Hvernig gat þetta gerst?

Ef einhverjir muna eitt ár aftur í tímann þá á þetta hreint ekki að geta átt sér stað. Fyrir ári síðan var allt vaðandi vitlaust í fréttaflutningi af algjöru hruni á sandsílisstofninum. Ekki dró vísindaflóran neitt úr og boðaði hörmungarnar sem aldrei fyrr.

Fuglafræðingar gengu af göflunum og boðuðu friðun á öllu sem hefði vængi, fiskifræðingar misstu þvagið og boðuðu friðun á fiski sem aldrei fyrr. Svo bara kom sílið og lét engan vita hvert það fór, þvílík ósvífni og óþægð í þessu helvítis síli að vera ekki þar sem vísindaakademían vil að það sé. Og meira en það, Sandsílisstofninn sem var jú hruninn tók upp á því að hrygna og það svona líka hressilega. Svona er Ísland í dag.

Sjá frétt hér fyrir neðan. 

 Góðar stundir.

Víða vart við sandsíli

Skip.is  16.5.2008

 

Vísbendingar eru um að hrygning sandsíla hafi tekist vel í fyrra en ekki fæst úr því skorið fyrr en eftir sandsílaleiðangur í sumar, að því er fram kemur í nýjustu Fiskifréttum. 

 

 

Sjómenn sem stunda veiðar við suðurströndina hafa tekið eftir því að óvenjumikið er um sandsíli ef miðað er við tvö til þrjú síðastliðin ár. Bæði lóðar á sílið og það finnst nú í þorskmögum í meira mæli en undanfarin ár. Ennfremur hefur fuglinn sótt í sílið sem aldrei fyrr. ,,Við höfum fengið jákvæðar fréttir af sílinu frá sjómönnum og þeir hafa einnig sent okkur sýnishorn af því. Það er vísbending um að hrygningin hafi tekist betur í fyrra en árin þar á undan en við getum ekkert fullyrt í þeim efnum fyrr en eftir árlegan sandsílaleiðangur í sumar,“ sagði Valur Bogason, útibússtjóri hjá Hafrannsóknastofnun í Vestmannaeyjum, í samtali við Fiskifréttir en Valur hefur stjórnað rannsókn á sandsílum undanfarin ár.

 

Athugasemdir

[Víðir Benediktsson, 19.5.2008 kl. 10:56]

Það veit enginn neitt um sandsíli. Hvorki Hafró né aðrir, hvað þá fuglafræðingar.

[Hallgrímur Guðmundsson, 20.5.2008 kl. 11:09]

Mikið rétt Víðir.