Ég á alþingi

Nei ekki í þetta skiptið þar sem 12 þingmenn eru ekki í boði í Norðaustur kjördæmi, ef svo væri þá væri ég klárlega á leiðinni á þing, ekki spurning....

Eina spurningin í þessu er hvort alþingi sé tilbúið fyrir mig, ég hefði svolítið gaman af því að sjá framan í steinrunnin andlitin á þessum pempíum sem þarna sitja þegar jómfrúarræðan mín rynni út úr þverrifunni á mér hugljúf, vönduð en samt hæfilega skreytt með nokkrum af vinsælustu orðtökum íslenskrar tungu...

Ásta Hafberg Sigmundsdóttir er flottur fulltrúi Frjálslynda flokksins í Norðausturkjördæmi, ég hef tröllatrú á henni þarna er á ferðinni ung og víðsýn kona sem vil í alvörunni að þegnar þessa lands búi við heilbrigt lýðræði og réttlæti,þá meina ég fyrir alla ekki bara nokkra útvalda.

Góðar stundir.

Ásta Hafberg í 1. sæti hjá Frjálslynda flokknum

Athugasemdir

[Óskar Helgi Helgason (IP-tala skráð) 20.3.2009 kl. 22:51]

Heill og sæll; Hallgrímur minn !

Efast ekki um; eiginleika Ástu Hafberg, sverji hún sig, í raðir sjóhunda- og þungavigtarsveitar FF, þó svo, ekki hefði verið lakara, að sjá þig einnig innanborðs, í brýnum tiltektum, í steinkumbaldanum, við Austurvöll; þeirra Reykvízku.

Með beztu kveðjum; norður yfir heiðar /

Óskar Helgi Helgason 

[Hallgrímur Guðmundsson, 20.3.2009 kl. 23:00]

Sæll Óskar ég hef því miður nákvæmlega engan tíma í þessi mál núna, ég er að starta búð sem er búin að vera hugarfóstur mitt síðan í desember og hún verður opnuð á miðvikudaginn.

[Óskar Helgi Helgason (IP-tala skráð) 20.3.2009 kl. 23:05]

Sæll; á ný, Hallgrímur !

Gangi ykkur vel, með þá ágætu verzlun !

Með beztu kveðjum; á ný /

Óskar Helgi Helgason

[Sverrir Einarsson, 21.3.2009 kl. 23:10]

Er  ekki miðvikudagur til mæðu. Er ekki hægt að dunda við að fægja og pússa glerið í borðinu fram á föstudag?

Hvað á það annars að þíða að setja Liverpool leikinn á sama dag og tíma og landsleikurinn í handbolta er við Eistlendinga? Vita menn ekki að ég á bara 1 sjónvarp. En þetta blessast allt, bróðir hrindi í mig og ég verð að raða í mig hóflega miklu magni af tertum í afmælinu hans á morgun (sunnudag).

Skil ekki hvað er að þessu liði sem sér um að raða upp Liverpool leikjunum, að geta gert svona regin feil.