Æ Æ aumingja Hannes.

Hann á alla mína samúð. En eitthvað segir mér það nú samt að postulinn haldi áfram á sama hraða og verið hefur sem einn af hugmyndasmiðum íhaldsins. Er hann ekki einn af boðberum íhaldsins um hvað við höfum frábæra, arðbæra og hagkvæma fiskveiðistjórnun? Ein af hans síðustu ræðum um kvótakerfið var að mig minnir hvað það var frábær uppfinning að veðsetja fiskinn sem enn er á sundi í hafdjúpunum. Hann mætti að skaðlausu einnig vanda sig betur þar. Hvar í veröldinni eru hlutir veðsettir sem enginn hefur séð og hættan á því að aldrei sjáist mjög miklir nema þá helst á Íslandi?

„Ég hefði átt að vanda mig betur"

Athugasemdir

[Haraldur Bjarnason, 4.4.2008 kl. 06:37]

Athyglisvert að sjá hann koma núna og  þessar 30 millur, sem ruglið í honum hefur kosað hann eru settar upp svo hann fá samúð. Skoðanir hans og "bræðra" hans á kvótanum og veðsetning fisksins í hafinu hafa nú kostað margar fjölskyldur í landinu gott betur en það.

[Jóhann Elíasson, 4.4.2008 kl. 09:11]

Alveg var nú merkilegt að sjá hvað hann komst upp með að "hirða" senuna í Kastljósinu í gærkvöldi og ég verð nú að viðurkenna það að honum tókst bara nokkuð vel upp.  Svei mér þá ef ekki örlaði aðeins á "geislabaug"fyrir ofan höfuðið á honum, að vísu var "geislabaugurinn" nokkuð rykfallinn (greinilega ekki verið lengi í notkun) en hann var þarna.

[Hafsteinn Viðar Ásgeirsson, 4.4.2008 kl. 11:41]

Mér finnst nú engin ástæða til að kalla Hannes aumingja, ekki náði ég að vorkenna honum. Það getur vel verið að einhverjar viðkvæmar sálir hafi tárast yfir þessari ræðu, en það þarf meira á mig, það er á tæru. Það er, eins og Haraldur réttilega bendir á, full ástæða fyrir þessa þjóð að muna þessum gúrú hans þátt í þessu "kvótakerfi Framsóknar og andskotans" sem hann á mikinn þátt í og hefur ferðast með um heiminn, á okkar kostnað, til að dásama það og troða upp á vanþróuð ríki sem "besta kvótakerfi í heiminum". Nei hann fær enga samúð héðan, nema síður sé.