Hetjur hafsins og stríðsmenn þjóðarinnar

Það er hreint ekki fyrir alla að stunda sjóinn og margt sem kemur upp á gæti valdið skelfingu og furðulegum viðbrögðum þeirra sem ekki eru vanir þessu slarki.

Sumir eru bara þannig að þeir verða skíthræddir þegar öldur hafsins byrja að berja á síðustokkunum og skipin hendast upp og niður með tilheyrandi sveiflum á bæði borð.

Þetta líf er hreinlega ekki fyrir allan enda ef svo væri þá væru mikið fleiri sjómenn á Íslandi en raunin er. Þetta er þó með því magnaðra sem ég hef lesið lengi um áhöfn skips, það þarf ekki að koma á óvart að þeir sem ekki eru vanir okkar aðstæðum verði hálf smeykir og telja þurfi í þá kjark.

Hér fyrir neðan er smá sýnishorn af því hvernig þetta getur verið, trúið mér þetta getur verið mikið verra en þetta.

 

Góðar stundir.

Athugasemdir

[Gamlingi (IP-tala skráð) 2.3.2009 kl. 09:17]

 Þetta er líklega myndað þegar skipið hét Smáey VE og ekki sér maður betur en þarna sé það að sigla inn í höfnina í Heimaey. Manni fannst fyrst að þetta væri sjólagið utan við Grindavík, en svo er greinilega ekki.  Já, það er ekki heiglum hent að sækja gull í greipar Ægis hér á Íslandsmiðum. Það eru bara því miður of fáir, sem gera sér grein fyrir því hvað fiskimennirnir okkar eru að leggja á sig til að afla okkur þess gjaldeyris, sem hefur byggt upp þetta þjóðfélag og þorparar og ómenni hafa svo sólundað arðinum af striti þessara sönnu hetja okkar. Megi þeir þorparar, sem hafa sólundað fé og eyðilagt mannorð þessarar litlu þjóðar aldrei þrífast.

[Hallgrímur Guðmundsson, 2.3.2009 kl. 20:15]

Mikið rétt þetta er gamla Smáey VE nú Sigurður Lárusson SH. Þeir eru að koma siglandi austur í gegnum Faxasund á lið til hafnar í Vestmannaeyjum með tilheyrandi daldranda. Ef mér skjátlast ekki þá er myndbandið tekið um borð í Drangavík VE. Það gæti þó verið að þetta sé tekið um borð í einhverju öðru skipi í eigu Magga Kristins, ég hef aldrei séð þau live þannig að mér verður vonandi fyrirgefið ef þetta er ekki rétt ágiskun.

Takið eftir því hvað myndatökumaðurinn er einstaklega stöðugur í þessu látum, það eru svipaður gauragangur um borð í bátnum sem myndbandið er tekið.

Ég gleymi því seint þegar frúin mín kom fyrst með mér á sjó, þið eruð snarklikkaðir sagði hún og einhver fleiri fín lýsingarorð fylgdu með þegar við vorum komnir á stað með stampi, hliðarslengingi og ýmsu fleira sem tilheyrir upphófst. Að sjálfsögðu fannst okkur sæhundunum þetta með minnsta móti enda ágætis veður að okkar mati en frúin hafði allt aðra skoðun á því.

[Víðir Benediktsson, 2.3.2009 kl. 23:35]

Tek undir með frúnni. Þetta er bara klikkun. Sem betur fer er maður hættur þessu rugli. Nú er bara róið í logni.