Björn B. þú er hreint út sagt

æðislegur. Allir sáttir og enginn í sérstöku uppnámi, mig langar að vita á hvað lyfjum þú er kæri Björn B. eða hvað þú lætur ofan í þig áður en þú mætir í vinnu. Það er í það minnsta eitthvað handónýtt sem slær á allt sem heitir raunveruleikaskyn, enda myndir þú varla fara út úr húsi eftir öll þín afglöp og hroka sem þú hefur sýnt samborgurum þínum í gegnum tíðina öðruvísi.

Hverjum af þínum kollegum út í hinum stóra heimi hefði dottið til hugar að hrekja einn afkastamesta starfsmann sinn úr starfi eins og þú gerðir á svo eftirminnilegan hátt? Ég held að enginn hefði gengið fram með þeim hætti sem þú gerðir öðruvísi en þurfa að sæta ábyrgð á því og segja af sér.

En nei það þarft þú náttúrulega ekki að gera frekar en aðrir pésar í þínum flokki, rödd fólksins er nefnilega eitthvað sem skiptir ykkur sjálftökuhyskið ekki neinu máli og áfram skal setið þótt stóllinn sé brunnin upp til agna og allt sjóðandi vitlaust hvert sem litið er.

Hrollur æðir um líkamann við þá tilhugsun hvernig þú og þínir flokksfélaga halda áfram að meðhöndla lýðinn eins og ekkert hafi í skorist, hvað heyrum við næst? Endurtekningu á ræðum ykkar sem fluttar voru af yfirgripsmiklum hroka í sumar að hér ríkti stöðugleiki, góðæri og ekkert væri að óttast. Vandamálin væru bara fjarlæg sem einhverjir útlendingar væru að kljást við og kæmu okkur hreint ekkert við enda með afbrigðum klár og allt draslið byggt upp á massa traustum grunni og ekkert gæti hróflað við meistaraverkunum.

Það er öllum löngu ljóst kæri Björn B. nema ykkur sjálfum að þið hafið akkúrat ekkert umboð lengur frá almenningi til áframhaldandi stjórnarsetu, enda hefur þú og allur þinn flokkur rekið stjórnlaust steinsofandi að feigðarósi sem hefur komið okkur á ískaldan risastóran klaka sem vandséð er að bráðni á næstunni.

Hvernig ykkur dettur það til hugar að þið séuð rétta fólkið til að rétta landið við eftir algjört skipsbrot á almestu uppgangstímum sem þetta þjóðfélag hefur gengið í gegnum er ótrúleg, ég held kæri Björn B. að þú og flokksfélagar þínir mættu setjast niður nú um áramótin og hugleiða vandlega hvert áramótaheitið verði á þessum tímamótum.

Ég hef ákveðna hugmynd fyrir þig kæri Björn B. þar sem ríkisútvarpið er undir ykkar stjórn þá mættuð þið gjarnan koma fram þar og biðjast opinberlega afsökunar á vanhæfni ykkar og segja skilið við pólitíkina og öll opinber störf. Við myndum sennilega fyrirgefa ykkur og sjálfsagt með tímanum fengjuð þið einhverja vinnu á almennum vinnumarkaði þegar búið verður að taka til eftir ykkur og við farin að lifa sómasamlegu lífi aftur.

Þessi þjóð hefur alla burði til að lifa ágætis lífi af þeim auðlindum sem hún á, þið bara einfaldlega kunnið ekkert með þær að fara og þess vegna verðið þið að víkja, það er ekkert skammarlegt við það ykkur einfaldlega mistókst og við því er lítið annað að gera en leita sér að öðru djobbi. Það er hinn venjulegi gangur sjáðu til og kemur fyrir besta fólk í öllum stigum þjóðfélagsins.

Góðar stundir.

Nýtt skipurit kynnt í Keflavík

Við eigum einn svona sem allir elska dýrka og dá (myndir)

                                                                                                 Við er svo sannarlega stolt af honum.

                                                                                  Hann er fjölhæfur foringi maður fyllist lotningu.

                                                                                                   Einhverjir kunna ekki að meta hann.

                                                                       Það er ótrúlegt þar sem hann sem kann líka að keyra.

                                                                                                                     Og á einnig frábæra vini.

                                                                                                       Og þennan hér sem á sér draum.

                                                                 Hann á líka hóp þræla sem hreinsa upp skítinn eftir hann.

                                                     Sem þetta kærustupar stjórnar undir öruggri leiðsögn foringjans.

                                                                                                       Guð hjálpi okkur ef hann er þá til.

 

Góðar stundir.

Stalín kjörinn þriðji vinsælasti Rússi allra tíma

Hárrétt, níðumst á gamla fólkinu

og látum Afa og Ömmu greiða okurleigu í ellinni. Hvað er eðlilegra en innheimta duglega af Afa og Ömmu þau er hvort sem er á leiðinni í gröfina fljótlega og þar með þagnar helvítis röflið í þeim um leið. Já gamla settið hefur ekkert með það að gera að taka með sér fúlgur fjár í gröfina, hvað þá heldur að skilja það eftir í reiðuleysi handa snarvitlausum erfingjum sem tóku ekki á nokkurn hátt þátt í því að skapa auðinn.

Best er að það sé rænt sparnaði sínum í okurleigu og tvær flugur steindrepnar í sama högginu, auka kista fyrir auðinn er óþörf og hatrammar deilur erfingjanna úr sögunni sem aftur leiðir til þess að í næsta jólaboði mæta allir kátir og glaðir og enginn að hugsa um arfinn sem ekki var til. 

Þegar ég las þessa frétt þá er ekki laust við að ég hafi skammast mín, en af hverju ætti ég að skammast mín? Ásgeir Ingvason framkvæmdastjóri hjá Naustavör ætti að skammast sín og hætta í þessu djobbi ef hann og þetta lið sem með honum vinnur getur ekki gert betur en þetta fyrir Afa og Ömmu á lokasprettinum.

Góðar stundir. 

Rógburður sem á ekki við rök að styðjast

Eru allir búnir að gleyma viðtalinu sem Björn Ingi Hrafnsson tók við Sigurð Einarsson út í London? Þar sagði hann að þeir hefðu ekki gert neitt rangt og öll þeirra verk þyldu dagsljósið.

Ekki trú ég því að nokkrum manni detti til hugar að halda því fram að þessi öðlingur hafi vísvitandi logið í ræfilstuskuna hann Björn Inga. Það er náttúrulega fyrra að halda því fram enda er Björn Ingi mikill öðlingur og ekki nokkur ástæða til að ljúga í þennan hvítþvegna framsóknarmann.

Björn Ingi þessi líka karakterinn, eftir misheppnaða tilraun til að stela orkuveitunni sagði hann af sér með þeim aumustu afsökunum sem borin hafa verið á borð almennings á síðari tímum.

Já Þáttur Björns Inga sem heitir Markaðurinn er vettvangur þeirra sem verða á einhvern hátt að fá tækifæri við að hreinsa mannorð sitt af þeim rógburði sem á þá er borinn, svo sem misferli, glæpamenn, spillingarhyski, landráðamenn og guð má vita hvað fólki hefur dottið til hugar að kalla þessa öðlinga sem jú gerðu akkúrat ekkert rangt.

Hvernig getur fólk verði svona vont og illa þenkjandi gagnvart þessum englum sem myndin er af hérna til hægri? Það jaðrar við hneykslun hjá gaurnum sem á þetta lyklaborð hamrar....

Góðar stundir.

Rannsaka millifærslur

Til hamingju með þennan túr

ekki veitir af á þessum síðustu og verstu. Við skulum rétt vona að það rætist úr sölumálum á næstu vikum því ef það gerist ekki er hætt við að veiðum verði sjálfhætt og þá blasir bara eitt við sem þarf ekki að orðlengja hér.

Góðar stundir.

Enn eitt aflametið

Merkileg orð frá framkvæmdastjóra

gjaldþrota atvinnuvegs. Ég nenni ekki að tjá mig meira um þetta mál en við skulum sjá til hvernig staðan verður í lok mars. Ég er ekki alveg viss um að Friðrik J. verði svona brattur þá.

Góðar stundir.

Aldrei aftur í faðm ríkisins

Jólakveðja

Kæru vinir nær og fjær. Ég óska ykkur öllum Gleðilegra jóla og farsældar á komandi ári. Hugheilar þakkir fyrir árið sem er að líða.

 

Get this Scrap Code !

Góðar stundir.

 

Skeinipappír sjálfstæðismanna

er nokkuð vandaður pappír enda eru þeir að eigin sögn mjög vandaður flokkur fólksins í landinu. Flokkur allra landsmanna sem er svona vandaður verður að pússa á sér afturendann með plottum pappír enda ótrúlega vönduð skítverk sem þessi flokkur fólksins framkvæmir.

Mannréttindasáttmáli Sameinuðu Þjóðanna og úrskurður mannréttindanefndar Sameinuðu Þjóðanna á prenti skal notaður enda telst það mjög virðuleg sem gefið er út á prenti frá þeim, samt lýtur flokkur fólksins í landinu það allt öðrum augum og ákveði að skeina á sér afturendann með þessum plöggum, gleymum því heldur ekki hvernig íhaldið skeinir sig á samfylkingunni sem situr steinsofandi í þægilegum stólum og minnir helst á misþroska áhorfanda.

Pínlegt er það svo vægt sé til orða tekið að hlusta á samfylkinguna tjá sig um sjávarútvegsmál, það talar hver tóma tunnan á eftir annarri um stjarnfræðilega dellu sem er svo innihaldslaus að manni dettur í hug hópur af smábörnum í sandkassa. Presturinn sem tjáir sig í þessari frétt hefði mátt viðhafa þetta orðalag í kosningarbaráttu sinni sem haft er eftir honum hér.

Það hefði í það minnsta sleppt manni við það ofbeldi sem augu manns og eyru verða fyrir á þessa dellu sem frá honum vellur um þessi mál núna, inn á þing hefði hann aldrei náð með svona boðskap og viðhorfi á lífsviðurværi landsbyggðarinnar. Eins og það sé ekki nóg að presturinn misþyrmi skilningarvitum manns með þessari þvælu þá er hann í vinnu hjá þjóðinni við að boða þessa rakalausu dellu.

Viljum við ríkisrekið kvótabrask?

Viljum við samfylkinguna í forustu fyrir framtíð okkar?

Góðar stundir.

20 þús. þorsktonn á markað?

Hundarnir mínir blogga um mótmælin. (myndir)

                                                                                                                 Fyrirsögnin ákveðin.

                                                                                           Svo þarf að ákveða hverju skal mótmælt.

                                                                                      Hér er svo leikurinn farinn að æsast talsvert.

 

Og í stuttu máli þá endaði þetta með ósamkomulagi um hverju skyldi mótmælt. Ég vildi náttúrulega tala um kvótakerfið og efnahagsmál en aðstoðarmennirnir vildu mótmæla harðfiskleysi á bænum enda sléttsama hvernig harðfiskurinn verður til....

Svo að lokum set ég inn myndir af eftirlæti konunnar sem eins og ég sagði í síðustu færslu lenti með húsbóndanum í bólusetningu og naglapjatti að ósk konunnar. Ég reddaði jólafriðnum á bænum með smávægilegri viðbót í pjattmeðferð eftirlæti konunnar...

                                                                                           Svona leit eftirlæti konunnar út áður...

                                                                                 Og svona lýtur hún út eftir jólaklippinguna...

                                                                                    Nú erum við að tala saman, flott klipping...

                                                                                                        Góðar stundir.

 

Þögul mótmæli á Austurvelli

Sköllóttur hundur, brjáluð eiginkona, börnin í sjokki

og ég bara svona helvíti góður. Já dagarnir hjá mér eru hreint út sagt hver öðrum skrautlegri þessa dagana. Þessi dagur til dæmis byrjaði ósköp sakleysislega, vaknað klukkan 6 og græjaður morgunmatur fyrir svefnpurkurnar á bænum og síðan farið í vinnu....

Í hádeginu var svo farið með hundana í ósköp sakleysislega ársskoðun hjá dýralæknir og til stóð að láta snyrta neglurnar á ferfætlingunum í leiðinni, svona smá punt fyrir jólin sjáið til. Púkinn í mér blossaði upp og í alvöru þá fannst mér naglasnyrting engan vegin nóg fyrir tíkina, léttvæg hársnyrting myndi fullkomna verkið...

Hver spyr konuna um leyfi fyrir svona smotteríi, ekki ég það er ljóst. Léttvæg hársnyrting á hundi þarfnast ekki samráðsfundar eða leyfis, ég er jú húsbóndinn og með þann titil tók ég ákvörðunina aleinn og óstuddur enda bara smámál sem er verið að tala um. Blásaklaus og grunlaus eiginkona sat frammi á biðstofu og passaði hvolpana meðan húsbóndinn fór inn með tíkina í það sem hún hélt að væri einungis bólusetning og naglapjatt á dálætinu hennar...

Þessi léttvæga hársnyrting fór aðeins öðruvísi fram en ég hafði ímyndað mér fyrirfram, hrossaklippur voru dregnar fram og á svipstundu stóð tíkin strýpuð á gólfinu fyrir framan mig eftir hetjulega baráttu við hrossaklippur, aðstoðarmann, dýralæknir og eigandann sem að sjálfsögðu hún gjörtapaði...

Eitthvað fannst frúnni ganga einkennilega mikið á þarna inni við bólusetningu og naglasnyrtinguna, konan mín er greinilega ekkert öðruvísi en aðrar konur þegar kemur að forvitni, hún stóðst ekki freistinguna og kom æðandi inn eins og eimreið og hafi maður haft einhverja hugmynd um hvernig eimreið snarstoppar þá var sú hugmynd sem í mínum kolli var um það kolröng. Eimreið snarstoppar ekki og öskrar Hallgrímur Guðmundsson hvað hefurðu gert...

Á heimleiðinni komst ég að því að svona smávægilegar ákvarðanir tekur maður ekki aleinn þótt maður beri titilinn húsbóndi... Skyldi ég fá kartöflu í skóinn?

En að fréttinni, þetta baugs mál er orðið frekar þreytt og er ekki í lagi að menn snúi sér að öðrum og mikilvægari hlutum? Bónus færir okkur betra og lægra verð eða eru einhverjir á öðru máli?

Góðar stundir.

„Dapurleg jólagjöf“