Þetta er alveg í takt við annað

hjá vísindaakademíunni. Hvernig vísindaakademían í þessu tilfelli (HAFRÓ) getur svo haldið því fram að þeir geti talið fiskana í sjónum með svo hárnákvæma niðurstöðu svo nánast engu muni, örfáum kg til eða frá er svo rakalaust rugl að íslensku tungumáli skortir lýsingarorð yfir vitleysuna.

Því hefur verið haldið fram og á alveg rétt á sér að meðan ekki er hægt að telja það sem á jörðinni lifir með mikilli nákvæmi er það vægast sagt hrokafull hræsni að telja sig vita með nákvæmni hvað hulduheimar hafdjúpanna hafa að geyma eins og til dæmis HAFRÓ gerir. 

Frétt á visir.is

Tvöfalt fleiri górillur til í heiminum en talið var.

"Á undanförnum árum hafa vísindamenn ákaft varað við útrýmingarhættu fjallagórilla Í Afríku. Nú er þó komið í ljós að ekki var allt sem sýndist.

Allt að helmingur apategunda heimsins er í útrýmingarhættu að sögn Alþjóða náttúruverndarsambandsins. En þar er ekki allt sem sýnist.

Meðal þeirra tegunda sem hafa verið sagðar í útrýmingarhættu eru górillur í Mið-Afríku. Þær hafa verið settar næst efst á hættulista samtakanna en þar eru einnig settar dýrategundir sem gætu allt eins verið horfnar fyrir fullt og allt, það er bara ekki vitað.

En nú hefur komið á daginn að górillurnar eru hreint ekki í útrýmingarhættu, það voru nefnilega að finnast 125 þúsund stykki á fenjasvæði í Mið-Afríkuríkinu Kongó.

Síðasta talning á górillunum í Kongó var gerð fyrir um tuttugu árum og þá fundust 100 þúsund dýr. Síðan hafa menn gefið sér að þeim hafi fækkað um helming og hefur mikið fjaðrafok orðið vegna dauða hverrar górillu.

Sagt var frá fundi górillanna í Kongó á alþjóðlegri ráðstefnu dýrafræðinga sem nú er haldin í Edinborg í Skotlandi. Þar klóra menn sér nú í höfðinu. Á dauða sínum áttu þeir von - en ekki 125 þúsund górillum við bestu heilsu".

Góðar stundir.

 

Lárus Welding hefur

væntanlega úttalað sig um kvótavöndlana sem bankinn kemur til með að afskrifa á komandi misserum. Eru raunveruleg tengsl við sjávarútveginn sem Lárus er að tala um ekki einmitt kvótavöndlarnir og yfirveðsett fyrirtæki sem enginn sér hvernig verði borgað á komandi árhundruðum?

Þegar veðsetningin er skoðuð þá sjáum við að hún er frá því að vera 1500 kr per kg, og allt að 4000 kr per kg. En raunveruleikinn um síðustu áramót og raunvirði aflaheimilda var sjá í þessu  skjali. Síðan hefur ýmislegt breyst svo sem hækkun á olíu og öllum aðföngum sem gerir raunvirði aflaheimilda enn minna.

Hvernig svo sem menn fara að því að ljúga þetta áfram í dag þá má ljóst vera að það kemur að endastöð í allri vitleysunni. Líú fagnar óvæntum happafeng sem Makríllinn er að gefa þeim í dag, áttum okkur á einu, það er verið að stunda sjóræningjaveiðar á Makrílnum. Makríllinn er kvótasett tegund í Norður-Atlandshafi og með óheftum veiðum eins og félagarnir innan Líú eru að stunda þá er um klárar sjóræningjaveiðar að ræða.

Þessum veiðum mætti líkja við það að allir sem vettlingi geta valdið færu út á sjó og veiddu Þorsk að vild. Munurinn er akkúrat enginn, Þorskurinn er kvótasett tegund ekki satt? Sem nota bene Líú segist eiga ásamt örfáum trillukörlum.

Góðar stundir.

Lárus Welding gestur CNBC

Vantar einkavininum kvóta?

Við lestur á þessari yfirlýsingu frá Kristjáni Þór Júlíussyni mætti halda að einkavini og fyrrum samstarfsfélaga Kristjáns vantaði meiri kvóta.

Það vita það náttúrulega flestir að hér er ég að tala um Samherjahöfðingjann. En í fréttinni talar Kristján um mikilvægi þess að nýta auðlindir til lands og sjávar.

Hvað á Kristján við? Sjálfstæðismenn halda því fram að við séum að fullnýta sjávarauðlindina þannig að karltuskan röflar þarna staðlausa stafi að hluta til ef tillit er tekið til afstöðu þeirra í sjávarútvegsmálum.

Eitt er þó stórmerkilegt og það er umgengni Líú forkólfanna um nytjastofna og stjórnvöld steinhalda kjafti. Líú gefur sig út fyrir að vera ábyrg samtök og ganga um sjávarauðlindina í sátt við alþjóðasamfélagið. Hvernig stendur þá á því að Líú mokar upp Makríl í stórum stíl í Íslenskri lögsögu? Makríll er kvótasett tegund og kvótinn er ákveðinn af Norður Atlandshafsráðinu (að mig minnir) 

Líú stundar gengdarlausar veiðar, segja má í raun stunda gengdarlausar sjóræningjaveiðar á Makríl. Það myndi hvína duglega í ef aðrar þjóðir mokuðu upp loðnunni þegar hún gengur yfir í Grænlensku lögsöguna og langt Norður í haf út úr okkar lögsögu. Nóg gengur á í kringum úthafskarfann á Reykjaneshrygg og er það þó á alþjóðlegu hafssvæði.

Þessi mynd náðist svo af Friðrik J. Líú forkólfi en hann ku hafa verið að koma af fundi samtakanna í kvöld. 

Góðar stundir. 

Náttúruverndar galgopinn

Árni Finnsson ræður sér vart fyrir kæti yfir þessu útspili frá furðufuglinum sem situr í stóli umhverfisráðherra sjá hér.

Árni Finnsson mætti eyða einhverju af sínum kröftum í rannsóknir á því hver er að skíta Reykjavíkurtjörn fulla af viðbjóði. Ekki þætti mér ólíklegt að hann fyndi eigin úrgang í þeirri herferð, sem aftur hlýtur að vera baneitraður.

En á einhvern óskiljanlegan hátt er honum það meira hjartans mál hvað gert er á landsbyggðinni frekar en skoða eigin skítverk í bakgarðinum hjá sjálfum sér.

Það vil svo einkennilega til að landsbyggðin lifir ekki á því einu að flytja nokkra túrista milli staða eða röfla stöðugt um náttúruna og hvernig hún skuli varin, þótt Árni haldi það.

Ekki megum við veiða fisk, byggjum þá upp stóriðju og notum orkuna sem til er á svæðinu til að keyra stóriðjuna. Eða má bara gera það í bakgarðinum hjá Árna?

Góðar stundir. 

Undirbúningur skemmra kominn

Það voru framin hryðjuverk á

síðunni minni. Á Þessari undurfögru Liverpool síðu voru framin hryðjuverk og er staðan þannig að ég hef akkúrat enga stjórn á útliti síðunnar eða hvað birtist á henni... Djöfull er þetta skítt þar sem ég hef lagt ómælda vinnu í að fegra síðuna. Ekki veit ég hvað töffararnir hjá mbl.is eru að æfa sig, en gott væri að fálmkennd þróun þeirra á blogginu væri framkvæmd annarstaðar. Þetta er ekki alveg í fyrsta skipti sem þetta gerist... Þið þarna UTD töffarar getið gleymt því ég skipti ekki yfir í UTD þemað...

Kjarnakerlingar og óheflað tungumál

Það má með sanni segja að Agnes Bragadóttir fer rakleitt í þennan flokk. Er þetta ekki einfaldlega það sem vantar?

Tala tæpitungulaust og sleppa öllum helvítis fagurgala og kjaftæði um hluti sem skipta akkúrat engu máli og nefna hlutina réttum nöfnum. Sjá hér.

Góðar stundir.

Hver gaf leyfi fyrir

þessari fjárveitingu? Var þessi fjárveiting lögð fyrir og rædd á alþingi? Hafi þetta ekki fengið umfjöllun í þinginu og samþykkt þar, leyfi ég mér efast um að heimild sé til fyrir þessari fjárveitingu. Eða er þetta bara enn og eitt aumt útspil slæðudrottningarinnar í atkvæðasöfnun fyrir sæti sínu í Öryggisráði Sameinuðu Þjóðanna?

Borga tuttugu smávirkjanir í Afganistan

Þokuheilarnir á Hafró

Ef vísindasamfélagið á Hafró er ekki lengra komið í sínum fræðum en þetta þá er full ástæða til að efast um hæfni þeirra.

Tilv. í fréttina "

Skynsamlegt væri að loka tilteknum uppeldissvæðum fiskstofna fyrir dragnótaveiðum líkt og gert er fyrir veiðum með botnvörpu af ýmsum ástæðum. Þetta kemur fram í nýútgefinni skýrslu Hafrannsóknarstofnunar.

Stofnunin telur sig þó ekki, að svo komnu, búa yfir þeim gögnum sem nauðsynleg eru fyrir tillögur af þessu tagi.

Markmiðið með útgáfunni var að auðvelda stjórnvöldum að ákvarða hvort dragnótaveiðar væru hugsanlega skaðlegar eða leiddu til brottkasts og veiða á smáfiski umfram aðrar veiðar" Tilv. lýkur.

Hvernig stendur á því að Hafró hefur átölulaust blessað dragnótaveiðar í flest öllum fjörðum og víkum landsins?

Hvernig stóð á því að vísindaakademían á Hafró lagði blessun sína yfir það að dragnótinni yrði hleypt aftur upp í kálgarða fyrir suðurlandi? Er Hafró ekki meðvituð um þau svæði sem opnuð voru fyrir veiðum á þennan hátt?

Svo segist þessi stofnun vera ábyrg og markmiðið er hvað? Jú uppbygging fiskistofna og pottþétt ráðgjöf um skynsamlega nýtingu þeirra. Ég gæti ælt.

Þvílík þvæla, það er til fullt af gögnum um ágæti þess að þessi svæði séu lokuð, einnig lýgur reynslan af þessu ekki, hún er einnig til í sögulegu samhengi. Það eina sem vanta er að vísindaakademían viðurkenni fáfræði sína í þessum efnum. Fiskifræðin er mjög ung og það vantar óravíddir upp á að henni sé hægt að beita með einhverri nákvæmni svo viðunnandi sé. Þar þurfa margir aðrir þættir að spila með sem því miður eru ekki notaðir.

Það hefur margt verið skrifað um þessa stofnun á þessari síðu og því miður hefur síðuritari aldrei séð ástæðu til  að hæla verkum þeirra. Þá kemur ein spurning, er ég svona agalega neikvæður? Svo ég svari þessu sjálfur þá vil ég frekar meina það að topparnir í Hafró hafi handónýta Mó tuggu milli eyrna fremur en heila eins og flestir hafa, fremur en ég sé þjakaður af neikvæðni.

Góðar stundir.

Ráðlegt að takmarka dragnótaveiðar

Hafið gefur og hafið tekur

Það er ekkert nýtt undir sólinni í þessum efnum, hafið gefur og hafið tekur, einfalt ekki satt? En hvað er raunverulega að? Það skyldi þó ekki vera að eina vandamálið hér sé foráttuheimska þeirra sem í þessu lenda og handónýtir leiðsögumenn ef þeir missa sína hópa í svona dellu?

Ekki ætla ég endilega að dæma um það, en ljóst mætti það vera hverjum hálfhugsandi að náttúruöflin eru eitthvað sem við ráðum ekki við. Til þess erum við einfaldlega of lítil peð í öllu samspilinu þótt margir vilja halda öðru fram.

Góðar stundir.

Reynisfjöru mögulega lokað

Ferðamenn í áfallahjálp.

Þetta kemur mér ekkert á óvart, þetta er ofureðlilegur gangur í lífríkinu. Þessar aðfarir háhyrningsins í fæðuöflun hafa margir sjómenn séð oftar en einu sinni. Ef þessi hópur ferðamanna og þeir sem reka hvalaskoðunarfyrirtækin vissu hvað háhyrningurinn æti í raun af hvalnum yrðu þeir sjálfsagt studdir hágrenjandi þráðbeint í áfallahjálp. Háhyrningurinn étur yfirleitt ekkert nema tunguna úr hvalnum hræið sekkur síðan til botns og verður fæða annarra óæðri tegunda í fæðukeðjunni.

Það er einnig alþekkt að háhyrningar elta kvenkyns hvalinn þegar þær eru með ungviði sér við hlið. Háhyrningurinn rekur hvalinn áfram og þreytir hann þannig að móðirin verður nánast óhæf að verja ungviðið, síðan er lagt til atlögu ungviðið er drepið og einungis tungan étin restin af hræinu sekkur til botns.

Góðar stundir.

Hrefna barðist fyrir lífi sínu við hóp háhyrninga