Hvað verður úr þessari lægð?

Nú ætla ég ekkert að gera lítið úr mætti fellibylja en ég velti því samt fyrir mér hvað verður úr þessum Ike. Sunnan 7 og skúrir, hver veit, ekki ég það eitt er víst? Fyrir skemmstu fór allt á annan endann í USA og fólki var hótað með vopnavaldi og það skyldi skotið eins og hundar á færi hlýddi það ekki yfirvöldum.

Ástæðan var einföld, hitabeltislægð á leiðinni sem hugsanlega yrði svona eða hinsegin fellibylur og fékk sæmdarheitið Hanna. Ekkert vantaði upp á hamfaraspár og frásagnargleði vitringanna. Fram fóru einhverjir þeir mestu hópflutningar á Hómó Sapiens frá upphafi og allt skilið eftir í drasli. Sem að sjálfsögðu fauk svo til andskotans þegar lægðin náði á endanum landi.

Eitthvað vantaði talsvert upp á vindstyrkinn sem spáð var og það blés hressilega úr Suðri með mis miklum skúrum. Er það bara ég, eða er farið að ala á ótta almennings við hressilegri golu? Þó það sé gott að hafa vaðið fyrir neðan sig (ef það væri fyrir ofan þá væri maður á hvolfi) þá má öllu ofgera. Er þetta ekki einfaldlega spurningin að byggja sér kofa eftir þeim aðstæðum sem eru í boði?

Góðar stundir.

Ike eflist á Karíbahafi

Algjörlega misheppnað grillpartý

Þrátt fyrir góðan vilja og velheppnaða íkveikju í grillinu þá vantaði aðalatriðið. Grillsteikin var hvergi sjáanleg á svæðinu enda töluverður tími síðan að hún hreinlega gaf frat í Íslendinga og synti til Noregs, einhverjir höfðu á orði að steikin hafi farið á baksundi með bílslöngu húkkaða á kvennakonfektið, djö.... dónaskapur þar sem nokkrar túristaskorur urðu fyrir alvarlegri röskun á einhverri blygðun á flugleiðinni Ísland - Norge.

Orðið á götunni segir að gríðarleg aukning hafi orðið á túristaskorum sem flykktust í flugferðir milli landanna meðan á sundinu stóð....

Þetta var náttúrulega afleitur afleikur hjá þessari annars efnilegu grillsteik það sem Nojararnir eru í eðli sínu hundleiðinlegir og húmorslausir með öllu, þannig varð sjálfsmorð óumflýjanlegt vegna grautfúlla Nojara og slangan góða löngu sprungin.... 

Þeir hefðu nú í það minnsta getað fært ræflinum nýja slöngu....

Góðar stundir.

Eldur logaði í Keikókvínni

Það verður að passa hvað maður segir.

Agnes er kjarnyrt kona og er ekkert að skafa utan af hlutunum og hún hittir naglann oft þráðbeint á höfuðið. Auðvitað eru margir sem þola svoleiðis kellur hreint ekki og þær skulu þaggaðar niður með öllum ráðum.

Ekki veit ég hvað gerðist en var Agnes ekki send í frí og sjálfsagt sjáum við hana ekki oftar á mogganum. Það er slæmt mál því hún virðist vera sú eina sem þorir að gera eitthvað og benda á hróplegt óréttlæti og stórfellt svindl og svínarí í íslenskum sjávarútvegi.

Ekki trúi ég því að hundfúli hrokagikkurinn frá Vestmannaeyjum hafi orðið svona auðmjúkur og viðkvæmur við það eitt að liggja í lúxusrúmi þegar hann tók út sína smánar refsingu fyrir þjófnað á almannafé. En auðvitað er það einfaldast að slökkva á þeim sem benda á misgjörðir gróðapunganna, frekar en taka til og losa þjóðina undan þessum meinum sem eru að sölsa undir sig sameign þjóðarinnar sem svo oft er kallað stærsta rán Íslandssögunnar.

Það er sem sagt best að passa hvað maður segir framvegis svo tölvan verði ekki tekinn af mér.

Góðar stundir.

Agnesi Bragadóttur stefnt fyrir meiðyrði

Sjáið nýjasta leikfang dýra og umhverfissinna

Þessir blessuðu hvala og dýraknúsarar geta leikið sér með þetta á meðan við hin búum til hamborgara og eðalsteikur úr kvikindunum sem synda í sjónum. Hafið hljóðið á.

Vélknúinn Höfrungur, flest dettur mönnum í hug. Eru Andanefjurnar á Akureyrarpolli kannski vélknúnar og allt heila sjóið trix til að trekkja að túrista?

Góðar stundir. 

Hlíð í Lóni er ekki skammt frá

Hvalsnesi. Hlíð er nánast í mið Lóni og er bærinn Stafafell næstur fyrir vestan Hlíð og bærinn Reyðará er næstur fyrir austan Hlíð. Hvalsnes er svo aftur austast í Lóni, það mætti svo sem segja að Hvalsnes sé skammt frá ef við horfum á landið í heild sinni, en það er nokkrir bæir þarna á milli og Lónið er frekar strjálbíl sveit.

Til allra hamingju sluppu allir án teljandi meiðsla.

 

 

 

 

 

Myndin er af Stafafelli

Góðar stundir.

Sluppu með skrekkinn

Það er að birta til á Breiðdalsvík.

Allar lýkur eru á því að þrælkunarbúðunum Kaffi Margrét verði lokað á næstunni og starfsemi búðanna hætt í það minnsta í þeirri mynd sem verið hefur.

Fossvík er að hætta starfsemi og lýkur þá væntanlega einokun og endalausu sukki með byggðakvóta sveitarfélagsins. Sá meira hér.

Nýir og að sögn fjársterkir aðilar hefja fiskvinnslu í húseignum byggðarstofnunnar sem Fossvík var með á leigu áður, en lauk á dramatískan hátt svo vægt sé til orða tekið.

Á Breiðdalsvík var opnað jarðfræðisetur 23. Ágúst síðastliðinn. Sjá allt um það hér.

Já það er að birta til í Breiðdalnum.

Góðar stundir. 

Líkir vinnu í veitingahúsi við fangelsisvist

Það eru Indíánar í öllum stéttum.

Flestar ef ekki allar stéttir hafa innan sinna raða Indíána og mis geðheilan mannskap. Til dæmis þessi hér og tilheyrir hann þessari stétt. Alkunna er hvernig sumir skipstjórar eru, geðs og sjálfstjórn sumra þeirra er hreinlega ekki til staðar. Nú Alþingi hefur innan sinna raða landsfrægan geðvonskuhund og boxara. Það fréttist að Hafró færi að fyrirmynd Alþingis og hefði einnig boxara á sínum snærum... Innan veitingargeirans eru menn misgóðir í sjálfsstjórn, samber vertinn landsfræga á Kaffi Margrét í Breiðdalsvík.

Nú staðhæfi ég ekkert en innan fjármála og bankageirans hljóta einhverjir að hafa verið afgreiddir með nokkrum SW 17 að sjómannasið eins og hundfúli Vestmannaeyingurinn kallaði það. Byggingargeirann þekki ég lítið til en lýkur má leiða að því að þeir eigi líka mis geðheila Indíána. Svona má örugglega telja upp í öllum stéttum, ég bara nenni því ekki....

Góðar stundir.

Er landsamband Íslenskra

Útvegsmanna að koma sér út úr húsi hjá Norðmönnum? Fyrir mína parta þá vona ég svo sannarlega að Norsk stjórnvöld fari að óskum Norskra útgerðarmanna. Ég hef áður tjáð mig um þessar veiðar á Makríl og hef aldrei vilja kalla þetta neitt annað en sjóræningjaveiðar.

Friðrik J Arngrímsson hlýtur að vera stoltur af verkum sínum, það er tímabært að sparkað sé í afturendann á Líú sem komist hefur upp með að hneppa Íslenska sjómenn og fiskverkunarfólk í þrælkun sér til handa og sölsa undir sig sameign þjóðarinnar með hótunum, andlegu ofbeldi, frekju og yfirgangi sem hvergi nokkur staðar á byggðu bóli væri liðinn.

 

es. Myndin farinn eins og talað var um og bloggsíðan lýtur mikið betur út...

Góðar stundir.

Vilja banna innflutning á mjöli og lýsi frá Íslandi

Geir Haarde hvatti til þess í dag

að almenningur framleiddi meira. Þetta er framleiðsla, kannski ekki alveg það sem ætlast er til en hvað á að gera?

Ekki megum við nota sjávarauðlindina til að auka framleiðslu, það má ekkert virkja fyrir einhverjum andskotans kaffihúsalopapeysu umhverfissinnum.

Okkur eru flestar bjargir bannaðar og ekki fæst fjármagn til nýsköpunar af neinu tagi á vitrænum kjörum. Hvað á að gera, ekki geta allir verið í því greiða, klippa og snyrta hvert annað?

Fyrirtæki hvert á fætur öðru að segja upp fólki í stórum stíl, það blæs hreint ekki byrlega fyrir okkur þessa dagana...

Góðar stundir.

Kannabisræktun í miðborginni

Stórmerkilegar uppgötvanir

vísindaelítunnar ríða ekki við einteyming sjá hér. Skemmst er þess að mynnast þegar vísindaelítan áttaði sig á því að þorskurinn hefði sporð og væri býsna duglegur við að nota hann. Þorskur sem merktur var á Mýrabug vestan Hornafjarðar synti hreinlega Norður fyrir land og hrygndi þar... Máttur vísindanna er frábær og dásamlegt að það taki elítuna ekki nema rúmlega hálfa öld að átta sig á því að þorskurinn noti sporðinn og teljist því án efa flökkustofn sjá hér.

Ég vil frekar orða það þannig að Íslenskir sjómenn ættu allir að ýta úr vör og veiða úr þessum flökkustofni áður en hann hverfur á vit ævintýranna í öðrum fiskveiðilögsögum. Það stóð ekkert í Líú mafíunni að veiða hver sem betur gat úr því sem þeir kölluðu flökkustofn Makrílinn þótt svo að sá stofn sé kvótasett tegund og Norður- Atlandshafsfiskveiðiráðið ákveður kvótann í samráði við strandríki flest nema Íslendinga. 

Góðar stundir.