Svona sé ég hlutina

lau. 19.1.2008

Afleiðingar lýginnar...

Þær eru byrjaðar að hellast yfir þjóðfélagið, og er það sem komið er nú þegar í ljós aðeins byrjunin á ósköpunum. 250 manns hefur nú þegar verið sagt upp í fiskvinnslu, flóttinn er byrjaður á fiskiskipaflotanum og er ástandið þannig á sumum skipum að nánast vonlaust er að ákveða brottför fyrirfram vegna mannahallæris. Og takið eftir þetta á líka við um skip með góða kvóta.

Fjármálamarkaðurinn er vægast sagt skjálfandi og fólk er að tapa gríðarlegum fjármunum á hverjum klukkutíma alla daga vikunnar. Sjávarútvegurinn sleppur ekki í þessum hræringum, aðfarirnar eru byrjaðar. Sumir fá hringingu frá bankanum sínum sem fyrir nokkrum mánuðum vildi óður fylla alla vasa vildarvina sinna af peningum, og heimta uppgreiðslu lána sem voru lánuð fyrir einungis nokkrum mánuðum, mönnum er hótað lögfræðingum hlýði þeir ekki, og einhverjum öðrum réttur kvótinn á niðursettu verði að þeirra mati. Raunverulegt mat er hér

Hvað veldur þessu, skyldi það vera að það sem ég hef sagt, og margir aðrir hafa sagt að afskaplega lítil innistæða sé fyrir öllu spákaupmennskubrjálæðinu. Það er nóg að stofnun sem kennir sig við vísindi, (Hafró) komi með svona arfavitlausar tillögur og skeri niður þorskkvótann um þriðjung þá fer allt á annan endann hér. Ef einhver sannleikur væri fyrir því að stjórn fiskveiða væri svona hagkvæm og arðsöm á Íslandi væri þetta ekki svona, ekki satt? Fyrirtækin mundu einfaldlega halda sjó og bíða þetta ástand af sér, þar sem hagkvæmnin vera búin að byggja upp sjóði sem nýttust vel í ástandi sem þessu ekki satt?

Nei raunveruleikinn er því miður allt annar, skuldir sjávarútvegsins eru í óskiljanlegum hæðum og hvernig þær hafa náð þessum hæðum er enn þá óskiljanlegra svo vægt sé til orða tekið. Það má ekkert klikka, það má varla lengur koma bræla í einn dag þá fer allt til helvítis, spilaborgin fýkur með ógnarhraða í gólfið og endurskipulagning er bráðnauðsynleg á þvælunni.

Hver ber svo ábyrgðina á allri veðsetningunni? Hver vil taka á sig þá ábyrgð að það sé búið að veðsetja allan þann fisk sem kemur til með að synda í kringum þetta land um mörg ókomin ár? Hver vil taka það að sér að útskýra það fyrir afkomendunum, hvernig búið er að ganga frá þessari sameiginlegu auðlind allra landsmanna?

Hvernig dettur mönnum það til hugar að veðsetja einhvern hlut, sem einn daginn getur tekið upp á því að skipta um þjóðerni án nokkurra afskipta okkar mannanna? Sem sagt synda í burtu, er mönnum ekki sjálfrátt í dellunni? Það hlýtur að vera afskapleg góð og notarleg tilfinning einhverra sem eru búnir að taka veð í svo sem eins og einni milljón tonn af loðnu. Hvar er það veð í dag?

Maður er farinn að spyrja sig einkennilegra spurninga þegar maður hugsar um þetta brjálæði. Svo sem, getur bóndi virkilega veðsett 700 gæsir sem voru á túninu hjá honum, þær koma örugglega aftur? Staðreyndin er einföld, Gæsin skilur eftir sig skítinn í túninu og fer sína leið burt séð frá allri veðsetningu. Sama á við um fiskinn hann fer sína leið, og er slétt sama um einhverja veðsetningu.

Því miður er það hrikaleg staðreynd að allt þetta brjálæði er upplogin þvæla sem á sér ekki neina samlíkingu. Það væri í besta falli hægt að segja það hræsni ef menn reyna að líkja þessu við væntingar og spár galtómra jakkafata sem vægast sagt hafa meðhöndlað hlutina óvarlega.

Flokkur: Stjórnmál og samfélag | Facebook

Athugasemdir

Takk fyrir það Runólfur, maður er bara brattur enda er ekki leikur fyrir en eftir tvo daga...

Hallgrímur Guðmundsson, 19.1.2008 kl. 23:50

Þessu hef ég nú spáð nokkuð lengi, atgervisflótta úr sjómennskunni. Mín skoðun er að við höfum ekkert séð enn varðandi hrun veða í sjávarútveginum með tilheyrandi vandræðum og gjaldþrotum, því er nú ver.

Hafsteinn Viðar Ásgeirsson, 20.1.2008 kl. 19:58

Sæll félagi, ég er alveg sammála hræddur er ég um að einhverjum bregði þegar raunveruleikinn blasir við í sumar. Vonandi reynist tilfinning mín ekki rétt en djö... er margt sem styður hana samt.

Hallgrímur Guðmundsson, 20.1.2008 kl. 21:06

Verð að segja ykkur eina góða, en sá gammli hefur legið á samanbrotinni vattsæng á nóttinni en Birta fékk tveggja sæta sófa undir sig inni í herbergi en náði bæli Pjakks undir sig á tiltölulega stuttum tíma, hann gaf henni það eftir en hleypir hvorki henni né köttunum nálægt sér þegar hann er að leggja sig og þau skilja það urr, ok í gærkvöldi vorum við að fara að leggja okkur og tók sá gammli sig til og lagðist í sitt bæli áður en prinsessan kom inn og þóttist góður, en hún horfði á hann smá stund og fór svo að reyna að toga undann honum sængina og togaði í þó nokkurn tíma hvað sem sá gammli urraði ég beið eftir að hann færi í hana og stóð upp og tók hana og lét í sófann, enn nei nei hann gaf sig stóð upp og rölti fram og hún lagðist í bælið.

Högni Jóhann Sigurjónsson, 20.1.2008 kl. 23:21

Sæll Högni, Þvílík prímadonna maður er hálfpartinn farinn að vorkenna þeim gamla. Það verður ekki langt að bíða karlinn minn þangað til að þú verður að sofa úti í útihúsum. Kolur (þessi svarti) er svona svipaður, hann á allt skuldlaust sem er á heimilinu, og lætur mömmu sína alveg vita að það er hann og enginn annar sem er kóngurinn. Kátur gæti alveg eins verið af einhverju allt öðru kyni, hann er svo ljúfur og rólegur, svona ekta stofuplanta með langar rætur. Það er alltaf gaman að frétta af drottningunni, takk fyrir. Kv, Halli.