Góður sigur Liverpool.

Fyrri hálfleikur var algjör snilld, eiginlega ótrúlegt að taðan skyldi ekki vera 3 - 0 í hálfleik. Í þeim seinni slakaði Liverpool á og Everton komst fullmikið inn í leikinn. Satt best að segja var ég farinn að óttast það að Everton næði að jafna. En góður sigur 3 stig og það er það sem skiptir öllu, ekki satt?

Torres tryggði Liverpool sigur á Everton

Hver er ástæðan?

Þessi orð Henchoz koma ekkert á óvart í sjálfum sér. Eitt er það þó sem pirrar mann mikið og það er hringlandaháttur Benítez með byrjunarliðið. Það eru margir öflugir leikmenn hjá Liverpool en hvernig eiga þeir að geta náð saman með svona hringli eins og verið hefur í vetur hjá liðinu? Byrjunin á tímabilinu lofaði góðu en því miður urðu eilífar hrókeringa á byrjunarliðinu til þess að árangurinn varð vægast sagt lélegur að mínu mati. Það er vonandi að Benítez hafi lært sína lexíu á þessu og næsta tímabil verði betra, það er orðið tímabært að þessi klúbbur fari að bæta við dollum í safnið á Englandi.

Henchoz: Liverpool treystir of mikið á tvo menn

Brotlending á Old Trafford.

Ekki ætla ég að verja hegðun og háttarlag Javier Mascherano, hann bað einfaldlega um að verða rekinn af velli. Halda mætti að Mascherano hafi tekið með sér öll sín persónulegu vandamál inn á völlinn, hann var röflandi í dómaranum frá byrjun og þangað til hann var rekinn útaf og er sjálfasagt röflandi ennþá, svona hagar maður sér einfaldlega ekki.

Utd var að einfaldlega betri aðilinn í fyrrihálfleik og frekar óheppnir að skora ekki minnst tvö mörk til viðbótar. Í seinni hálfleik var Liverpool oft á tíðum eins og byrjendur í fótbolta, en José Reina varði nokkru sinnum með tilþrifum og bjargaði Liverpool frá enn stærra tapi.

Ég óska aðdáendum Utd til hamingju með daginn, mín skoðun er sú að Man Utd verði Englandsmeistarar. Nú er bara að hysja upp brækurnar og hrista þetta af sér, það er enn möguleiki í meistaradeildinni.

Gleðilega Páska.

Man. Utd með 6 stiga forystu eftir 3:0 sigur á Liverpool

Leiðinlegar fréttir.

Það er ekkert sérstakt þegar þessi lið mætast og ekki er hægt að stilla upp sterkustu liðunum sökum meiðsla. En eins og einhver sagði, "maður kemur í manns stað" Vonandi verður þessi leikur hin mesta skemmtun.

Ferdinand tæpur fyrir leikinn gegn Liverpool

Bjartsýni kostar ekkert

Benítez er ekki dauður úr öllum æðum, bjartsýnin er í það minnsta sprelllifandi hjá honum. Betra hefði nú samt verið að karlinn hefði framkvæmt tilraunir sínar á liðinu á undirbúningstímanum. En eins og ég hef svo oft sagt það gengur bara betur næst.

Benítez: Ekki afskrifa okkur

Ég veit ekkert um þennan leik

enda vorum við að ferma eldri stelpuna í gær. Þrjú stig í höfn það er aðalmálið, hvort svo sem sumir eru óánægðir með dómarann eða ekki. Svona er boltinn bara, skin og skúrir, hamingja og óhamingja það breytist ekki neitt, dómarinn fer varla að dæma vítaspyrnu úr þessu.

Steve Coppell: Áttum að fá vítaspyrnu

Frábær sigur.

Liverpool er á góðri siglingu þessa dagana, svo er bara að halda haus og klára málið. Sigur í meistaradeildinni væri kærkominn þetta árið.

Torres skaut Liverpool í 8 liða úrslitin

Liverpool á 9 leiki eftir sem gætu gefið

27 stig. Þá endar Liverpool með 83 stig ekki satt? Ég bara spyr, er einhver trygging fyrir því að hin liðin nái að ljúka deildinni með fleiri stig? Sem sagt möguleikinn er enn til staðar að Liverpool verði Englandsmeistarar, ekki satt? 

   

Hvaða leiki eiga toppliðin eftir?

Mér er alveg sama hvað markið kostar

sem Torres skoraði. Aðalmálið er að hann geri það sem hann á að gera, það er að skora mörk punktur. Annars var þessi leikur góður, en heldur fannst mér hann fjara út þegar Gerrard og Torres fóru af velli, en hvað um það ég er sáttur við mína menn og vonandi bera þeir gæfu til þess að halda haus áfram.

Rándýrt mark hjá Torres í stórsigri Liverpool

Þessi er einfaldlega með þeim betri.

Hlusta á U2 og horfa á leik með Liverpool, það er einfaldlega toppurinn.