá A til Ö og engu sleppt.

Vilja láta kanna eignarhlut framsóknarmanna í REI

Kristinn Hallgrímsson

Forystumenn innan Sjálfstæðisflokksins, meðal annars í borgarstjórnarflokknum, telja starf Björns Inga Hrafnssonar, borgarfulltrúa Framsóknarflokksins, í stjórn Orkuveitu Reykjavíkur og Reykjavík Energy Invest (REI) hafa einkennst af því að verja hagsmuni fjárfesta tengda Framsóknarflokknum. Það sama eigi við um ákvörðun hans að slíta meirihlutasamstarfi við Sjálfstæðisflokkinn í borginni.
Einkum eru það eignarhaldsfélögin Landvar ehf. og Þeta ehf. sem kastljósið beinist að. Þau eiga saman helmingshlut í VGK-Invest á móti verkfræðistofunni VGK-Hönnun og Rafhönnun sem fer með um 5,75 prósenta hlut í GGE. Sá hlutur nemur um tveggja prósenta hlut í sameinuðu félagi GGE og REI.

Svava Bjarnadóttir hjá VGK-hönnun staðfesti þessa eigendaskiptingu við Fréttablaðið í gær. Samkvæmt verðmati á sameinuðu félagi GGE og REI, sem þó er ekki gengin lögformlega í gegn enn, er verðmæti hlutar VGK-Invest á bilinu 1,3 til 1,5 milljarðar króna.

Helgi S. Guðmundsson, sem er fyrrverandi formaður fjármálanefndar Framsóknarflokksins og bankaráðs Seðlabanka Íslands, er skráður stofnandi og forsvarsmaður Landvar ehf. sem fer með um 35 prósenta hlut í VGK-Invest.

 

Helgi S. Guðmundsson

Kristinn Hallgrímsson hæstaréttarlögmaður er skráður eigandi Þeta ehf. sem á fimmtán prósenta hlut í VGK-Invest. Hann segir aðra eigendur í félaginu vera lögmenn á lögmannsstofunni Fulltingi en Kristinn er einn fjögurra eigenda stofunnar. „Okkur var boðið, ásamt Landvar ehf., að verða hluthafar í VGK-Invest af forsvarsmönnum VGK-Hönnunar," sagði Kristinn.

Björn Ingi neitar því alfarið að hann sé að verja hagsmuni framsóknarmanna með ákvörðun sinni eða starfi fyrir OR og REI. „Það gefur auga leið að það væri betra fyrir fjárfesta að Orkuveitan seldi hlut sinn í REI," segir Björn Ingi. Hann segir fyrst og fremst vera um að ræða persónulegar árásir á hann, sem hann hafi verið varaður við áður en hann sleit samstarfinu.

Þrátt fyrir ítrekaðar tilraunir náðist ekki í Helga í gærkvöld. Þá fengust ekki upplýsingar um hverjir væru aðrir í hluthafahópi Landvar.

Heimildir: http://visir.is/ 

Er Björn Ingi með hreinan skjöld í þessu máli? Hefur hann sýnt það að honum sé treystandi? Ég vil líkja Birni Inga við sápustykki í sturtu, það er vonlaust að ná taki á því og treysta því að það skjótist  ekki eitthvað út í buskann þegar haldi er náð með tilheyrandi vandræðum. 

Er þetta boðlegt?

Er það virkilega svo að þegar menn eru búnir að drulla, ekki bara upp á bak á sér heldur allan hringinn að það dugi að blaðra í hálfa klukkustund á fundi og segja svo SORRÝ smá mistök. Er Björn Ingi ekki sjálfur á bólakafi í skítnum? Hvernig er hann búinn að koma sér fyrir? Hvar er fyrrum kosningarstjóri hans, er það maður með yfirgripsmikla þekkingu á orkumálum sem njóta skal vildarkjara á eignum almennings? Vilja menn ekki gjöra svo vel og klára þetta mál frá A - Ö og láta þá taka á sig þá ábyrgð sem þeir bera sem þessari vitleysu störtuðu. Það er gjörsamlega fyrir neðan allt velsæmi hvernig Björn Ingi ætlar að reyna að sleppa frá þessu með aumri afsökun sem er að mínu mati algjörlega innihaldslaust blaður frá gjörspilltum eiginhagsmunarpotara.

„Fyrrum minnihluti bjargaði Birni Inga fyrir horn"

Þessir menn eiga að segja af sér.

Og þá meina ég allir sem að málinu komu. Það var enginn skortur á því að djöflast á Þórólfi Árnasyni á sínum tíma og hann látinn segja af sér fyrir hluti sem eru bara pínulítið blandi í poka miða við þetta mál. Menn verða að fara að átta sig á því að þeir eru ábyrgir gerða sinna.

Vilhjálmur segist ekki hafa séð lista yfir kaupréttarhafa

Mig langar að vekja athygli á viðbjóði sem viðgengst í athugasemdarkerfinu.

Hér er Hlekkur inn á þetta. Ég verð að segja það ég varð orðlaus við lesturinn og gerist það ekki oft.

Góðir hlutir gerast enn......

 en gerast rosalega hægt, í það minnsta sumir.

Breytt viðmiðunarmörk smáýsu við skyndilokanir

8.10.2007

Sjávarútvegsráðuneytið hefur staðfest tillögu Hafrannsóknastofnunarinnar um breytt viðmiðunarmörk á ýsu úr 30% undir 45 cm í 25% undir 41 cm. Umrædd viðmiðunarmörk eru til skyndilokunar veiðisvæða. Frá þess er skýrt á vef Fiskistofu.

Heimildir: http://skip.is/ 

Ef ég man rétt byrjaði ég og margir aðrir að vekja athygli á því árið 1990 að Ýsa sem mældist 38 - 43 cm að lengd væri uppistaðan í veiðum á Ýsu og hún væri orðin hrognafull, sem sagt kynþroska. Ekki fengum við mikil viðbrögð við þessu og þótti fræðingunum engin ástæða til að skoða málið frekar. Sem sagt bara enn eitt bullið í okkur sem sjóinn stunda. Hvað hefur gerst síðan, hefur Ýsan stækkað mikið? Stærðarmælingar í dag staðfesta að svo er ekki, þannig að það sem sagt var þá stendur fyrir sínu og gerir enn 17 árum seinna.

 

Tölva framtíðarinnar.

Ég rakst á þessa mynd hér á blogginu.

 

 

 

 

 

 

 

Svona sáu menn fyrir sér tölvu framtíðarinnar árið 1950. 

Ég er alvarlega forvitinn. Til hvers er stýrið á herlegheitunum? Átti að vera hægt að skreppa á rúntinn á græjunni?

Sjálfstæðismenn klikka ekki frekar..........

en venjulega. Fyrst voru það auðlindir hafsins sem færðar voru örfáum útvöldum með ógeðfeldum aðferðum, sem að sjálfsögðu enginn þeirra kannast við. Núna skal færa örfáum útvöldum orkuauðlindina. Er ekki komið nóg? Það er ekki einu sinni samstaða lengur innan sjallanna með yfirgang þeirra sjálfra með auðlindir þjóðarinnar. Siðblindan er algjör, þetta undirstrikar það enn og einu sinni að þessu liði er ekki treystandi fyrir nokkrum sköpuðum hlut hvað þá heldur að stjórna landinu. Gleymum ekki hvernig þeir tróðu í gegn eftirlaunafrumvarpinu sem tryggir margföld mánaðarlaun verkamanns, sjálftöku launa sem á sér fáar hliðstæður, stjórn efnahagsmála, gengið á frjálsu flugi upp og niður sem skapar auðvaldslýðnum og bönkunum einum meiri gróða meðan útflutningsgreinarnar eru merg sognar. Fyrrverandi einræðisherra sjallanna passar vandlega upp á að halda landanum í gíslingu ofurvaxta á fölskum forsendum. Það er komið nóg í burtu með þetta lið það er löngu búið að sanna fyrir hvað það stendur.

Borgarstjórnarflokkur Sjálfstæðisflokksins á fund Geirs

Bush roðnar ekki einu sinni við að..........

reyna aumlega að ljúga sig frá óþverraverkum sínum. Þetta staðfestir það eitt að maðurinn er geggjaður. Er þá allt lygi sem sagt er að kaninn hafi gert í fangabúðunum á Kúbu svo dæmi sé tekið?

Bush vísar staðhæfingum um pyntingar á bug