Vinstristjórnar viðvörunarhvellur

Sjálfsumglaður og stútfullur af hroka sat sjónvarpsstjóri ÍNN í þætti sínum Hrafnaþing sem sendur var út í kvöld og ropaði þessum orðum út úr sér, vinstristjórnar viðvörunarhvellur.

Að sjálfsögðu var hann að djöflast á þeim sem eru að taka við brunarústum Íhaldsins, hvað annað?

Væri einhver til í að hnippa í kallinn og segja honum að hans hægri hönd (Íhaldið) beri ábyrgð á því hvernig farið var að því að gera heila þjóð nánast ef ekki alveg gjaldþrota. Hann virðist ekki vera alveg með þetta á hreinu karlanginn.

Að vísu fékk hægri hönd sjónvarpstjórans (Íhaldið) dygga aðstoð frá framsókn, það leysir þó aldrei Íhaldið frá ábyrgð sinni.

Eru Bótoxheilkennin í alvörunni svona útbreidd? Sjá hér.

Í alvörunni, hvað kom fyrir þetta fólk eru þeir sem ábyrgðina bera með tæplega 1/4 af gullfiskaminni ég bara spyr?

Góðar stundir. 

Búið að opna Holtavörðuheiði

Gömul rulla úr ýldukjöftum

Af hverju er sjávarútvegurinn meira og minna á hnjánum?

Hvernig væri að ýldukjaftarnir svari því svona til að byrja með?

Ef ég hef fylgst rétt með þá komu Þeir sjálfum sér á skeljarnar án aðstoðar.

Ég veit ekki af hverju, en nú dettur mér til hugar bara svona í tilefni dagsins, BOTOXHEILAR.

Góðar stundir.

Mun setja bankana aftur í þrot

Heiðaleg vinnubrögð

Þessu starfsfólki var þó sagt upp af stjórnendum fyrirtækisins á eðlilegan hátt. Fólkið vissi líka að barist hafði verið við að halda starfseminni áfram frá síðustu áramótum.

Það er langur vegur frá því að allir vinnuveitendur komi svona fram við starfsfólk sitt. Tveimur dögum fyrir síðustu mánaðamót fékk konan sem ég þekki þó nokkuð vel símhringingu frá vinnuveitenda sínum og henni sagt að rekstrinum verði hætt eftir tvo tíma og hún þurfi ekki að mæta daginn eftir.

Kveðjuorð og þakkir vinnuveitandans voru einföld. Þú getur svo hypjað þig til þíns stéttarfélags og ábyrgðarsjóð launa og fengið launin þín þar, vertu blessuð. Flott framkoma tveimur dögum áður en borga átti út laun. Það er margt annað sem hvarf, þriggja mánaða uppsagnafrestur, launað sumarfrí og orlofsuppbót sem dæmi.

Ábyrgðarsjóður launa borgar ekki krónu ef fyrirtæki er ekki lýst gjaldþrota, og af hverju segi ég þetta? Jú vinnuveitandinn hefur ekki lýst fyrirtækið gjaldþrota og það stendur hreint ekki til af hans hálfu. Starfsfólkið var látið vinna nánast allan mánuðinn út og síðan skellt í lás game over og málið dautt. Borga þarf 200 þúsund kall ef fara á fram á gjaldþrot og það eiga ekki allir þann slatta í afgang í lok mánaðar.

Tveimur mánuðum fyrir lokun var skipt um nafn á félaginu sem rak starfsemina og einni einingu kippt út úr pakkanum og seldur dóttur eigandans að nafninu til, þannig var hægt að halda nafninu á herlegheitunum og hinum sjö tuskubúðunum lokað.

Starfsfólkinu sturtað í ruslið, eigendurnir koma svo og tæma tuskubúðirnar sem þeir ráku enda hreint ekki gjaldþrota á pappírunum. Þessar tuskubúðir eru fullar af fötum og á lagerunum er lítið pláss enda allt fullt af fötum. Á fagmáli heitir þetta ekki rán enda ekkert gjaldþrot á ferðinni, samt var staffinu sturtað í ruslið og eigendurnir bera höfuðið hátt enda að þeirra mati nákvæmlega ekkert athugavert við þetta.

Næsta blað af Séð og Heyrt fjallar væntanlega um dugnað, ríkidæmi, glæsihús og flotta bíla eigenda af herlegheitunum sem starfrækir eina tuskubúð á höfuðborgarsvæðinu undir sama nafni og hinar sjö báru. Þetta blað hefur ekki slegið slöku við að upphefja harðduglega og strangheiðarlega eigendur af herlegheitunum.

Í þessum hópi sem sturtað var í ruslið er til dæmis einstæð móðir sem veit ekkert hvernig hún fer að því að sjá sér og börnum sínum fyrir nauðþurftum, það eru sjálfsagt fleiri sem þetta kemur hroðalega við, konan sem ég þekki og lenti í þessari sturtu situr niðurbrotin með handónýtar áætlanir í höndunum.

Þeir sem lenda í svona skítlegum vinnubrögðum fá engan skilning hjá lánastofnunum, þeir heimta sitt og ekkert helvítis röfl. Svínin sem sáu á einhvern óskiljanlegan hátt ástæðu til að meðhöndla starfsfólk sitt svona röltir roggið með sitt þýfi og telur sig yfir allt og alla hafna. Þar skjátlaðist einhverjum hrapalega trúi ég.

Góðar stundir.

Öllum starfsmönnum sagt upp

Farðúr bænum Friðrik

Ábyrga umgengni um auðlindina, áttu annan betri. Gerðu okkur greiða Friðrik J, taktu stóran svartan ruslapoka röflaðu í hann hnýttu svo fyrir og hentu honum á haugana.

Mengaður boðskapur þinn á best heima þar.

Góðar stundir.

Með völdin í klofinu

Hvaða rugl er þetta, hafa þessar konur ekki enn áttað sig á því að það má blása upp eitt stykki dúkku sem er ekkert að velta pólitískum ágreiningi fyrir sér. Auðveldari leið er einfaldlega múffa sem hefur nákvæmlega enga pólitíska skoðun.

Með einni pumpu, dúkku eða múffu má blása völdin og vopnin út í buskann og eftir hanga kynferðislega sveltar og hundpirraðar kerlur.

Þetta er með því magnaðra sem ég lesið, mannkynið kemur stöðugt á óvart...

Góðar stundir. 

Konur í Kenýa hóta kynlífsverkfalli

Brotið á félagafrelsi einstaklinga

Telja menn það eðlilegt í lýðræðisríki að fólki sér beinlínis troðið hvort því líki betur eða verr í stéttarfélög eða félagasamtök óháð vilja þess.

Í landinu gilda lög um félagafrelsi sem eru þverbrotin með svona vinnubrögðum. Þeir félagar Örn Pálsson og Arthúr Bogason hjá Landsambandi smábátaeigenda verja eins og hundar passa beinin sín svona ólýðræðisleg vinnubrögð.

Skoðum hvernig þetta virkar tilv. í fréttina. "Þegar smábátar selja afla rennur hálft prósent af aflaverðmætinu til Landssambands smábátaeigenda, og útgerðarmennirnir verða sjálfkrafa aðilar að sambandinu. Örn Pálsson framkvæmdastjóri segir að talsvert hafi verið hringt til sambandsins með fyrirspurnir. Greinilegt sé að tilkynning sjávarútvegsráðherra hafi hreyft við mönnum og margir hafi hug á því reyna við strandveiðarnar, ef þær verði að veruleika" Tilv. lýkur.

Skoðum svo hvernig samþykktir Landsambandsins eru settar upp meðal annars, 5. gr. vekur sérstaka athygli mína:

5. gr.

Komi til þess að félag ákveði að segja sig úr LS skal úrsögnin vera skrifleg og undirrituð af stjórnendum félagsins. Úrsögnin miðast við áramót með minnst 6 mánaða fyrirvara.

Hvernig getur það staðist lögin um félagafrelsi að svona Rússnesk skráning í samtök geti staðið í vegi fyrir því að menn geti sagt sig úr samtökunum jafn hratt og auðveldlega eins og þeim var kippt inn í partíið?

Þann 17. febrúar 2008 voru samtökin Framtíð samtök sjálfstæðra í sjávarútvegi  stofnuð og í þau samtök gengu menn sem voru ósáttir við veru sína í LS og fannst þeir ekki lengur eiga neina samleið með LS. Á þessum samtökum er brotið gróflega með þessu fyrirkomulagi á greiðslum félagsmanna sem renna óskipt til LS.

Menn hverjir sem það svo eru standa dyggilega vaktina um að verja þetta í óbreyttri mynd og viðhalda brotum á lögunum um félagafrelsi, látum það liggja milli hluta hverjir standa vaktina þó svo ég hafi ákveðnar hugmyndir um það.

Fjárvana samtök eiga erfitt uppdrátta þótt málstaður þeirra sé góður. Samtök eins og Framtíð eru stórhættuleg að mati kvótamafíunnar og hef ég stundum nefnt LS litla LÍÚ með aðeins vægari boðskap á ruglinu sem viðgengist hefur nánast frá upphafi kvótasetningarinnar.

Okkur sem komu að stofnun þessara samtaka skal svelta til dauða í boði handónýtra stjórnvalda og varðhunda kvótakerfisins.

Hvaðan komu hugmyndir Vinstri grænna um strandveiðar?

Þær komu meðal annars frá okkur í Framtíð samtökum sjálfstæðra í sjávarútvegi sem höfum lagt á okkur ómælda ólaunaða vinnu við að benda á þessa hluti sem öllum þykja svo frábærar í dag.

Góðar stundir.

Margir hafa áhuga á strandveiðunum

Það þurfa allir sitt

Sumir þurfa bara aðeins meira en aðrir.

Góðar stundir.

Forstjóri N1 með 29 milljónir í laun

Og hvað?

Hver á að stjórna, er kannski búið að ákveða það á einhverju fylleríi í reykfylltu bakherbergi?

Ekki kæmi mér það á óvart, upphrópanir og ásakanir af ýmsum toga er það sem einkennt hefur sundurleita hjörðina sem yfirgefið hefur flokkinn á örlagatímum. Sumum færi best að steinhalda kjafti og súa sér að eigin vandamálum, að nógu virðist vera að taka.

Tölvupóstar um miðjar nætur sem innihalda orðasúpu sem einungis geðveilir fábjánar skrifa, ölvun er ekki afsökun og verður aldrei.

Hvert skoffínið á fætur öðru virðist ekki hafa neitt af eftirtöldum kostum, heiðarleika, hreinskilni og heilbyggða virðingu gagnvart náunganum. Hálfkveðnar vísur og baktjaldamakk er sumum eðlislægt, hreinskilni og tala hreint út augliti til auglitis við þann sem á í hlut er eitur í hugskotum huglausra. Þeim hefur sem betur fer farið ört fækkandi og eru vonandi komnir í minnihluta.

Þessi flokkur verður byggður upp og að þeirri uppbyggingu kemur vonandi fólk sem talar svipað tungumál og talar hreint út, við annað höfum við ekkert að gera.

Þeir sem þurfa að tjá sig eitthvað um þetta er bent á að nafnleysingjum með drullumokstur verður umsvifalaust fleygt í ruslið.

Góðar stundir.

Miðstjórn Frjálslynda flokksins kölluð saman

Argasti dónaskapur er þetta

Það er næstum komið fram á mitt sumar og sá sem sér um þessa síðu hefur ekki enn séð nokkra ástæðu til að bjóða gestum og gangandi á þessari síðu gleðilegs sumars....

Gleðilegt sumar kæru vinir og takk fyrir veturinn.

 

 

 

 

 

Tími nagladekkjanna er víst liðinn, ég er farinn út að skipta um dekk og nota að sjálfsögðu nýja tjakkinn minn...

Góðar stundir.

Árni Johnsen niður um þingsæti

Það er líf eftir kosningar

Til dæmis þá verður mætt í vinnu klukkan hálf sex í fyrramálið og fiskbúðin (Heimur hafsins) gerð klár fyrir opnun. Frá og með morgundeginum þá verður búðin opin til klukkan sjö á kvöldin.

Góðar stundir.

Eins og spírall niður á við