GPG í vanda???

frétt á ruv.is

Fyrst birt: 09.05.2008 18:36

Síðast uppfært: 09.05.2008 18:39

Uppsagnir hjá GPG í Noregi

"Mikil reiði er meðal starfsfólk íslensku saltfiskvinnslunnar GPG í Noregi eftir að öllum var sagt upp í gær. Um 100 manna vinna hjá GPG á fjórum stöðum í Norður-Noregi. Starfsfólk segist engar upplýsingar hafa fengið um stöðu fyrirtækisins og ástæður uppsagnanna.

Ekki næst í eigendur GPG á Íslandi. Þó er upplýst að þeir hafi átt símafundi í dag með norskum viðskiptabanka sínum um lausn vandans. Norska fyrirtækið hefur verið í eigu GPG Investment frá árinu 2003. Þar hefur saltfiskur verið verkaður úr 20 til 30.000 tonnum af fiski og ekki frést af erfiðleikum í rekstri síðustu árin.

 

Því kom starfsmönnum á óvart að öllum starfsmönnum í fjórum saltfiskvinnslum fyrirtækisins var sagt upp. „Við fáum engan upplýsingar frá stjórn fyrirtækisins og náum ekki einu sinni sambandi við þá og vitum ekkert hvað er að gerast", segir Rita Dale, trúnaðarmaður starfsmanna.

Stjórn fyrirtækisins er á Íslandi en þeir reka einnig GPG-fiskvinnslu á Húsavík. Sveitarstjórnarmenn hafa einnig látið í ljós óánægju með að engar upplýsingar fást frá Íslandi. Upplýst er að það var viðskiptabanki GPG í Noregi sem hætti fyrirgreiðslu fyrir fyrirtækið fyrr í vikunni vegna greiðsluerfiðleika.

Að sögn norska ríkisútvarpsins hafa viðræður staðið í dag í síma milli stjórnarinnar og bankans um lausn vandans og sjávarútvegsblaðið Fiskaren taldi í kvöld miklar líkur á að úr rættist. GPG á Íslandi og í Noregi eru saman með stærstu saltfisverkendum heims. Frá því í vetur hefur gengi norsku krónunnar hækkað verulega gangvart flestum öðrum gjaldmiðlum og það veldur útflytjendum sjávarafurða í Noregi erfiðleikum". Frétt lýkur.

Eitthvað eru Norðmenn ekki ánægðir með Íslensku aðferðina. Enda ku þeir vera vanir því að við fólkið sé talað, en á Íslandi er málunum hagað með öðru hætti.

 

Löggan á fullu að sekta

ökumenn fyrir að vera á nagladekkjunum. Svona er Ísland í dag.

Fjórir hafa keyrt út af vegna hálku á Norðurlandi

Mokveiði víða um land og

Hafró algjörlega í ruglinu með sitt togararall. Þessi frétt núna og svo komu þessar fréttir um daginn.

Bátarnir sem róa frá Arnarstapa hafa verið að mokfiska að undanförnu. Einu sinni sem oftar kom netabáturinn Bárður með fullfermi um helgina, rúmlega tíu tonn, og þurfti að landa tvisvar sama daginn.

Pétur Pétursson skipstjóri á Bárði er því enn í sömu vandræðum og þegar Skessuhorn ræddi við hann fyrir mánuði síðan, að það gengur hratt á kvótann í góðu fiskiríi. Hjá Pétri eins og fleirum er glíman við að veiða ekki allan þorskinn áður en kemur að því að veiða aukategundirnar.

Handfærabátarnir hafa verið að koma með upp í tonn yfir daginn, sem þykir dágott.

Reimar Karlsson hafnarvörður á Arnarstapa miðar fiskiríið nú við það sem gerðist fyrir 6-8 árum þegar 40 tonnum var landað yfir daginn af um 30 bátum.

Síðustu dagana hefur bátum verið að fjölga í höfninni á Arnarstapa, en það er alltaf í kringum sumardaginn fyrsta sem bátarnir koma á sumarvertíðina. Núna eru komnir að sögn Reimars rúmlega 15 bátar, eða svipað því sem verið hefur síðustu sumur.

Reimar segir að vel hafi verið að veiðast bæði í netin og á handfærin. "Ég veit ekki hvað er að gerast, en það virðist vera nóg af þorski. Kannski þetta sé eins og 1967 þegar síldin mokveiddist en svo sást hún ekki aftur fyrr en einum 40 árum síðar að hún fór að veiðast hjá okkur aftur. Allavega held ég að þetta séu ekki síðustu þorskarnir sem þeir eru að veiða núna," segir Reimar.

Fjölmargar aðrar fréttir um mokveiði hafa borist á þessari vertíð og Hafró finnur ekki ugga í sínu heimasmíðaða móteli (togararalli) Máttur vísindanna er að stórskaða þetta þjóðfélag. Helsta verkefni sem framundan er að mínu mati er að rannsaka starfsaðferðir Hafró.

Mokveiði í Öxarfirði

Enn syrtir í álinn

og ekkert útlit fyrir lækkun á olíuverði framundan. Veiðar með kyrrstöðuveiðarfærum er það sem koma skal, veiðar smábáta munu aukast og togveiðar leggjast af. Þetta er framtíðin sem við okkur blasir.

Verð á olíu yfir 126 dali

Og enn hækkar

olían. Það er líklegt að einhverstaðar fari að kreppa verulega að á næstu vikum og vísa ég í þessa færslu hér.

Hækkun á Wall Street og olíuverð í hæstu hæðum

Við höfum ekki efni á að

veiða úthafskarfann, það styttist í þessa yfirlýsingu, og margar aðrar fréttir af svakalegri stöðu útgerðarinnar. Þessu var hvíslað í eyrað á mér í kvöld og kemur í sjálfum sér ekkert á óvart. Það er einnig vandséð hvernig togveiðar geti yfir höfuð gengið eins og verðið er orðið á olíunni. Verð á ufsa er það lágt að hann verður ekki veiddur á þessu olíuverði í troll, einnig er vandséð hvernig ýsuveiðar geti gengið í troll eins og verðið er sem menn hafa verið fá í Englandi og smáu ýsuna hér heima.

Fyrir ekki margt löngu skrifaði ég um mína framtíðarsýn á þessu máli og er hún einföld, sjá hér. Togveiðar munu nánast leggjast af og við taka veiðar með kyrrstöðuveiðarfærum. Útlit fyrir lækkun á olíu er því miður hvergi sjáanleg í pípunum.

Afstaða yfirvalda skelfileg

í Búrma. það þykir ástæða til að slá upp svona fréttum, en þykir engin ástæða til að slá upp frétt sem gæti hljóðað svona t.d? Afstaða stjórnvalda á Íslandi er skelfileg gagnvart mannréttindum. Það þykir ekkert fréttnæmt að fólk situr frammi fyrir gjaldþrotum, eignarupptökum og hreppaflutningum í kjölfar mannréttindabrota.

Á Íslandi er ekkert sjálfsagðara en mismuna gróflega þegnunum og brjóta á þeim sjálfsögð mannréttindi. Lífsviðurværið er tekið af fólkinu í nafni hagkvæmni og hagræðingar sem er engin, fólkið situr eftir skuldum vafið og ekkert annað blasir við en gjaldþrot og almenn niðurlæging. Á meðan sitja stjórnvöld með úrskurð í vasanum frá mannréttindanefnd Sameinuðu Þjóðanna um að gjaldþrotin, hreppaflutningarnir og almenn niðurlæging fólksins sé framkvæmd með mannréttindabrotum.

Afstöðu Íslenskra stjórnvalda til mannréttinda má vel líkja við herforingjastjórnina í Búrma, það er lítill munur á kúk og skít, ólyktin er sú sama. Útspil stjórnvalda gegn óánægju fólksins er að stofnaður skal HER og lýðurinn skal barinn og GASAÐUR til hlýðni. Að leiðrétta mannréttindabrotin er algjörlega að mér sýnist fyrir neðan virðingu stjórnvalda, haldið skal áfram í skjóli efnahags, hagræðingar og arðsemi sem er hver, ég bara spyr?

Góðar stundir. 

Afstaða yfirvalda skelfileg

Er bananalýðveldið Ísland

á góðri leið með að koma sér í hroðalega stöðu gagnvart alþjóðasamfélaginu? Ef marka má viðbrögð sjávarútvegsráðherra sem kom fram í svari hans við fyrirspurn Sivjar Friðleifsdóttur, þingflokksformanns Framsóknarflokksins þá eru stjórnvöld á góðri leið með að koma Íslandi í þessa hroðalegu stöðu. Í frétt á vísir.is kemur meðal annars þetta fram, "Einar K. Guðfinnsson sjávarútvegs- og landbúnaðarráðherra benti á að hann hefði lýst því yfir að álitið yrði tekið alvarlega og þá bætti hann við að álitinu yrði svarað. Hann hefði efasemdir um röksemdarfærsluna á bak við niðurstöðu mannréttindanefndarinnar en það breytti því ekki að álitinu yrði svarað. Svarið væri bæði fræðilegt og pólitískt. Fræðimenn hefðu verið kallaðir til að vinnslu svarsins og svo þyrfti ríkisstjórnin að komast að sameiginlegri niðurstöðu í svarinu. Hann vonaðist til að geta kynnt svarið fyrir þingheimi áður en þingið færi í sumarfrí" Tilvitnun lýkur.

Þarna kemur klárlega í ljós að mannréttindi á Íslandi eru háð pólitískum duttlungum. Hvar í hinum siðmenntaði heimi eru mannréttindi metin eftir pólitískum duttlungum og hagsmunum örfárra?

Vont að búa í landi sem

setur mannréttindi ekki ofar öllu. Tímamörkin sem Íslensk stjórnvöld fengu til þess að bregðast við áliti mannréttindanefnd Sameinuðu Þjóðanna um kvótakerfið er senn á þrotum. Eins og allir vita voru gefnir 180 dagar til að bregðast við og gera viðunnandi breytingar á kerfinu. Í dag eru 33 dagar eftir og ekkert bólar á neinum breytingum.

Einu viðbrögðin sem sýnd hafa verið eru á þá leið að það hreinlega þurfi ekkert að gera, þessi nefnd hafi nákvæmlega ekkert að segja, hvað þá heldur að það þurfi að fara eftir henni. Margir og sumir ráðherrar meðtaldir hafa gengið svo langt að horfa frekar í það sem minnihluti nefndarinnar sagði. Einnig hafa menn gengið svo langt að segja þennan meirihluta nefndarinnar sem úrskurðaði kvótakerfið sem grófa mismunun og mannréttindabrot koma frá svo vafasömum löndum að ótækt væri að hlusta á þá og þeirra álit. Mikill er máttur hrokans.

Mikið hefur verið rætt um mannréttindaskrifstofu Reykjavíkurborgar að undanförnu og er það vel. Mér er spurn, eru mannréttindi ekki fyrir alla? Eðlilega kemur þessi spurning þar sem áhersla á mannréttindi okkar sem á landsbyggðinni búum virðast ekki vera þau sömu og íbúa borgarinnar. Það er í það minnsta sjálfsagt að brjóta þau af stjórnvöldum og allir steinhalda kjafti.

Ef Sjávarútvegsráðherra vil frekar horfa á það sem minnihluti mannréttindanefndar Sameinuðu Þjóðanna sagði hvað segir það okkur um lýðræðið? Er þá nóg að stjórnarandstaðan leggi til frumvarp til laga sem fær ekki meirihluta atkvæða í þinginu og það verði að lögum? Þetta er nákvæmlega sama þvælan og að þeir sem horfa frekar í það sem minnihluti nefndarinnar sagði og  það sé það sem mark er á takandi.

Hvernig svo sem menn reyna að réttlæta það að hunsa beri þetta álit nefndarinnar eru þeir hinir sömu á vægast sagt vafasamri leið í sínum rökstuðningi. Svo hart hefur meira að segja ráðherra gengið fram og rökstutt mál sitt með tilvitnunum í svo sem, gríðarlega efnahagslegt mál. Mannréttindabrot á sem sagt að réttlæta í skjóli efnahags, gróðafíknar og græðgi.

Klukkan tifar og fresturinn er að renna út, ráðherra liggur á málinu eins og um hernaðarleyndarmál sé að ræða. Eru mannréttindi hernaðarleyndarmál? Hvar er samvinna stjórnvalda við hagsmunaaðila í greininni? Þetta mál verður ekki leyst með friðsömum hætti ef einræðisákvarðanir ráða för og eða pólitískar ákvarðanir hafðar að leiðarljósi. Mannréttindi eru einfaldlega ekki pólitísk ákvörðun eða þá ákveðin út frá efnahagslegum ákvörðunum. Það er alveg klárt.

Brot á mannréttindum og mismunun þegnanna svo ekki sé nú talað um brot á stjórnarskrá Lýðveldisins er saknæmt athæfi, því skulum við aldrei gleyma. 

Góðar stundir. 

Fjármunum varið í einstök mannréttindaverkefni

Við rákum þessa helvítis lúða

vegna þess að ekki hafi náðst sá árangur í rekstri verksmiðjunnar sem stefnt hafi verið að lengi. Haft er eftir Eggert Guðmundssyni forstjóra Granda að ráðnir verði nýir "(hæfir geri ég ráð fyrir)" starfsmenn í stað fjórmenninganna, en þessi ráðstöfun þýði engan veginn að áform sé uppi um að leggja niður rekstur verksmiðjunnar á Akranesi, heldur sé stefnt að því að tryggja að rekstur verksmiðjunnar verði ásættanlegur.

Svona má alveg túlka þessa frétt hér.  Það var sem sagt þessum starfsmönnum að kenna að viðeigandi rekstur náðist ekki. Örugg og staðföst stjórn og forstjóri Granda hafa fundið heppileg fórnarlömb fyrir slæmum rekstri fiskimjölsverksmiðjunnar og losað sig við þessa algjörlega vanhæfu ræfla sem gátu ekki með nokkru móti rekið draslið á vitrænan hátt. En hvað á vitsmunaberið sem ekki var rekið og er starfsmaður í mötuneytinu að gera? Hefur einhver svar við því?

Við erum að horfa upp á alveg glænýjan fyrirslátt fyrir uppsögnum starfsmanna fyrirtækja. Eitthvað segir mér nú samt að þessir starfsmenn hafi lítið komið nálægt ákvörðunartöku forstjóra Granda um tilhögun á rekstri fyrirtækisins. Ekki efast ég um hæfni þessara manna sem misstu vinnuna sína og sjálfsagt hafa þeir unnið gott og óeigingjarnt starf fyrir vinnuveitenda sinn, en um vinnuveitandann ætla ég að leyfa mér að setja???????? við.

Þvílík skilaboð, forstjórarnir sem þiggja margföld verkamannalaun eru ekki ábyrgir fyrir rekstrinum og að hann sé í lagi, nei starfsmennirnir á gólfinu er ábyrgir og þá ber skilyrðislaust að reka eins og hunda þegar misvitrar ákvarðanir stjórnendanna ganga ekki upp. Svona er Ísland í dag.