Flottur árangur, þetta er alveg að koma strákar !!!!

Er ekki búið að vera með stórfelldan niðurskurð í fiskveiðum í áraraðir til þess að við getum veitt meira seinna?

Árangurinn er frekar rýr, ég handviss um að margir eru mér sammála um það...

Hvenær og er einhver von til þess að við fáum sjávarútvegsráðherra sem þorir að standa í lappirnar og gera það sem þarf að gera?

Það er að stórauka veiðar á flestum tegundum en láta ætið í friði, þar er ég að tala um loðnu fyrst og fremst.

Góðar stundir.

Slakur árgangur þorsks og ýsu

Athugasemdir

[Haraldur Bjarnason, 5.11.2009 kl. 11:42]

Seiðin eru æti fyfir sársvangan þorskinn í dag. Sífelldar skyndilokanir, sem eru orðnar hátt í 200 á þessu ári, benda til þess að mjög mikið sé af þorski sem ekki nær máli. Það er hins vegar aldrei kannað hve gamall sá þorskur er. Það var síðast gert af Jóni Kristjánssyni í Breiðafirði 1995 og þá komst hann að því að smáþorskur í lokunarhólfum var 5-10 ára gamall. Hann stækkar ekki á meðan hann hefur æti og eina ráðið fyrir hann er að éta undan sér.

[Gunnar Th. Gunnarsson, 5.11.2009 kl. 12:55]

Þegar ég var á sjó, ´89-´98, þá komu reglulega "inspectorar" frá Hafró/varðskipum um borð og mældu og vógu þorskinn, ásamt því að taka kvarnasýni til aldursgreiningar og mig minnir að það hafi nú verið líka eftir ´95.

En ertu að segja að þeir séu hættir þessu í dag, Haraldur?

[Sölvi Arnar Arnórsson, 5.11.2009 kl. 13:13]

það er enn ein svarta niðurstaðan hjá Hafró, eins og er búið að vera síðustu 26 árin.

Ætli þeir séu með sömu reikniformúluna, þegar að þeir reiknuðu það út fyrir nokkrum áratugum síðan, að það væri 40 tonn rækju eftir í Ísafjarðardjúpi. Árið eftir þennan útreikning var veitt 2800 tonn, og svipað magn í mörg ár eftir það.

Ástæðan fyrir lítilli rækju undanfarin ár er einfaldlega sú að það er alltof mikil fiskgengd í Ísafjarðardjúpi. Þannig verður það áfram, þegar ekki má veiða fisk sem nóg er af.