Davíð er kóngurinn

Við megum þakka fyrir að eiga mann eins og Davíð, hann reddar okkur út úr þessu smávandamáli sem íslenskt þjóðfélag er að glíma við.

Góðar stundir.

Fjármagnsflutningar Kaupþings höfðu mikil áhrif á Bretana

Uppljóstrun leyndarmáls og magnaðar myndir

Það yrði saga til næsta bæjar ef framsókn með leppinn í fararbroddi fylkingar gæti hrósað sér af þessu, sjá hér.

Ef þeir ná á einhvern óskiljanlegan hátt að klappa sjálfum sér á bakið fyrir þetta framtak þá gerist ég útlagi og nem land á Kolbeinsey með allt heila settið, konu, börn og hundana....

Án gríns þá er þetta það tækifæri sem ég sá og sagði frá hér á síðunni fyrir mánuði eða svo, það er að verða að veruleika...

Góðar stundir.

 

Framsókn kynnir hugmyndir sínar í efnahagsmálum

Það er akkúrat engin eftirsjá

í þér ef þú hefur haldið það Bjössi B. Það eru nokkuð örugglega fleiri en þig grunar sammála mér.

Góðar stundir.

Enginn lagt meira á sig fyrir sæti á lista en Guðlaugur Þór

Stjórnin að springa !!!

Draugfúll og hundóánægður gerviformaður framsóknarflokksins er farinn að hugsa sinn gang. Það hlýtur að teljast vonlaust að leppurinn í formannsæti framsóknar styðji Síhaldsfylkingarflokkinn í minnihlutaríkisstjórn eftir þá atlögu sem Síhaldsfylkingarflokkurinn er að gera að honum sjá hér. Sumir eru viðkvæmari en aðrir það er ljóst, ég tala nú ekki um ef eitthvað er dregið fram í dagsljósið sem greinilega er eitthvað viðkvæmt fyrir leppinn. Af hverju skildi það svo vera, hefur hann eitthvað misjafnt á samviskunni?

Ég gaulaði því út úr mér hér á þessari síðu að hinir flokkarnir mættu taka framsókn sér til fyrirmyndar eftir það sem virtist vera uppstokkun á fronti flokksins. Ekki hef ég alveg náð að greina hvað það var sem hrjáði mig þann daginn sem ég lét þetta út úr mér, það er deginum ljósara að það hefur verið banvænn krankleiki fyrir marga en á einhvern óskiljanlegan hátt þá lifið ég þetta af og er kominn á rétta braut á ný.

Það leið ekki langur tími eftir að leppurinn settist í formannsstólinn þegar upp poppaði einn stórsnillingurinn og kynntur fyrir alþjóð sem helsti ráðgjafi framsóknarleppsins. Jú mikið rétt maðurinn heitir Ragnar Árnason og er hvað þekktastur fyrir stærðfræðilega fiskihagfræði og öll þau helstu vísindi sem sem fiskihagfræðinni fylgir.

Það þarf ekki að rýna mikið í hlutina til að gera sér grein fyrir því að formannsleppurinn í framsókn er ekkert annað en endurnýjun á hroðalegum armi Finns Ingólfssonar í þessu stjórnmálaafli sem kenna má við spillingu og skítavinnubrögð svo langt aftur sem ég man og telur það orðið þó nokkuð mörg ár.

Í lokin þá velti ég því hins vegar fyrir mér í nafni hvers Atli Gíslason var að tala í Silfrinu? Var þetta Atli sjálfur, var hann að tala í nafni flokksins, eða var einhver af mörgum grímum Atla að blaðra stjórnlaust og án allrar ábyrgðar?

Góðar stundir.

Útrásarvíkingana á válista

Hvar er bréfið?

Ég vil endilega fá að sjá þetta bréf og hvað nákvæmlega er sagt í því.

Góðar stundir.

Segir fjölda starfa tapast

Það gengur bara svona helvíti vel

Rifjum upp síðustu fréttir af Icelandair Group.

Svona hljómaði frétt á mbl.is á síðasta ári.  Viðskipti | mbl.is | 12.10.2008 | 19:27

Tekjur Icelandair Group 72 milljarðar króna

Tekjur Icelandair Group námu 72 milljörðum króna fyrstu átta mánuði ársins sem er aukning um 68% frá sama tímabili í fyrra. Þetta kemur fram í tilkynningu frá Icelandair Group en félagið ákvað að senda frá sér tilkynningu um stöðu félagsins í ljósi óvenjulegra aðstæðna á fjármálamörkuðum. Um óendurskoðað uppgjör er að ræða. Rekstrarhagnaður (EBITDA) Icelandair Group nam 6,3 milljörðum króna sem er 43% aukning frá sama tímabili í fyrra.

 EBIT hagnaður er 3,9 milljarðar króna, sem er 58% aukning frá sama tíma í fyrra. EBT er 2,6 milljarðar króna, sem er 169% aukning frá sama tíma í fyrra. Handbært fé í lok ágúst er 6,7 milljarðar króna, að því er segir í  tilkynningu frá Icelandair Group. Ekki kemur fram í tilkynningunni hver afkoma félagsins er eftir skatta og fjármagnsgjöld, það er endanlegur hagnaður eftir fyrstu átta mánuði ársins.

Björgólfur Jóhannsson, forstjóri Icelandair Group, segir í tilkynningu:
„Rekstur félaga innan Icelandair Group hefur gengið vel á þessu ári. Tekjur hafa aukist verulega og afkoma batnað þrátt fyrir erfiðar ytri aðstæður, sem sýnir styrk og sveigjanleika félagsins. Sjóðstaða félagsins er góð og næsti stóri gjalddagi lána er í lok janúar 2009 vegna 2,5 milljarða króna skuldabréfs í eigu íslenskra aðila. Unnið er að fjármögnun vegna þess. Athygli er vakin á því að kaup félagsins á erlendum fyrirtækjum hafa ekki verið fjármögnuð með erlendum lántökum.

Við þær aðstæður sem nú hafa skapast á íslenskum hlutabréfamarkaði er rétt að leggja áherslu á fjölþættingu félagsins. Icelandair Group er alþjóðleg samstæða 12 dótturfélaga með rekstur um allan heim. Tekjur koma frá mörgum landsvæðum og frá ólíkum þjónustuþáttum og einungis um 25% af tekjum samstæðunnar eru í íslenskum krónum. Félagið á viðskipti í mörgum gjaldmiðlum en stærstur hluti veltunnar er í erlendri mynt; evrum, dollurum og tékkneskum krónum. Veikt gengi íslensku krónunnar hefur í heild jákvæð áhrif á gengismun félagsins. Þá hefur eldsneytisverð á heimsmarkaði farið lækkandi á síðustu vikum sem kemur vel við rekstur fyrirtækja félagsins.

Icelandair, stærsta fyrirtækið innan Icelandair Group,  nýtur þess nú að fyrr á árinu var gripið til umfangsmikilla hagræðingaraðgerða í áætlunarfluginu í ljósi minnkandi eftirspurnar og hækkandi eldsneytisverðs. Dregið var úr framboði um 15% og kostnaður í rekstri lækkaður. Á haustmánuðum hefur verið unnið að markaðssókn fyrir Ísland erlendis í ljósi gengislækkunar og enn frekar dregið úr framboði á heimamarkaði.

Rekstur Travel Service í Tékklandi, næst stærsta fyrirtækisins í samstæðunni, hefur gengið vonum framar á árinu. Travel Service hefur tekist að nýta sér sóknarfæri sem skapast hafa í kjölfar gjaldþrota félaga á leiguflugsmarkaði, og mun þannig fjölga um tvær flugvélar í flota sínum fyrir áramót. Sterk staða tékknesku krónunnar hefur einnig haft jákvæð áhrif á reksturinn.”

Er einhver að skilja þetta?

Góðar stundir.

7,5 milljarða tap á Icelandair Group

Þessa menn á að reka strax

úr starfi með skömm og láta þá endurgreiða kostnaðinn ef þetta er satt. Það má lesa það sem ég er að tala um hér.

Góðar stundir.

	Breytingartillögur til bóta
Ábyrgðarmaður færslu Tenging við þessa frétt hefur verið rofin vegna kvartana.

Kola hvar ertu núna?

Síðasta færsla var ekki út í bláinn ef einhver hefur haldið það.

Kola mætti koma með útskýringu á þessu, hún var í það minnsta ekki í vandræðum með svörin í síðustu færslu sjá hér.

Góðar stundir.

Borgin mismuni fyrirtækjum

Get ég skilað húsinu og bílnum?

Og í framhaldi af því fengið endurgreitt allt sem ég hef borgað af bæði húsinu og bílnum.

Góðar stundir.

Eimskip skilar 34 þúsund fermetra lóð

Hver fær svo reikninginn í hausinn?

Einhver hlýtur að vera ábyrgur fyrir þessu brottkasti, það er með öllu ólíðandi að Fiskistofa birti svona niðurstöður án þess að senda reikning fyrir þessu. Menn eru hiklaust dæmdir fyrir örfáa fiska, þetta er aðeins meira en örfáir fiskar og nú verður einhver að borga takk fyrir.

Það væri hæglegur vandi að finna út upphæðina á reikninginn þar sem dómar hafa fallið um nokkra fiska sem gefið var náðarsamlega líf aftur (veiða og sleppa) aðferðin... 

Svo er bara spurningin, hver á að fá reikninginn í hausinn?

En þar fyrir utan þá eru þessar tölur hlægilegar, brottkast er margfalt meira og það vita allir sem koma nálægt sjómennsku í dag.

Góðar stundir.

Brottkast þorsks jókst árið 2007