Auðvitað var tölvu druslan handónýt

Ekki trúi ég því að mönnum detti eitthvað annað í hug. Það er algjörlega óhugsandi að þessi skipstjóri hafi gerst brotlegur í besta fiskveiðistjórnunarkerfi í heimi, eru menn geggjaðir að halda því fram að það þurfi að brjóta lög í þessu kerfi?

Nei á Íslandi eru bara strangheiðarlegir skipstjórnarmenn sem mega ekkert rangt vita, öllum lögum og reglum er fylgt í hvívetna enda höfum við aflað okkur gríðarlegrar virðingar alþjóðasamfélagsins með okkar fábrotna einfaldleika fiskveiðistjórnunnar í heimsins besta kvótakerfi sem er með því skilvirkasta sem um getur í sólkerfinu.

Já menn eru einfaldlega fífl að halda öðru fram sem gæti borðið skugga á loforðapistla Hannesar Hólmstein sem að sjálfsögðu fjalla allir um skilvirkni kerfisins, svo ekki sé talað um þessa ótrúlegu uppsprettu á steindauðu fjármagni sem vaknað á eftirminnilegan hátt til lífsins og stútaði efnahag þjóðarinnar.

Já svei þeim sem höggi vilja koma á kerfið og boðorðapostulann Hannes sem á vordögum leggur væntanlega á stað um gjörvalla heimsbyggðina með glænýja útfærslu á fagnaðarerindinu.

Góðar stundir.

Henti siglingatölvu í gám

Athugasemdir

[Víðir Benediktsson, 3.12.2008 kl. 00:09]

Trúlega farið móðurborðið í druslunni. Mikil afturför þegar skipstjórnar menn fóru að nota PC tölvur. Hann hefði ekki þurft að henda Maccanum. Nei íslenskt fiskveiðistjórnunarkerfi býður ekki upp á lögbrot. Það vita allir sem stundað hafa sjóinn.

[Jóhann Elíasson, 3.12.2008 kl. 10:07]

Ég hélt að þessi "rígur" milli Makka- manna og Pc-manna tilheyrði sögunni.

[Víðir Benediktsson, 3.12.2008 kl. 12:23]

Jóhann minn, þetta er enginn rígur af minni hálfu. Vann bara með Macsea forritið til fjölda áraí Makka vandræðalaust svo var farið að keyra þetta í PC og þá hófust vandræðin.  Hef ekkert vit á þessu drasli en fyrir svona bjálfa eins og mig var makkinn mun notendavænni. Þessi athugasemd er skrifuð á Acer PC labtop.

[Fiskur Þorsksson (IP-tala skráð) 3.12.2008 kl. 16:18]

Hann var staðin að því að brjóta lögin.

Þegar fólk gerir e-h rangt bregst það við með því að bera fyrir sig afsakanir og ævintýralegar sögur um bilaðar tölvur.

Það að hann kom tölvunni undan ætti að sanna það fyrir öllum að hann veit upp á sig sökina.

Þó að kerfið sé gallað gefur það okkur ekki rétt til að gera það sem okkur sýnist,

það væri vísir að stjórnleysi sem engin vill búa við.

Það á að vera stöðug hlustun,þetta vitum við. Ef það hefur farið framhjá þessum sjómanni, tilkynningar um lokun á hólfi,þá leysir það hann ekki undan þeirri ábyrgð sem því fylgir að hafa veitt þar. (Sigl.reglur flettið þessu upp!)

Það er á ábyrgð skipstjóra að kynna sér hvar eru lokuð hólf og hann má ekki veiða.

P.S. PC er drasl....

[Hallgrímur Guðmundsson, 3.12.2008 kl. 16:38]

Hver stóð hann að því að brjóta lög? Mér vitanlega þá eru þetta tilgátur um fiskveiðilagabrot.

Er útilokað að STK tækið hafi bilað eða einhverjar rafmagnstruflanir haft áhrif á það svo sem sprungið eða útslegið öryggi, ég bara spyr?

PC eru fín græja Makkanum kynntist ég aðeins en mér hefur fallið betur við PC, sem betur fer þá eru ekki allir sammála þá væri lítið úrvalið sem við hefðum úr að velja.