Sjávarútvegsráðherra samur við sig.

Hvað varð um það loforð að hlustað yrði á alla hagsmunaaðila í sjávarútvegi og tillit tekið til þeirra sjónarmiða sem menn legðu fram. Góð loforð en hvernig eru efndirnar? Hér er gott dæmi um efndirnar á þessum loforðum. Ekki dettur Einari K Guðfinnssyni í hug að opna svo mikið sem annað augað þegar bent er á hrikalega þvælur sem birtast í gögnum Hafró sem þeir að sjálfsögðu túlka sjálfir að eigin geðþótta. Og merkilegt nokk Hafró getur þvælt og ruglað um allan andskotann án nokkurrar gagnrýni, stjórnvöld kokgleypa þvæluna hráa og verja vitleysuna, annarra sjónarmið eru talin ótrúverðug, við skipstjórarnir erum fífl og lygarar sem viljum einungis moka upp fiski stjórnlaust og ábyrgð er eitthvað sem fyrirfinnst ekki í okkar röðum að mati ráðherra og Hafró. Hvað varð um fiskifræði sjómannsins? Ég treysti þeirri fræði margfalt betur heldur en einhverra fræðinga með prófessors og Dr titla við nafnið sitt. Á Íslensku heitir þetta SNOBB og MENNTAHROKI. Ástæð þess að hrokinn og snobbið birtist í hinum ýmsu myndum ráðherra er að finna Hér. Merkilegt hvernig viðbrögðin eru þegar gögn sem Hafró gefur út á sínum forsendum eru birtar þessu menntahrokasnobbhræsnurum. Er almenningi virkileg sama hvað þetta SNOBB og MENNTAHROKI er að kosta þetta þjóðfélag?

Hvernig er hægt fyrir venjulegt fólk.........

að skilja og fylgjast með hvað er rétt og hvað ekki rétt þegar fréttaflutningur er með þessum hætti? Fyrir nokkrum dögum kom þessi frétt og notast var við fast verðlag, í stuttu máli allt að fara til fjandans. Síðan kemur þessi frétt og skyndilega er allt í blóma. Þvílík helv.... hringavitleysa. Fyrir hverja er þessi þvæla?

Pjúff..........................

Mikið djö.... létti mér við þessa frétt.

Massa hjá Ferrari út árið 2010

Þetta kallar sjávarútvegsráðherra samkeppni........

um sjónarmið í veiðiráðgjöf. Ég hélt að sjálfstæðisflokkurinn hefði samþykkt það á mörgum landsfundum að efla til samkeppni um sjónarmið í veiðiráðgjöf. Hvað gerist svo þegar menn viðra skoðanir sínar? Það eru allir ótrúverðugir sem eru ekki sammála þessari djö....... dellu sem þetta kerfi er svo ekki sé talað um aðferðarfræði Hafró við stofnstærðarmat. Svo tala menn um að Vilhjálmur Þ fyrrverandi borgarstjóri hafi unnið ófaglega. Hvað er þá hægt að kalla þetta útspil hjá Einari K Guðfinnssyni? Mikið djö.... ætla menn að ganga langt við að verja þetta arfavitlausa kerfi.

Einar K: Mat Landssambands smábátaeigenda ótrúverðugt

Þarf þorskurinn á Íslandsmiðum ekkert að éta?

ICES leggur til loðnuveiðibann í Barentshafi

16.10.2007

Alþjóðahafrannsóknaráðið (ICES) leggur til áframhaldandi loðnuveiðibann í Barentshafi á næsta ári. Kynþroska hluti stofnsins var metinn 840.000 tonn í september síðastliðnum og reiknað er með því að hann verði kominn niður í 330.000 tonn á hrygningartímanum í apríl n.k., aðallega vegna loðnuáts þorsksins í millitíðinni.

ICES metur það svo að jafnvel án veiða séu meira en 15% möguleikar á því að hrygningarstofninn verði kominn niður fyrir varúðarmörk á hrygningartímanum í apríl 2008.

Hrygningarstofn loðnu á næsta ári mun einkum byggjast á 2005-árganginum en í minna mæli á 2004-árganginum. Báðir árgangarnir eru metnir lélegir. Á hinn bóginn er 2006-árgangurinn mun sterkari, í raun fyrsti sterki árgangurinn í sex ár. Þá er 2007 árgangurinn, sem nú er á seiðastigi, einnig yfir langtímameðaltali.

 Samkvæmt útreikningum fiskifræðinga nam loðnuát þorsks í Barentshafi á árunum 1984-2006 árlega frá 200 þús. tonnum til 3ja milljóna tonna. Þá étur ungsíld mikið af loðnulirfum og er talið að góð nýliðun síldar í Barentshafi á ákveðnum tímabilum eigi mikla sök á því að loðnan hafi ekki náð sér á strik. Heimildir: http://skip.is/

Hvað er Loðnustofninn metinn stór á Íslandsmiðum? Hvaða rannsóknir lágu á bak við útgefinn kvóta á Loðnu á yfirstandandi fiskveiðiári? Hefur Hafró fundið yfir höfuð einhverja Loðnu til að mæla og gefa út kvóta í samræmi við það? Étur Þorskurinn á Íslandsmiðum eitthvað minna per einstakling en þorskurinn í Barentshafi?

Er það ásættanlegt að ráðherrar..............

skorist undan ábyrgð með þeim aumu orðum, við verðum að læra af þessum mistökum? Hvað er íhaldið búið að vera lengi við völd? Hafa þeir ekki lært nokkurn skapaðan hlut ennþá? Hvað sögðu menn þegar Birgismálið kom frá á sjónarsviðið? Jú sama rullan, við verðum að læra af þessu og vanda okkur betur. Þetta Grímseyjarferju mál er nokkuð dýrara en mál Birgisins var nokkurn tímann. Þannig að lærdómurinn er að mínu viti neikvæður um nokkur hundruð milljónir. Í venjulegum skóla hefðu þessir nemendur fallið með stæl. Er þá ekki hægt að segja að þeir sem að þessu máli komu fyrir hönd ríkisins hafi fallið með stæl og ættu að hypja sig heim og finna sér eitthvað annað viðfangsefni?

Birkir Jón Jónsson: Ríkisstjórn og Alþingi leynd mikilvægum gögnum um Grímseyjarferjuna

Mótvægisaðgerðirnar eru byrjaðar að................

birtast hver af annarri. Þessi er með þeim nýjustu. Fréttin er hér fyrir neðan.

Auðlindagjald hækkar þrátt fyrir mótvægisaðgerðirnar

Þessa dagana eru útgerðir að fá innheimtuseðla fyrir auðlindagjaldið og í ljós kemur að það hefur hækkað úr 91 eyri í 2,42 krónur á þorskígildistonnið fyrir annan fisk en þorsk, eða um 166%, að því er fram kemur í nýjustu Fiskifréttum.

 

Fiskifréttum er kunnugt um útgerð, sem er með blandaðar aflaheimildir, sem þarf að greiða þegar á heildina er litið 100% hærra auðlindagjald nú en áður þrátt fyrir að auðlindagjald hafi verið fellt niður af aflaheimildum í þorski sem liður í mótvægisaðgerðum. Á síðasta ári nam auðlindagjaldið 427 milljónum króna en verður nú tæpar 730 milljónir króna. Ef það hefði ekki verið fellt niður af þorski hefði það numið rúmum milljarði króna.

Heimildir: http://skip.is/ 

Reikniskúnstirnar eru til fyrirmyndar hjá stjórnvöldum.

Fellt er niður auðlindagjaldið á þorsk og hækkað duglega á öðrum tegundum eða um 303 milljónir. Það bara gleymdist að segja frá því. Gleymska og minnisleysi virðist vera að gera útaf við pólitíkusana þessa dagana. Samber Vilhjálm Þ. Vilhjálmsson sem man ekki neitt af því sem hann talaði um,las eða skrifaði undir. Þessi sjúkdómur er greinilega hættulega smitandi í pólitík.

 

Alonso til Ferrari !!!!!!!!!!!!!!!!!!!!!!!!!!!!!

Ef það gerist er ég hættur að halda með Ferrari. Og sennilega hætti yfir höfuð að fylgjast með formúlunni.

Fittipaldi hvetur Ferrari að ráða Alonso

Fyrir hverja eru þessar reikniskúnstir?

Við lestur greinarinnar er allt að fara til fjandans. Skoðum málið betur. Hvað er fast verðlag, hvernig er það fundið út? Er það ekki rétt að fast verðlag reiknast út frá SDR sem er myntsumma sem Alþjóðabankinn notar. Við hvaða verð er miðað, fyrir ár eða eldra? Hvernig er staðan á genginu? Er krónan ekki sögulega sterk gagnvart Dollar og Evru? Er leyfilegt að nota svona viðmiðun? Það verður að skýra frá því hver viðmiðunin er. En er þetta ekki bandbrjáluð aðferðarfræði? Hvernig kæmi það til dæmis út ef veðurspáin væri reiknuð út á föstu verðlagi? 

Síðan er önnur frétt sem fólk ætti að lesa. Hvor fréttin er rétt? Hún er hér fyrir neðan.

Septemberaflinn minnkaði um helming milli ára

"Heildarafli í september var 44.865 tonn. Það er helmingi minni afli en var í september 2006, þá var aflinn 87.199 tonn. Samdráttur var í afla flestra tegunda en hvað magn varðar munar mest um minni síldarafla í ár.

Botnfiskaflinn í september 2007 var 28.639 tonn en aflinn var 37.840 tonn í september í fyrra. Þorskaflinn var 40% minni í nýliðnum september en í sama mánuði árið áður eða 8.601 tonn á móti 14.270 tonni í fyrra. Samdráttur var í afla flestra annarra botnfisktegunda, þó jókst afli í skötusel og löngu.

Landað var tæplega 14 þúsund tonnum af norsk-íslenskri síld í september 2007 en aflinn í september í fyrra var tæplega 48 þúsund tonn.

Heildarafli íslenskra skipa á árinu var orðinn 1.110 þúsund tonn í lok september 2007. Það er tæplega 55 þúsund tonnum meiri afli en á sama tíma á síðasta ári þegar heildaraflinn janúar - september var 1.055 þúsund tonn. Aukning í afla milli ára stafar af meiri loðnu- og makrílafla í ár"

Heimildir: http://skip.is/ 

Hver skyldi vera raunveruleg ástæða fyrir þessum aflasamdrætti í september miða við september 2006? Ástæðurnar eru nokkrar. Til dæmis byrjaði stór hluti flotans ekki á veiðum strax í byrjun september og eru ekki enn allir byrjaðir, skipin eyða meiri tíma í siglingar um allan sjó í leit að einhverju allt öðru en þorski, sem er mjög erfitt þar sem nóg er af honum mjög víða en enginn getur leift sér þann munað að veiða hann, þetta bitnar á öðrum tegundum það er staðreynd, tíðarfar hefur einnig verið mjög erfitt sem torveldar mjög sjósókn og árangur við veiðar. Höfum þetta á hreinu líka.

 

Samdráttur í afla íslenskra skipa

Við munum tryggja..........

að til hópuppsagna komi ekki. Við munum ræða við banka og lánastofnanir. Þetta sögðu stjórnvöld meðal annars þegar niðurskurðurinn var boðaður á þorskkvótanum og mótvægisaðgerðirnar voru kynntar. Ég verð að spyrja. Gleymdu stjórnvöld þessu? Ekki get ég séð að neitt hafi verið gert til þess að tryggja að til hópuppsagna komi ekki. Ekki er mér kunnugt um að talað hafi verið við lánastofnanir, þær þrengja sífellt meira að bæði vinnslu og útgerð. Það sem boðið er upp á í dag eru stórkostulegir hreppaflutningar á fólki. Það er það eina sem boðið er upp á. Hvernig eiga konur sem eru með barn (börn) í skóla og jafnvel barn á leikskóla að framkvæma þetta? Það er góðra gjald vert hjá FiskSeafood að bjóða fólki vinnu á Sauðárkróki og keyra þeim á milli. Hverjir geta notfært sér það? Ekki þær konur sem ég talaði um það er ljóst. 

Fisk-Seafood lokar vinnslu á Skagaströnd